القناة الثالثة لاستراتيجية خبرتي

حبيت اسلم عليك يا أخي معطي .. ان شاء الله تكون بخير ..

اقتباس:

---

المشاركة الأصلية كتبت بواسطة الزيرو

النهارده توصيات مؤشر حمادة للأسف أغلبها لم يحقق الأهداف ..
هذه هي فقط الصفقات التي تم إغلاقها حتى الان ..
نتيجة اليوم غريبة ومحبطة ..

الملف المرفق 283297

---

انت بتهزر طبعا لو هو ده النتئاج الغريبة فاهلا بها ههههههههه
انت عارف الغريبة شوية فى ايه ان حمادة سلام مدى النهاردة اوردر شراء للكيبل ومنزل ليه موضوع لوحدوا مع ان مؤشره الى انتم شغالين بيه مدينا بيع فمشفاهم النقطة ده صراحة هل هو مبقاش يعتمد على مؤشره الى هو عامله طيب وليه؟

اقتباس:

---

المشاركة الأصلية كتبت بواسطة mr pirate

الحمد لله ربنا ما خيبش ظني :0016: , حطيت أمر معلق من 520 و هدف 430 و ستوب 580 و دخلت بيع على الباوند فرنك بنصف عقد من 3085 بهدف 0300 و ستوب 3135 و خدت الجهاز للصيانة , الحمد لله الجهاز اتصلح و انا واقف و رجعت لقيت الأهداف مضروبة ضربا مبرحا :0016:
مبروك للجميع :0031:

---

الله ينور عليك ومبروك ياباشا
بس ياريت تحطلنا اسباب دخولك عشان الكل يستفاد
وانا قولتلك قبل كدة كمان جرب دخول الهارمونيك الى انت شغال بيه مع القنوات وقولنا لو فى وجه استفادة عشان نفيد االاخوة هنا وده هدف الموضوع
ولكن للاسف طنشتني

اقتباس:

---

المشاركة الأصلية كتبت بواسطة mr pirate

ههههههههههههههه حلوة :0016: انا وضعت الصفقات و لوازمها تحسبا لحجز الجهاز لدى الصيانة , لكن الحمد لله ربنا فرجها و المشكلة كانت بسيطة :0016:

يا جدعان انا شايف فرصة بيع عالباوند و هدفها كبير ان شاء الله ( ناوي ياخد غطس جامد عشان حر الصيف ) :0016:
على 4س عامل راس و كتفين حسبما اعتقد
الدخول ان شاء الله يكون من قمة الصعود التصحيحي للترند الهابط اليوم , يعني 400 كدة و لو وصل 420 يبقى كويس قوي و الستوب 530
الهدف الأول 6200 الهدف الثاني 6000 و الهدف الثالث ما دون 6000 لو استقر أسفلها :0031:

---

فعلا يا بايرت كان المفروض يصحح الاول بطريقة الدخول الامن والقنوات كمان قايلة صعود
وانا كنت حاطت هدف عند 6399 تحت فيبو 23 ب 5 نقط بس اهو 15 ساعة بيتذبذب وجايبلي 10 نقط ربح
بس حسيبوا عايز اتاكد من نقطة هل لو الهدف اتاخر كل الوقت ده يبقا فى قلق فى الصفقة ونغلق على نقطة الدخول افضل

اقتباس:

---

المشاركة الأصلية كتبت بواسطة Ahmed_vip

باذن الله معاكو بس انا الى هستفاد اكتر لان انتو الخبرة كلها :0016:

---

ياه احمد هنا
والله منور يبني وواحشني جدا
يلا عايزين نشوفك معانا دائما

اقتباس:

---

المشاركة الأصلية كتبت بواسطة dox

انا كمان كنت عايز كنت التمبليت بتاعك بس فيهع فرق عندى وهوا الخطوط اللو صفر و 38 و50 دى مش ظاهرة عندى لان المؤشر بتاعها تقريبا مش عندى ارجوا ارفاق المؤشر ومشكور جدا على التمبليت

---

اه يا دوكس فعلا نسيت النقطة ده لاني بستخدم المؤشر المعدل بتاع بايرت وعمرو بيستخدم المؤشر الاساسي

عامة ارفقتلك الى شغال بيه وكدة يبقا كله تمام عندك
بص فى نقطة صغير المؤشر المعدل فى مشكلة ان الارقام بتبقا مكتوبة بعيدة عن الخط وكانت مزاولاني اوي
بس لقيت حل ليها امبارح انك تفتح البرنامج وتفتحته تاني الارقام حترجع فى مكانها
واى حاجة تانية انا معاك

اقتباس:

---

المشاركة الأصلية كتبت بواسطة a.haider

اعتقد ان النهاردة فى فرصه شراء الباوند من 1.6350 بهدف الخط البرتقالى لمؤشر حمادة 1.6464
الاسباب
السعر عند حدود القنوات الثلاثة
السعر تحت خط الفايبو صفر من من الافتتاح
امبارح هبوط قوى يلزمه شوية تصحيح لفوق

