القناة الثالثة لاستراتيجية خبرتي

Printable View

عرض 15 مشاركات من هذا الموضوع لكل صفحة

11-09-2011, 01:44 PM
ma7mod3

طيب يا اخ معطي انا عندي مشكلة فيها
انا دايما بادخل بعشر اللوت مش باللوت كله وبذلك مردود الاستراتيجية من النقاط بيبقي عالي ولكن قيمتها بتكون قليلة لأني اخاف ادخل مع الاتجاه باللوت كامل يعكس عليا وفي الحالة دي مش هقدر اعزز خالص لاني هكون داخل بقيمة اللوت كله
ودي مشكلة بتقابلني مش عارف احلها ازاي
...كمان اخاف ما ادخلش الا على الفرص المضمونة بنسبة تقارب ال 100 في المية زي كسر قناتين ما تتوفرش الفرص دي في الاسبوع مثلا
يعني يا اخ معطي انا اعرف كيفية الدخول والخروج جيدا وادارة راس المال فيها
بس مش عارف فين المشكلة

الحاجة الاخيرة
ماهي القوة اللي تضيفها القناة الثالتة على الاستراتيحية ؟
وهل تستخدم نقاط وقف ولا انت مش حاطط اضافات غير القناة الثالثة فقط ؟
11-09-2011, 04:58 PM
ma7mod3

سلام عليكم اخ معطي اجازة سعيدة ان شاء الله وبعد...
طيب انا قريت حوالي 20 صفحة من موضوعك ولاقيت ان حضرتك بتستخدم ستوب وطالما بتستخدم ستوب وما فيش تعزيز يبقي ادارة راس مالك مختلفة وانا عايز افهم بتدير عقودك ازاي ؟
والاستوب مثلا لو حطيناه فوق فايبو بكم نقطة والاستوب انضرب هل هادخل شراء فقط عشان كسر فوق الفايبو بدون اي اشارات قوية ؟
ثانيا حضرتك خلاص ما بتستخدمش الباوند ؟ يعني حضرتك قلت ان الباوند ما بتحبوش وبيتذبذب كتير وافضل استخدام له هو التعزيز يبقي كدا الباوند كارت احمر ؟ كمان حضرتك ما بتحبش اليورو يبقي اليورو كارت احمر ؟
يتبقى لينا القطر والتوكتوك طبعا مش ها نستخدم معاهم الرينج خالص ؟
تقبل ودي واحترامي
11-09-2011, 05:05 PM
ma7mod3

معلش يا اخ معطي كمان
ياريت تشرحلنا كيفية وضع الاستوب مع ادارة راس المال بالتفصيل وشكرا
11-09-2011, 05:20 PM
Mo3Ty

السلام عليكم
اسف على التاخير فاحنا فى اجازة وقولت اريح نفسي شوية من الكومبيوتر
وجارى الاجابة على استفسارتكم كلها ان شاء الله الان
11-09-2011, 05:35 PM
Mo3Ty

اقتباس:

المشاركة الأصلية كتبت بواسطة engineer ahmed

يا استاذ معطي انت بتحط استوب كام نقطه و هدف كام نقطه؟
والنقطه تمثل كام لو معاك 1000 $ ؟

