القناة الثالثة لاستراتيجية خبرتي

السلام عليكم

اولا اشكر دكتور جمال على تعبه فى استراتيجية خبرتي الاكثر من مربحة واستاذن منه بان اضع هذه الفكرة البسيطة والمفيدة هنا وهى تطوير للطريقة وليست اساسية
وانا عملت موضوع خاص لها ولم اضعه فى الموضوع الاساسي بناء على طلب اعضاء ورشة خبرتي بعدم التشتيت وان الى عنده فكرة يضعها فى موضوع لوحده . وحفاظا على ثبات الورشة الاساسية وعدم التشتيت بين الموضوعين فسوف اضع فقط الفكرة ولن اتابعها يوميا .

واحقاقا للحق ان هذه الفكرة جاتلي من حوالي 3 شهور ولكن لم اعمل عليها واعتمدها الا لما لقيت 2 من الاخوان المحترمين بيكلموني عليها وهما وبارك الله فيهم

دولارتي و amr eltabei

بالنسبة للطريقة هي رسم قناة ثالثة على 3 ايام سابقة اى يوم قبل القناة الزرقاء ونخليها شفافة عشان منتوهش فى الالوان وانا بعملها عن نفسي صفراء وسنري الان مدى احترام السعر لها لانها فى اول والاخر فهى قناة سعرية ولكن لفترة اكثر من يومين وممكن رسمها ايضا على 4 ساعات والديلي ايضا

بالنسبة لصفقة اليوم 11/7/20100

1-بالرغم من ان السعر جاب 80 % من القناة الزرقاء وكان هناك سلوك سعري شراء ولكن السعر مرارا وتكرارا لما يستطيع كسر حد القناة المتوسط للقناة الثالثة كما بالصورة واكمل للاسفل

2- حنلاحظ ان فى طريقة الرينج السعر عمل 150 نقطة وقفل تحت الرينج+ لم يستطيع كسر القناة الثالثة ولذلك كان هذا الشراء المثالي

http://upload.traidnt.net/upfiles/8FW19460.gif

وهنااك صور اخري بالمرفقات لايام متعددة وعلى 3 عملات كيبل ..ويورو \ ين.. ويورو \فرنك

واتمنى اكون فدت حد
وبالتوفيق للجميع

==============================

اخر ملخص وتطويرات استراتيجية القناة الثالثة

التحديث قبل الاخير بالقنوات الثلاثة

شكرا جزيلا أخ معطي فعلا جربت الطريقه هذه بالصدفه

وفعلا كان السعر يحترم القناة خاصة في الكيبل

يعطيك الف عافية على الطرح

تعرف ان نفس الفكره بالملى جات فى دماغى و اتكلمت مع دكتور جمال فيها :)

و قالى انا جربت قناتين بس
جرب انت 3 و قولى رايك :))

اقتباس:

---

المشاركة الأصلية كتبت بواسطة داليـــا

شكرا جزيلا أخ معطي فعلا جربت الطريقه هذه بالصدفه

وفعلا كان السعر يحترم القناة خاصة في الكيبل

يعطيك الف عافية على الطرح

---

يشرفني مرورك بموضوعي اختى المحترمة داليا
وفعلا السعر يحترمها جدا

فكره ممتازه يا احمد

اقتباس:

---

المشاركة الأصلية كتبت بواسطة مصطفى خالد

تعرف ان نفس الفكره بالملى جات فى دماغى و اتكلمت مع دكتور جمال فيها :)

و قالى انا جربت قناتين بس
جرب انت 3 و قولى رايك :))

---

يشرفني مرورك اخي المحترم مصطفى
ووالله مبسوط جدا ان في ناس فكرت فيها بالعكس هناك ناس شغالين بيها منهم انا
مع العلم اني شغال بيها بقالي حوالى 20 يوم حتى الان وفادتني فوق ما تتخيل يامصطفي والله
بالتوفيق للجميع

اقتباس:

