... خبرتى ...

[Trend Trader]

حسب خبرتي لا دخول مع كسر القناة الثانية
لا يهم اللون
والناس خرجت من بدري وتم شرح ذلك اليوم

hmy فقط راجع مشاركات الأخ

ولا يهمك يا اخي فانا اريد ان ادخلها لان نظرتي تقول دالك و الحمد لله خرجت بربح عن طريق التعزيز الدي هو مفتاح خبرتي للربح

[ensaf]

ماشاء الله على هذا الشرح الجميل و أشكرك أختي إنصاف على ذلك و على إهتمامك .. إذا مما إتضح من الشرح أننا نعتمد موقع الشمعة بالنسبة للقناة الحمراء فقط لتحديد الإتجاة العام و منها نحدد إتجاهنا على الديلي و على الأربع ساعات إليست بهذه السهولة أختي إنصاف أرجو تأكيد ذلك لي لكي تكون واضحة جدا ... أختي إنصاف آسف لكثرة الأسئلة و لكن طمعا في المزيد من علمك زادك الله علما و معرفة.... أسئلتي هي:

1- في يوم 1-12 :
# تم البيع بلوت كامل ثم التعزيز بالضعف بعد 70 نقطة. اليس ذلك مخاطرة و خصوصا أننا دخلنا بما مجموعه ثلاثة عقود كاملة و تمثل 3 دولارات لكل 2500 دولار من رأس المال هل هذه تعتبر مخاطرة كبيرة أم ماتزال مقبولة ؟
# بالنسبة لشارت الديلي عندما تكسر الشمعة خلال اليوم إلى أعلى هل نعتد بها خلال تحليلنا في للدخول في وسط اليوم أم نركز فقط على شمعة اليوم السابق و يكون دخولنا حسب شمعة اليوم السابق و لا ننظر لشمعة اليوم الحالي حيث أنها متغيرة .. و كذلك لشارت ال 4 ساعات كيف نعامل الدخول في وسط اليوم هل نضع في الحسبان الشمعات الحالية ليوم التداول في التحليل أم نتجاهلها و نركز فقط على شمعات اليوم السابق ؟

2- في يوم 6-12 :
# في شارت الساعة وضعتي علامتين بيع بعد الكسر للأسفل ... هل العلامة الثانية خاصة بظهور سلوك الأستك فقط أو أنه يمكن إعتمادها نقطة دخول بيع لمن فاته فرصة البيع الأولى و حتى لو لم يكن هناك سلوك الأستك؟

شاكرا لكي إهتمامك و جزاك الله عنا كل خير

1- مخاطرة كبيرة جداً وقد تؤدى الى الهلاك
وانا جربتها فظيعة
2- يجب معرفة وضع السعر على الديلى فى القناة هل بالامس هابط ولم يكسر دعم او انه صاعد وموجود بالقرب من الحد العلوى نضع كل الاحتمالات بمعنى انه ممكن يكسر ويخرج او يرتد
وبناءا عليه نربطه مع وضع ال 4 ساعات وشموعها وهل كسرت الى الأعلى ام الى الأسفل والسعر اين هو ذاهب
وكل هذا نربطه مع كسر الساعة
فقد يكون الكسر فى الساعة الى اعلى وال 4 ساعات مثلا السعر كان بالقرب من الحد العلوى وكذلك الديلى بالقرب من الحد العلوى
اذن ندخل شراء لأن الكل متجه الى الكسر الى الأعلى الى ان يتأكد الاتجاه باغلاق ال 4 ساعات خارج القنوات وهكذا
3 - هى فرصة اخرى للدخول فى كلا الحالات

أختي إنصاف جزاك الله خير لدي سؤال سريع أما الأسئلة الكثيرة فقد تم طرحها في الأمس و الله يعينك علينا و كثرة أسألتنا سؤالي هو

لتحديد الأتجاه على الديلي أو الأربع ساعات أو اليومي هل نقوم بالتحليل و تحديد الإتجاه قبل إعادة الرسم للقنوات الجديده مثل في بداية الشهر لليومي و بداية الأسبوع لل 4 ساعات و للساعة أي هل نحلل قبل تغير رسم او بعد تغير رسم القنوات لأن ذلك يختلف كليا أرجو ان يكون السؤال واضح و لكي جزيل الشكر

نحلل بعد اعادة الرسم من كل اول شهر
وكل اول اسبوع وكل اول اليوم
ويفضل بعد المرور على اول الأفتتاح ساعة على الأقل
حتى تثبت القنوات على الساعة وتتضح الرؤية

[حيدر علي]

