... خبرتى ...

[Elmahi Fx]

اهلا بكل الاخوان الجدد اللى ما رحبتش بيهم وبانضمامهم للموضوع فى الفترة اللى فاتت

وتحية خاصة ليك وكنت مستنيك تشارك من بدرى عن كده ههههه
بس كويس انك متابع (حتى لو مش بتشتغل بيها)
عشان انا برضة باتابع مواضيعك ومشاركاتك (حتى لو مش باشتغل بيها ) هههههه

بس انت فعلا انسان محترم وانا اتبسطت انك شاركت معانا
وبجد كل الاخوة هنا زى الفلّ

الحمد لله على سلامتك اخي
و الله فرحة لما وجهة تحية خاصة لي ....


انا مستنيك تدينا دروس على الاسكالبينج

انا راسمالي صغير و اريد الربح السريع

[محمد2011]

الف تحية لك يا دكتور
والحمد لله على سلامتك
وان شاء الله تظل بخير

كلنا اذان صاغية وبانتظار الشرح

[Abu Yaser]

كيفية تهيئة اداة فايبوناتشى (للتسهيل بعد كده هانقول فايبو وخلاص ده ايه الاسماء المكلكعة دى)

فى الغالب هاتلاقى الاداة فى التوول بار عادى ده لو انت ماكنتش شيلتها
اما لو شيلتها (فانت اكيد هاتعرف ترجعها تانى)هههههههه

المهم
الاداة هى (عشان عندنا كذا واحدة فايبو) اسمها
Fibonacci Retracement
وهى كما هو معروف لقياس مدى تراجع السعر عن الموجة السابقة
انما احنا كالعادة لينا معاها استخدامات اخرى

هاتختار الاداة، وترسم بيها خط من فوق لتحت، وتختار اللى انت رسمته بانك تعمل عليه دبل كليك
وبعدين تدوس يمين بالماوس وتختار الخواص بتاعت الاداة

نركز بقى شوية
فيه عندنا فى التاب اللى اسمه
Fibo Levels
هانلاقى خانتين الاولى اسمها
Level
والتانية اسمها
Description

الاولى دى عشان نحط فيها النسب اللى عاوزينها
والتانية عشان نكتب فيها هايظهر ايه قدامنا على الشاشة امام النسبة دى

وعندنا زرارين اسمهم
Add
ده عشان اضافة نسب جديدة
Delete
عشان نمسح النسبة اللى واقفين عليها

عاوزين نمسح او نضيف على اللى موجود عندك
بحيث يكون النسب النهائية اللى موجودة كالاتى (ده اللى فى الخانة الاولى)

0
0.236
0.382
0.5
0.618
0.764
1
1.236
1.618
2.618
3.618
4.236
-0.236
-0.618

آخر 2 بالسالب (وهانعرف ليه الوقتى)
اما فى الخانة التانية فهانكتب بالترتيب قصاد كل واحدة من اللى فوق

$% 0.0
$% 23
$% 38
$% 50
$% 61
$% 76
$% 100
$% 123
$% 161
$% 261
$% 361
$% 423
$% 123
$% 161

بنفس الترتيب

خلاص كده؟
فاضل حاجة
نروح للتاب اللى جنبه واسمه
Parameters
ونعمل صح على اختيار
Ray

معلش كتير شوية بس هى مرة واحدة ومش هانعملها تانى
طيب كده يحصل ايه؟؟
اولا
لما نرسم خطوط الفايبو هايقولنا جنب كل خط ده رقم كام فى النسب، وكمان يكتب السعر بتاعه جنبه للتسهيل

ثانيا
عشان ما نوجعش دماغنا من ان لو الترند طالع ارسمه من تحت لفوق ولا من فوق لتحت ولو نازل مش عارف تعمل ايه
ده هاترسمه من فوق لتحت زى من تحت لفوق مش فارقة (وهانعرف ليه مش فارقة)

نيجى لكيفية الرسم
زى ماتعودنا دايما، بنرسم على القديم (عشان مافيش حاجة تتغير) وبنرسم على ثوابت عشان ماحدش يقولك انت راسم فايبو على ترند غلط والمفروض انك كنت ترسمه على الترند الاكبر و و و

لا
احنا هانرسمه على اليوم السابق (شبة القناة الحمرا)
بس ده هايكون من اللو (او الهاى مش فارقة) بتاع اليوم السابق للهاى (او اللو) بتاع نفس اليوم
يعنى من الآخر، بنرسمه على الرينج بتاع امبارح
تمام؟

