القناة الثالثة لاستراتيجية خبرتي

اقتباس:

---

المشاركة الأصلية كتبت بواسطة Mo3Ty

عليكم السلام
اهلا بيكي اختي الكريمة مريم منورة الموضوع والله
بالنسبة للمؤشرات حتلاقي مؤشر 3 قنوات فى اول صفحة للموضوع وكمان فى الصفحة ده او السابقة حتلاقي مؤشرات عمرو كلها مع التمبلت وحتلاقي فيها خط الصفر و100
وعامة انا ارفقت لك مؤشر خط الصفر و100
وركبي انتي المؤشرات وياريت ترفعي صورة شارت من عندك هنا عشان اقولك لو فى حاجة ناقصة

وانا حسيبكم بقا دلوقتي تصبحوا على خير

---

ميرسى كتير لتعبك بشمهندس معطى

اقتباس:

---

المشاركة الأصلية كتبت بواسطة amr eltabei

المصفوفة دية تقصد بتاعت اخونا عمرو فى موضوع المغناطيس والا اية بس قولى ناوى على اية بالظبط ياباشا

---

مظبوط ياعمرو .. هي سلة العملات (ال11زوج) بتوع المغنطيس .. قلت أجرب وألتزم تماماً بالهدف الأول وكمان التعزيز من نقطة التعزيز الأولى .. والتعزيز تاني من نقطة الستوب ..
كل الأسبوع ده كاااااامل هيكون فيه حساب للدخول على توصيات مؤشر حمادة ونهاية الأسبوع نشوف النتائج ..

والله يا جماعة كل ما أغيب ساعات عن الموضوع بيبقى نفسي أرجع وألاقي الموضوع زاد 20 صفحة عشان أقرأ وأستفيد من نقاشاتكم الجميلة ..
أتمنى أن يدوم التكاتف بيننا جميعاً وأدعو الله أن يبعد عنا ضعاف النفوس ممن لا يسرهم أن يروا ورشة ناجحة ..

اقتباس:

---

المشاركة الأصلية كتبت بواسطة mr pirate

التريد أو وندسور تقريبا

---

مشكور علي الإفاده

وبالتوفيق ان شاء الله...

بالتوفيق ان شاء الله

مشكور اخ معطي على هذه الاضافة التي اضفتها لاستراتيجة خبرتي

جزاك الله كل خير

اقتباس:

---

المشاركة الأصلية كتبت بواسطة مريم احمد صلاح

ميرسى كتير لتعبك بشمهندس معطى

---

العفو يامريم
وياريت بس تخلي خلفية الشارت باللون الابيض لاني مشايف حاجة ومعتقدش انك شايفة حاجة انتي كمان ههههههههه

اقتباس:

---

المشاركة الأصلية كتبت بواسطة الزيرو

والله يا جماعة كل ما أغيب ساعات عن الموضوع بيبقى نفسي أرجع وألاقي الموضوع زاد 20 صفحة عشان أقرأ وأستفيد من نقاشاتكم الجميلة ..
أتمنى أن يدوم التكاتف بيننا جميعاً وأدعو الله أن يبعد عنا ضعاف النفوس ممن لا يسرهم أن يروا ورشة ناجحة ..

---

والله يا زيرو جدعنتك بقا معانا
انت شايف اني ماسك فترة افتتاح اليوم الجديد وكمان عمرو وواضح انك انت بتصحي بدري فلو قدامك فرص الصبح نزلها وناقشها مع الاخوة
ولو حد صاحي اخر ياريت يتابع

اقتباس:

---

المشاركة الأصلية كتبت بواسطة فتحى ابو حامد

بالتوفيق ان شاء الله

---

تسلم اخي الكريم فتحي

اقتباس:

---

المشاركة الأصلية كتبت بواسطة نوال

مشكور اخ معطي على هذه الاضافة التي اضفتها لاستراتيجة خبرتي

جزاك الله كل خير

---

العفو اختي الكريمة نوال
ومنورة الموضوع وتابعي معانا

شرح لما حدث اليوم على النيوزلندي حتى توضح الصورة اكثر للجميع

1- كما كتبت مع بداية اليوم السعر قفل فوق خط الصفر على الساعة و4 ساعات وداخل القنوات وده بتبقا اقوي الحالات واكثرها نسبة نجاح وهنا معناه اننا ناخدوا شراء لاول فيبو تصحيح وهو 38 وده اخدنا منها ولله الحمد 38 نقطة

2- لما وصل لمنطقة 38 واحنا عارف ان فيبو 38 ده معناه بيع طيب هو فعلا وصلوا ولكن الافضل ننتظر ظهور شمعة عاكسة عشان ناخدوا بيع تاني وفعلا ظهرت وكسرت فيبو 38 بنقطة واحدة وهنا ندخل بيع لخط الصفر مرة اخرى ولكن للاسف كنت نائم

