... خبرتى ...

[moneyboker]

فكره رائعه، لما لا.

فكره رائعه و ننتظر الموافقه من المدير د\جمال ربنا يكرمه و يعطيه الصحه و الحكمه و السعاده و كل ما يتمناه له ولاحبابه امين

[ahmed elsayed]

من الاخر ياجماعه بلاش تخبط فى ناس كتير مكسله تقرأ الموضوع كله ياجماعه والله انا قارى الموضوع بتاع 3 مرات والحمد الله خبرتى فى الفوركس مش قليله بس هقولكم على سر شدنى للاستراجيه بتاعت دكتور جمال انه بعدنا عن الاسكالبينج وده طريقه كويسه ولكن ممكن فى لحظه تخسر بتاع 20 فى المائه من حسابك ومن الاخر الكلاسيكى هو الاساس ثانيا دكتور جمال مهتم جداااااا بأداره رأس المال ولو صفقه خسرانه الواحد الحمد الله بقه يعرف يفك الصفقات الخسرانه الوحيد الى اقنعنى وشرحلى بطريقه مبسطه اهميه التبريد اى التعزيز كلام جميل طيب انت عايز تقول ايه؟؟؟؟
عايز اقولكم الجديد لسه عليه الموضوع وده بعد خبره سنتين فى المجال ان انت بتعدى بتلات مراحل فى الفوركس لازم تعدى بيهم اولا تخسر حسابك كله ممكن مره وفى ناس كذا مره انت واجتهادك ثانيا انك ماتخسرش وماتكسبش يعنى تحافظ على حسابك ثالثا الارباح وهى ده خلاصه كلمه خبرتى الى قال عليها الدكتور لازم الناس تتعب الفوركس مش سهل ولكن مش مستحيل انك تكسب فيه بس هو عايز هدوء اعصاب يعنى انهارده اليورو مثلا انا كسبت فيه احلى مكسب ليه انا بعت اول لما اخترق بلوت صغير جداا ثانيا عززت تانى وعززت تالت وخرجت بمكسب حوالى 150 نقطه ليه انا عارف ان اخره كدخ ولو طلع كنت هعزز رابع عارفين ليه هى ده الثقه فى الاستراتيجيه عدم عمل عليها والجديد يدخل يقرا يقول بس انا وصلت للكنز ياجى يشتغل بينسى كل الى اتعلمه ياجماعه والله النفسيه هى الى بتخليك تجيب ارباح نفسيتك رقم واحد ممكن تقول لا انا مش هعزز ده هيقلب عليا اكتر من كده وتبقى انت خسران ومش عارف تفك العقد القديم عارفين ليه نفسيتك ؟؟؟؟؟؟ والنقطه ده اصعب حاجه فى الفوركس ومن الاخر مش سهل انك تتحكم فيها لما تتحكم فيها اعرف انك اصبحت ذو خبره فى هذا المجال ولذللك دكتور جمال قالنا متشتغلش غير بلوت لكل 2500 دولار عارفين ليه والله اراهنكم انه عارف ان فى ناس هتشتغل حقيقى وهو مش عايز يضر الناس وهو فعلا بيشتغل كده وممكن يكون زايده لوت كمان بس هو خبره مش فى المجال بس لا ده اصبح خبره بالاستراتيجيه بتاعته يعنى حافظها اربع سنين على الحقيقى تساوى شهرين منهم تعليم شهر ديمو لا اعتقد ذلك اتمنى ان يكون كلامى فادكم ولو جزء بسيط الناجح يتخذ قرارات متاجرته لوحده مش مستنى توصيه والدليل على كلامى الدكتور بنفسه قال انتم الى هتيجوا فى الاخر تقولوا نشترى ونبيع انا مش هقول لحد والا كنت فتحت توصيات وريحت دماغى اذا اهم نقطه رقم واحد واتنين وعشره اداره رأس المال عارفين ليه علشان نفسيتك متتوترش وتعرف تاخد قرارات صحيحه على اساس امام عينيك لا بالعواطف

[Yoyoyassine]