كيفية استخدامه بقى
عاوزين نركز زيادة ههههههه
عندنا نظامين، كل نظام بيأكد استراتيجية من الاتنين بتوعنا
النظام الاول، وده لتاكيد استراتيجية الاتجاه والقنوات (عاوزين حد يقترح لها اسم)
عاوزك تتخيل (او ترسم اللى يريحك) مستطيل يحتوى ال 3 خطوط بتوع النسب 38 و 50 و 61
اللى هم بيكونوا فى نص اليوم اللى فات
ال 3 خطوط دى لو السعر عمل سلوك ارتدادى عند اى واحد فيهم يبقى هايكمل الاتجاه الاصلى بتاعه
بمعنى
لو امبارح كان هبوط مثلا
ورسمنا عليه الفايبو
والسعر طلع النهاردة لحد لما لمس أحد الخطوط ال 3 وليكن خط ال 50
وراح نازل بسرعة منه وعامل شمعة فولنج مثلا
وكان الخط ده على الحد العلوى للقناة يبقى بيييييييع
او
لو كان بعد ما ارتد من احد خطوط الفايبو راح كاسر القناة الحمرا لتحت مثلا
المهم
نستخدم الادوات سوا لزيادة التاكيد، مع الاستراتيجية الاولى

عندكم مثلا يوم زى النهاردة
الباوند حاول يكسر الاحمر لفوق وماعرفش وقفل داخل القناة
وحاول تانى وقفل برة القناة فعلا (ولكن قفل تعبااااان) وحاول تالت وما فيش فايدة عشان كده نزل
لو رسمت النظام التالت بتاع فايبو على امبارح
هاتلاقى فيه مقاومة قوية اللى هى 61 (او ال 38) حسب رسمك من فوق لتحت او من تحت لفوق، النسبتين زى بعض نفس التاثير
لو كان قفل السعر فوقيها (فوق ال 61) كان بالتالى هايكون قفل فى نفس الوقت فوق القناة الحمرا بكسر كويس فكنا هاندخل شرا

يبقى الفايبو 61 و 50 و 38 بيساعد على
اولا لو ارتد منه السعر (مع التاكيد من استراتيجية القنوات) يبقى ندخل ارتداد
ثانيا لو اخترقه السعر (مع التاكيد من استراتيجية القنوات) يبقى ندخل مع الكسر واحنا مطمنين

دى الحالة الاولى اللى هى استخدامه مع استراتيجية القنوات

الحالة التانية
استخدام الفايبو مع الاستراتيجية التانية (الرينج)

هانلاقى فيه عندنا بعد خط ال 100 الخطوط التالية
123، 161
وكذلك نفس الشىء بعد خط ال 0

دول ايه؟؟
دول عبارة عن الرينج اللى السعر مشيه امبارح ونزود عليه كمان 23% من الرينج او 61%
طيب ليه؟
الفكرة جاتلى من المقدمة، لما كل حاجة تدخل فيها النسب دى بتكون مستقرة
يبقى لو السعر مشى كتير امبارح
ولسه هايكمل النهاردة، ممكن يكمل لحد فين؟؟
فلقيت انه فى الغالب قبل ما يعكس بيكون كمل لحد 123 (اللى هو 23% زيادة على رينج امبارح وفى نفس الاتجاه)
واقصى حاجة بيكمل كمان ل 161 (وهانشوف ده بالتفصيل، انا عارف ان الناس ابتدت تزهق منى معلش) طبعا فيه ساعات بيمشى اكتر ولكنها حالات نادرة وبشتغل معاها بالتعزيز وادارة راس المال
المهم

ناخد مثال على النظام التانى
لو رسمت الفايبو على اول امبارح (يوم 14 مارس) عشان نشوف يعنى امبارح حصل فيه ايه
هاتلاقى السيناريو الاتى
السعر كسر القناة الحمرا لتحت فالدخول بيع
ووصل للزرقا يبقى نخرج
وارتد فعلا من الحد السفلى
وبعدين نزل وكسر الزرقا يبقى الدخول بيع تانى
بس المرة دى البيع لفيييييييين؟؟؟؟ وده كان سؤال ناس كتير من اول الموضوع ولكن كله فى وقته عشان تسلسل الفهم
طيب لما كان بيخرج من الاحمر كان بيبقى هدفه الازرق
الوقتى خرج من الاتنين يبقى هدفه فيييين؟؟

