... خبرتى ...

[yafrahnet]

هل هاته فرصة شراء للكيبل صحيحة على شارت الساعة؟

[شريف بتروبل]

تلاوه نادره للشيخ مشارى راشد العفاسى
سورة التكوير

حبيت نبدأ بيها يوم جديد
اتمنى تستمتعوا بسماعها

[السلاحف]

تلاوه نادره للشيخ مشارى راشد العفاسى
سورة التكوير

حبيت نبدأ بيها يوم جديد
اتمنى تستمتعوا بسماعها

ما شاء الله اخي،

الله يسقيك من نهر الكوثر،

آمين.

[sawyhamdy]

السلام عليكم ورحمة الله وبركاته
عدنا للكتابة تانى
انا حبيت بس اوضح بعض النقاط عشان لقيت فيه اختلاف النهاردة

فيه حاجة اسمها كراود سايكولوجى
دى عبارة عن ايه؟؟
بيسموها اسم بالعربى مابيعجبنيش "نفسية القطيع" ده على اساس اننا بهايم؟؟ ههههه
دى عبارة عن تأثير الجماعة على الفرد
أكيد مش قصدهم الجماعة اللى فى البيت (مع ان بيكون ليها تأثير على الفرد أكبر) انما ده بيكون مثلا لما حصل عندنا فى مصر الثورة فى يناير
الناس جالها هلع وتروح تشترى باكو سكر حتى مافيش كله اشترى بالشوال
ومافيش حتى رغيف عيش الناس بتشترى وهى مش عارفة ليه، بس عشان كله بيشترى يبقى اكيد فيه مصيبة ويلا نلحق نفسنا
وحتى لو عملت حاجة مش مقتنع بيها هايكون ردك (ما الناس كلها بتعمل كده) وكإن عشان الناس بتعمل كده يبقى عادى انك تعمله
المهم
ده هايفيدنا فى ايه فى الفوركس
نفس القصة
لما ادخل المنتدى والاقى الناس كلها بتقول بيع بيع بيع واليورو الى كذا وانهيار الكيبل و و و
ما طبعا ده هايأثر فى نفسيتى ورؤيتى للشارت (ده لو هابص له اصلا بعد الكلام ده)
وتلاقى واحد منزل شارت (اسبوعى) وراسم ترند هابط وبيقول انه فى اسفل سافلين
وممكن يكون كلامه صح
بس امتى؟؟؟ ده شارت اسبوعى وعليك خير، يديلك طول العمر
ممكن يطلع قبل ما ينزل لهدفه ييجى الف نقطة وهايروح مسيره للهدف بس بعد ما نمرجن
ولما الناس كلها تكون بتقول بيع او شرا تفتكر انت هاتدخل عكس الاتجاه؟؟ وحتى لو انت رهيب ودخلت عكسه هاتدخل بعقد قليل اوى وترجع تقول ياريت

كل اللى فات ده ليه؟؟
عشان انا شايف انه ابتدى يتنقل عندنا هنا فى الموضوع
بمعنى ان الكل بيقول بيع بيع بيع والاتجاه نزوووووول واى صعود هو للبيع و و
مع انك لما تبص بنظرة عقلانية وبدون التأثير الخارجى و(بنظام استراتيجياتنا) اللى من اهم صفاته انه بيخليك تتاجر بما ترى وبدون تدخل النفسية اساسا
هاتلاقى ان زى معظم الاخوان ما قالوا (بس المهم فى التنفيذ)
ان على فريم اليومى عمل تارجته
فريم 4 ساعات عمل تارجته وكسر من فوق
والاهم اللى بنشتغل عليه فريم الساعة كسر فوق
يعنى بيبوس ايدك تشترى
ولكن
الكل خايف
ليه؟؟
عشان البيع بيع بيع
والزن على الودان أمرّ من السحر

انا امبارح (وعشان كده مش باحب اقول صفقات كتير) قلت انه كسر الترند الهابط
وده تارجته 60 تارجت اول و 100 تارجت اخير
ارتد 20 او 30 عن مكان الدخول اللى قلت عليه (ده بعد ما جاب التارجت الفورى اللى برضة قلت عليه 30 فى شمعتها)
النهاردة كمان كسر لفوق (يعنى تاكيد صفقة امبارح) واللى لسه ماجابتش تارجتها اللى قلناه
ومع ذلك فوووووووجئت (وبعد ما قلت النهاردة طارد ارباحك) ان الناس قفلت الشرا بدرى جددددددا
لا وكمان باعت (انا مش عارف على اى اساس؟؟؟) وبقت بتطارد خسارتها بالتعزيز

