... خبرتى ...

[Fawzi Alhamed]

السلام عليكم
اخي الكريم حضرتك مش شغال على التمبليت الاخير للدكتور جمال
اعتقد لان حضرتك لسة في بداية الموضوع
التمبليت الاخير فيه خطوط فايبوناتشي قوية مع خطوط الرينج اليومي للعملة

لا و الله يالغالي أنا شغال أستكشف بنفسي
ههههههههههههههههههه
يالغالي أنا جديد بالموضوع أقل من أسبوع

[subzero]

لا و الله يالغالي أنا شغال أستكشف بنفسي
ههههههههههههههههههه
يالغالي أنا جديد بالموضوع أقل من أسبوع

ههههههههههه
انا عارف يا باشا بس قولت انبه حضرتك يعني لو ماكنتش تعرف
بالتوفيق ان شاء الله

[Fawzi Alhamed]

يا ريت لو ترفع لي التمبلت الاخير يالغالي و اكون شاكر لك

[subzero]

يا ريت لو ترفع لي التمبلت الاخير يالغالي و اكون شاكر لك

عيوني يا باشا

[mohamed sallam]

اتفضل ياباشمهندس

[eng.m7md_magdy]

نرجو من الاخوه ان يرفعو لنا مؤشر رسم القنوات

[subzero]

نرجو من الاخوه ان يرفعو لنا مؤشر رسم القنوات

القنوات بتترسم يدوي يا باشا
لو قصدك على مؤشر الاخ كنجو فهو مش موجود عندي للاسف
لكن هتلاقيه موجود في مشاركة قريبة ارجع كام صفحة بس وانت تلاقيه

[ensaf]

هل يوجد ملخص للطريقة لصعوبة قراءة جميع الصفحات؟

شكرا

حياكم الله
ملخص للطريفة تجميع الأخت Drom

[zouhirtaha]

http://barre.mt4stats.com/
نتائج الاسبوع ... على حساب 100 دولار فقط

الف مبروك يا غالي على الارباح
ممكن يا اخي ان تخبرني في اي شركة
فاتح هدا الحساب

[TSX]

الف مبروك يا غالي على الارباح
ممكن يا اخي ان تخبرني في اي شركة
فاتح هدا الحساب

الله يبارك فيكم... هذا حساب ديمو ليس حقيقي. انا اتعامل مع FXDD حقيقي وديموا. صراحة الطريقة ممتازه للغاية لو الواحد عرف يوزع راس المال واعني هنا حجم الدخول للصفقة وحجم التعزيز ومتى تعزز وهذا اللي خلاني اقوم بالتجربة

[zelenko]

السلام عليكم و رحمة الله و بركاته
و اخيرا زيلينكو ( انا ) خلص ال 268 صفحة بعد سهر و تعب و صداع و .....الخ

د.جمال بجد بجد (( لاااااااااااااا تعليققققققققققققققق)))

انا مش عارف اقول ايه و لا اعملك ايه ولا اشكرك ازاي بجد بجد ربنا يجزيك كل خير في الدنيا و الاخرة انت و اهلك جميعا

معلش عايز اصدعك انت و الاخوة الكرام الحلوين اللي معانا (( ما انتو عودتونا علي الكرم و التفاني في خدمة الاخرين بدون مقابل بقالقوا 268 صفحة يبقي تستحملوا بقي هاهاهاها )))

مقدمة لابد منها ::::

انا صيدلي متخرج بقالي 3 سنين و نص و حاولت افتح كذا صيدلية بس الموضوع ما تمش لغاية ما في يوم من ايام شهر سبتمبر 2010 واحد صاحبي قاللي انا رايح اخد كورس فوركس

قولتلو اه ه ه ه الفوركس اللي بنشوف اعلاناته كل شوية علي النت طب روح اعرف بقي ايه هو الفوركس ده و ابقي قوللي

و راح و جه قاللي

انا سمعت بس الاساسيات و ما قولوكوش ( ما يقرب من ال 10 ساعات متواصلة بحث وتعلم علي النت و في منتديات و مواقع اجنبية وعربية كتير )

لغاية لما حسيت اني فهمت حاجات كتير قوي
و كل ما اعرف اكتر كل ما اصر اكتر ان ادخل هذا السوق و بصراحة حسيت ان هو ده مشروع العمر وان ربنا يمكن ما وفقنيش لموضوع الصيدليات ده علشان انا مستقبلي في حاجة تانية