3- المفروض وعادة ان السعر المفروض كان يكسر بقا خلاص خط الصفر ويكمل نزول وطيران لاسفل لانه هو فى ترند هابط اصلا ولكن الى حصل ان السعر طلع تاني من خط الصفر وكمل صعود لاعلي

4- طيب ليه طلع تاني مع انه كان المفروض يكسر خط الصفر ويطير لاسفل لانه وصل لمنطقة حظر التجول

5- منطقة حظر التجول انا مسميها كدة لانها اقوى منطقة ممكن تشوفها فى حياتك والسعر لما بيوصلها بيرد غصبا عنه غالبا طبعا وليس دائما لان مفيش حاجة فى الفوركس دائما
منطقة حظر التجول هى التقاء ( حد القناة الثالثة+ حد القناة الاولى او الثانية + خط الصفر او 100) وده خلى السعر يطير تاني لفوق بدل ما يكمل نزل

ولله الحمد على كل شئ انا ملحقتش الا اول فرصة الى تابعتها معاكم بس قولت اشرحلكم الى حصل لان الى حصل النهاردة على النيوزلندي هو فيه شرح مهم فعلا وحصل فيه افضل حالات الدخول الى بستناها وبدور عليها

ولو سمحتم اى حد عنده اى استفسار انا معاكم
واسف على الاطالة

اليورو دولار اليوم
حسب طريقة خبرتي اننا بندخل مع كسر القناة ولكن لو حتلاحظوا ان بقا فى كتير كسر كاذب للقنوات ولو شغال بستوب حيضيع معاها
والنهاردة السعر كسر مرتين وكل مرة كان كسر غلط طيب الحل مع التطويرات الى هنا خاصة للى شغال بستوب لوز

1- السعر كسر القناة الاولى وقفل فوق موفنج 100 فده يخلينا نقلق وانا قايل من بليل عليها يبقا هنا نقلق من الكسر
2- السعر كسر القناة الاولي ودخل منطقة التذبذب وده بتكون لما السعر يدخل داخل مستوى 38و 61 وهنا بيبقا فى حيرة والافضل الانتظار
3 - فعلا السعر لما ينزل اكثر من 15 نقطة وبعدها سافر لفوق وضرب ستوبات اى شخص داخل معاها بيع + قلق حاد للى شغال بتعزيز

4- السعر بقا كسر مرة اخرى القناة الثانية لاعلى يعني المرة ده شراء بس فى حاجة لما كسر الثانية وقف قدامه القناة الثالثة وبعدها ادانا شموع انعكاسية دوجي وكمان فولنج ودلالات على ضعف الصعود لذلك كان البيع افضل كما يحدث الان

ولذلك زى ماهو واضح الاضافات حتنقذنا من دخول خاطئ بل بالعكس بتدخلنا صح
ومع بعض واحدة واحدة حنوصل لافضل الحلول
واى استفسارات انا معاكم

الله ينور يا معلم يا معلم يا معلم !!!!
كنت بتفرج علي صفقة النيوزلندي بتاعت بالليل وكنت خايف يكسر فالقيت فرصه تانيه اوضح علي الاسترالى دولار
ماشاء الله ربنا يديم الارباح ويزيدها ومتنساش حصن نفسك من الحسد واسأل مجرب
سلامى وتحياتى لكل الموجودين

اقتباس:

---

المشاركة الأصلية كتبت بواسطة rengo2002

الله ينور يا معلم يا معلم يا معلم !!!!
كنت بتفرج علي صفقة النيوزلندي بتاعت بالليل وكنت خايف يكسر فالقيت فرصه تانيه اوضح علي الاسترالى دولار
ماشاء الله ربنا يديم الارباح ويزيدها ومتنساش حصن نفسك من الحسد واسأل مجرب
سلامى وتحياتى لكل الموجودين

---

حبيب قلبي والله يامحمد ومنور الموضوع
وبالعكس صفقة النيوزلندي واضحة جدا اقرا بس الى انا كتبته ونفذوا على اى عملة وحتجيب الهدف باذن الله
وكويس انك فكرتني بالاسترالي عشان عايز اشوفه بالطريقة بتاعتنا ايه نظامه
وياواد لو عندك وقت فاضى تنزلنا شرح دخولك حتى لو مشلايف يبقا تمام اوي
وبالنسبة للحسد سيبها على ربنا انا بحاول اعمل خير ومتاكد ان فى الاخر حكسب دعاء حيبقا اقوى من اى حسد

اقتباس:

---

المشاركة الأصلية كتبت بواسطة مريم احمد صلاح

ميرسى كتير لتعبك بشمهندس معطى

---

يا باشمهندسة مريم احنا هنا كلنا اخوات لو من محبى الشغل على شارت اسود قولى وانا انزلك نفس المؤشرات هية هية بس مغير فيهم الالوان عشان اللون الاسود وبالتوفيق باذن الله .