السلام عليكم ورحمة الله
تحيه طيبه للاخ الغالي د\جمال
والاخت الغاليه انصاف
مضى كثيرا ً على اخر مشاركه لي هنا
انتطر بفارغ الصبر ما وعدنا به الدكتور
ان شاء الله سنعود الى بيتنا الاول كما في السابق واكثر بفضل الله تعالى

[mohsun]

يا حبى حسب الاستراتيجية وقواعدها لو عززت كان زمانك خرجت على مكسب كبير من امبارح كمان
ودخلت معانا الصفقات امبارح والنهاردة
عموما
اعتقد انه هايطلع وهايطلع كتييييييييييير كمان
ولكن ده على الفريم الاكبر
فممكن يرتد شوية ويطلع ويرتد وهكذا
انما الاتجاه العام اعتقد طلووووووع
بس انا عموما ماباحبش اكون تحت رحمة السوق كتير
وشكرا

السلام عليكم
وحشتنا ......امتى الميعاد الجديد
منتظرينك ..... ولك تحياتى

[حمزة توفيق]

مشاركة سابقة للدكتور جمال بتاريخ 15/03/2011 لزيادة الفهم عن كسر القنوات وتؤكد شرح الاستاذة انصاف

السلام عليكم ورحمة الله وبركاته

معلش لانشغالى الشديد
بس قريت كل المشاركات اللى فاتتنى

وبصراحة .... زعلت
هل الموضوع صعب للدرجادى؟
دى خطوة اتنين تلاتة تكسب بمنتهى البساطة

انا شايف الناس خرجت تماما عن صلب الموضوع
من الردود ناس بتدخل على اليومى وسايبة الساعة
وناس بتدخل على ارتدادات قبل الرينج اليومى
وناس بتدخل على الساعة وسايبة الاتجاه من ال 4 ساعات
وناس بتحاول تكون فيه فرصة بالعافية مع ان مافيش شكل واضح

الموضوع ابسط من كده بكتييييييير

نشوف مثل على النهاردة بالتفصيل شويتين بقى
عشان لو حصل اى ظروف عندى اى يوم ابقى مطمن
ده مثل من اوله لآخره بالظبط ايه الحكاية بالخطوات المملة وبالصور كمان عشان ماحدش يزعل منى

أولا
لااااااااازم نبص على ال 4 ساعات الاول وبعدين نبص على الساعة ويكون فيه تأكيد سعرى، دى المراحل بالترتيب
أول اليوم فتح الكيبل على الحد العلوى للقناة، بس على ال4 ساعات ماكانش باين
انما بعد شمعة 4 ساعات ما قفلت عملت فولنج او ذى رووف (على ال 4 ساعات) وكان على الساعة ارتد كذا مرة من الحد العلوى
فندخل بيع من فتحة الساعة 4 وعمل تارجت حوالى 40 نقطة
طيب فيه ناس هاتقول احنا بشتغل على الكسر
انا عموما مش حاسب الصفقة دى من ضمن الارقام على الصورة (انما الدخول فيها صح)

نيجى للى فى الصورة
على فريم الساعة ارتد السعر كذا مرة من خط المنتصف للقناة الحمرا
وكمان قفلت الساعة 11 خارج القناة
مع عمل شكل ابتلاع شرائى قوى (كل ده على الساعة)
نشوف ال 4 ساعات
الشمعة بتاعت 8 ارتدت بقوة من خط المنتصف الاحمر (على ال 4 ساعات) وقفلت وعملت شكل كيل ذى سيلر (ذيل طوييييل واطول من اللى قبلها مع الاغلاق بموجب اوى)
يبقى الشرا على الساعة بعد ما قفلت خارج القناة من فتحة الساعة 12 (اللى عليها رقم 1 فى الصورة)
بتارجت الحد العلوى للاحمر
ولكن فى نفس الشمعة كسرت الحد العلوى للأحمر كمان (يبقى ممكن نصبر شوية مانقفلش الشرا واللى قفل كمان اخد حوالى 30 نقطة)

المهم
على ال 4 ساعات قفلت شمعة 12 خارج القناة مع اعادة الاختبار بذيل الشمعة اللى بعدها (اللى عليها السهم فى صورة ال 4 ساعات)
اما على الساعة فكان الكسر للقناتين حصل وعمل اعادة اختبار كمان
يبقى الدخول اكيييييييد شرا من رقم 2 فى الصورة (مش بيع ابدا زى ما الاخوان قالوا، بيع على اى اساس، ده كل حاجة مكسورة لفوق على ال 4 ساعات وعلى الساعة، فيبقى شرا وشرا قوى كمان)
فاللى دخل شرا من هنا وكان هدفه على الاقل الرينج اليومى، اخد حوالى 60 نقطة كمان (اما لو كان محتفظ بالشرا اللى قبله يبقى اكتر من كده)