من الاخر ياجماعه بلاش تخبط فى ناس كتير مكسله تقرأ الموضوع كله ياجماعه والله انا قارى الموضوع بتاع 3 مرات والحمد الله خبرتى فى الفوركس مش قليله بس هقولكم على سر شدنى للاستراجيه بتاعت دكتور جمال انه بعدنا عن الاسكالبينج وده طريقه كويسه ولكن ممكن فى لحظه تخسر بتاع 20 فى المائه من حسابك ومن الاخر الكلاسيكى هو الاساس ثانيا دكتور جمال مهتم جداااااا بأداره رأس المال ولو صفقه خسرانه الواحد الحمد الله بقه يعرف يفك الصفقات الخسرانه الوحيد الى اقنعنى وشرحلى بطريقه مبسطه اهميه التبريد اى التعزيز كلام جميل طيب انت عايز تقول ايه؟؟؟؟
عايز اقولكم الجديد لسه عليه الموضوع وده بعد خبره سنتين فى المجال ان انت بتعدى بتلات مراحل فى الفوركس لازم تعدى بيهم اولا تخسر حسابك كله ممكن مره وفى ناس كذا مره انت واجتهادك ثانيا انك ماتخسرش وماتكسبش يعنى تحافظ على حسابك ثالثا الارباح وهى ده خلاصه كلمه خبرتى الى قال عليها الدكتور لازم الناس تتعب الفوركس مش سهل ولكن مش مستحيل انك تكسب فيه بس هو عايز هدوء اعصاب يعنى انهارده اليورو مثلا انا كسبت فيه احلى مكسب ليه انا بعت اول لما اخترق بلوت صغير جداا ثانيا عززت تانى وعززت تالت وخرجت بمكسب حوالى 150 نقطه ليه انا عارف ان اخره كدخ ولو طلع كنت هعزز رابع عارفين ليه هى ده الثقه فى الاستراتيجيه عدم عمل عليها والجديد يدخل يقرا يقول بس انا وصلت للكنز ياجى يشتغل بينسى كل الى اتعلمه ياجماعه والله النفسيه هى الى بتخليك تجيب ارباح نفسيتك رقم واحد ممكن تقول لا انا مش هعزز ده هيقلب عليا اكتر من كده وتبقى انت خسران ومش عارف تفك العقد القديم عارفين ليه نفسيتك ؟؟؟؟؟؟ والنقطه ده اصعب حاجه فى الفوركس ومن الاخر مش سهل انك تتحكم فيها لما تتحكم فيها اعرف انك اصبحت ذو خبره فى هذا المجال ولذللك دكتور جمال قالنا متشتغلش غير بلوت لكل 2500 دولار عارفين ليه والله اراهنكم انه عارف ان فى ناس هتشتغل حقيقى وهو مش عايز يضر الناس وهو فعلا بيشتغل كده وممكن يكون زايده لوت كمان بس هو خبره مش فى المجال بس لا ده اصبح خبره بالاستراتيجيه بتاعته يعنى حافظها اربع سنين على الحقيقى تساوى شهرين منهم تعليم شهر ديمو لا اعتقد ذلك اتمنى ان يكون كلامى فادكم ولو جزء بسيط الناجح يتخذ قرارات متاجرته لوحده مش مستنى توصيه والدليل على كلامى الدكتور بنفسه قال انتم الى هتيجوا فى الاخر تقولوا نشترى ونبيع انا مش هقول لحد والا كنت فتحت توصيات وريحت دماغى اذا اهم نقطه رقم واحد واتنين وعشره اداره رأس المال عارفين ليه علشان نفسيتك متتوترش وتعرف تاخد قرارات صحيحه على اساس امام عينيك لا بالعواطف

خير الكلام ماقل و دل
شكرا أخي

[Abu Yaser]