لو رسمت على اليوم السابق (اللى هو 14 مارس) خطوط الفايبو
هاتلاقى ان السعر وصل بالمللى الى 123
وعمل عليه سلوك ارتدادى وشوف راح لفين بعدها
(دى يا اخوانى الصفقة اللى حصل فيها الجدل، وانا قلتها لايف الشرا من 980 لو الناس تراجع المشاركات)
وشوف السعر عمل ايه بعدها ولله الحمد

طبعا ده توافق مع ان السعر كان كاسر خط الرينج (الاستراتيجية التانية) فى نفس الشمعة الطويييييلة اللى قلنا فى الاستراتيجية التانية اننا ناخد شرا من ذيلها
فلما يتوافق الاستراتيجية التانية مع التاكيد بالنظام (او الاستراتيجية) التالتة يبقى شرا وانت مغمممممممض
فى حين كل الناس خايفة من اللى بيحص فى اليوم ده من بهدللللللة ونزول قوى
ومش ممكن تلاقى حد فى اليوم ده بيقول اشترى
ولو فيه حد بيقول اشترى مش هايكون من اقل نقطة وصل لها اليوم

اعتقد كده انا كمّلت كل الادوات اللى عندى
ويارب تكونوا استفدتم
ويارب السيرفر يقدر يرفع المشاركة التقيلة اوى دى ههههه
معلش على التطويل
واى استفسار انا موجود باذن الله كمان ساعة

اسيبكم مع الصورة

[أبوخالد2010]

مشاركة رائعة وقوية ودسمة جدا يا دكتور
بارك الله فيك

[brain2jene]

ما شاء الله تبارك الله , ونعم الاستخدام للفايبو تزيد الاستراتيجيات صلابة
احييك دكتور على الفكر النير وفن التعامل مع الفوركس .
تحياتي

[azeroth]

ناقص التيمبلت

طمع بقي هقرا لمشاركة مرة تالتة وولعلي سيجارة

[maxmous]

الله عليك وانته كل يوم بتعالا اكتر واكتر
ربنا يبارك فيك وفى ياسر كمان علشان ميزعلش مننا

اللى يدعى بعد كدا يا اخونا يدعى لياسر الاول

[مصطفى خالد]

كيفية تهيئة اداة فايبوناتشى (للتسهيل بعد كده هانقول فايبو وخلاص ده ايه الاسماء المكلكعة دى)

فى الغالب هاتلاقى الاداة فى التوول بار عادى ده لو انت ماكنتش شيلتها
اما لو شيلتها (فانت اكيد هاتعرف ترجعها تانى)هههههههه

المهم
الاداة هى (عشان عندنا كذا واحدة فايبو) اسمها
Fibonacci Retracement
وهى كما هو معروف لقياس مدى تراجع السعر عن الموجة السابقة
انما احنا كالعادة لينا معاها استخدامات اخرى

هاتختار الاداة، وترسم بيها خط من فوق لتحت، وتختار اللى انت رسمته بانك تعمل عليه دبل كليك
وبعدين تدوس يمين بالماوس وتختار الخواص بتاعت الاداة

نركز بقى شوية
فيه عندنا فى التاب اللى اسمه
Fibo Levels
هانلاقى خانتين الاولى اسمها
Level
والتانية اسمها
Description

الاولى دى عشان نحط فيها النسب اللى عاوزينها
والتانية عشان نكتب فيها هايظهر ايه قدامنا على الشاشة امام النسبة دى

وعندنا زرارين اسمهم
Add
ده عشان اضافة نسب جديدة
Delete
عشان نمسح النسبة اللى واقفين عليها

عاوزين نمسح او نضيف على اللى موجود عندك
بحيث يكون النسب النهائية اللى موجودة كالاتى (ده اللى فى الخانة الاولى)

0
0.236
0.382
0.5
0.618
0.764
1
1.236
1.618
2.618
3.618
4.236
-0.236
-0.618

آخر 2 بالسالب (وهانعرف ليه الوقتى)
اما فى الخانة التانية فهانكتب بالترتيب قصاد كل واحدة من اللى فوق

$% 0.0
$% 23
$% 38
$% 50
$% 61
$% 76
$% 100
$% 123
$% 161
$% 261
$% 361
$% 423
$% 123
$% 161

