... خبرتى ...

[Abu Yaser]

للجدد والمنضمين حديثاً (زيي) لهذه الطريقة الرااااائعة ..
توضيح لبعض الصفحات التي تحوي بعض المؤشرات والملفات الهامة ، وفي الطريق ملخص من 200 صفحة من الشروحات والأمثلة والنقاشات..!!

مشكور والله كنت لسه بافكر فى موضوع ارفاق الصفحات ده النهاردة
دايما سبّاق بالخير يا رب
وبمناسبة انك بتقول عن الطريقة دى كنز
انا فيه واحد من 3 سنين (بدون ذكر اسماء) لما شاف الريبورت بتاعى كان عاوز يشتريها منى
طبعا وقتها ماكانش فيه اى شروحات ليها مجرد الريبورت وبس
وكمان عمل لى زى تيست على منصة ديمو
ووالله العظيم (عشان ماحدش يقول انى بافتى او باقول اى كلام) والله كمان مرة كانت هاتتباع ب 60 الف دولار
بس الاختلاف فى التفاصيل، ولقيت انه لا يستأمننى، فبالتالى انا لا استأمنه
ولكنى وضعتها هنا بين ايديكم مع الشرح والمتابعة ببلاش (ولا حتى ب 99 دولار ههههه)
وربنا يشهد على ما اقوله

[Abu Yaser]

والله يا ابو ياسر تستاهل كل الدعوات اللى خدتها منذ طرحك لطريقتك الاكثر من رائعة وربنا يباركلك فى صحتك وفى ياسر باذن الله تحياتى وتقديرى ليك.

ربنا يكرمك ويخليك يا استاذ عمرو

بسم الله الرحمن الرحيم


اطالب

من الادارة


بعد اذن الاخ ابو ياسر


تعدل على الموضوع

وجعل هناك تصويت

في اول الموضوع

لنرى كم شخص استفاد او تعلم من الموضوع

ولا يا ادارة نعمل عليكم انقلاب خخخخخخ

فيه ايه؟؟
هو انا حد عمل هاك على دماغى النهاردة؟!! هههه
دى نفس الفكرة برضة كنت بافكر فيها مافيش من ساعتين
ياريت لو تنفع تبقى تمام خالص
والف شكر ليك استاذى الكريم

[الاسدي]

بسم الله الرحمن الرحيم

اين الاخ كنكوووووووو النهاردة تسجيل علية غياب

وزلينكووووو اصبح كسلان فينك يعم الحج

والحجة انصاف ربنا يبارك فيهاااا وفي شروحتهااا

[الاسدي]

بسم الله الرحمن الرحيم

تصدق يدكتوررر الفوركس

ابو ياسر

اني لما بشوف شارت الاستراتجية

برتاح نفسين

لان بفضل الله ثم فضلك

عرفت اية الى حاصل

ولية ارتد ولية كسر

اما ايام زمان

دنا تبهدلت اخر بهدلة

بالمؤشرات

والحجات التانية

ببص على الشارت مش فاهم اي حاجة

وكل الموشرات

تديك دخول متاخر

بس باذن الله مع خبرتي حنكسب

[alexman2012]

تتكون فرصه الان علي دولار - كندي ... حدث كسر للقناة الحمرا علي فريم الساعه ننتظر حتي اغلاق شمعه الكسر ... وعلي فريم 4 ساعات كسر خط المنتصف للقناه الزرقا ... والله واعلم بالتوفيق للجميع

[Yassser33]

يالنسبه لصفقه الباوند شراء عند 16370 ؛؛ هل نقوم بعمل تعزيز عند 16340 !!!

[TSX]

يالنسبه لصفقه الباوند شراء عند 16370 ؛؛ هل نقوم بعمل تعزيز عند 16340 !!!

بنظري لا تعزز الى ان يكسر القنوات على الساعة للاعلى اي ضاعف ربحك او يصل للحد الاسفل للقنووات او قريب الرنج اليومي وهذا تعزيز

[SayLar]

التعزيز راح يكون ممتاز من الرنج ان وصله السعر وان شاء الله يوصله

[ابو فيصل2002]