السلام عليكم ورحمة الله وبركاته
انا دخلت مخصوص لما واحد من الناس المحترمين كلمنى على الموبايل (بالليل من شوية صغيرة) عشان يقولى ان فيه ناس عاملة قلق جامد فى الموضوع
انا ماكنتش فتحت الجهاز اساسا (ولا حتى برنامج المتاجرة) بس فتحت اشوف فيه ايه بالظبط
طبعا زعلت ان المستوى وصل لهذه الدرجة
وكالعادة جرير ابتدى المشاكل وعمل اكونت (تالت) عشان يتكلم بعد وقف الاتنين اللى فاتوا ، والادارة الكريمة اللى بتحافظ على منتداها محترم دايما وقفت التالت كمان، بس هل هى دى النهاية؟؟ اكيد لا
ولقيت غيره عامل تشتيت و و و
وانا كنت باقرا دايما من اخر مشاركة انا كنت قريتها سابقا
فكنت بالاقى مشاركات مستفزة بصراحة، بس كلها صفحة بالكتير والاقى احد الاخوان رد تقريبا بنفس الرد اللى كان نفسى اقوله
وبعد شوية الاقى مشاركة غلسه تانى، ولكن فى نفس الصفحة الاقى تقريبا نفس الشخص بيرد برضة بنفس الرد اللى كان نفسى اقوله (سبحان الله)
عموما انا مش هارد عشان الناس بصراحة ردت بما فيه الكفاية
عموما انا فكرت كده ممكن نعمل ايه فى القصص دى عشان تقريبا المواضيع دى مش هاتخلص ابدا وانتم عارفين ده كويس
لو الادارة وقفت شخص، هايعمل اكونت تانى ولو باسم تانى (مش بنفس الاسم ههههههه) وهاييجى يشتتنا تانى وتالت وعاشر
ففيه فكرة عندى
قبل الرد على اى حد، مجرد اننا نشوف تاريخ انتسابه لهذا الصرح الكبير، فلو كان من كام يوم او شهر ولا اتنين حتى يبقى نسيبنا منه ده داخل مخصوص (وتقريبا هو مسجل بعد بدء الموضوع ده) عشان ينال منه، ايا كان بقى مريض نفسيا او شركة او حتى منتدى تانى عاوز يخربها هنا، نسيبه تماما ولا نرد عليه تمااااااااما، بل اذا زودها، كل اللى هانعمله فيه مثلث صغير (بمنتهى البساطة) لونه احمر تحت الاسم والصورة فى كل مشاركة، بمجرد ما تدوس عليه الادارة هاتعرف ان دى مشاركة غير مرغوب فيها، وهاتتفضل مشكورة بازالتها اذا كانت بالفعل مشاركة مش تمام
بدلا من اننا ندخل فى مهاترات وصفحااااااات تشتيت فقط لا غير (وهو ده اللى هم عاوزينه) انا قريت 12 صفحة عشان مادخلتش من امبارح بس (ده غير المشاركات اللى الادارة شالتها) فطبعا لو انا لسه مبتدىء وهاقرا الموضوع هالاقى انه مليان مشاكل وكل مارجع كذا صفحة لورا الاقيه مشاكل اكيد هاسيبه
فيبقى كل اللى نعمله، نشوف صاحب المشاركة مسجل من امتى (مش مهم عدد المشاركات ممكن مسجل من زمان بس مش بيشارك) وده يكون المرجع لينا، لييييييييييييييه؟؟؟
عشان القديم ياخواننا هايبقى عاوز يحافظ على صورته وعلى تاريخ عضويته
اما الجديد اللى لسه مسجل من كام يوم، لو اتوقف حتى النهاردة مش باقى على حاجة وهايعمل اكونت تانى بكرة (الموضوع مش صعب)، فكل ما هنالك، بدون اى ردود خاااااالص، ندوس على المثلث الاحمر ونسيب القصة للادارة، وهم ناس محترمين، وفى الاول والآخر ده المنتدى بتاعهم واكييييييد هايبقوا عاوزينه فى مستوى معين من الحوار ومستوى معين من الاعضاء
ده كده عموما بالنسبة لقصص المهاترات والحوارات التعبانة اللى شتتت ناس كتير وخاصة المبتدئين

الموضوع التانى وهو قصة فتح اكونت
هنا فيه شقّين
الشق الاول اللى هو اكونت عشان نثبت فيه كفاءة الاستراتيجية، وده انا مش هاعمله واعلنت ده سابقا كذا مرة
انا مش هاتكلم عن ال 6 سنين اللى انا باشتغل فيها على الاستراتيجية دى لايف، عشان ده ممكن يكون كلام وخلاص
انما هنا الموضوع فوق الشهرين متابعة لايف، ومش انا وبس، ده من كل الاخوان المتابعين من اوله، ديمو وحقيقى، ((يعنى اكتر من فترة تسجيل اللى بيطلب الاثبات))
الموضوع هنا اقدم منك فى المنتدى ههههه
والصفحات تشهد على صفقات لايف وكمية اثباتات كتييييييير، والناس شافوها بعينيهم، ومش محتاج انى اثبت لأى حد، وطالما بتقول اثبات يبقى لسه مش فاهم الاستراتيجية كويس
عشان لو فاهمها، فهى مش متروكة للتقدير الشخصى، يعنى حتى ولو بعد ما اليوم خلص، هاتعرف اذا كانت صحيحة ام لا، الكسر بيكون واضح (ومش بيغير مكانه) والتارجت واضح (ومش بيغير مكانه) وهكذا
المهم والخلاصة
اكونت ديمو عشان اثبات نجاح الاستراتيجية مش هاعمل، ويقولوا زى ما يقولوا (خايف بقى، مش عارف ايا كان) انا شغلى الخاص اهم من ده كله، وبالنسبة للموضوع لله الحمد انا عملت اللى عليا وزيادة من شرح كل حاجة واعطاء مؤشراتى الخاصة، يعنى ممكن الناس تكمل عادى جدا