نيجى بقى للارتداد
اللى قال الدخول من شمعة فولنج اللى على خطوط الرينج
اولا الشمعة ما لمستش حتى خطوط الرينج الحمرا
ثانيا احنا فى يوم شرا شرا شرا، واحنا قلنا البيع من عند الخطوط يكون فى يوم مع الاتجاه العام (نراجع اللى اتقال)
ثالثا حتى لو هاناخد بيع فى يوم اساسه شرا، يبقى زى ماقلنا من على الخطوط مش لما تقفل الشمعة (ده لو عاوز تبيع بدون كسر الخطوط)
واللى عمل كده (باع من على الخطوط) كمان مع انه يوم شرا (اللى هى رقم 3 على الصورة) اخد مكسب برضة حوالى 25 نقطة مع انه يوم شرا

انما الصح فى يوم الشرا زى ده انه يبقى بعد الكسر زى ما قلنا
اللى هو من رقم 4 على الصورة
قفلت الشمعة فوق الخط الاحمر والبيع يكون من الهاى بتاعها (او افضل)
فهانقول البيع كان من الهاى مش افضل ولا حاجة
فاللى باع من هنا اخد ربح حوالى 17 نقطة
طيب ليه؟؟ ماحنا قلنا تلت الرينج، يعنى 41 نقطة تقريبا
تمام
بس قلنا احنا مش ماكينة، التانى اكسبيرت، انما احنا بشر
بص على رقم 5 فى الصورة لما السعر يبقى بقاله 7 ساعات مش قادر يكسر اللو بتاع شمعة فولينج او ذى رووف (اللى هى المفروض السعر يسافر لتحت بعدها) وكمان بعد ما مشى اكتر من الرينج اليومى بكتير
يعنى الافضل اقفل، واحتفظ ب 17 مكسب ولا يعكس عليا؟؟
وحتى لو نزل بعد مانا قفلت مش مهم، عندنا بكرة فيه فوركس على فكرة
وكفاية اللى عملناه فى الكيبل
40
+
30
+
60
+
25 (ده لو حد دخلها)
+
17
=
172 +
او حتى
147 +

يعنى مش لازم نعصر العملة اكتر من كده، ولا ايه؟

المقصود الاتى
بلاش نخترع فرص مش موجودة
بلاش الفكرة العامة اللى فى راسنا (اللى هى البيع) تخلينا مانشوفش الكسر اللى قدام عينينا (تاجر ما ترى)
بلاش التسرّع والدخول عكس الاتجاه بالاستراتيجية التانية
بلاش لما ندخل فى تريدة (سواء على الاولى او التانية) نفضل فيها لحد الهدف اللى فى دماغك (سواء الحد العلوى بالنسبة للأولى او تلت التارجت بالنسبة للتانية) يبقى على حسب سلوك السعر سواء اكتر من التارجت او اقل، مش عيب

فيارب تكون المشاركة دى وضحت كذا حاجة
ازاى تقدر تفكّر بالترتيب
تدخل فين وتخرج فين
كيفية التعامل مع الاستراتيجية الاولى
كيفية التعامل مع الاستراتيجية التانية
تعلّم احترام السوق

صحيح الحمد لله السوق بقى واضح كتير الوقتى لينا
بس لو دخلت غلط، السوق مش هايرحمك
مع اننا قلنا سابقا انك لو دخلت صح والسوق عكس عليك، لازم يديلك الفرصة تانى انك تقفل ولو على صفر، انما مش هايغدر بيك، ليه؟؟ ((عشان داخل صح))
انما داخل غلط هايفرمك

اللهم علّمنا، اللهم آمين

وانا موجود لمدة ساعة كمان لو فيه اى سؤال

اخوكم
د/ جمال ممدوح

[shearar]

يا جماعة رجاءا اخر المؤشرات والتمليت للطريقة لاني فرمتت الجهاز ..وشكرا لكم

[sawyhamdy]

السلام عليكم
كيف حالك جميعا هذا ملف أكسل وجدته في أحد المنتديات يوضح كيفية تحديد اللوت حسب الرصيد وتقريبا لكل 10 دولار سنت وهذا ليس إعتراض على إدارة رأس المال في خبرتي ولكني أردت طرحه لمناقشته سواء أخذتم به أم لا فأرجو عدم فهمي خطا طبعا كيفية استخدام هذا الملف نقوم بتغيير المبلغ أي الرصيد وذلك في أول خانة ثم نغير عدد النقاط المراد ربحها يوميا وذلك في كل خانةوهذا يتم يدويا والبرنامج يقوم بحساب اللوت التالي أتوماتيكيا وهكذا وطبعا قيمية الإنعكاس بهذا الأسلوب 1000 نقطة أرجو أني قد وضحت الأمر وأي استفسار أنا على إستعداد
ولكم مني التحية أخوكم حمدي الصاوي