اسئلتك جميلة يابو فيصل
شوف انا هاقولك اللى انا شخصيا باعمله
انا باقعد بالليل لحد تقريبا الفجر، فباشوف القنوات وتفاعل السعر معاها
فحاجة من التلاتة
اولا وده الاسهل، بالاقى السعر فى منتصف القنوات ولسه بدرى عليه فى الكسر من الناحيتين فبنام عادى عشان ده بيكون شغله مش حلو، فى الغالب بيفضل ماشى بالعرض كتير ويعمل (خازوق) للناس هههه، بانه ييمشى فى اتجاه (بل وممكن يكسر) وبعدين يمشى فى الاتجاه التانى و وو
انا بافضل ادخل فى اليوم ده حاجة من الاتنين، يا اما فرصة (لما اصحى) تكون واضحة المعالم اوى، او بادخل باستراتيجية الرينج فقط
ثانيا، ان السعر يكسر او يكون قريب من حدود القنوات بالليل (زى النهاردة كده) فباشوف بقى هاعمل ايه هل هايكسر ولا هارتد و و وباحدد شغلى قبل ما انام وممكن (فى حالات نادرة) باعمل اوردر معلق لو انا شايف الموضوع كويس اوى (زى النهاردة)، فانا مثلا دخلت ونمت وعملت اوردر بيع من لمس الحد العلوى، وصحيت كان نفذه ونزل شوية، وتابعت باقى اليوم عادى، ولحد الوقتى
ثالثا وده الاصعب (فى النوم) ان تيجى تريدة متكاملة كلها بالليل، فيكسر كسر محترم، وادخل بكل تقل، واصبر صاحى لحد لما اقفلها، فى الحالة دى ممكن افضل قاعد صاحى لحد 12 الظهر مافيش مشكلة، ولما اقفلها اقوم انام براحتى بقى ههههه
ده النظام بتاعى (بلا نظام) حسب السوق
عشان كده لما كنت هاتقابل مع الناس هنا على الساعة 3 العصر انا ما دخلتش التريدة بالليل (مع انى كنت لايف مع الناس فى الرووم) وقلتلهم ان اليورو نازل بس انا مش هادخل عشان لو طوّل ولا حاجة يبقى المعاد باظ هههه



لا انت كده فاهم صح يا حبى
بس ليس بالضرورة كل مرة تكون نفس النسب
يعنى مش لازم 1 - 4 - 5
ممكن 1 -9
ممكن 3 - 3- 4
مكن 5 - 5
ممكن ال 10 كلهم من الاول
ده حسب قوة النقطة

أشكرك أبو ياسر على نبل أخلاقك و تفانيك بالرد على جميع الإستفسارات بروح طيبة طيب الله روحك بجنات النعيم و جمعنا الله بكم في الفردوس الأعلى و لك مني جزيل الشكر و الإمتنان

[الزيرو]

- بالنسبة لأسترتيجية الرينج ( علي الباوند ) بنخش بعد اختراق خط الرينج و مكان الدخول ((( يفضل ))) يكون علي بعد 140 نقطة يعني لو خط الرينج كان علي بعد 120 نقطة نستني كمان 20 نقطة

2- بالنسبة لمؤشر الفيبو : لو كان اليوم اللي فات نازل من اوله لأخره مثلا ( ترند )( يعني لو هابط مثلا يبقي الكلوز و اللو قريبين من بعض ) نبص اليوم اللي بعده لو السعر ارتد من الخطوط البرتقالي يبقي هينزل و يكمل في نفس اتجاه اليوم السابق لغاية ما يلمس الخط الخضر

3- لو عندنا اتجاه واضح ( نزول مثلا ) و حصل شوية طلوع و بعد كدة فيه نزول تاني نرس بالفيبو علي الطلوع ده من اقل حتة لأعلي حتة و نبص علي نسبة 161 ان شاء الله السعر هاينزل لغاية عندها

4- لو القناة الحمراء ( علي الساعة طبعا ) رفيعة و باصة لفوق قوي و الزرقاء عريضة و بالعرض لو حصل اختراق ضعيف للحمراء او اختراق جانبي من تحت مثلا ما نخشش بيع لأنها غالبا بترتد لفوق و بيفضل السعر طالع و عمال يلمس في حد القناة الحمراء من برة
- اهم حاجة في الدخول فريم الساعة ( نسبة 65% ) و الباقي ( 35%) علي الاربع ساعات و اليومي و سلوك السعر ......الخ

6- التعزيز بالنسبة للأستراتيجية الاولي مش اقل من ( 50-70) نقطة و يكون كمان من عند نقطة قوية ( خطوط القنوات ) و يا سلام كمان لو كان معاه سلوك سعري

7- كل ما تكسب شوية فلوس في الشركة اسحب جزء منها و ما تسيبش اكتر من ( 30-50) الف دولار في شركة واحدة و لو معاك اكتر وزعهم علي شركتين