اللى خلانى اكتب النهاردة
ان انا قلت سابقا ان السوق لو انت (داخل صح) بيديلك فرصة للخروج على الصفر او على ربح قليل
انما لو انت داخل غلط هايفرمك (وكل ده عندكم فى المشاركات القديمة)
النهاردة الناس داخلة بيع على اى اساس؟؟؟ تقدر تقولى كده؟
ده كاسر كل القنوات لفوق، وكاسر ترند ما جابش تارجته و و و وكل اللى قلناه فوق ده
هل ممكن تقولى داخل بيع ليه؟؟؟ بس يكون من خلال شروط استراتيجياتنا، ممكن تكون اشارات بيع باستراتيجية تانية، انا باتكلم عننا هنا نبيع ليه؟؟
وكمان الناس بتعزز، يعنى بتضيف للغلط غلط تانى اكبر شوية
ايوة ممكن الناس تكسب (زى النهاردة كده) احمد ربنا عشان ده مش مقياس، لو سافر السعر هاتتظبط
بنقول الالتزام مهم، بس هل فيه تطبيق للكلام ده؟

رؤيتى للنهاردة هى كالتالى
شرا (سواء من امبارح لما قلنا او من كسر النهاردة لما قلنا برضة) والحفاظ على الشرا وملاحقة الارباح
تاخد كلللللل الموجة الصاعدة شرا (مش بيع من اولها)
ولما يخلص تارجت الشرا الاخير (اللى هو 100 زى ماقلنا ووصل له) كان ساعتها عند الرينج وكمان عمل سلوك سعرى (شمعتين فولنج) تقوم تاخده بيع بيع بيع اللى كان نفسك فيه
بس من فوق، ومن مكان البيع
ولو الناس شايفة ان لما السعر بيرتد عليها بتكسب اكتر من التعزيز، يا سيدى ابقى ادخل من فوووووق من الاول بكل عقود التعزيز وكانك بايع من تحت وعززت، بس ساعتها مش هايكون السعر ارتد عليك وخسران ونفسك بس يرجع لنقطة دخولك الاولى، وتبقى انت اللى تحت رحمة السوق

ده كان رأيى فى النهاردة، ومعلش انى باقوله بصراحة، بس عشان لقيت الموضوع كده هايفلت
اولا بنشتغل بحاجات برة الاستراتيجية (حتى ولو كانت بتكسب فى الاخر) وبنقول اننا ملتزمين وانا شايف ان الموضوع احساس مش اكتر، مش تاجر ما ترى، لان لو ما ترى مش هانبيع من الحتت دى خالص
ثانيا بنشجع بعض (كراود سايكولوجى) بيع بيع بيع او اشترى، مانت ليك دماغ وعينين، والكسر واضح مش محتاج حد يقولك اعمل كذا والا يبقى ماستفدناش حاجة من الموضوع ده وممكن تدخل توصيات تكسبك اكتر بكتير
ثالثا بنعزز الدخول الغلط عشان مش شايفينه غلط
رابعا الناس اللى جاية اليومين دول (واقصد بيها اللى دخل الفوركس من بعد منتصف 2009) ماشافش الوش الوحش للفوركس
يعنى يوم ما السوق يمشى النهاردة الرينج كله 150 نقطة وبكرة يكمل بدون تصحيح كمان رينج 150 نقطة ممكن يدخل فول مارجن عشان لااااااازم يصحح (ده مشى 300 نقطة بحالهم)
عاوز اقوله ان ال 300 نقطة دول كان بيمشيهم فى ربع ساعة
وممكن يمشى 550 نقطة فى يوم رينجه 300 (يعنى ضعف الرينج فى يوم) وتانى يوم مباشرة يمشى كمان 550 غيرهم بدون تصحيح يعنى 1100 نقطة ده غير انه بيكمل تالت يوم شوية كمان ههههه
الالتزااااااااااااام وبس

فكان من هنا لازم وقفة عشان نرجع نلتزم تانى

كل الموضوع انى عاوز قبل ما ننتقل (باذن الله) للمرحلة القادمة تكون المرحلة دى بتعملها زى اسمك كده بدون تفكير وسهلة ومش محتاج لرأى حد
بس كده

