... خبرتى ...

اقتباس:

---

المشاركة الأصلية كتبت بواسطة drom2010

اشكرك جزيلا على ردك واسلوبك البسيط السهل في الشرح
انا معاك في كل الكلام اللي قولته وده فعلا سلوك السعر
بس المشكله امتى بضبط تعرف بالضبط انه هيعكس وامتى هيمشي عرضي وامتى ترند
اقصد هنا بالزمن خاصه الايام دي مش زي زمان تلاقي السعر يمشي كتير بالعرض كام يوم ورا بعض خاصه لما يكون في نقله جامده
من اتجاه لاتجاه او بمعنى يكون يكون عند خط قوي يفضل يلف حواليه ده كويس ونفسي يفضل يلف بس فجأه تلاقيه راح طالع مره واحده
من غير مواعيد وفي وقت محدش ياخد باله منه او يتابعه ويطلع 150 او 200 نقطه في نص ساعه او حتى ربع ساعه يضرب استوبات لناس وينزل تاني ولا كأنه عمل حاجه
حصلت مره معايا مع اليورو وطلع امتى الساعه 4 الفجر وساعات في اوقات يطلع الساعه 2 الفجر وكانت ايامها اجازات البنوك واعياد السنه
طيب ده ايه تفسيره ومن غير اي احداث والكل اجازه طبعا بينهى دورته واغلاق سنه والكلام ده

المهم الان ايه اقوى علامات لو هو واقف عند خط قوي والمسافه للنزول = المسافه للطلوع وعلى الدورات الاكبر منه عند نص الدوره بالضبط
وفيه احتمالين متساويين للأتجاه الصاعد والاتجاه الهابط والمطلوب منك الاختيار في اي فريق تكون
اي العلامات اللي تدلك انه هيكمل مع الاتجاه الاصلي من عند المستوى ده بمعنى يكسره ويطلع لفوق او يغير رأيه وينزل لتحت

هديك مثال بسيط
اليورو الان عند خط قوي جدا زي مايكون قدامه باب لو فتحته هيطلع مع الثيران لو مقدرش يفتحه هينزل لتحت مع الدبدبه
هو الان حط ايده على الاكره
انا من وجهه نظري انه هيفتح يبص بس ويقول للثيران استنوني انا طالع بس بعد شويه ويرجع مع الدبدبه يصحح شويه وبعدين يطلع تاني
والمره دي بقوه ويعمل قمه جديده
مع ملاحظه انه خبط على الباب ده قبل كده ونزل ودي تاني مره يخبط ومسك الاكره
الان اعرف منين وفين العلامات اللي ترشدني الى وجهته
هل اتابع الاخبار طبعا اي كلام وبتجي بالعكس في اغلب الاحيان زي خبر الدولار يوم الجمعه
هل ابص على الفريمات الكبيره بصيت عليها ولاقيته واقف في النص بالضبط
طيب وبعدين اعمل ايه
العملات من سنه واحده كانت كويسه وبتمشي لاخر اتجاه لكن الان بقت مش بتكمل وتمشي لنص لربع الطريق وترجع تاني
كل ده مافيهوش مشكله المشكله انت تعرف موعد الحركه واتجاهها علشان تمشي مع التيار او الترند
لانك لو معرفتش البدايه هتضطر تدخل مع اعاده الاختبار او تدخل في التصحيح من قمه التشبع سواء شراء او بيع
كنت بجرب ارقام ودورات قولت يمكن تكون ليها قاعده نقدر نتابعها
لاني بصراحه بدور على الدقه وراحه البال
وخلاص الشارت ملاه كل الخلايا اللي في الجمجمه لدرجه اني لما بنام بحلم بالعملات
ولحد الان من سنه ونص لسه مستقرتش على طريقه مناسبه
لاني بحلل بعد فوات الفرصه للأسف
وحركات النص كم بتاعت العملات وخاصه اليورو
فلما لاقيت حضرتك خبره 8 سنين قولت فرصه اتعلم منك
على فكره انا من عشاق جان جدا وطرقه ومن عشاق الارقام
وليا سؤال بسيط ليك ازاي اعرف رقم القمه او القاع
فيه طريقه قال عليها اخونا استاذ حماده بتاعت علم الاقام والاله الحاسبه
لكن الاختلافات في الفريمات الطريقه ممكن تمشي كويس على اليومي ولاهداف بعيده غير مناسبه لمبتدئين ومحدودي الحساب أمثالي
علشان كده حاول اعرف رقم القمه على الساعه والفريمات الاصغر مجبتش معايا علشان اختلاف الرقم الاخير
متهيألي والله اعلم انك بتعرف عدد اللفات من رقم القمه او القاع وعلى اساسه بتحدد هيلف كام لفه وينتهى الاتجاه
وهيا دي اللي بقالي اسبوعين ببحث فيها ومش لاقيه ليها طريقه محدده لاني كل لما اجرب طريقه وتجي غلط في حاجه بشطبها
لدرجه اني خلاص فكرت اعتزل وابيع مناديل احسن
معلش طولت عليك
لكن حبيت استفيد من خبره حضرتك تنورلنا نور الشارت وسراديبه
وتقبل ودي واحترامي