8- خلي بالكو من الاختراق العرضي دا ما يعتبرش اختراق

9- ممكن نخش باستراتيجية الرينج ( علي الباوند ) مرتين مرة من فوق و مرة من تحت لو توفرت الشروط

10- لو الحدين للقناتين ( الزرقاء و الحمراء ) قريبين من بعض (( يفضل )) انتظار كسر الاتنين

11- لو الكسر كان بشمعة جامدة و كبيرة و كنا قربنا من الرينج اليومي (( يفضل )) نستني و نخش بأستراتيجية الرينج احسن

12 - 30 نقطة مكسب حلو في كل صفقة

13- بالنسبة للأستراتيجية الاولي لما نيجي نخش نخلي بالنا من الرينج هل قربنا نوصل له و لا لسة شوية و نخلي بالنا كمان فاضل اد ايه علي نهاية اليوم طبعا لو اليوم فاضل له كام ساعة و ينتهي يبقي ( يفضل عدم الدخول )

14- بلاش طمع

للتذكير فقط ..!!

توجيهات هااااااامة من ابو ياسر للجميع في إحدى لقاءات شباب مصر .. تلخيص وتنسيق الحبيب زيلينكو ..!!

[الزيرو]

لو تسمحولي يا شباب .. حأنزل كل فترة إقتباسات لمشاركات وشروحات هاااااامة دارت في صفحات سابقة .. فقط للتذكير والمراجعة ..!!

[الزيرو]

طيب نعمل أيه لو دخلنا في صفقة والإتجاه ماكانش واضح ..؟؟ أو لو عايز أدخل صفقة بس مش متأكد من منطقة الدخول ومتردد..؟؟
تعالوا نشوف البروف بيقول أيه في الحالة دي ..:

لو كان الاتجاه مش وااااضح اوى (يا عرضى يا نزول)حاشتري من الاختبار بس بعقود قليلة اوى اوى
عشان لو حصل وارتد هاعمل حاجة انا مسميها شوك (او الصدمة) ههههههه
وهاشرحها بسرعة عشان مش هالحق اقعد النهاردة كتير
انا باشترى مثلا ب1 على 10 من اللى المفروض اشترى بيه
ولو السعر ارتد مثلا 100 نقطة (من نقطة دخولى اللى هى المفروض كويسة اساسا) انا اقوم شارى تانى بس ب 10
يعنى لو كنت شارى الاول بعقد واحد مينى اقوم ادخل (بس من نقطة فى منتهى القوة) بعقد استاندرد بعد 100 نقطة (مثلا)
فلو السعر طلع ولو 10 نقط بس بعد ما نزل فوق ال 150 نقطة (مانا مش شارى من اعلى نقطة اكيد) يبقى انا كد كانى لسه داخل بالعقد المينى حالا
عشان العقد الاول هايكون خسران 100 نقطة والنقطة بدولار، والعقد التعزيز كسبان 10 نقط فقط والنقطة ب 10 يعنى 100 دولار برضة
وكانى لسه داخل بعد 150 نقطة هبوط، او ممكن ساعتها كمان ادخل شرا بعقد مينى تانى
المهم النقطة اللى احب ااكد عليها هى
الالتزام بادارة راس المال
عشان انا باقول المثل ده (لو) كان المفروض تدخل من الاصل بعقد استاندرد
وانا مجرد انى قسمته على 10
مش انا داخل بكل المفروض ادخل بيه وبعدين دخلت تانى ب 10 اضعاف

[TSX]

لو تسمحولي يا شباب .. حأنزل كل فترة إقتباسات لمشاركات وشروحات هاااااامة دارت في صفحات سابقة .. فقط للتذكير والمراجعة ..!!

شكرا لك على مجهودك

[Yassser33]

لو تسمحولي يا شباب .. حأنزل كل فترة إقتباسات لمشاركات وشروحات هاااااامة دارت في صفحات سابقة .. فقط للتذكير والمراجعة ..!!

ياريت جزال الله خيرا ؛؛ وبعدين ايه حكايه اللقاءات دى ؛؛ انتوا ناويين تعملوا حزب الفوركس

[alexman2012]

تتكون فرصه الان علي دولار - كندي ... حدث كسر للقناة الحمرا علي فريم الساعه ننتظر حتي اغلاق شمعه الكسر ... وعلي فريم 4 ساعات كسر خط المنتصف للقناه الزرقا ... والله واعلم بالتوفيق للجميع

تم الصفقه بنجاح حيث كسر القناة الحمرا ونزل الي الحد السفلي للقناه الزرقا ... الحمد لله كانت فرصه موفقه