... خبرتى ...

[سامر 555]

السلام عليكم ورحمة الله وبركاته

معلش لانشغالى الشديد
بس قريت كل المشاركات اللى فاتتنى

وبصراحة .... زعلت
هل الموضوع صعب للدرجادى؟
دى خطوة اتنين تلاتة تكسب بمنتهى البساطة

انا شايف الناس خرجت تماما عن صلب الموضوع
من الردود ناس بتدخل على اليومى وسايبة الساعة
وناس بتدخل على ارتدادات قبل الرينج اليومى
وناس بتدخل على الساعة وسايبة الاتجاه من ال 4 ساعات
وناس بتحاول تكون فيه فرصة بالعافية مع ان مافيش شكل واضح

الموضوع ابسط من كده بكتييييييير

نشوف مثل على النهاردة بالتفصيل شويتين بقى
عشان لو حصل اى ظروف عندى اى يوم ابقى مطمن
ده مثل من اوله لآخره بالظبط ايه الحكاية بالخطوات المملة وبالصور كمان عشان ماحدش يزعل منى

أولا
لااااااااازم نبص على ال 4 ساعات الاول وبعدين نبص على الساعة ويكون فيه تأكيد سعرى، دى المراحل بالترتيب
أول اليوم فتح الكيبل على الحد العلوى للقناة، بس على ال4 ساعات ماكانش باين
انما بعد شمعة 4 ساعات ما قفلت عملت فولنج او ذى رووف (على ال 4 ساعات) وكان على الساعة ارتد كذا مرة من الحد العلوى
فندخل بيع من فتحة الساعة 4 وعمل تارجت حوالى 40 نقطة
طيب فيه ناس هاتقول احنا بشتغل على الكسر
انا عموما مش حاسب الصفقة دى من ضمن الارقام على الصورة (انما الدخول فيها صح)

نيجى للى فى الصورة
على فريم الساعة ارتد السعر كذا مرة من خط المنتصف للقناة الحمرا
وكمان قفلت الساعة 11 خارج القناة
مع عمل شكل ابتلاع شرائى قوى (كل ده على الساعة)
نشوف ال 4 ساعات
الشمعة بتاعت 8 ارتدت بقوة من خط المنتصف الاحمر (على ال 4 ساعات) وقفلت وعملت شكل كيل ذى سيلر (ذيل طوييييل واطول من اللى قبلها مع الاغلاق بموجب اوى)
يبقى الشرا على الساعة بعد ما قفلت خارج القناة من فتحة الساعة 12 (اللى عليها رقم 1 فى الصورة)
بتارجت الحد العلوى للاحمر
ولكن فى نفس الشمعة كسرت الحد العلوى للأحمر كمان (يبقى ممكن نصبر شوية مانقفلش الشرا واللى قفل كمان اخد حوالى 30 نقطة)

المهم
على ال 4 ساعات قفلت شمعة 12 خارج القناة مع اعادة الاختبار بذيل الشمعة اللى بعدها (اللى عليها السهم فى صورة ال 4 ساعات)
اما على الساعة فكان الكسر للقناتين حصل وعمل اعادة اختبار كمان
يبقى الدخول اكيييييييد شرا من رقم 2 فى الصورة (مش بيع ابدا زى ما الاخوان قالوا، بيع على اى اساس، ده كل حاجة مكسورة لفوق على ال 4 ساعات وعلى الساعة، فيبقى شرا وشرا قوى كمان)
فاللى دخل شرا من هنا وكان هدفه على الاقل الرينج اليومى، اخد حوالى 60 نقطة كمان (اما لو كان محتفظ بالشرا اللى قبله يبقى اكتر من كده)

نيجى بقى للارتداد
اللى قال الدخول من شمعة فولنج اللى على خطوط الرينج
اولا الشمعة ما لمستش حتى خطوط الرينج الحمرا
ثانيا احنا فى يوم شرا شرا شرا، واحنا قلنا البيع من عند الخطوط يكون فى يوم مع الاتجاه العام (نراجع اللى اتقال)
ثالثا حتى لو هاناخد بيع فى يوم اساسه شرا، يبقى زى ماقلنا من على الخطوط مش لما تقفل الشمعة (ده لو عاوز تبيع بدون كسر الخطوط)
واللى عمل كده (باع من على الخطوط) كمان مع انه يوم شرا (اللى هى رقم 3 على الصورة) اخد مكسب برضة حوالى 25 نقطة مع انه يوم شرا