بالنسبة لبرنامج التحليل اللى هانمشى عليه
انا شخصيا باعمل ايه؟؟ عشان نبقى كلنا نفس الشارت
باحلل على برنامج البارى وبادخل على شركتى ايا كانت
طيب البارى بيفرق ساعة، وده بيفرق فى شكل ال 4 ساعات، ومش عارف بيعمل ايه كمان
هو ده اللى انا شخصيا باعمله
ومافيش شركة كاملة
ما سوليوشن بتفتح الساعة 17 ومختلفة فى التوقيت
وبتعمل جابات مش موجودة او مابتعملش جابات موجودة
وشركة كذا حلوة بس عيوبها كذا
فى الآخر كله معيوب هههههه
فنثبت على واحدة عشان لما نقول كسر يبقى كسر عند الكل (ده مجرد رأيى الخاص وكل واحد يشتغل على الشركة اللى تريحه)
عشان فيه فكرة نعمل رحلة للمليون (بس مليون بجد مش اى هجص) بس محتاجة شوية دراسة، فلازم نوحد البرنامج عندنا كلنا

معلش على الاطالة بس والله من باب النصيحة مش اكتر
ويارب دايما ارباح

اشوفكم على خير

د/ جمال ممدوح

ملحوظة
باذن الله نتقابل فى المعرض بتاع ترند
وكمان بعد المعرض ممكن نعمل مقابلة خاصة زى زمان عشان كذا واحد طلب منى ده على الخاص والموبايل

والله يادكتور مدرسة ربنا ينفعنا بما قلت وفعلا كما قلت الواحد خرج بدري من الشراء وأخذت بيع وربنا سلم وخرجنا بربح والحمد لله والإنسان فعلا يشتغل حسب ماتعلم من الإستراجية

[ahmed el deeb]

هل هاته فرصة شراء للكيبل صحيحة على شارت الساعة؟

نعم اخى الكريم لتكون شمعة شوتنج عالساعة والسعر اكمل اعادة اختبار القناة المكسورة عالاربع ساعات

[ForexTrader1]

نعم اخى الكريم لتكون شمعة شوتنج عالساعة والسعر اكمل اعادة اختبار القناة المكسورة عالاربع ساعات

السلام عليكم أخى أحمد
الشمعه هامر و ليست شوتنج ستار
هل نعمل على الإرتدادات فى الإستراتيجيه و ماهى الشروط؟

[amro10]

السلام عليكم و رحمة الله و بركاته
تحياتى لكل الأخوة بموضوع خبرتى و حمد الله على سلامة الأخ أحمد الديب ........
و الله يا دكتور كل كلامك من دهب .
- لدى فكرة تحت طور التجريب و الاختبار يا ريت حضرتك تقولى رأيك فيها ؟
طبعا القنوات التى نستخدمها فى خبرتى قنوات سعرية - زمنية بتتعتمد على السعر و الزمن ( متمثل فى يوم و يومين على الساعة أو اسبوع و أسبوعين على الاربع ساعات و هكذا ) ...
فما رأيك فى قناة سعرية - سعرية تعتمد على السعر فقط فى تحديد ميعاد انتهاء الترند و الارتدادت ؟؟ ...
السوق دائما إما فى ترند صاعد - هابط أو جانبى ... و من ملاحظتى للشارت أرى الترند متوسط المدى يمتدى فوق الاسبوعين .. ففكرت فى رسم القناة على هذا الترند . و أفضل و أسهل طريقة لتحديد القمم و القيعان الشارت الخطى لاعتماده على الاغلاقات .... بحيث تمتد القناة من ال swing high فى حالة الترند الهابط الى أخر قمة هابطة و كلما تكونت قمة هابطة جديدة حكنا معها الترند من الاسفل و العكس فى الترند الصاعد ..

مثال الكيبل :


- و بعد كدة يمكن تحويله لشموع لرؤية تفاعل السعر و التأكد من القمم المحددة .


مثال الدولار كندى ترند صاعد منذ 4 اسابيع تقريبا - و فى حالة امتداد الترند لأكثر من اسبوعين يمكن رسم ترندات داخلية ( جانبية صغيرة) للاستفادة من حركة السعر داخل الترند الكبير ...


- الشارت السابق شموع


أرجو رأى حضرتك فى الفكرة و أى إطراء أو تصحيح ..