---

ضحكتينى كتير بردك التلقائى والبسيط
شوفى، باذن الله زى ما قلت لأبو سميرة قبلك، هانقدر نحدد ونعرف امتى بالظبط يكون الترند وامتى يكون التذبذب وامتى نكون فى السوق وامتى بنتعد عنه
عشان دى نقطة فى منتهى الأهمية
مش لازم نكون محددين شكل السوق طول الوقت
وزى ما فيه واحد أجنبى قال فى المورس بتاعه، اذا ماكنتش واثق فى الصفقة بتاعتك 100% ماتدخلهاش احسن
فهانقدر نعرف امتى ندخل وامتى ننتظر حتى تتضح الصورة
وباذن الله هاتكون فيه اجابات لكل التساؤلات اللى قلتيها
لما نكمل الموضوع

على فكرة الموضوع مع عدد المشاهدات اللى بقى اكبر من 1700 ده ومع كل الشرح والردود الجميلة دى، الموضوع اتفتح من اقل من يوم ونصف فقط
فباذن الله مع اكتمال الموضوع هايبان حاجات كتير اوى
وصدقونى هاخليكم تشتغلوا بإيديكم وتطلعوا فرص لايف مافيهاش نقاش
يعنى مافيهاش رسم الترند غلط ولا ان اليوم ده عشان آخر الشهر فبيمشى عشوائى ولا ولا ولا
وصدقونى هاتعرفوا اتجاه الخبر قبل صدوره

يمكن مش كتير هايصدق النقطة الأخيرة دى
بس هانشوف
والتجربة خير دليل
خلى بالك، انا مش باقول ان انا اللى هاقول لكم لا
انتم اللى هاتعرفوا الحاجات دى وهاتنزلوا الفرص هنا بنفسكم ان شاء الله تعالى

اقتباس:

---

المشاركة الأصلية كتبت بواسطة مسالم

يعجبني الحديث عن اساسيات التحليل الفني وتكرارها حتى لو كانت معروفة مسبقا
وعشان كدا يادكتور جمال
شوف اذا الترند صاعد حتشوف بعينك انو السعر لما يستريح باللفة حتشوف انو الشموع المعاكسة ضعيفة شويا(ناقصة في النمو) بينما حتشوف انو الشموع اللي ماشية مع الترند اغلبها شموع طويلة( ومكتملة في النمو ) لحد ماينتهي الترند
دي نقطة والنقطة التانية انا عاوزك تركز بالشارت بحكم انك ضليع بالبرمجة هتلاقي انو السعر يتحرك بطريقة منتظمة ولما بيوصل لنقطة النهاية المحددة مسبقا ممن يصنعوا السوق مستحيل يتجاوزها مثال على كلامي ده (خبر اليوم على الدولار ايجابي )لكن اللي حصل انو الدولار واصل هبوط ومخدش باله من الخبر ده معناه ايه برأيك انا بشوف السعر ضروري يوصل الى هدفه بعدين يفكر بالخبر كمان الخبر مهوش مؤثر عشان يغير الإتجاه
كمان بقول انو لو حد فكر كتير بالحركة حيلاقي السعر ماشي نازل طالع رقمياً بدقة متناهية بس محدش واخد باله لكن مين بيقدر يركز لحد مايوصل الى هذه المعادلة الرقمية بس مفيش مشكلة انت راجل ضالع بالبرمجة وعلم الحساب حتلاقي نفسك بتكتشف معادلة حسابية مش معقدة بتحدد لك بكل دقة اهدف السعر مهما طلع او نزل(فاهمني ياباشا)
تحياتي