اهلا بيك يا بشمهندس منور الموضوع
بالنسبة لقصة الستوب والهدف انا كنت عامل موضوع منذ فترة عليه فباختصار ليس هناك فى الفوركس شئ اسمه ستوب كام وهدف كام فالفوركس متغير ولازم تكون متغيرين معاه ومع احترامي للكل الى تلاقيه كاتب مثلا ستوب 30 وهدف 50 فى كل صفقة فهذا ليس علمي وليس صحيح
الستوب والهدف الصحيح هو الذي يضع فوق مقاومات ودعوم وبيضع بحيث انه لو اتكسر فالسعر غير اتجاهه وهنا ممكن ندخل باوردر جديد عكس الاتجاه الاول
فباختصار اكثر اهدافي ليست ثابتة ولا ستوباتي فساعات بشتغل سكالبنج بين خطوط الفيبو داخل القنوات وساعات بشتغل باهداف كبيرة فوق 70 نقطة اذا كان السعر قدامه الدنيا فاضية لا يوجد دعوم ولا مقاومات كما انه يوجد سلوك سعري يدل على استمرار الاتجاه من عدمه + هل يوجد اخبار تدعم الاتجاه ام لا
وبالنسبة للستوب حتلاقيني دائما فى اوردراتي هنا بضع الستوب تحت فيبو 38 لو انا شارى او فوق فيبو 61 لو انا بايع لانه بكسرهم يكون غير الاتجاه مع الاهتمام بمكان القنوات فلو هناك قناة قريبة من خط الفيبو فممكن نرفع الستوب ليه كمان لانه ممكن يكسر الفيبو ويوصل للقناة ويعمل ذيل شمعة وينزل تاني يجيب الهدف
وعامة ستوباتي لا تزيد عن من 50 الى 70 نقطة لان الفرق اصلا بين فيبو 38 و 61 بيكون بالكتير اوي 35 نقطة والباقي ده عشان لو حد قناة قريب

يكفي اني اقولك ان لله الحمد تم الدخول هذا الاسبوع 12 اوردر لم يضرب فيه ستوب واحد مع العلم ان جت عليا فرص سكالبنج كنت حاطت الهدف 12 نقطة وستوب 50 ولكن لم اضعها هنا فى المنتدى لان كان فيها مخاطرة كبيرة طبعا والاغلبية هنا مبتدئ فى الموضوع وانا مشعايز حد يتشتت معايا لما الناس تبقا فهمت الطريقة اكثر ممكن اتابع معاكم شوية شقاوة فى النص وللعلم الشقاوة ده هى الى بتعلي الحساب ( والدخول مدروس)
والستوب بيبقا كبير طبعا بالنسبة للهدف ولكن لو ضرب الستوب فيها حيكون الدخول المعاكس ونعوض الخسائر بمكاسب
بالنسبة للدخول بدخل النقطة بدولار مع ادارة راس مال من 5 الى 7% لكل اوردر ولا ادخل اكثر من صفقتين فى نفس الوقت فلو امامي اكثر من صفقتين باختار افضل 2 فيهم بس وبدخلهم

اسف على الاطالة واى استفسار انا معاك
11-09-2011, 05:44 PM
Mo3Ty

اقتباس:

المشاركة الأصلية كتبت بواسطة جلال العراقي

ياريت تلخص لي طريقتك بالدخول بصوره مبسطة حتى لا أثقل عليك حبيبي

وشكر من القلب ودعائي لك ولوالديك ولكل صاحب بصمة خير

شكرا لدعائك هذا الى طالبه منكم والله فقط

باختصار الدخول مع كسر قناة+ فيبو
بعتمد على 2 فيبو 38 و61
اذا تم كسر قناة لاعلى + فيبو 61 يتم الدخول شراء . لو تم كسر قناة لاعلى ولم يتم كسر فيبو 61 لا يتم الدخول
اذا تم كسر قناة لاسفل + فيبو 38 يتم الدخول بيع . لو تم كسر قناة لاسفل + لا يتم كسر فيبو 38 لا يتم الدخول
الاهداف والستوب تكون عند خطوط صفر او عند خطوط الفيبو مع مراعاة هذه الخطوط بقوة فى العمل فعند كسرها + قناة بيحصل ترند قوي فى نفس الاتجاه
مراعاه ضبط النفس والهدوء+ الاتجاه العام+ الاخبار ( خاصة يوم برنانكي وتريشيه )

طبعا ده جزء صغير من الدخول لان فيه لعب مع السوق فى النص وده مشحيجي الا بالخبرة باذن الله
فاكرر واكرر واكرر السوق الى شغالين فيه متغير واحنا بنتغير معاه
فرجاء مراجعة الصفحات الاخيرة على الاقل اخر 10 صفحات وحتفهم الدنيا اكثر
ورجاء قراءة هذه المشاركة ليوم الجمعة فهو تحليلي ل 5 ازواج
https://forum.arabictrader.com/t1255...ml#post2175207