---

المشاركة الأصلية كتبت بواسطة ahmed5

فكره ممتازه يا احمد

---

يشرفني مرورك اخي المحترم احمد
وشكرا لذوقك ياباشا

لا انا مجربتهاش كتير عشان لقتي الشارت بقه زحمه اوى
كفايه قناتين اكتر من كده عينيا وجعتنى :)

بس نجربها و نشوف

اقتباس:

---

المشاركة الأصلية كتبت بواسطة مصطفى خالد

لا انا مجربتهاش كتير عشان لقتي الشارت بقه زحمه اوى
كفايه قناتين اكتر من كده عينيا وجعتنى :)

بس نجربها و نشوف

---

ههههههه ولا يهمك ياقمر عامة خليها بس شفافة بحيث انها تظهر القناة ترندات فقط وحتبقا تمام
وبالتوفيق ان شاء الله

بارك الله فيك أخي معطي ,

شكرا جزيلا لك لمشاركتنا هذا الطرح المفيد

مش شايف انها مجدية قوي يعني
في الصور اللي انت حاططها و مركز على ان السعر احترم الحد السفلي للقناة بيكون طالع نازل زي المنشار عالحد الأوسط و صورة تانية بتوضح احترامه للحد الأوسط
ايه المعيار ؟؟

اقتباس:

---

المشاركة الأصلية كتبت بواسطة رانيا وجدي

بارك الله فيك أخي معطي ,

شكرا جزيلا لك لمشاركتنا هذا الطرح المفيد

---

شكرا لكي اختى المحترمة رانيا
ويشرفني مرورك الكريم

اقتباس:

---

المشاركة الأصلية كتبت بواسطة mr pirate

مش شايف انها مجدية قوي يعني
في الصور اللي انت حاططها و مركز على ان السعر احترم الحد السفلي للقناة بيكون طالع نازل زي المنشار عالحد الأوسط و صورة تانية بتوضح احترامه للحد الأوسط
ايه المعيار ؟؟

---

ازيك ياباشا عامل ايه ياقمر
احترم رايك طبعا ولكن اختلف معك فهى مجدية ومجدية جدا وعن تجربة والا لم اكن ساضعها
والمعيار انها تعمل مثل القناتين الثابتين لدينا فى الطريقة ان هناك 3 خطوط علوي ووسط وسفلي وبناخدهم فى اعتبارنا عند العمل على القناتين الثابتين
وايضا ممكن تضع عندهم الهدف ووتتوقع الارتداد منهم
ومثل ما شوفت اليوم هو حمانا من الشراء من داخل القناة الزرقاء لانه كل مرة يلمس الخط الاوسط للزرقاء ويرد
وعامة ياريت بس تجربها كام يوم وبعدها قرر اذا كانت مجدية ام لا

اقتباس:

---

المشاركة الأصلية كتبت بواسطة mo3ty2002

ههههههه ولا يهمك ياقمر عامة خليها بس شفافة بحيث انها تظهر القناة ترندات فقط وحتبقا تمام
وبالتوفيق ان شاء الله

---

عملتها شفافه واختفت من الشارت وعملتها ملونه واختفت ايضا مش عارف ليش ممكن لان القنوات بتترسم عندي تمتكلي

اقتباس:

---

المشاركة الأصلية كتبت بواسطة ساري الليل

عملتها شفافه واختفت من الشارت وعملتها ملونه واختفت ايضا مش عارف ليش ممكن لان القنوات بتترسم عندي تمتكلي

---

ازيك حضرتك ياباشا
المشكلة الى عندك ده لان حضرتك مركب مؤشر القنوات الاوتوماتيك للاخ المحترم كينجو
فلازم تشتغل القنوات الثلاثة يدوي عشان تثبت معك باذن الله
وانا مضطر اروح انام دلوقتي واكتبوا استفسارتكم وانا حرد عليها بكرة باذن الله تعالى
تصبحوا على خير واسعدني مروركم