اقتباس:
المشاركة الأصلية كتبت بواسطة ahmed elsayed
مع احترامى لجميع الاخوه ومناقشتهم الممتازه الا انى مع الاخت انصاف ياجماعه بالعقل كده هو الشمعه تكسر القناتين الطبيعى بنعمل ايه بندخل سيل او شراء حسب مكان الكسر طب لوعكس ودخل جوه القنوات معناه انى اخد صفقه عكسيه دكتور جمال عمره ماجيب سيره الموضوع ده ولا ايه ده انتم نسيتم التعزيز دكتور جمال ف بعض المرات تكلم عن تعزيز صفقاته مرتين مثلا الشمعه كسرت فوق القناتين كمثال حى دخلنا باى رد وعمل اعاده الاختبار عملنا تعزيز طب السعر ماحترمش خط القناه وقفل جوه ننسى الشراء وندخل بيع بعقود مضاعفه ولا بنعزز شراء تانى من نقطه قويه كفايبو مع رينج يومى والخ مابندخلش بيع واوقات كتيره يرد لغايه اول الصفقه بتاعت الصبح ياجماعه دكتور جمال قال تاجى كما ترى وليس كما تتوقع اعملوا باك تست هتلاقوا كلامى صح ؟؟؟ ففعلا الموضوع ازاى كاسر قناتين واول لو قفل جو هدخل بيع عارفين لو كان دكتور جمال قال كده كانت بقت استراتيجيه فاشله اصلا نجاح الاستراتيجيه ده بعد تجربه شهر قبل التسجيل فى المنتدى سر اسرار استراتيجيه دكتور جمال هو اداره رأس المال علشان نعرف نعزز ونعزز لغايه لما نكسب حلو مش شراء شراء وبعدين لا سورى ده قفل جوه القنوات بيع بيق ده احنا كنا روحنا فى ستين داهيه وكان كل واحد فينا كلم التشارت وقالوا ودنك منين ياجحا؟؟؟؟؟؟؟؟
من أسرار الاستراتيجيات الخاصة بالدكتور جمال
أخى الكريم أحمد السيد
اعتقد ان هذه الاستراتيجيات لها اسرارمنها:
1- فريم H4 وفريم الديلى اللذان يخبرانا على اتجاه العملة مسبقاَ
2- معرفة اتجاه العملة فى هذا اليوم: وذلك عندما ندخل بعد تمام الكسر لأحدى القنوات أو للقناتين لو متتطابقتين فإننا عرفناها بداية بيع ام شراء
3- التعزيز وأهميته فى مضاعفة الربح وذلك عندما يرتد السعر عكس صفقتنا الأولى لا ندخل معه فى الارتداد بل ننتظر اقوى المناطق للتعزيز مع تأييد من السلوك السعرى فندخل مطمئنين فى اتجاه صفقتنا الأولى لأننا من البداية قد عرفنا الوجهة المقصودة فى هذا اليوم
4- لذلك حسب استراتيجية الكسر هذه لا ندخل ضد الكسر لماذا لأنه ربما يعود السعر من منتصف الطريق فى اتجاه صفقتنا الأولى فلا نطول بلح الشام ولا عنب اليمن وإذا استمر فى الارتداد عكس صفقتنا الأولى فنحن ننتظره بالتعزيز.
5- إدارة رأس المال المعمول به فى هذه الاستراتيجة له حكمة فهو يضاعف الربح ويحمينا من البداية عندما دخلنا بلوت واحد صغير وانتظرنا التعزيز لجنى ربح اكبر
حقيقة هذه الاستراتيجية من وجهة نظرى
قوية ومبنية على منطق كبير