بنفس الترتيب

خلاص كده؟
فاضل حاجة
نروح للتاب اللى جنبه واسمه
Parameters
ونعمل صح على اختيار
Ray

معلش كتير شوية بس هى مرة واحدة ومش هانعملها تانى
طيب كده يحصل ايه؟؟
اولا
لما نرسم خطوط الفايبو هايقولنا جنب كل خط ده رقم كام فى النسب، وكمان يكتب السعر بتاعه جنبه للتسهيل

ثانيا
عشان ما نوجعش دماغنا من ان لو الترند طالع ارسمه من تحت لفوق ولا من فوق لتحت ولو نازل مش عارف تعمل ايه
ده هاترسمه من فوق لتحت زى من تحت لفوق مش فارقة (وهانعرف ليه مش فارقة)

نيجى لكيفية الرسم
زى ماتعودنا دايما، بنرسم على القديم (عشان مافيش حاجة تتغير) وبنرسم على ثوابت عشان ماحدش يقولك انت راسم فايبو على ترند غلط والمفروض انك كنت ترسمه على الترند الاكبر و و و

لا
احنا هانرسمه على اليوم السابق (شبة القناة الحمرا)
بس ده هايكون من اللو (او الهاى مش فارقة) بتاع اليوم السابق للهاى (او اللو) بتاع نفس اليوم
يعنى من الآخر، بنرسمه على الرينج بتاع امبارح
تمام؟

كيفية استخدامه بقى
عاوزين نركز زيادة ههههههه
عندنا نظامين، كل نظام بيأكد استراتيجية من الاتنين بتوعنا
النظام الاول، وده لتاكيد استراتيجية الاتجاه والقنوات (عاوزين حد يقترح لها اسم)
عاوزك تتخيل (او ترسم اللى يريحك) مستطيل يحتوى ال 3 خطوط بتوع النسب 38 و 50 و 61
اللى هم بيكونوا فى نص اليوم اللى فات
ال 3 خطوط دى لو السعر عمل سلوك ارتدادى عند اى واحد فيهم يبقى هايكمل الاتجاه الاصلى بتاعه
بمعنى
لو امبارح كان هبوط مثلا
ورسمنا عليه الفايبو
والسعر طلع النهاردة لحد لما لمس أحد الخطوط ال 3 وليكن خط ال 50
وراح نازل بسرعة منه وعامل شمعة فولنج مثلا
وكان الخط ده على الحد العلوى للقناة يبقى بيييييييع
او
لو كان بعد ما ارتد من احد خطوط الفايبو راح كاسر القناة الحمرا لتحت مثلا
المهم
نستخدم الادوات سوا لزيادة التاكيد، مع الاستراتيجية الاولى

عندكم مثلا يوم زى النهاردة
الباوند حاول يكسر الاحمر لفوق وماعرفش وقفل داخل القناة
وحاول تانى وقفل برة القناة فعلا (ولكن قفل تعبااااان) وحاول تالت وما فيش فايدة عشان كده نزل
لو رسمت النظام التالت بتاع فايبو على امبارح
هاتلاقى فيه مقاومة قوية اللى هى 61 (او ال 38) حسب رسمك من فوق لتحت او من تحت لفوق، النسبتين زى بعض نفس التاثير
لو كان قفل السعر فوقيها (فوق ال 61) كان بالتالى هايكون قفل فى نفس الوقت فوق القناة الحمرا بكسر كويس فكنا هاندخل شرا

يبقى الفايبو 61 و 50 و 38 بيساعد على
اولا لو ارتد منه السعر (مع التاكيد من استراتيجية القنوات) يبقى ندخل ارتداد
ثانيا لو اخترقه السعر (مع التاكيد من استراتيجية القنوات) يبقى ندخل مع الكسر واحنا مطمنين

دى الحالة الاولى اللى هى استخدامه مع استراتيجية القنوات

الحالة التانية
استخدام الفايبو مع الاستراتيجية التانية (الرينج)

هانلاقى فيه عندنا بعد خط ال 100 الخطوط التالية
123، 161
وكذلك نفس الشىء بعد خط ال 0