واى استفسار انا معاك
11-09-2011, 05:47 PM
Mo3Ty

اقتباس:

المشاركة الأصلية كتبت بواسطة جلال العراقي

اعتقد تم تعديل مؤشر حماده سلام

والله يا اخي جلال زى ما قولتلك انا مشغال بمؤشر حمادة اصلا فمشحقدر افيدك فى النقطة ده
التمبلت الى حضرتك مركبه ده ملك استاذي الكبير عمرو التابعي فانت اساله وهو مشحيتاخر عليك
11-09-2011, 05:49 PM
Mo3Ty

اقتباس:

المشاركة الأصلية كتبت بواسطة جلال العراقي

سؤال ثاني ارجو التوضيح
القنوات الثلاثة ثابتة أم متحركه مع السعر

القنوات ثابتة فى وسط اليوم
تتغير فقط كع بداية كل يوم جديد لان كل قناة بتترسم على يوم سابق
ولذلك وكما انا كاتب فى المشاركات السابقة يفضل عدم الدخول فى اى اوردر جديد مهما كانت المغريات بعد الساعة6 ليلا بتوقيت مصر لان السعر حيبدا ينام وحنقرب لبداية اليوم الجديد والى كنا شايفينه شراء ممكن نشوفه بيع
11-09-2011, 05:53 PM
Mo3Ty

اقتباس:

المشاركة الأصلية كتبت بواسطة متعلم 1

ثابتة لانها بتترسم على شموع اغلقت بالفعل
واصل الاستراتيجية كانت قناة واحدة على فريم النص ساعة
وكان اسمها استراتيجية قناة الانكسار وتم التطوير

شكرا على الاجابة الدقيقة اخي المحترم متعلم وانت مشمتعلم ده انت استاذ ومنور الموضوع
وبالنسبة لاستراتيجة قناة الانكسار الصراحة اول مرة اسمع عنها كل الى اعرفوا طريقة خبرتي لدكتور جمال المحترم
فياريت لو حضرتك كنت متابع قناة الانكسار وعندك اضافات تفيدنا فى الموضوع هنا تقولنا عليها

تقبل تحياتي
11-09-2011, 05:54 PM
Mo3Ty

اقتباس:

المشاركة الأصلية كتبت بواسطة spidy

أهنيك أخي معطي ع الإضافة الجميلة
جاري التجربة بداية الاسبوع بإذن الله

تسلم اخي الكريم سبيدي
ويشرفني والله متابعتك معانا
11-09-2011, 05:57 PM
Mo3Ty

اقتباس:

المشاركة الأصلية كتبت بواسطة ma7mod3

طيب يا اخ معطي انا عندي مشكلة فيها
انا دايما بادخل بعشر اللوت مش باللوت كله وبذلك مردود الاستراتيجية من النقاط بيبقي عالي ولكن قيمتها بتكون قليلة لأني اخاف ادخل مع الاتجاه باللوت كامل يعكس عليا وفي الحالة دي مش هقدر اعزز خالص لاني هكون داخل بقيمة اللوت كله
ودي مشكلة بتقابلني مش عارف احلها ازاي
...كمان اخاف ما ادخلش الا على الفرص المضمونة بنسبة تقارب ال 100 في المية زي كسر قناتين ما تتوفرش الفرص دي في الاسبوع مثلا
يعني يا اخ معطي انا اعرف كيفية الدخول والخروج جيدا وادارة راس المال فيها
بس مش عارف فين المشكلة

الحاجة الاخيرة
ماهي القوة اللي تضيفها القناة الثالتة على الاستراتيحية ؟
وهل تستخدم نقاط وقف ولا انت مش حاطط اضافات غير القناة الثالثة فقط ؟

اهلا بيك يا محمود منور الموضوع
واضح انك مقريتش اخر المشاركات كويس رجاء قراءة حوالي اخر 20 صفحة
انا شغال بستوب وليس تعزيز + الاضافات ليست قناة الثالثة لوحدها