انما الصح فى يوم الشرا زى ده انه يبقى بعد الكسر زى ما قلنا
اللى هو من رقم 4 على الصورة
قفلت الشمعة فوق الخط الاحمر والبيع يكون من الهاى بتاعها (او افضل)
فهانقول البيع كان من الهاى مش افضل ولا حاجة
فاللى باع من هنا اخد ربح حوالى 17 نقطة
طيب ليه؟؟ ماحنا قلنا تلت الرينج، يعنى 41 نقطة تقريبا
تمام
بس قلنا احنا مش ماكينة، التانى اكسبيرت، انما احنا بشر
بص على رقم 5 فى الصورة لما السعر يبقى بقاله 7 ساعات مش قادر يكسر اللو بتاع شمعة فولينج او ذى رووف (اللى هى المفروض السعر يسافر لتحت بعدها) وكمان بعد ما مشى اكتر من الرينج اليومى بكتير
يعنى الافضل اقفل، واحتفظ ب 17 مكسب ولا يعكس عليا؟؟
وحتى لو نزل بعد مانا قفلت مش مهم، عندنا بكرة فيه فوركس على فكرة
وكفاية اللى عملناه فى الكيبل
40
+
30
+
60
+
25 (ده لو حد دخلها)
+
17
=
172 +
او حتى
147 +

يعنى مش لازم نعصر العملة اكتر من كده، ولا ايه؟

المقصود الاتى
بلاش نخترع فرص مش موجودة
بلاش الفكرة العامة اللى فى راسنا (اللى هى البيع) تخلينا مانشوفش الكسر اللى قدام عينينا (تاجر ما ترى)
بلاش التسرّع والدخول عكس الاتجاه بالاستراتيجية التانية
بلاش لما ندخل فى تريدة (سواء على الاولى او التانية) نفضل فيها لحد الهدف اللى فى دماغك (سواء الحد العلوى بالنسبة للأولى او تلت التارجت بالنسبة للتانية) يبقى على حسب سلوك السعر سواء اكتر من التارجت او اقل، مش عيب

فيارب تكون المشاركة دى وضحت كذا حاجة
ازاى تقدر تفكّر بالترتيب
تدخل فين وتخرج فين
كيفية التعامل مع الاستراتيجية الاولى
كيفية التعامل مع الاستراتيجية التانية
تعلّم احترام السوق

صحيح الحمد لله السوق بقى واضح كتير الوقتى لينا
بس لو دخلت غلط، السوق مش هايرحمك
مع اننا قلنا سابقا انك لو دخلت صح والسوق عكس عليك، لازم يديلك الفرصة تانى انك تقفل ولو على صفر، انما مش هايغدر بيك، ليه؟؟ ((عشان داخل صح))
انما داخل غلط هايفرمك

اللهم علّمنا، اللهم آمين

وانا موجود لمدة ساعة كمان لو فيه اى سؤال

اخوكم
د/ جمال ممدوح

السلام عليكم ورحمة الله وبركاته
اخواني الكرام انا متابع من اسبوعين ومش قادر الحقكم هههههههههههههه
حبيت تذكيركم في هذه المشاركه القيمه جدا والتي اضافت الي الكثير حتى بعد قراءت الموضوع
استاذ جمال رايح يكونلك رد خاص بس اخلص الموضوع
والان اسمحوا لي فاضلي 122 صفحه فققققققققققققققققققط هههههههههههههههه

[mahsayyah]

الحمد لله اننا اتفقنا على حاجة اولا ان دى طريقة من طرق الأستاذ ابو ياسر . تحديد الهدف هقولك ازاى . المفروض ان متوسط الرنج اليومى عندى 114 بيب نقسم على 3 = 38 بيب وانا اكتفيت ب 35 بيب هدف ان شاء الله يحققه لانى عملت حساب القنوات السعرية الموجودة فى فريم الساعة . وعندى اوردر تانى تعزيز بيع من 1.4450 بهدف البيع الأول ونخرج من الأول على الدخول

بس اليورو وصل الرنج 153 لغاية هذة اللحظة وعادة لما يجيب الرنج بسرعة بكون لسة بدة يكمل لفوق شوي
وأخذ البيع بكون خطف وبلوت برضة صغير والله يطللعك منة بسلامة يا غالي

[aime123]

أ شكر على الشرح أخي، أنا أعمل بها على هذا الشكل :

مفيش مشكلة 15 او 20 او حتى 30 المهم اننا الحمد لله فهمنا بعض واتفقنا وبعدين انتا بتشكرنى على ايه بس انا بعتبر نفسى أخ لكل الناس هنا ومهمتنا نكبر الموضوع ونحسس استاذنا العزيز ابو ياسر ان البذرة اصبحت ثمرة

[aime123]

بس اليورو وصل الرنج 153 لغاية هذة اللحظة وعادة لما يجيب الرنج بسرعة بكون لسة بدة يكمل لفوق شوي
وأخذ البيع بكون خطف وبلوت برضة صغير والله يطللعك منة بسلامة يا غالي

ما دمنا متابعين ومتفقين على الأساس مفيش مشكلة بس خلى بالك الرنج المفروض 114 دا متوسط السعر ل 14 يوم وزى ما المؤشر الخاص بأستاذنا كاتب وان شاء الله راح او جه براحته لاننا خلاص بنراقب خط سيره على فكرة وقاعدين له قعدة رجالة . ناس دلوقتى فى كنتاكى او مكدونالدز مش فاكر هههههههههههه وناس مع اليورو .

