... خبرتى ...

[reem123]

الله ينور دربك يا أخت انصاف ..

[noha elahwany]

يا جماعه انا بايعه اليورو دولار يا ترى استمر ام اغلق الصفقه

[KEYOFDARK]

تحية طيبة

مشاركة د \جمال عن الفايبو

ههههه

معلش والله على التاخير، بس الموضوع كان غصب عنى

المؤشر هاتلاقوه تانى فى المرفقات

وياريت تراجعوا المشاركة اللى شرحت فيها كيفية رسم الفايبو على الشارت يدوى الاول

الوقتى المؤشر ده عبارة عن ايه؟

هو كل اللى بيعمله حاجتين

أولا بيرسم اهم الخطوط على النهاردة بناء على الفايبو المرسوم اوتوماتيك على الرينج بتاع امبارح
يعنى كانك راسم فايبو من اللو بتاع امبارح الى الهاى بتاع امبارح
وهانبتدى نتاجر عليه النهاردة، عشان مبدأ عدم التغيير فى القيم تماما

المؤشر بيرسم خطين بلون برتقالى ودول الممثلين لنسب (61 و 38) ودول نسب استكمال الاتجاه لليوم اللى فات

وبيرسم خطين باللون الاخضر ودول ممثلين لنسبة (123) من فايبو امبارح

وخطين لونهم احمر (من أقوى الخطوط) وده عشان الارتداد وده ممثل لنسبة فايبو (161) من امبارح
وخطين لونهم ازرق فاتح (نادر الوصول اليهم) ودول ارتداد وممثل لنسبة (261) من فايبو امبارح

طيب نعمل بيهم ايه؟

نخلى بالنا من حاجة مهمة

دول مش زى الخطوط بتاعت المؤشر السابق بيتحركوا مع السعر عشان يحافظوا على فرق الرينج
دول ثابتين ومالهمش دعوة بسعر الافتتاح (اعتماد كلى على امبارح)
فممكن يكون الافتتاح قريب من خط اخضر مثلا او يكون قريب من خط برتقالى على حسب

المهم

فى المعتاد، ونركز انه (فى المعتاااد مش اساسى) ان لو كان امبارح مثلا صعود ولمس النهاردة الخطوط البرتقالى (وعمل سلوك سعرى) فبكده يبقى هايكمل صعود، طبعا لازم يكون فيه تاكيد من اى نظام من بتوعنا السابقين

عشان موضوع الفايبو هو موضوع ثانوى وتأكيدى فقط وانما اساسيات نظم المتاجرة تكون بالاستراتيجيتين الاولتين
اما لو السعر راح للخطوط الخضرا او الحمرا او الزرقا فهو للارتداد (نظام الاستراتيجية التانية) والاهمية فى الخطوط حسب نفس الترتيب
طيب ممكن السعر يلمس الاخضر وما يرتدش ويكمل؟
ممكن جدا جدا
طيب على اى اساس؟
بناء على كذا حاجة
يعنى لو كان الخط الاخضر ده قريب من افتتاح اليوم (يعنى السعر لسه مامشيش حاجة عشان يرتد)
او يكون الخط الاخضر داخل القناة مش على اطرافها
او يكون ما حصلش اى سلوك سعر ارتدادى عليه
وهكذا
انما ممكن حتى انه يرتد من الخط البرتقالى (مش لازم يمشى للأخضر حتى) بس امتى؟
لما يكون الخط قريب من الرينج اليومى (زى ما هانشوف فى الصور)

يبقى نفهم من كل ده

ان الخطوط دى بيحترمها السعرعلى حسب بعدها عن الرينج اللى اتحركه السعر خلال اليوم

وعلى حسب سلوك السعر بالقرب من الخطوط
وطبعا على حسب الاتجاه العام

نيجى نشوف الصور عشان نطبق

الصورة بتاعت النهاردة (حاجة طازة كده

السعر خرج من القناتين سوا، اللى كانوا متوازيين وضيقين (يعنى حاجة زى ما الكتاب بيقول