بالنسبة لدخول القليل للوت فالصراحة ده حاجة مشبايدي اقدر افيدك فيها
هو بس خوف منك شوية ولكن مع الوقت حتاخد ثقة فى نفسك اكثر وتدخل بلوت اعلى جربها بس ديمو لفترة كبيرة
ومدام حتمشي بادارة راس مال يبقا متقلقش من اى حاجة
11-09-2011, 06:00 PM
Mo3Ty

اقتباس:

المشاركة الأصلية كتبت بواسطة ma7mod3

سلام عليكم اخ معطي اجازة سعيدة ان شاء الله وبعد...
طيب انا قريت حوالي 20 صفحة من موضوعك ولاقيت ان حضرتك بتستخدم ستوب وطالما بتستخدم ستوب وما فيش تعزيز يبقي ادارة راس مالك مختلفة وانا عايز افهم بتدير عقودك ازاي ؟
والاستوب مثلا لو حطيناه فوق فايبو بكم نقطة والاستوب انضرب هل هادخل شراء فقط عشان كسر فوق الفايبو بدون اي اشارات قوية ؟
ثانيا حضرتك خلاص ما بتستخدمش الباوند ؟ يعني حضرتك قلت ان الباوند ما بتحبوش وبيتذبذب كتير وافضل استخدام له هو التعزيز يبقي كدا الباوند كارت احمر ؟ كمان حضرتك ما بتحبش اليورو يبقي اليورو كارت احمر ؟
يتبقى لينا القطر والتوكتوك طبعا مش ها نستخدم معاهم الرينج خالص ؟
تقبل ودي واحترامي

يا محمود باين عليك قريت اول 20 صفحة وليس اخر صفحة 20 صفحة ياريت معلش اقرا اخر 20 صفحة
خاصة المشاركة ده https://forum.arabictrader.com/t1255...ml#post2175207
واقرا ردودي الى كتبتها النهاردة على بقية الاخوة فيها كل شئ عن الستوب والهدف
11-09-2011, 06:01 PM
Mo3Ty

اقتباس:

المشاركة الأصلية كتبت بواسطة ma7mod3

معلش يا اخ معطي كمان
ياريت تشرحلنا كيفية وضع الاستوب مع ادارة راس المال بالتفصيل وشكرا

طريقتي فى وضع الستوب والهدف
https://forum.arabictrader.com/t1255...ml#post2176600
11-09-2011, 06:29 PM
متعلم 1

اقتباس:

المشاركة الأصلية كتبت بواسطة Mo3Ty

شكرا على الاجابة الدقيقة اخي المحترم متعلم وانت مشمتعلم ده انت استاذ ومنور الموضوع
وبالنسبة لاستراتيجة قناة الانكسار الصراحة اول مرة اسمع عنها كل الى اعرفوا طريقة خبرتي لدكتور جمال المحترم
فياريت لو حضرتك كنت متابع قناة الانكسار وعندك اضافات تفيدنا فى الموضوع هنا تقولنا عليها

تقبل تحياتي

الف شكر على ذوقك
وبعدين استاذ ايه والكلام التخين دا ؟ دا يدوبك لسه بنحبي
انا قلت(( استراتيجية قناة الانكسار )) وتطورت عايز ترجع لورا للي قبل التطوير !!! حطها في جوجل
وبدل ما نتكلم عن القديم خلينا نتكلم في الجديد
الوقت انا عرفت ال3 قنوات
بس بلاقي مؤشرات كتيرة علىالشارت مش عارفها ومش فاهمها
ياريت تقوللي ( من غير ما تقوللي اقرا اللي فات )
تقوللي الخلاصة يعني كام مؤشر اساسيين بتحطهم على الشارت وفين شرحهم
وانا ح اذاكر كويس وارجع لك

الف الف شكر
11-09-2011, 09:02 PM
ma7mod3

جاري القراءة يا باشا
بس سؤال رخم معلش انت بتدخل النقطة بدولار لكل كام ؟ الف دولار؟

عرض 15 مشاركات من هذا الموضوع لكل صفحة