---

شكرا على المعلومة
وتابع الموضوع وانت تعرف تأثير الخبر قبل صدوره

اقتباس:

---

المشاركة الأصلية كتبت بواسطة Abu Yaser

ضحكتينى كتير بردك التلقائى والبسيط
شوفى، باذن الله زى ما قلت لأبو سميرة قبلك، هانقدر نحدد ونعرف امتى بالظبط يكون الترند وامتى يكون التذبذب وامتى نكون فى السوق وامتى بنتعد عنه
عشان دى نقطة فى منتهى الأهمية
مش لازم نكون محددين شكل السوق طول الوقت
وزى ما فيه واحد أجنبى قال فى المورس بتاعه، اذا ماكنتش واثق فى الصفقة بتاعتك 100% ماتدخلهاش احسن
فهانقدر نعرف امتى ندخل وامتى ننتظر حتى تتضح الصورة
وباذن الله هاتكون فيه اجابات لكل التساؤلات اللى قلتيها
لما نكمل الموضوع

على فكرة الموضوع مع عدد المشاهدات اللى بقى اكبر من 1700 ده ومع كل الشرح والردود الجميلة دى، الموضوع اتفتح من اقل من يوم ونصف فقط
فباذن الله مع اكتمال الموضوع هايبان حاجات كتير اوى
وصدقونى هاخليكم تشتغلوا بإيديكم وتطلعوا فرص لايف مافيهاش نقاش
يعنى مافيهاش رسم الترند غلط ولا ان اليوم ده عشان آخر الشهر فبيمشى عشوائى ولا ولا ولا
وصدقونى هاتعرفوا اتجاه الخبر قبل صدوره

يمكن مش كتير هايصدق النقطة الأخيرة دى
بس هانشوف
والتجربة خير دليل
خلى بالك، انا مش باقول ان انا اللى هاقول لكم لا
انتم اللى هاتعرفوا الحاجات دى وهاتنزلوا الفرص هنا بنفسكم ان شاء الله تعالى

---

يارب انا معاك لاخر محطه للوصول وهأجل مشروح بيع المناديل شويه وهدي الفوركس فرصه تانيه
وبالتوفيق لينا جميعا يارب

اقتباس:

---

المشاركة الأصلية كتبت بواسطة مسالم

يعجبني الحديث عن اساسيات التحليل الفني وتكرارها حتى لو كانت معروفة مسبقا
وعشان كدا يادكتور جمال
شوف اذا الترند صاعد حتشوف بعينك انو السعر لما يستريح باللفة حتشوف انو الشموع المعاكسة ضعيفة شويا(ناقصة في النمو) بينما حتشوف انو الشموع اللي ماشية مع الترند اغلبها شموع طويلة( ومكتملة في النمو ) لحد ماينتهي الترند
دي نقطة والنقطة التانية انا عاوزك تركز بالشارت بحكم انك ضليع بالبرمجة هتلاقي انو السعر يتحرك بطريقة منتظمة ولما بيوصل لنقطة النهاية المحددة مسبقا ممن يصنعوا السوق مستحيل يتجاوزها مثال على كلامي ده (خبر اليوم على الدولار ايجابي )لكن اللي حصل انو الدولار واصل هبوط ومخدش باله من الخبر ده معناه ايه برأيك انا بشوف السعر ضروري يوصل الى هدفه بعدين يفكر بالخبر كمان الخبر مهوش مؤثر عشان يغير الإتجاه
كمان بقول انو لو حد فكر كتير بالحركة حيلاقي السعر ماشي نازل طالع رقمياً بدقة متناهية بس محدش واخد باله لكن مين بيقدر يركز لحد مايوصل الى هذه المعادلة الرقمية بس مفيش مشكلة انت راجل ضالع بالبرمجة وعلم الحساب حتلاقي نفسك بتكتشف معادلة حسابية مش معقدة بتحدد لك بكل دقة اهدف السعر مهما طلع او نزل(فاهمني ياباشا)
تحياتي

---

انا فاهماك لكن مش عارفه المعادله ياريت تلميح بسيط بيها لو انت تعرفها
يعني السر في .......... واحنا نكمل الباقي

ربنا يخليك كلك ذوق
اسمك حلو :0021:

[/QUOTE]
شكرا لك وانت ابو الذوق و على فكرة هذا اسمي الحقيقي

ما شاء الله، موضوع جميل ومشوق، على فكرة قريته كله وكل الردود أيضا، وأسلوبك مميز في السرد.
لو سمحت حضرتك دكتور في إيه؟ مجرد سؤل! بالنسبة لموضوع اللفات والتروس تفق معاك تماما فيه وهو شبيه بفكرة موجات اليوت حيث تتدرج زمنيا وكل موجة دافعة هي عبارة عن 5 موجات من درجة أقل وكل موجة تصحيحية هي 3 موجات من درجة أقل وهكذا وهكذا إلى مالانهاية، حتى لو في فريم أقل من دقيقة ستتخذ نفس المسار.:0021:
أما بالنسبة لموضوع انتهاء التصحيح والدخول في ترند أو العكس أعتقد إن ده صعب جدا على فريم معين (وده ال حضرتك تكفلت بإيجاد حل أو إجابة له)، وهناك رأي يقول أنه إذا تأكدنا أننا في مرحلة تصحيح وبعدها بفترة بدأ الشارت ياخد مسار واضح واختلف شكله وأسلوبه وبدأ الشك يساورنا إنه بدأ ترند جديد، ممكن استخدام بعض الأدوات لتأكيد ذلك كالموفينجات مثلا أو الفيبوناتشي، فمثلا أقل نسبة تصحيح عملية مسموحة هي 38.2% وباختراقها ننتظر اختراق 61.8% لنعتبر الاتجاه تغير بالفعل، فإذا صحح 23.2% أو 14.6% فذلك يوحي أنها مناطق لالتقاط الأنفاس وسيعاود الترند المسيرة من جديد، ولكن المشكلة هنا :016: أن ذلك يجب أن يحدث قبل أن نكون قد دخلنا في الموجة الثالثة (اليوتيا) أو على مشارفها فقط، حيث حينها سيتحرك السعر حركة سريعة جدا في مدة بسيطة جدا بشمعات ليموزين باتت معروفة للجميع ومفاجئة لهم أيضا حيث الأوان يكون قد فات والدخول بعد ذلك لا يؤتي ثماره، بعد كل هذا الانتظار لمعرفة بداية الدخول في الترند.:Emoticon1:
أخيرا آسف للإطالة وربنا يوفقك في المسيرة، وكلنا متابعين بإذن الله.:0031:
بارك الله فيك. ملحوظة: عجبتني نقطة نفيك لفكرة إدارة الحسابات لتقطع الشك باليقين من البداية،:015: بارك الله فيك:hands:

:00013:

:00015:

متابع معك اخى الكريم بكل اهتمام

فقد لاحطت قلة من يمدون ايدى العون لمن هم مبتدئين عدا استاذ حسين اسكندرانى
نسال الله لوالدتة الشفاء

:eh_s(7):

الله يعطيك العافيه وينور لك طريقك
كلام جميل بالفعل
تذكرت ايام محمد الحاج علي وابو عصام وطلال وتروك
الحمد لله على سلامتك

السلام عليكم
ابو ياسر انت فعلا محترف وواضح من كلامك
ما شاء الله عليك
الناس الى لسه بتبدا فى الفوركس ممكن الكلام يكون صعب
بس يارتنى كنت قريته انا فى البدايه كنت اختصرت وقت كبير جدا جدا
اتمنى استفيد منك فى جزء التذبذب و الاخبار و امتى التجنب للدخول
عندك مثلا انهارده كان تريند واضح صعود امبارح كان تذبذب كبير و فشل
اتمنى تقدر تفيدنى فى النقطه دى انا فاشل فيها :] و يسلام لو قلتلى ايه رايك فى اليورو يوم 1 مارس و متابع معاك اكتر من اى حد كمان :asvc::eh_s(7):

متابعة مع حضرتك دكتور جمال واستفدت كتير من الى بقراه من مشاركات وتعليقات الاخوة معانا وباذن الله نتعلم الفوركس ببساطة وباحترافية من خلال حضرتك
وانا عاجبنى كتير الاسلوب الكلام المصرى بتاعنا اصلى مبحبش اللغة العربية وحضرتك ماشاء الله اسلوبك رائع وبتخلينى عاوزة اقرى المشاركة مرتين بدل المرة الواحدة وبتوصل المعلومة بمنتهى البساطة واعتقد ان الى لسه ماعنده فكرة ومبتدأ بالفوركس حياخد فكرة جيدة من الموضوع ويستفاد كتير