فليه الف حق انه ينزل كده

طيب هاينزل لحد فين؟؟

هانلاقى انه وصل للرينج اليومى بتاعه ولسه مكمل

طيب انا جيت النهاردة فى مشاركة بدرى شوية وقلت انا هاشترى من 225 تمام؟ جبتها منين؟
نشوف، اولا الرينج اليومى كان على 245
والشمعة اللى قفلت تحته (لازم نستنى الشمعة تقفل عشان ده اتجاه نزول زى مانتم عارفين) كان اللو بتاعها عند 230
ولكن هناك خط فى منتهى القوة اللى هو الخط الفايبو الاحمر وموجود كمان عند نهاية الرينج اليومى، وكان عند 225
فمن هنا تشترى وانت مغمض
ليه؟
اولا قرب اعادة الاختبار للقناة الزرقا على ال 4 ساعات
ثانيا قفلت الشمعة تحت الرينج اليومى والسعر عدا اللو بتاعها كمان
ثالثا فايبو احمر، يعنى السعر مشى بنسبة 61% من اللى مشيه امبارح وفى نفس الاتجاه، وده دليل على انه بدا يضعف اوى ومش هايقدر يكمل تانى
وبالفعل السعر ارتد فوق ال 45 نقطة

اما الصورة التانية

فانا جبت لكم يوم السعر كان ماشى صعود فى اليوم اللى قبله كتير

وبعدين فى اليوم ده صحح بالنزول شوية ، طبعا النزول ده احنا ماسيبناهوش دخلنا مع كسر القناة وعززنا مع الاختبار ونزلنا مع السعر واكلين
بس لحد فين؟؟
لحد لما وصلنا للخط البرتقالى بتاع انه هايكمل الصعود بتاع امبارح بعد ما عمل تصحيح بنسبة 61 من حركة امبارح
طيب عرفنا منين انه مش هايكمل للخط الاخضر مثلا او للأحمر زى النهاردة؟
اولا الاتجاه الاصلى صعود
ثانيا لما كسر القناة الحمرا لتحت يبقى هدفه حوالى 80% لحد الازرق، وهو وصل له خلاص
ثالثا كان مشى السعر خلال التصحيح حوالى 130 نقطة من اصل الرينج 135 يعنى تقريبا وصل للرينج على الخط فلازم يطلع
وزى ماتفقنا قبل كده، لو كان الاتجاه صعود مش هانستنى انه يقفل تحت الرينج ونشترى من اللو، لا هانشترى على طول
كل ده غير السلوك الارتدادى اللى الشموع عملته اول ما راحت عند الخط البرتقالى

يارب يكون الشرح سهل ومبسط

الموضوع مش صعب

ولكن محتاج تدريب كتير عشان الناس تتمكن منه
وياريت الناس الجديدة ماتطبقش كله مرة واحدة
انا عامل الموضوع حلقات عشان الناس تطبق حاجة حاجة، والا مانا كنت ممكن انزل مرة واحدة وخلاص
وتاااااانى
اهم من كل اللى فات ده هو ادارة راس المال باكررها كتير ولكن الطمع
لسه واحد اعرفه متصل بيا وبيقول انه خسر حسابه، بس اعترف انه ماكانش ملتزم خالص ودخل عقد لكل 300 وعزز كمان بسرعة
وكان كل ده من كتر ثقته فى الطريقة وشاف انها بتكسب
يا جماعة، انا نفسى مابادخلش كده والله العظيم
ومن ضمن اساسيات الطريقة ونجاحها هو الالتزام بادارة راس المال زى مانا قلت (النسب دى مش من فراغ دى عن تجربة سنين

فماينفعش اخد جزء من الطريقة واسيب جزء

الموضوع على بعضه، يا اما يتاخد على بعضه، يا يتساب على بعضه

انما اللى هايضيف استوب واللى هايضيف مؤشرات (كل ده كويس) ولكن انا غير مسئول تماما الا عن اللى انا باكتبه

حتى لو واحد قال الدخول من كذا بناء على الاستراتيجية
فالاستراتيجية معاكم كلكم، والمفروض انكم عارفينها بالتفصيل، يعنى مش محتاجين توصية
فاللى بيقول فيه فرصة فهو كتر خيره بينبهنا ليها
انما هاندخل واحنا مش مقتنعين او مش فاهمين يبقى اتقلب الموضوع توصيات
ده انا نفسى لما بانزل مشاركة باقول انا هابيع او هاشترى لازم اقول ليه

الفكرة فى الاخر، انى عاوز كل وااااااحد يقدر يتاجر بنفسه تماما

واللى هايلاقى نفسه مش عارف او مش حابب او مش متمكن من جزء من الاجزاء يسيبه ويمشى بالباقى