دول ايه؟؟
دول عبارة عن الرينج اللى السعر مشيه امبارح ونزود عليه كمان 23% من الرينج او 61%
طيب ليه؟
الفكرة جاتلى من المقدمة، لما كل حاجة تدخل فيها النسب دى بتكون مستقرة
يبقى لو السعر مشى كتير امبارح
ولسه هايكمل النهاردة، ممكن يكمل لحد فين؟؟
فلقيت انه فى الغالب قبل ما يعكس بيكون كمل لحد 123 (اللى هو 23% زيادة على رينج امبارح وفى نفس الاتجاه)
واقصى حاجة بيكمل كمان ل 161 (وهانشوف ده بالتفصيل، انا عارف ان الناس ابتدت تزهق منى معلش) طبعا فيه ساعات بيمشى اكتر ولكنها حالات نادرة وبشتغل معاها بالتعزيز وادارة راس المال
المهم

ناخد مثال على النظام التانى
لو رسمت الفايبو على اول امبارح (يوم 14 مارس) عشان نشوف يعنى امبارح حصل فيه ايه
هاتلاقى السيناريو الاتى
السعر كسر القناة الحمرا لتحت فالدخول بيع
ووصل للزرقا يبقى نخرج
وارتد فعلا من الحد السفلى
وبعدين نزل وكسر الزرقا يبقى الدخول بيع تانى
بس المرة دى البيع لفيييييييين؟؟؟؟ وده كان سؤال ناس كتير من اول الموضوع ولكن كله فى وقته عشان تسلسل الفهم
طيب لما كان بيخرج من الاحمر كان بيبقى هدفه الازرق
الوقتى خرج من الاتنين يبقى هدفه فيييين؟؟

لو رسمت على اليوم السابق (اللى هو 14 مارس) خطوط الفايبو
هاتلاقى ان السعر وصل بالمللى الى 123
وعمل عليه سلوك ارتدادى وشوف راح لفين بعدها
(دى يا اخوانى الصفقة اللى حصل فيها الجدل، وانا قلتها لايف الشرا من 980 لو الناس تراجع المشاركات)
وشوف السعر عمل ايه بعدها ولله الحمد

طبعا ده توافق مع ان السعر كان كاسر خط الرينج (الاستراتيجية التانية) فى نفس الشمعة الطويييييلة اللى قلنا فى الاستراتيجية التانية اننا ناخد شرا من ذيلها
فلما يتوافق الاستراتيجية التانية مع التاكيد بالنظام (او الاستراتيجية) التالتة يبقى شرا وانت مغمممممممض
فى حين كل الناس خايفة من اللى بيحص فى اليوم ده من بهدللللللة ونزول قوى
ومش ممكن تلاقى حد فى اليوم ده بيقول اشترى
ولو فيه حد بيقول اشترى مش هايكون من اقل نقطة وصل لها اليوم

اعتقد كده انا كمّلت كل الادوات اللى عندى
ويارب تكونوا استفدتم
ويارب السيرفر يقدر يرفع المشاركة التقيلة اوى دى ههههه
معلش على التطويل
واى استفسار انا موجود باذن الله كمان ساعة

اسيبكم مع الصورة

عمال اقرا اقرا و حاسس انى توهت

بس هاقرا تانى
ادعولى اعرف اعملها

[hussamammar]

هوه سؤال واحد بس:
انت حضرتك متأكد انك مش ملاك ؟؟ يعني انت متلنا كده...!!!
الله يرزقك الجنه و اشكرك من كل قلبي...طبعا انا هلأ بالشغل و بس ارجع البيت ان شاء الله امخمخ تاني على الفكره العبقريه جدا
شكككككككككككككرا
اخوك حسام

[zero_cool725]

بسم الله الرحمن الرحيم

أولا انا باعتذر لكل الاخوان المحترمين، اللى بجد ماشوفتش زيهم فى حياتى من اخلاص ووفاء وحب (صحيح، رُب أخ لم تلده أمك)
ممن اضافوا مشاركات فى الموضوع او على الخاص او على الياهو ماسنجر، بجد ناس محترمة وتستاهل كل خير

وثانيا انا باعتذر للأخ (المخضرم) وكمان الأخ (اللى طبّل ) على سوء فهمى وغضبى السريع، وطبعا قبلت اعتذاره وهو انسان محترم، وعفى الله عما سلف، مع بداية صفحة جديدة