تحياتى

[حمزة توفيق]

ماشاء الله عليك يادكتور

كلامك مكتوب ومحفور ومنقوش بماء الذهب

[Forexsawy]

ما شاء الله عليك يا دكتور جمال تسلم يا غالي على المشاركة الهادفة دي - ويا رب تكتب لك الصحة و الزرق باذن الله .

[mohamed shawky]

السلام عليكم ورحمه الله وبركاته
يوم جديد ... صباح سعيد

[COCO2]

صباح الخير يوم اخضر للجميع ان شاءالله
متابع معاكم

[mohamed shawky]

يا جدعان الصوت شوية لو سمحتوا هوا الواحد مايعرفش ينام له اسبوع على بعض فى البلد دى
ايه ياجدعان مالكم صوكمن بوكمن كده ليه ؟؟ مفيش زرغوته حتى هههههههههه
حبايب قلبى يا عساسيل يا لذاذيذ والمصحف وحشتونى بشكل يخوف ولولا ظروف البلد مايحوشنى عنكم شئ بس اعمل ايه بقيت مدمن غاز مسيل للدموع ههههههههه
اخباركم ايه ياشباب واحد واحد
الكينج ابو احمد
الشيخ حمدى
الريس طولكرم
رمووزة بيه
حشيش باشا عضو ائتلاف شباب الثورة ههههه
ومن ميدان التحرير مراسلنا ابو جمانا الثورجى البطل
كينج سامح الثورجى ايضا
ابو العبد 77
قائد الكتيبة
محمد العمانى
فرى دم فور غزة
والبرنس محمد شوقى اللى بطارية عربيته اتسرقت فى قلب منطقته ههههههه
استاذتنا انصاف
ام يوسف وبخرنى ياجدع ههههه
ريم
العزيزة نور الهدى بنت بلدى
سالى 22
نسيم
واخص بالشكر الاخوة الاعزاء اللى سألوا عنى فى غيابى ولازم اذكرهم تانى تقديرا ليهم وعرفانا بجميلهم
الكينج ابو احمد والشيخ حمدى والريس طولكرم ورمووزة بيه وابو جمانا وحشيش باشا وكينج سامح وفرى دم فور غزة ومحمد شوقى وقائد الكتيبة واستاذتنا انصاف وام يوسف ونور الهدى وسالى 22
ومش عايز اكون ناسى حد والله كلكم اعزاء على قلبى وربنا يكرمكم ويوسع رزقكم..
وبعدين تعالولى هنا انت وهوا ..انتو بتذاكروا من ورايا وعمالين تلموا الغلة وانا نايم هذى اخرتها ؟ عموما انتو عارفين ان ده مش قر ولا حسد ولا حقد .. ده غل بس ههههههه
ماشاء الله ماشاء الله والله فرحتلكم جدا ربنا يوسع عليكم ويرزقكم من حيث لا تحتسبوا
بس يارب يكون وشى حلو عليكم هههه. حاكم انا عارف نفسى بوزى فقر و بووووووومة ههههههه
وطبعا تحية كبيييييييييرة جدا للبروفيسور ابو ياسر حبيب الكل وامير القلوب وقاهر الفوركس
ملك انكلترا وكبير مشجعى مانشيستر يونايتد وقائد فرسان المعبد وحامى الدرع الذهبى ههههههه
حبيبى والله يادكتور جمال يا استاذنا الكبير يارائع وتشريفك لينا تانى تاج على رؤسنا لانك غالى غالى غالى
كلنا بندعيلك من قلبنا ربنا يكرمك فى الدنيا والاخرة ويجازيك كل خير عننا ومايحرمنا من طلتك ابدا
ولك خالص ودى واحترامى وتقديرى

ايه ياعم احمد الغيبه الطويله ده
حمدالله ع السلامه والله اطمنت لما قريت مشاركتك

على فكرة يا جماعة انا قدرت اصور احمد الديب وسط المظاهرات
هههههههههه

[forex00]

السلام عليكم ورحمه الله وبركاته

صباح الخير جميعا


في احد دخل شراء على الكيبل بعد كسر الفيبو

[Forexsawy]

السلام عليكم ورحمه الله وبركاته

صباح الخير جميعا


في احد دخل شراء على الكيبل بعد كسر الفيبو

أناااااااااااا

[forex00]

أناااااااااااا

تمام عليك وانا كمان بس انا دخلت من بدري شوي من 500