يعنى اللى مش نافع معاه الفايبو مش مهم
او الناس بتحب تشتغل على الارتداد بالرينج وبلاش القنوات، او او
المهم تشوف ايه اللى انت متمكن منه وتشتغل عليه
وشوية شوية تبدا تضيف الباقى الى نظام متاجرتك
وبس عشان انا مش قادر هههههه

انا كده يعتبر خلصت، فاضل بس اشرح (بس مش الوقتى خالص ههههه) ازاى نحدد التارجت بالفايبو بدقة قبل الوصول اليه وابقى كده تميت الموضوع بتاعى تماما

ربنا ييسر الحال

اشوفكم على خير

واتمنى لكم متاجرة مربحة وآمنة

أخوكم

د/ جمال ممدوح

مشاركة من \ إنصاف

أولا: شرح مبسط لدور استراتيجية الفايبو

خطوط الفايبو تعمل كعامل مساعد مع الاستراتيجيتين

مع استراتيجية القنوات

ومع استراتيجية الرينج

من المعروف ان خطوط الفايبو ما هى إلا حواجز للسعر وهى نسب معينة تقيس نسبة الارتداد لما ساره السعر بالأمس

ودورها ليس اساسى كالقنوات

ولكنها عامل مساعد ولكنه قوى

الحالة الأولى

أن السعر سار مسافة معينة بالأمس
فى اليوم التالى السعر يحاول الوصول الى نسبة 38% لما ساره بالأمس ليختبرها

فهل يستطيع السعر اجتياز (كسر) هذه النسبة ام انه مازال محتفظ بقوة الاتجاه الذى كان يسير به بالأمس ؟؟؟؟؟

فإن اجتاز هذه النسبة بجدارة يذهب الى التى تليها وهى 61% ويفعل نفس السلوك وهكذا مع كل حواجز الفايبو

الحالة الثانية

ان السعر ربما يأتى الى احدى هذه النسب ولتكن38% أو 61% البرتقالى وبدأ يظهر سلوك عدم القدرة على تخطى هذه النسبة

اذن نتوقع ان السعر سوف يعود الى مواصلة اتجاه الامس من عند هذه النسبة اما ان كسرها بنجاح فهو الى النسبة التالية وان كسرها ثم خدعنا وعاد الى كسرها الى الجهة العكسية ايضاً نتأكد انه سوف يواصل الى اتجاهه الأصلى بالأمس
وهذا ينطبق على كل النسب حتى 123% الأخضر

وايضاً 161% الأحمر ودائما يأتى مع استراتيجية الرينج فان كان بالقرب من خط الرينج فهو يساعد السعر فى عدم تخطيه للرينج وكسره وان كسر الفايبو الأحمر بقوة فان الفايبو يكون له القدرة على عدم عودة السعر الى عكس الرينج وهكذا

الحالة الثالثة

ايضا لها دور هام فهى تعتبر دعم ومقاومة وخاصة مع وجودها فى نفس منطقة حدود القنوات او مع خطوط الوسط او مع خطوط الرينج

يعطيك العافية اختي انصاف

قريتها من قبل اكثر من مره ، ماخذتش بالي او مادخلت في مخي الا اليوم لما شفتها اليوم على الاسترالي واغلب العملات


تحياتي

[عبدالعزيز ح]

اخواني الباوند
كيف ترونه
والف شكر مقدما

[حيدر علي]

اخواني الباوند
كيف ترونه
والف شكر مقدما

انا شايف الباوند بيعمل الاستك الان

[AmrM]

الباوند نزل ال40 نقطة دول بسبب تأجيل تصويت سلوفكيا علي موضوع صندوق دعم الأقتصاد الأوروبي

[عبدالعزيز ح]

مشكورين ياشباب يعطيكم الف عافيه

[mhd_fmq]

الحمد لله بعد الدخول على اليورو شراء عند اعادة الاختبار على الاربع ساعات حقق 45 نقطه حتى الان وهذا الشارت



وعلى فريم الساعه ارتد من خط الفيبو 38 و الحد السفلي من القناة الزرقاء وهذا الشارت



الله الموفق

[عبدالعزيز ح]

الف مروك لمشجعي امبي
وهردلك للزمالكاويه

[عبدالعزيز ح]

مو خلاص المفروظ الباوند يصعد للهاي

[mhd_fmq]

الحمد لله تم اغلاق اليورو ب 60 نقطه ربح

وبتوفيق للجميع

[KEYOFDARK]