و قعدت علي الفوركس يا رجالة و بعد خبرة 3شهور تقريبا ( علي فكرة اللي انا حصلته في ال3 شهور دول ممكن اي واحد عادي يحصلوا في سنتين .... بتكلم بجد ...دا نا كنت بقوم من النوم علي الفوركس لغاية لما انام)

و مع الخبرة و التجارب الكتير اكتشفت ان مفيش استراتيجية مضمونة 100%

و بما اني دقيق زيادة عن اللزوم و كمان عندي سنة وسوسة قلت لأأأأأأ

انا لازم اكتشف او اعمل استراتيجية لا تخسر ابدا

و قعدت ابحث و ادور لغاية لما لقيت استراتيجية تعتمد علي الهيدج بس نصها كويس و النص التاني يدمر الحساب

قلت بس انا لازم الاقي حل للنص التاني ده

و فعلا جبت الورقة و القلم و الالة الحاسبة و اديها سهر يا معلم و تمقيق عنين للفجر

و لغاية لما خلاص كنت هايئس و في يوم كده وانا قاعد فجأة المعادلة قفزت في دماغي طلعت جري علي الورقة و القلم لقيت المعادلة مظبوطة

بجد كنت هاتجنن من الفرحة و قعدت اقول لنفسي انا استاهل جايزة نوبل في الفوركس لأني عملت الاسترتيجية الكاملة التي لا تخسر ابدا و ايضا لا تعتمد علي التحليل الفني او الاساسي فقط تعتمد علي حقيقة واحدة في عالم الفوركس الا و هي ((((ان السعر ماينفعش يقف مكانه لازم يمشي يا اما فوق يا اما تحت )))

و طلعت جري فتحت حساب في fxcm f ب 300 دولار و قلت لنفسي انا اشتغل با ل 300 دول علي استراتيجية

fx prime
and
trend follower

لغاية لما اكملهم 500 دولار و بعد كده ابتدي اشتغل بأستراتيجيتي الخارقة

( و طبعا كان الغرور واخدني شوية ...لا لا شوية ايه قول عشرين شوية )
و طبعا ما كنتش عملت باك تست و لو حتي نظري لأستراتيجيتي ((( الخارقة))
و عملت باك تست بعنيا كدة اي كلام ل
fx prime
, trend follower

و دخلت يا معلم ( وكان السوق ساعتها الاسبوع نايم ) و حسابي اتأكتيف يوم سبت و بقيت مستني يوم لاتنين علي احر من الجمر

و اول ما صحيت قمت فاتح سكستاشر شارت و لكل عملة شارتين علي الاستراتيجيتين وكمان حطيت ال thv system

,و قاعد بقة و مستني اي فرصة علي كل العملات و ب 3 استراتيجيات و هاكسر الدنيا

و فعلا اخر الاسبوع جاللي المارجن كوووووووووووووووووووووول و الحساب اتصفر في 5 ايام

بعد ما كنت بقول هابقي ملونير في شهر ونص (( معادلاتي بتقول كده هاهاهاها ))

طبعا اخدتلي 10 ايام حالتي النفسية زفت الزفت

و بعد كده قولت مش مهم محدش بيتعلم ببلاش و قعدت ادرس استراتيجيتي الخارقة اللي ما اشتغلتش بيها لغاية دلوقتي و لا حتي ديمو

و المفروض (( نظريا )) ان مكسبها 100 نقطة في الاسبوع و دروا داون 500 نقطة

و بعد الفيجوال باك تست لاقيت مش هاتنفع و ال 100 نقطة ممكن ياخدوا شهر مش اسبوع

خليتهم 50 و يجوا في 3 ايام برضوا مانفعش

طب 20 و يجوا في يوم واحد برضه

طب 15


طب 10

مفيش فايدة

انا فعلا استراتيجيتي مضمونة 100% و سهلة جدا و لا تعتمد علي تحليل اساسي او فني

بس اكتشفت ان مشكلتها ان لو حصل تذبذب كتير داخل رينج المكسب اللي انا حاطه يبقي هاحتاج رأس مال اعلي شوية ( يعني مثلا لو هاكسب 100 نقطة في التريدة الواحدة يبقي حسابي لازم يكون يستحمل 1000 نقطة انعكاس ))
و كمان علشان اقفلها علي المكسب ده يبقي هتاخد و قت اكتر من اللي انا محدده
(( شوفتوا برضه مفيش فايدة و مش هاقدر اعمل المليون دولار من 500 دولار في 4 شهور