اقتباس:

---

المشاركة الأصلية كتبت بواسطة mohammadbadr

ما شاء الله، موضوع جميل ومشوق، على فكرة قريته كله وكل الردود أيضا، وأسلوبك مميز في السرد.
لو سمحت حضرتك دكتور في إيه؟ مجرد سؤل! بالنسبة لموضوع اللفات والتروس تفق معاك تماما فيه وهو شبيه بفكرة موجات اليوت حيث تتدرج زمنيا وكل موجة دافعة هي عبارة عن 5 موجات من درجة أقل وكل موجة تصحيحية هي 3 موجات من درجة أقل وهكذا وهكذا إلى مالانهاية، حتى لو في فريم أقل من دقيقة ستتخذ نفس المسار.:0021:
أما بالنسبة لموضوع انتهاء التصحيح والدخول في ترند أو العكس أعتقد إن ده صعب جدا على فريم معين (وده ال حضرتك تكفلت بإيجاد حل أو إجابة له)، وهناك رأي يقول أنه إذا تأكدنا أننا في مرحلة تصحيح وبعدها بفترة بدأ الشارت ياخد مسار واضح واختلف شكله وأسلوبه وبدأ الشك يساورنا إنه بدأ ترند جديد، ممكن استخدام بعض الأدوات لتأكيد ذلك كالموفينجات مثلا أو الفيبوناتشي، فمثلا أقل نسبة تصحيح عملية مسموحة هي 38.2% وباختراقها ننتظر اختراق 61.8% لنعتبر الاتجاه تغير بالفعل، فإذا صحح 23.2% أو 14.6% فذلك يوحي أنها مناطق لالتقاط الأنفاس وسيعاود الترند المسيرة من جديد، ولكن المشكلة هنا :016: أن ذلك يجب أن يحدث قبل أن نكون قد دخلنا في الموجة الثالثة (اليوتيا) أو على مشارفها فقط، حيث حينها سيتحرك السعر حركة سريعة جدا في مدة بسيطة جدا بشمعات ليموزين باتت معروفة للجميع ومفاجئة لهم أيضا حيث الأوان يكون قد فات والدخول بعد ذلك لا يؤتي ثماره، بعد كل هذا الانتظار لمعرفة بداية الدخول في الترند.:Emoticon1:
أخيرا آسف للإطالة وربنا يوفقك في المسيرة، وكلنا متابعين بإذن الله.:0031:
بارك الله فيك. ملحوظة: عجبتني نقطة نفيك لفكرة إدارة الحسابات لتقطع الشك باليقين من البداية،:015: بارك الله فيك:hands:

---

أهلا بيك أستاذ محمد بدر
الحمد لله ان الموضوع عجبك، وخاصة الاسلوب اللى اثنى عليه الكثيرون، مع انى ولله الحمد باتكلم بعفوية ومن غير تنميق، فكويس انه عاجبكم ده فضل من ربنا

اسأل يا حبى زى مانت عاوز، انا دكتوراة فى علوم الكمبيوتر وتخصص البرمجة، حاجة مالهاش دعوة بالفوركس بس فادتنى فى عمل المؤشرات والاكسبيرتات وخلافه، وده خلانى اقدر اعمل باك تيست متييييين لأى فكرة أو استراتيجية بسرعة شوية، وكمان أقدر أحكم على أى مؤشر أو أكسبيرت يمكن من غير ما أجربه بمجرد قراءة الكود بتاعه وفهم فكرته