وضعت امر معلق وان شاء اللله يتفعل

---

انت صح يا باشا وانا خدوا معاك والله ينور عليك انت كدة فهمت طريقتي وياريت ولكن انا اخدتها بفرق اعلى عنك ب 5 نقط الفرق بيني وبينك صغير
بس زى ما شايف انت التذبذب الى حاصل يدعو للقلق

اقتباس:

---

المشاركة الأصلية كتبت بواسطة Mo3Ty

الله ينور عليك ومبروك ياباشا
بس ياريت تحطلنا اسباب دخولك عشان الكل يستفاد
وانا قولتلك قبل كدة كمان جرب دخول الهارمونيك الى انت شغال بيه مع القنوات وقولنا لو فى وجه استفادة عشان نفيد االاخوة هنا وده هدف الموضوع
ولكن للاسف طنشتني

---

لا الفكره يا معطى
لما حد القناه يبقى على منطقه ارتداد هارمونيكى
ده يخلى اصلفقه اتقل و افضل من مجرد القناه و بس
و يا سلام لو القناه و الرينج و هارمونيك

ندخلها فل مارجن :))

اقتباس:

---

المشاركة الأصلية كتبت بواسطة a.haider

ياريت تنبهونا فى بدايه اليوم عن الازواج اللى فيه احتماليه فرص عليها من اول اليوم علشان نلعب عليها

---

ماشي ياباشا انا شاء الله بس يخلص رمضان عشان مبلحقش اكتب حاجة حتى يدوبك ببص بسرعة على السوق واخد اوردرتاتي وانزل للتهجد
عامة انت واضح فهمت فكرتي كويس تابع اليومين الى فاضلين فى رمضان مع الناس لو سمحت وحبقا معاك لايف على قد ما اقدر
بس ياريت لو تشتغل على كذا عملة زيي لان فرصة تشيل فرصة
يعني اليوم كان في فرصة ايضا على اليورو \ فرنك وجابت الهدف ولله الحمد فلو زاولنا الكيبل وضرب الستوب مشحنزعل لان فى اوردر كسبان واحد شال التاني

اقتباس:

---

المشاركة الأصلية كتبت بواسطة a.haider

تصورى للتعامل مع الفايبو
اول حاجة دى حاجة تضاف الى اللى شغالين بيه مش حاجة لوحدها

اعتقدى ان اجمل الفرص لما يكون الافتتاح قريب من خط الصفر او من خط 100 هيلعب فى المنطقة دى وغالبا هيكسرها ويتجهة فى الاتجاه المعاكس
وغالبا بيكون الهدف خط 61 و 38
مثال عليها حاله دخولى ع الكبيل النهاردة وهنشوف نتايجها مع بعض فى اخر اليوم
وكمان مثال حبيبنا معطى ع النيوزلاندى اول امبارح ع ما افتكر

اسؤء الحالات الافتتاح بين 61 و 38 هيطلع وينزل ويعمل سلوك الاستيك وهستعين بالقنوات علشان تعرف الاتجاه

اعتقد ان الكلام دا اغلبنا عارفه
ايه الجديد بقى ؟؟

لاحظت ان الفايبو ع الاربع ساعات وع اليومى بيدولك رؤية رهيبة جدا

شوفوا اليورو افتتاح اليورو الاسبوع دا ع الاربع ساعات
بين 61 و 38
ودى تعتبر منطقة الجذب طالع نازل طالع نازل ودى منطقة عاليه التذبذب
يتصادف انها ع اليومى كمان جوه منطقة الجذب يوم طالع نازل
لحد ما خرج منها بحمد الله وانطلق لفوق ع الترس الكبير مستهدف خط ال 100 عند 14577 باذن الله
الاربع سااعات خرج ولله الحمد وراجع يهزر تانى وان شاء الله طالع لفوق
فانا النهاردة حطيت امر معلق شراء من 1.4377 لهدف 1.4441 ويا مسهل القنوات عريضة واليوم تذبذب

بس

الفكرة زى القنوات تشوفها ع اليوم والاربع ساعات
تقدر تشوف الفايبو برضو وتشوف موقعه من الاعراب ع اليومى والاربع ساعات من خطوط 0 و 100 و 61 و 38

---

بالظبط كلامك مظبوط الله ينور عليك
ولازم نشوف فين مكان السعر على 4 ساعات لانه فلتر مهم جداااااااااااااااااااااااا ومؤكد للدخول
اما عن نفسي لا استخدم الديلي لاني حسيت انه بيخليني مدخلش اوردرات صح كتيرة خاصة اني انتر داى وليس سوينج
بس بجد الله ينور عليك اكثر شئ بحبه لما حد يوصل لحاجة ويحاول يساعد بيها اخوته