و رجعت يأست تاني


و فجأة بتصفح كدة المواضيع بيأس و لا مبالة لقيت ((واحد )) من الناس (( ماتزعلش يا د.جمال من كلمة واحد دي انا بس بوصف حالتي النفسية بالضبط)) حاطط موضوع اسمه خبرتي


قولت اما اخش اشوف مين ده و بيقول ايه

و من اول صفحة

راح اليأس و راح الهم و اقعدت اقرأ اقرأ لغاية لما خلصت الموضوع كله في 5 ايام

بجد بجد بجد يا د. جمال




((( لا تعليق ))




نخش في الجد بي و سيبكوا من الكلام الفاضي اللي انا صدعتكوا بيه ده

عندي حبة اسئلة و استفسارات استخرجتها من ال 270 صفحة اللي انا قريتهم ارجو من استاذنا جمال و مساعديه الاجابة عليها

1- خطوط المنتصف في ال 6 قنوات علي ال 3 فريمات هل ليهم احتياطات او تعاملات معينة ؟؟؟

2- هل ممكن نخفض ادارة رأس المال الي 1000 دولار لكل عقد ميني ( النقطة بدولار ) (اصل انا ناوي اعمل كدة ) مع الالتزام طبعا بعدم الدخول صفقتين علي عملتين في نفس الوقت ؟؟

3- هل ممكن الماركيت ميكر و الناس التقيلة قوي بعد ما يعرفوا استراتيجيتنا يقوموا يتحايلوا عليها و يبوظوها و يخلونا نخسر (( زي ما حصل في استرتيجيات تانية كتير ))؟؟؟

4- ازاي اعرف بالضبط بالضبط بالضبط ان بكرة هيكون رينج و لا تريند ؟؟؟

5- لما سبت البرمجة والكمبيوتر و اتجهت للفوركس هل كنت متزوج ((سؤال شخصي ))(( مش هايفرق مع الاعضاء بس هايفرق معايا انا ))؟؟؟؟

6- من وجهة نظري الفوركس 50% استراتيجية و نفسية متاجرة و ادارة رأس مال ...الخ و ال50% التانية (( شركة الوساطة)) فا انا مش هاسيبك غير لما تقوللي شركتك ايه يا اما هنا يا اما علي الخاص يا اما في المقابلة الجاية و اوعي تقول انك كده هاتعمل دعاية .. اقولك لأ الكلام ده مش صح دا حتي المنتدي هنا فيه الاف المواضيع التي يسأل فيها الناس المبتدئين مثلي الناس الخبراء مثلك شركة فلان و لا علان احسن و تجد الاف الاجابات لذلك ارجوك لا تبخل عليا بالأجابة؟؟؟

7- احد الاعضاء في النص كدة قال كلمة straddle حد يعرف ده معناه ايه ؟؟؟

8- دلوقتي لو السعر علي الساعة كسر القناة الحمراء كسرة كويسة لتحت و في نفس الوقت كان وصل برضه للرينج اليومي فأي الاستراتيجيتين لها الاولوية في التنفيذ ؟؟؟

9- دلوقتي عندنا 3 شارتات وكل شارت قناتين و كل قناة 3 خطوط يعني الاجمالي 18 خط ... فهل هناك خطوط معينة لها احتياطات معينة؟؟؟

10- ممكن حالات القنوات مع بعضهم ودلائلها بالنسبة للساعة و الاربع ساعات و اليومي تجمعهم لنا في مشاركة واحدة

11- علي شارت الساعة : السعر لو كسر القناة الكبيرة الاول ( الزرقاء ) نخش ولا نستني لما يكسر الحمراء كمان ؟؟؟

12- ايه رأيك لو نستعمل شموع الايتشموكو بدل الشموع التقليدية ؟؟؟

13- لو فيه فرصة علي الساعة لازم استني شمعة الاربع ساعات تقفل هيا كمان ؟؟؟ و لا اخش علي طول ؟؟

14-انام من الساعة كام للساعة كام علشان ما اضيعش مني فرص كتير؟؟؟؟؟

15-ايه رأيك في استخدام فريم النص ساعة و الربع ساعة؟؟؟

16 - شرح الفيبو لمعرفة نقطة اخذ الربح مافهمتوش ... ممكن شرح مبسط و مدعم بصور سهلة ؟؟ يا اما بقي تشرحهولي في المقابلة الجاية ....