الشق الثانى
لو زى ما الناس عاوزة تعمل رحلة للمليون
دى فكرة رائعة وانا اتقالت لى من كذا واحد وموافق عليها طبعا (مش من باب الاثبات بكل تاكيد) انما حذوا باخواننا السلاحف اللى كنت متابع موضوعهم منذ بدئه
وطبعا انا ماعنديش اى مانع، ولكن انا بصراحة مش هاعرف اكون متابع عشان شغلى الاساسى هو الفوركس (زى مانتم عارفين) يعنى لازم اتابع السوق كويس واركز فى متاجرتى اللى هى بمنتهى الصراااااحة ومن غير زعل اهم من الوصول للمليون (على الديمو) او اثبات لأى شخص ان استراتيجيتى حلوة وتتاكل اكل ههههه
وزى ما قلت انا شرحت اسلوبى تماااااااما، فلو حبيتم تعملوا موضوع المليون ده انا موافق تماما بل وهاكون سعيد جدا لما الناس توصل للمليون، وعقبال الحقيقى، واهو يبقى اثبات (بالمرّة) لأى حد

انا بقيت الوقتى بادخل مرة واحدة فى اخر كل يوم عشان اشوف ايه اللى حصل، وزى ما اتفقنا انى مش هاقدر اعمل اكتر من كده (ولو فى الوقت الحالى) واعتقد ان كل شىء واضح من المشاركات السابقة، انما بادخل اسلم على الناس المحترمين، ولو فيه اى حاجة مش واضحة او مش مفهومة ممكن اتكلم فيها تانى، انما فيه ناس ما شاء الله متابعة وبترد على الاخوان.
انصح الجديد انه يقرا الموضوع، وكانه كتاب فى الفوركس يحتوى على 300 صفحة بس (ده يعتبر كتاب صغير بالنسبة لكتب الفوركس اللى قريتها) ويقراه كله، ولو كان فيه كتاب وااااحد الناس تقراه تبقى بتكسب ماكنش حد غلب هههههه، انما اهو، تعالى على نفسك واقرا الموضوع كله، معلش ههههه، عشان تكسب بس، وفلوسك ماتروحش عليك، واعتقد ان دى اهم من يومين تقرا فيهم الموضوع وتتاجر بقية حياتك بفهم

معلش انا طولت عليكم اوى، بس عشان اهى مشاركة واحدة فى اليوم استحملونى بقى ههههه
اشوفكم بخير، واسف مرة تانية على الاطالة (وعلى اللى بيحصل فى الموضوع مؤخرا)

أخوكم
د/ جمال ممدوح

[Abu Yaser]

انا هاشارك المشاركة دى وادخل انام بقى واريحكم منى ههههه
بس حبيت اشكر شكر خاص للأخ بودى ام ال ام، اللى يعتبر جديد بمشاركاته معانا الا انه بصراحة قال ورد نفس الردود اللى كنت عاوز اردها ووفر عليا وقت كتير، فألف شكر ليك وباذن الله تكسب معانا عشان شكلك قريت الاستراتيجية كويس، باين ده من كلامك ومشاركاتك، ربنا يوفقك

والحاجة الغريبة جدااااا
ان فيه كذا واحد (ولله الحمد) بيكلمنى على الخاص وعلى الياهو ماسنجر وفرحانين جدا انهم قدروا (بفضل الله) انهم يعوضوا كل اللى خسروه من اول ما ابتدوا الفوركس، بل وبعضهم عمل مكسب كبير بعد تعويض الخسارة
الغريب مش فى ده، لان لو قدرت تكسب مكاسب متواصلة هاتقدر تعمل ده عادى والفضل لله
انما الغريب انهم كلهم (مع ان كل واحد ما يعرفش ان التانيين بيكلمونى) كلللللللهم بيكلمونى على الخاص على الياهو على المويابل!!!! طيب ليه مش بتكتبوا ده هنا؟؟!! مش كنوع من العرفان (حاشا لله) والله ابدا، بس عشان الناس اللى متخيلة (مش عارف ليه وايه فايدتى) ان الموضوع خدعة ومش ده الفوركس وان ماحدش بيكسب فينا كلنا، تقريبا كلنا داخلين نخدعه هو شخصيا هههههه
فانا مش عارف ليه كده، يعنى لو واحد تاجر حقيقى وخسر حسابه بسببى كان زمان رافع عليا قضية، طيب ليه فى الخير بيكون على الخاص او الموبايل؟!! هل عشان العين والحسد انه رجع حسابه او كسب فوقه كمان؟!! الله اعلم
انما ولله الحمد ، انا باكون مبسوط اوى اوى اوى اوى لما الناس بتكسب (سواء بتدعيلى او لا) وهو ده السبب الاساسى لفتح الموضوع، كفااااااية خساااااارة
ومش هاطول عليكم، والف شكر لكل الناس المهتمّة باحياء الموضوع، اشوفكم بكرة باذن الله تعالى
والسلام عليكم ورحمة الله وبركاته