اقتباس:

---

المشاركة الأصلية كتبت بواسطة Medo Forex

السلام عليكم انا رايت ان الشرح موجود في الصفحة 29

بس باين انكم دمجتم 20 استيراتيجية معاً :asvc:

هل يجب ان اكون متقن للمغناطيس حتى استطيع المتابعة معكم ؟؟

انا الي استنتجته من قرائتي ان مناطق الدخول تكون من مناطق قوية تستخرجونها من خلال المؤشرات والدعم والمقاومة

======


يرجى الاجابة على هذه الاسئلة

ارجوا الاجابة باختصار حتى لا اتعبكم بالرد

ماهي شروط الدخول ؟؟

كيف يتم احتساب الستوب ؟

هل استيراتيجية المغناطيس يجب علي اتقانها ؟؟


بارك الله بيكم انتظر الرد

---

عليكم السلام
منور معانا فى الموضوع وان شاء الله تستفاد
بالنسبة للموضوع هنا فهو لاى حد عنده فكرة جديدة تضيف لطريقة القنوات ولذلك حتلاقي مؤشرات كثيرة وكذا فكرة وده ميزة الموضوع
فالافضل فى رايي انك الاول تفهم القنوات جيدا وانا عارف ان موضوع خبرتي حيبقا صعب عشان كبير فنزل كتاب القنوات الى في توقيعي واقراه ده حيلخصلك قصة القنوات كلها فى 6 صفحات متهيالي
بعدها ادخل هنا فى الموضوع وتابع معانا فحتلاقي افكار جديدة كل يوم حد بينزلها وبيتابعها وابدا ضيفها على القنوات عندك لو لقيت انت ان الفكرة ده حتفيدك فى حاجة يبقا كمل بيها ملقتش يبقا سيبها

وهنا الشئ الوحيد الى كلنا ثبتنا عليه هو القناة الثالثة والفيبو ومؤشر سفاري لخطوط صفر و100 والباقي هى اضافات مهمة جدا ولازم تشوفها ممكن حاجة تضيفلك شئ
وبالنسبة لي فطريقة عملي ملخصها هنا
https://forum.arabictrader.com/t1255...ml#post2158071

ولو ناوي تشتغل بالمغناطيس يبقا طبعا لازم تفهم موضوعه

واى استفسار اخر انا معاك

اقتباس:

---

المشاركة الأصلية كتبت بواسطة TSX

حبيت اسلم عليك يا أخي معطي .. ان شاء الله تكون بخير ..

---

يامحمد والله انت محترم وياريت كل الناس زيك
شكرا لذوقك واعلم انك من الناس القليلة فى المنتدى الى بحترمها جدا
بارك الله فيك

اقتباس:

---

المشاركة الأصلية كتبت بواسطة مصطفى خالد

لا الفكره يا معطى
لما حد القناه يبقى على منطقه ارتداد هارمونيكى
ده يخلى اصلفقه اتقل و افضل من مجرد القناه و بس
و يا سلام لو القناه و الرينج و هارمونيك

ندخلها فل مارجن :))

---

منور والله يامصطفي فى الموضوع
وفعلا انت كلامك مظبوط
وعايز اقولك اني ركب الهارمونيك امبارح على كل العملات ولقيت الى انت بتقوله ده بالظبط قدامي على التوكتوك اليورو \ فرنك وفعلا خلتني ادخل وانا مطمن والحمد لله جابت الهدف
بس بعد كدة اتزاولت من الهارومنيك خطوطه كتيرررررررررررة اوي ومبقتش شايف حاجة فشيلته ههههههههه
بس داخل فى دماغي اوي وححاول اتابعه تاني حتى لو على برنامج لوحدوا
ولو انت شغال بيه مع القنوات يامصطفي يبقا ظبطنا بقا ونزلنا فرصك هنا عشان نستفاد منك

يا جدعان الكيبل عامل أأقل رنج ليه من فترة , اتوقع الساعة الجاية دي هيكون فيها حركة كبيرة و اعتقد انها هتكون شراء و الله أعلم , نصحصح بس الساعتين الجايين دول عشان تقريبا هيبقى فيهم حركة اليوم

اقتباس:

---

المشاركة الأصلية كتبت بواسطة mr pirate

يا جدعان الكيبل عامل أأقل رنج ليه من فترة , اتوقع الساعة الجاية دي هيكون فيها حركة كبيرة و اعتقد انها هتكون شراء و الله أعلم , نصحصح بس الساعتين الجايين دول عشان تقريبا هيبقى فيهم حركة اليوم

---

والله يابايرت مشفاهمه الصراحة هو المفروض شراء بس التاخير ده انا بكرهه
عامة افضل شئ فى هذه الحالات هو وضع الستوب لانه الان عمل منطقة تذبذب لنفسه ولذلك يا اما حيكسرها بقوة لفوق او لقوة لاسفل