السلام عليكم ورحمة لله وبركاته

صبحكم لله بالخير جميعا ويم اخضر ان شاء لله

[mhd_fmq]

صباح الخير على الجميع
اليورو اعادة اختبار على الاربع ساعات وهذا الشارت



وعلى فريم الساعه عند الحد السفلي للقناتان وعلى خط الفيبو ٦١ وهذ الشارت



الله اعلم

[mhd_fmq]

البوند على فريم الربع ساعات اغلق داخل القناة الزرقاء وهذا الشارت



وعلى فريم الساعه مرتد من قاع القنوات وهذ الشارت

[ensaf]

تحية طيبة
الكيبل 12\10\2011

الديلى
2 سيناريو

(1) الديلى مازال اماه شىء من الصعود الى الحد العلوى للزرقاء وهذا يؤخذ فى الإعتبار

(2) اغلاق الأمس سلبى مما يوحى بهدف اعادة اختبار ترند القناة الحمراء الذى تم كسره الى الأعلى
اى البيع

شارت ال 4 ساعات
السعر اغلق داخل القنوات التى تم كسرها من الأعلى الى الأسفل بهدف خطوط المنتصف ومنطقة 5450
اما اذا عاد واغلق خارج القناة الزرقاء مرة اخرى ويكون ذلك متزامن مع كسر الساعة الى الأعلى
سيكون الهدف هو الحد العلوى للحمراء الذى يتوافق مع اهداف الساعة وهو 80% من القناة الزرقاء اى 5680 وقد يصل الى 5700 وهو منطقة خط الرينج

شارت الساعة محطة المراقبة والدخول الى الصفقة

(1) كسر الحد العلوى ويكون متزامن مع اغلاق 4 ساعات خارج القناة الزرقاء
يكون الشراء من لمس حد القناة المكسور او من 5600
الهدف 5660 ثم الرينج 5700

التعزيز
بعد المخالفة ب 70-100 نقطة وتكون عند حدود القنوات مع سلوك سعرى

(2) الكسر الى الأسفل ويكون السعر داخل قنوات ال 4 ساعات
يكون البيع
5550 الهدف 5500 بالقرب من الفايبو الأحمر ويجب الحذر منه ربما يكون نقطة ارتداد
ثم الهدف الأخير 5450 بالقرب من الرينج

التعزيز
5620 وهى الفيبو مع الحد العلوى او بعد 100 نقطة مخالفة

(3) قد يكسر السعر القناة الحمراء من الجهتين اى الكسر من الأعلى فالدخول يكون شراء ثم يعود ويهبط ويكسر الحد السفلى لها الى اسفل فيكون البيع
اى من الممكن استخدام الهيدج فى هذه الحالة
اى يجب الحرص والدخول بعقود صغيرة

اليورو دولار 12\10
الديلى
اغلاق الامس على دوجى
الديلى امامه هدف الصعود الى الحد العلوى للقناة الزرقاء
ايضا هذا لا يمنع من هبوطه لإختبار الحد العلوى للحمراء الذى قد تم كسره الى الأعلى

شارت ال 4 ساعت
السعر قد اغلق داخل الحمراء اى كسرها من اعلى الى الأسفل
اى ان الهدف هو الهبوط واختبار خط منتصف الحمراء ثم الترند السفلى لها
ثم ان تم الإغلاق خارجها مرة اخرى يكون الهدف الشراء بهدف الحد العلوى للزرقاء على الديلى والدخول من على الساعة

شارت الساعة محطة المراقبة والدخول الى الصفقة
(1) الكسر الى الأعلى ويكون هذا متزامن مع اغلاق ال 4 ساعات خارج القنوات
يكون الشراء بهدف الفايبو الأحمر والرينج 3760 ثم 3840

التعزيز
بعد الهبوط 70-100 نقطة ويكون من على الحدود مع سلوك سعرى قوى

(1) الكسر الى اسفل يكون قد كسر قناتين ويكون هذا الكسر متزامن مع اغلاق ال 4 ساعت داخل الحمراء
يكون البيع بهدف الفايبو الأخضر 3530 ثم 3485 الفايبو الاحمر

التعزيز
بعد الصعود 70-100 نقطة مع سلوك سعر وافضل منطقة هى على حدود القنوات

هذه مجرد رؤية
وقد يتغير الحوار خلال حركة السعر اليومية

الله سبحانه أعلم