[hmy]

انت مصمم بردة خلاص برحتك
بس للمعلومية الفيبوناتشى لية اتنين استخدام فى الأستراتيجية
فيبوناتشى تصحيحى ودة المؤشر اللى حضرتك بتتكلم علية اللى بيترسم على هاى ولو اليوم السابق
وفيبوناتشى امتدادى ودة الحاجة الوحيدة اللى بنرسمها بايدينا وهتلاقيها فى ملخصات الأستراتيجية
مش مقتنع ومكسل تبص على ملخص الأستراتيجية اعتبرنى مقولتش حاجة

شكراً لك أخي العزيز على ردك

الدكتور جمال ممدوح بارك الله فيه بالفعل شرح عن الفيبوناتشي بهذه الطريقة
وانا على ثقة بان الالتزام بهذه الاستراتيجية يقود حتما الى النجاح
وهذا رابط المشاركة
https://forum.arabictrader.com/t1184...ml#post2043625
هذه المشاركة وغيرها مضمنة في الملخص في توقيعي

شكراً أخي الكريم على توضيحك للمشاركة بالفعل أنا اتذكرت إنو عدينا على حاجة زي كدا بس لم نمارسها في هذه الورشة لذلك نسيت شكراً للتذكير وعلى حسن ردك
تحيـــاتي لك وللجميع

[ابو فيصل2002]

شاكر و مقدر أختي إنصاف على الرد الجميل و الوافي و جزاك الله عنا كل خير و رحم الله والديك

[Trend Trader]

من خلال نظرتكم للقنوات ايه هيكون السيناريو ليوم غد سواء اليورو او الباوند انا و الله اعتقد شراء لاكن هدا طبعا يعتمد على الكسر و هدا سؤال للتامل فقط ههه

[الرمز]

السلام عليكم
كيف حالك جميعا هذا ملف أكسل وجدته في أحد المنتديات يوضح كيفية تحديد اللوت حسب الرصيد وتقريبا لكل 10 دولار سنت وهذا ليس إعتراض على إدارة رأس المال في خبرتي ولكني أردت طرحه لمناقشته سواء أخذتم به أم لا فأرجو عدم فهمي خطا طبعا كيفية استخدام هذا الملف نقوم بتغيير المبلغ أي الرصيد وذلك في أول خانة ثم نغير عدد النقاط المراد ربحها يوميا وذلك في كل خانةوهذا يتم يدويا والبرنامج يقوم بحساب اللوت التالي أتوماتيكيا وهكذا وطبعا قيمية الإنعكاس بهذا الأسلوب 1000 نقطة أرجو أني قد وضحت الأمر وأي استفسار أنا على إستعداد
ولكم مني التحية أخوكم حمدي الصاوي

الف شكر على هذا الملف ياشيخ حمدي
تحياتي لك

[ghaly]

كل سنة وانتم طيبين جميعاً
دى اول مشاركة ليا فى هذا المنتدى الجميل الاكثر من رائع
وانا لسة جديد فى الفوركس وحبيته اوى واللى خلانى احبه الدكتور جمال الله يبارك فيه ويكرمه
صاحب استراتيجية خبرتي اللى هى من احسن الاستراتيجيات فى الفوركس
انا كنت سمعت ان في اكسبيرت لأستراتيجية الرينج فياريت من الاخوة الكرام اللى معاه الاكسبيرت يرفعه ولكم مني جزيل الشكر

[mohamed shawky]

السلام عليكم
كيف حالك جميعا هذا ملف أكسل وجدته في أحد المنتديات يوضح كيفية تحديد اللوت حسب الرصيد وتقريبا لكل 10 دولار سنت وهذا ليس إعتراض على إدارة رأس المال في خبرتي ولكني أردت طرحه لمناقشته سواء أخذتم به أم لا فأرجو عدم فهمي خطا طبعا كيفية استخدام هذا الملف نقوم بتغيير المبلغ أي الرصيد وذلك في أول خانة ثم نغير عدد النقاط المراد ربحها يوميا وذلك في كل خانةوهذا يتم يدويا والبرنامج يقوم بحساب اللوت التالي أتوماتيكيا وهكذا وطبعا قيمية الإنعكاس بهذا الأسلوب 1000 نقطة أرجو أني قد وضحت الأمر وأي استفسار أنا على إستعداد
ولكم مني التحية أخوكم حمدي الصاوي

[ليلى علي]

اين البخور ام يوسف؟

[mohamed shawky]

اين البخور ام يوسف؟