[ahmed elsayed]

استاذى وحبيب قلبى دكتور جمال على فكره يادكتور انت اخى واستاذى ويكفينى شرفا ان اتخرج من مدرستك ويارب يقويك ويرزقك من حيث لاتحتسب وشكلك مشغول جامد بس اتمنى من كل قلبى ان تطل علينا ببدرك كما فعلت انهارده ولو كل يوم للمشاركه

[zelenko]

ازيك يا دكترا

ايه اخبار البرد؟؟؟؟؟؟؟؟؟؟؟

مستنيك هناك

[Trend Trader]

نعم هي تعتبر اتباث على صحة و قوة الاستراتيجية لاكن من الصعب تطبيقها بدونك وان شاء الله ادا احبو الاعضاء تطبيقها فمرحبا و شكرا على ردك يا استادنا العزيز

[ahmed elsayed]

دكتور زيلينكو ليك وحشه جامده
؟؟؟؟؟؟؟

[حمزة ،،]

الله يعطيك العافية يا دكتور جمال
حقيقة قرأت أول 10 صفحات من الموضوع ،، وقد شدني كثيرا لمتابعته (يكفي إسلوبك المميز والبسيط والفكاهي في الشرح)
وأنوي حقيقة تكملته للأخر وتلعم الإستراتيجية لتجربتها لاحقا ،،

ويبدو من كلامك بأن هنالك هجوم على الموضوع وأقول لأي أخ يهاجم الموضوع (إذهب إلى منتدى التوصيات) وهناك هاجم من شئت وأمدح من شئت أما هنا فنحن في منتدى تبادل الأراء ووجهات النظر بغض النظر عن النتائج .

[ahmed elsayed]

كنت عايز استفسر منك استفسار؟؟؟ انهارده كنت بتقول للاخت انصاف انك بتشتغل على الكندى استراتيجيه الرينج اليومى؟؟ هل الكندى يحترم الرينج كما يفعل الاسترلينى ؟؟ انت عارف الدكتور موصينا نشتغل بيها على الاسترلينى بس ايه رأيك؟؟

[zelenko]

كنت عايز استفسر منك استفسار؟؟؟ انهارده كنت بتقول للاخت انصاف انك بتشتغل على الكندى استراتيجيه الرينج اليومى؟؟ هل الكندى يحترم الرينج كما يفعل الاسترلينى ؟؟ انت عارف الدكتور موصينا نشتغل بيها على الاسترلينى بس ايه رأيك؟؟

كلام الدكتور مظبوط

و انا داخل الكندي ده علي مسئوليتي الشخصية (( لأني متسرع شوية و بحاول ادور علي اي فرصة علشان الحق اعمل المليووووووووووووون ))))


اقولك علي حاجة بس ما تقولش لحد


انا دخلت نيوزيلاندي و استرالي كمان مع الكندي في نفس الوقت بالرينج

و الكندي خدت منها 15 و الاسترالي 10 و النيوزيلاندي 10 مع انهم كملوا اكتر من كده بس انا عندي مبدأ (( 10 نقط في اليد و لا 20 علي الشجرة ))

[alexman2012]

بس انا عندي مبدأ (( 10 نقط في اليد و لا 20 علي الشجرة ))

حلو اوي المبدأ ده بجد كويس .. انا هحاول اجرب امشي بيه شويه

[ahmed elsayed]

شكراااااا جزيلا يادكتور زيلينكو بس مجربها بقالك قد ايه على هذه العملات وعملت ليها باك تست مع هذه العملات لتعرف مدى نجاحها من فشلها ؟؟؟؟

[ahmed elsayed]

ياجماعه كله نايم ولا ايه يلا دكتور زيلينكو عايزين المليون يلا ابتدى الشغل الساعه 8