17- فيه اخ طلب منك تعملنا حبة اسئلة كدا علشان تسهل لنا الدخول و اتباع الاستراتيجية بالضبط ارجو ان تكون بتظبطهالنا و هاتعملها بجد ؟؟

18-ازاي اعرف ان اعادة الاختبار خلصت و لا لسة (( علشان ابتدي اخش من احسن نقطة )) دي ساعات بتاخد شمعة واحدة و ساعات اتنين و ساعات تلاتة؟؟؟؟

19-ايه رأيك في موضوع اندكس العملة ؟؟ و الدخول علي اساس اختراقه للقنوات هوا كمان ؟؟

20-نعمل ايه لما القناة الحمراء علي الساعة تكون باصة لفوق قوي و السعر يكون ماشي بالعرض و يخترقها و بيعمل شمعات صغيرة اي كلام ؟؟؟؟ يعني اختراق عرضي مش لفوق و لا لتحت

21- ارجو منك ان ترد علي المشاركة رقم 2678 في صفحة 179 ؟؟؟

22- عند التعارض بين الاستراتجيتين مثل يوم 14 ابريل علي اليورو ماذا نفعل ؟؟؟

23- هل حضرتك بتخش بلوت 10 مليون ( يعني النقطة ب 1000 دولار )) و ده طبعا يستلزم ان يكون رأس مالك حسب ادارتك لرأس المال 2.5 مليون ؟؟ ( مش بحسدك و الله بس الحاجات دي بتفرق معايا نفسيا ))

24- مش ملاحظ ان في ناس من اخواننا الاعزاء اللي كانوا في اول الموضوع بقالهم كتير ما ظهروش زي سامو و مصطفي و ابو صلاح اختفي شوية و رجع تاني ؟؟ اسأل الله ان يكونوا بخير جميعا و يرجعولنا تاني زي الاول

25- هل ينفع في استراتيجية الرينج ( التانية) ندخل مرتين .. مرة من فوق و مرة من تحت في نفس اليوم و علي نفس العملة ؟؟؟

26- مستنيين الهيدج علي احر من الجمر ( دا انا اكيل هيدج )؟؟؟

27- هل ممكن نعمل مؤشر يحط فواصل يومية حسب توقيت منصة التريد علي المنصات الاخري؟؟( فكرة جامدة )

28- عايز موبايلك يا دكتور جمال


ارجوك يا دكتور جمال يا ابو الكرم كله لو فيه سؤال من الاسئلة دي اجابته في ال270 صفحة اللي فاتوا معلش جاوبلي عليه تاني حتي لو باختصار لأني ما صدقت خلصتهم

و السلام عليكم و رحمة الله و بركاته

اسف اني ازعجتكوا

و يا د. جمال انا ما ذكرتش في المشاركة دي عبارات شكر كتير ليك لأن بجد مش لاقي عبارات توفيك حقك

[zelenko]

و مع تاني مشاركة ادكتور زيلينكو

1-دكتور جمال عايز اعرض عليك استراتيجيتي و التعديلات بتاعتها علشان لو هاتفيد الاعضاء ننشرها لهم

2- عندي مفاجأة هتبسط الاعضاء ان شاء الله

3- ارفقت لكم الاتي :

مؤشر د.جمال للرينج و التيمبلت بتاعته

مؤشر كينجو لرسم القنوات

مؤشر كينجو للتنبيه الصوتي لأختراق القناة لفريم الساعة

مؤشر كينجو للتنبيه الصوتي لأختراق القناة لفريم الاربع ساعات

مؤشر الفيبو لدكتور جمال

و اخيرا المفاجأة اللي محدش واخد باله منها : كتاب اختنا دروم الاصدار التاني اللي محدش واخد باله منه

كدة تبقي الاستراتيجية كلها معانا

و اي خدمة

[methaq]

اشكرك يا زلنكو على هذه الاسئله الممتازه وانا بصراحه استفدت من موضوع الدكتور جمال كتيييير اوى

واضفته مع الاستراتيجيه اللى شغال عليها واللى حيسألنى ايه الاضافت اللى ممكن نضيفها ومتشتتش الاخوان
هو متوسط 200 البسيط اضيفه للأستراتيجيه وشوف الهوايل اللى بيعملها سواء على فريم الساعه او فريم الخمس دقايق
ومره أخرى لا يسعنا الا ان نقول ان الدنيا لازالت بخير

[subzero]

ومره أخرى لا يسعنا الا ان نقول ان الدنيا لازالت بخير

فعلا

[Fawzi Alhamed]

عيوني يا باشا

اتفضل ياباشمهندس

شكرا بارك الله فيكم
ان شاء الله راح ادرس التمبلت
لكن هل هو معتمد من دكتور جمال على الطريقه؟