[aime123]

مراقبة الباوند فرنك يا رجالة

[aime123]

السلام عليكم ورحمة الله وبركاته
اخواني الكرام انا متابع من اسبوعين ومش قادر الحقكم هههههههههههههه
حبيت تذكيركم في هذه المشاركه القيمه جدا والتي اضافت الي الكثير حتى بعد قراءت الموضوع
استاذ جمال رايح يكونلك رد خاص بس اخلص الموضوع
والان اسمحوا لي فاضلي 122 صفحه فققققققققققققققققققط هههههههههههههههه

تصدق بالله اخى العزيز انا خلصت الموضوع فى 3 ايام فقط لانى كنت ملهوف جدا اعرف الطريقة كاملة مع العلم انى كنت بعمل كمان ملف وورد للموضوع لحد ما وصلت للملف اللى عملته الاخت الفاضلة هنا فى الموضوع . شد حيلك والحقنا

[aime123]

ايضا نراقب المجنون فريم 4 ساعات لانه لو اغلق اسفل من اللو الحالى هيكون فرصة حلوة لانه هيكون كسر الحد السفلى للقناة وممكن ناخده بيع بردو وان شاء الله تكون فرصة حلوة

[TSX]

السلام عليكم يا شباب اخباركم

[aime123]

السلام عليكم يا شباب اخباركم

عليكم السلام ورحمة الله وبركاته اخى الكريم . اخبارنا لله الحمد اخبارك انتا ؟

[TSX]

عليكم السلام ورحمة الله وبركاته اخى الكريم . اخبارنا لله الحمد اخبارك انتا ؟

الحمد لله بس الاختبارات مجنناني

[AbuJmel]

لي سؤؤال شباب بالنسبة للنفط
النفط الي نعرفه هو سعره الان 111.78 لكن هناك نفط مكتوب عليه برنت وسعره 125.75 ايش هاذ؟؟؟

[ساري الليل]

ايضا نراقب المجنون فريم 4 ساعات لانه لو اغلق اسفل من اللو الحالى هيكون فرصة حلوة لانه هيكون كسر الحد السفلى للقناة وممكن ناخده بيع بردو وان شاء الله تكون فرصة حلوة

ولكن ياغالي لا تنسى ان شغلنا على الساعه مش الاربع ساعات
هو حتى لو قفلت الشمعه تحت القناه الصغيره للاربع ساعات لكن المجنون نازل من الهاي تقريب 125 نقطه يعني تعب شويه ممكن ما يكمل وكمان اليوم جمعه اخر يوم في التداول وقرب ينتهي اليوم وايضا على الساعه رجع من خط المنتصف للقناه الكبيره ورجع من عند فيبوا 50 باضبط

ياليت اذا عندي خطا يصححوا لي الاخوه

[aime123]

لي سؤؤال شباب بالنسبة للنفط
النفط الي نعرفه هو سعره الان 111.78 لكن هناك نفط مكتوب عليه برنت وسعره 125.75 ايش هاذ؟؟؟

فيه النفط الثقيل والخفيف

[mohamed sallam]

[COLOR="navy"]باللتوفيق أن شاء الله والله كان نفسى أحضر هذا اللقاء ولكن ظروف عملى كطبيب وكمان فى الكويت هى اللى منعتنى ولكن أن شاء الله أنا حاجز أول مكان فى اللقاء القادم بس اعرف قبلها بدرى شويه.
وارجوا ارسال رقم الموبيل ان كان مسموح حسب قوانين المنتدى .بصراحه أنا فرحان جدا لهذا اللقاء لأنه بيجسد روح الحب بين الأخوه وروح العطاء
وارجو ان تكون نواه طيبة لأشاء جميلة فى المستقبل وفككم الله وفى انتظار ماحدث فى اللقا ء يادكتور كما وعدتنا.

[aime123]

ولكن ياغالي لا تنسى ان شغلنا على الساعه مش الاربع ساعات
هو حتى لو قفلت الشمعه تحت القناه الصغيره للاربع ساعات لكن المجنون نازل من الهاي تقريب 125 نقطه يعني تعب شويه ممكن ما يكمل وكمان اليوم جمعه اخر يوم في التداول وقرب ينتهي اليوم وايضا على الساعه رجع من خط المنتصف للقناه الكبيره

ياليت اذا عندي خطا يصححوا لي الاخوه

كلامك جميل وممتاز جدا جدا ولكن تعالا نبص مع بعض بالراحة . على فريم الأربع ساعات قولت لو قفل تحت من اللو بشوية يعنى اسفل القناة وقتها هيكون قفل بردو ع الساعة تحت خط منتصف القناة غير كدة كمان ان المجنون يومى اخترق بشمعة صاروخية واكيد هيرجع يلامس القناة تانى ولا ايه رئيك انا بحاول اربط الترووس ببعضها