زى مانت قلت بالظبط بالنسبة لموضوع اليوت والكثير من الطرق بتخلينا ندخل متاخرين جدا وجدا جدا كمان
انا بس عاوز اتفق معاك ومع باقى الأعضاء على حاجة
اليوت، جان، ستيف وغيرهم الكثير ممن اشتهروا فى هذا المجال، هم عبارة عن ايه؟؟
هم مش منزلين من السما، دول ناس عادى جدا زيى وزيك، اكيد لما ابتدوا مجال الفوركس ماكانوش عارفين حاجة وشوية شوية تطوروا، وكان عندهم أفكار كانت غريبة شوية فى زمانهم لحد لما اثبتت جدارة فانتشرت وبقت أسماء معروفة ولهم تلاميذ وبقت طرقهم تدرّس
ليه الناس حاسة ان مافيش تانى خلاص هم دول وبس؟ ماتحاول وتجرب يمكن تكون واحد منهم، ويمكن تكون أفضل منهم، العرب هم أساس كل العلوم
الفكرة كلها فى رأيى تتلخص فى قوة الملاحظة والمتابعة وحسن التفكير وجودة التحليل (ولا أقصد التحليل الفنى، ولكن التحليل عموما)
السعر هو الأساس ومن كتر متابعته تنتج الأساليب
زى أشكال الشموع
دول شوية يابانيين قعدوا قدام الشارت ولاحظوا حاجات من كتر متابعتهم
لقوا لما بتتكون شمعة (سموها بعد كده شوتنج استار) بينعكس السعر وبينزل
طيب بذمتك كام شوتنج استار بتحصل والسعر بيكمل صعود كتير كمان بعدها؟
وحتى استيف نيسون (ده الراجل اللى ترجم ونشر موضوع الشموع اليابانية وليه كتب كتير فى المجال ده) فى كورساته بيقول ان لما بنلاقى أى شكل من أشكال الشموع بيكون مجرد دليل أو يرجّح احتمالية انعكاس الترند مش لازم ينعكس بالفعل، وكمان لازم من تأكيده بحاجات تانية (اللى هى كانت الدعوم والمقاومات الأفقية) يعنى تاااااااانى هى دى الأساس

طيب
لما نلاحظ حاجات على الشارت ومن اسلوب تحرك السعر برضة، بس تخلينا نقدر ناخد الاتجاه من أوله قدر الإمكان مش ده كويس؟
لما نقدر نتوصّل (سوا) الى ان الأخبار ماتفرقش معانا ونتاجر فى أيام الأخبار عادى بل ونستفيد من قوة اتجاه الخبر مش ده جميل؟؟
أنا عاوز أسأل سؤال، لما بلاش نتاجر وقت الأخبار (وما أكثرها) ، وبلاش طبعا يومى الخميس والجمعة لما فيهم من احداث وقوة تحركات تعصف بالحسابات، وساعات بلاش يوم الاثنين عشان ده اول الاسبوع ولا يقل خطورة عن الخميس والجمعة، وبالتأكيد نستبعد أول وآخر كل شهر عشان تقفيل الشهر (اذا كنا مابندخلش فى نهاية الاسبوع هاندخل فى نهاية الشهر؟ دى حاجة بالعقل حتى)، ونستبعد آخر شهر فى السنة (تقفيل ميزانية دول بقى وخروج ناس كتير من السوق لتسييل فلوس قبل الأجازات وحاجات كتير تانية انا مش عارفها) ده طبعا غير الأجازات الرسمية خلال السنة
حلو جدا الشغلانة اللى بتشتغل يوم الاربعاء 21 مارس (ده لو انت فاضى وما بتحتفلش بعيد الأم) ويوم الثلاثاء 11 سبتمبر (ربنا يجعل كلامنا خفيف عليهم) وبسسسسس والباقى اجازات لصعوبة السوق :Emoticon1:

بالذمة ده كلام؟؟ امال داخل الفوركس ليه
فلما نقدر نشتغل كل الايام (اللى فيها فرص طبعا) وفى اى وقت مش فترات معينة (عند اكتمال الفرصة) وانت بنفسك وباقى الأعضاء هاتنزلوا فرص هنا انا متأكد باذن الله

بس يارب ساعتها تفتكرونى مش تاخدوا الموضوع وتبقوا مليونيرات وماحدش يعبّرنى

أخوكم / جمال ممدوح

اقتباس:

---

المشاركة الأصلية كتبت بواسطة ENG ESlAM

:00013:

:00015:

متابع معك اخى الكريم بكل اهتمام

فقد لاحطت قلة من يمدون ايدى العون لمن هم مبتدئين عدا استاذ حسين اسكندرانى
نسال الله لوالدتة الشفاء

:eh_s(7):

---

اقتباس:

---

المشاركة الأصلية كتبت بواسطة المناضل

الله يعطيك العافيه وينور لك طريقك
كلام جميل بالفعل
تذكرت ايام محمد الحاج علي وابو عصام وطلال وتروك
الحمد لله على سلامتك

---

أهلا بكم شرفت بمروركم
ويارب مجمل اللى أقدمه يكون حاجة تستاهل التعب

أخ مناضل، أخيرا يا راجل لقيت حد أقدم منّى فى المنتدى لسه متواجد ههههه

اقتباس:

---

المشاركة الأصلية كتبت بواسطة Abu Yaser

اذا ماكنتش واثق فى الصفقة بتاعتك 100% ماتدخلهاش احسن

---

هذه قاعدة ذهبية يجب ان تحفر على كيبورد كل فوركسي.
الكثير من المتداولين الناجحين فشلو في السوق بسبب عدم التطبيق (الحذافيري) لهذه القاعدة.
الكثير من الطرق هُجرت ايضا بسبب عدم تطبيق هذه القاعدة.
السبب الرئيسي النفسي الصعب لعدم تطبيقها هو الاستعجال والطمع و طلب التعويض السريع
يعطيك العافية.

اقتباس:

---

المشاركة الأصلية كتبت بواسطة thecreativex

السلام عليكم
ابو ياسر انت فعلا محترف وواضح من كلامك
ما شاء الله عليك
الناس الى لسه بتبدا فى الفوركس ممكن الكلام يكون صعب
بس يارتنى كنت قريته انا فى البدايه كنت اختصرت وقت كبير جدا جدا
اتمنى استفيد منك فى جزء التذبذب و الاخبار و امتى التجنب للدخول
عندك مثلا انهارده كان تريند واضح صعود امبارح كان تذبذب كبير و فشل
اتمنى تقدر تفيدنى فى النقطه دى انا فاشل فيها :] و يسلام لو قلتلى ايه رايك فى اليورو يوم 1 مارس و متابع معاك اكتر من اى حد كمان :asvc::eh_s(7):

---

أهلا بيك أستاذ كرييتف اكس (المتابع اكتر من أى حد :0016: عملتها ازاى دى؟)
هل ممكن أهزر معاك وأسالك لو انت أخو أكتيف اكس؟ ولا ده تشابه اسماء

والله الحمد لله ان كل يوم بيزداد عدد المستفيدين ويارب كل المشاهدين (اللى مش بيردّوا وفكرونى بنفسى من يومين يكونوا مستفيدين برضة)

طيب يا استاذى
يبقى انت بتتكلم عن امبارح ويا سلام لو نتكلم عن اليورو فى يوم 1 مارس
وكان عندنا الأخ عنتر بن شداد كان عاوز يعرف ايه اللى حصل فى يوم 28 فبراير ده سببه ايه (شوفت بقى مش ناسيك والله) بس كله فى وقته والشارت مش هايطير

يبقى احنا كده عندنا أول أمثلة فى التطبيق هم اليورو يوم 28 فبراير ويوم 1 و 2 مارس يعنى 3 ايام ورا بعض عشان ما ننساش

طالما الموضوع بقى فيه كذا يوم تطبيق عملى يبقى هاحضّر الشغل (اذا قدرت) النهاردة وممكن جدا نبدأ فى التطبيق العملى من بكرة بدلا من السبت

بس قبل ما ننطلق، هل فيه اى حد عنده استفسار عن حاجة من اللى اتشرحت، أو أى حاجة تانية عموما؟؟

اقتباس:

---

المشاركة الأصلية كتبت بواسطة gomana

متابعة مع حضرتك دكتور جمال واستفدت كتير من الى بقراه من مشاركات وتعليقات الاخوة معانا وباذن الله نتعلم الفوركس ببساطة وباحترافية من خلال حضرتك
وانا عاجبنى كتير الاسلوب الكلام المصرى بتاعنا اصلى مبحبش اللغة العربية وحضرتك ماشاء الله اسلوبك رائع وبتخلينى عاوزة اقرى المشاركة مرتين بدل المرة الواحدة وبتوصل المعلومة بمنتهى البساطة واعتقد ان الى لسه ماعنده فكرة ومبتدأ بالفوركس حياخد فكرة جيدة من الموضوع ويستفاد كتير

---

استاذة جومانة منوّرة الموضوع
ربنا يخليكى على ذوقك ويارب دايما اكون عند حسن ظنكم

أعجبنى توقيعك جدا عشان ده بالفعل اللى احنا فيه كلنا
وعاوز اطلب منك طلب لو سمحتى
نفسى فى شاشة من اللى باللمس اللى فى الصورة دول (بس بالقسط):eh_s(7):

معلش عندى ملاحظة من زمان كنت عاوز اقولهالك بس زى مانت عارفه ماكنتش باشارك،
المفروض يا جومانة تكون كفّة الميزان بتاعت النجاح هى الأثقل (يارب دايما)