ولكن انا كل اللى خلانى زعلت وتعبت فعلا (حتى ان الدوا ماكانش مؤثر اوى) انى كنت مراعى الموضوع فوق الوصف
والله ما بخلت باى حاجة اعرفها او اسلوب ابتكرته ولا المؤشرات اللى باشتغل بيها وصانعها بايدى
ده غير انى كنت قبلها بيوم واحد فقط قاعد لمدة 14 ساعة متصلة (ورنا يشهد) باجاوب على اسئلة الاخوان على الياهو وبارد على الموضوع هنا، وكمان اسئلة على الخاص، وكان ده مش وقت باتداول فيه، بل كان وقت بيتى واولادى، ومع ذلك فضّلت افادة الاخوان على اساس التركيز كام يوم وبعدها الناس تقدر تمشى بنفسها
وبالفعل ناس كانوا خسرانين كتير (وبعضهم عرض عليا ادارة حسابة حتى يربح، مع انى قلت انى مش هادير) ولما تابعوا معانا واتعلموا لسه 2 قايلين لى امبارح انهم عوضوا حوالى 80% من خسارتهم (بنفسهم) حاجة تفرح بجد، وعقبال كل الخسرانين لما يعوضوا خسارتهم يا رب
فده بس اللى كان مأثر فيا مش أكتر

هاقول لكم حاجة عشان تقدروا تتخيلوا انا كنت باتابع الناس وارد عليهم اد ايه
(ياسر) اول ما رجع من المدرسة، اول حاجة سألنى "ايه أخبار الموضوع؟" فقلت له "انا خلاص هاسيبه" اول حاجة قالى "هيييييييييه عشان نقعد سوا"
هههههههه (ياسر ده 6 سنين) عشان تقدروا تتخيلوا الموضوع اخدنى منهم اد ايه الفترة اللى فاتت
ولكن مش مهم طالما فيه ناس بتستفاد وبتقدر تعوض خسارة سنين ولله الحمد (انا مجرد اداة فقط)

عموما انا باعتذر للكل عن اللى حصل منى ، وباذن الله هاتابع معاكم
بس للأمانة
انا مش باعتذر، ولا حتى هاقبل الاعتذار (حتى لو اعتذر) من الشخص اللى قال ان الاستراتيجية معروفة من زمان وبتتباع ب 99$ وهو كان شغال بيها من قبل مانا اكتب الموضوع
لا
لا
لا
لحد هنا واستوب
الفكرة بتاعتى رسمى نظمى فهمى، ومن ابتكارى، وسهرت ليالى عشان اطوّرها
ولا واخد فكرتها من اى مكان ولا حتى بذرة الفكرة اللى تطورت، ولا اى حاجة من اى حتة
ولما انت شغال بيها من زمان بتقرا الموضوع لحد 1600 مشاركة ليه؟؟
وليه ساكت لحد لما كمّلت انا الشرح؟؟ وشرح اللى بعدها
عموما مش فارق معايا خالص، سواء بالموجب او بالسالب، ولا حتى اعتذارك
عشان انا لو كنت خايف على سرقة الفكرة كنت عملتها فى كتاب الاول وسجلته (زى ما عرض عليا احد الاخوة المحترمين) ، او لو كنت خايف اوى ماكنتش قلتها من اساسه (يكفى انى باكسب منها وخلاص)
فلو حبيت انك تقول ان (انت) اللى عاملها حتى، مش موجودة ب 99، لا انت اللى عاملها قول براحتك
فى الاخر المهم ان الناس استفادوا ولله الحمد

الف شكر مرة تانية للناس المحبّين (اللى بانوا بجد وقت الحاجة)
ومرة تانية باعتذر للجميع (الا بتاع ال 99)

واشوفكم بكرة على خير
مع حاجة مفاجاة (اخيرة) هاتعجبكم
كنت نوّهت عنها فى بداية الموضوع (لما قلت فاضل حاجتين) واحدة هى تحديد الارتداد من خلال الرينج
والتانية
....
بكرة باذن الله

شكرا للاخوان المحترمين

الحمد لله و شكرا على اخلاقك الرفيعة و ارى انك فى نعمة كبيرة اذ تجمع بين العلم و الادب و الاخلاق
و عموما انا مكنتش بطبل و الله انا زى ما شرحت مجرد ابداء راى و تاييده فقط

[abosalah]

انا بصراحه مش عرف اقول ايه

فعلاً شرح بضمير و رائع واسلوب ولا اروع

ربنا يبارك فيك وفى اولادك ويرزقك رزقاً واسعاً

[kingooo]

أستااااااااااااذ
أستااااااااااااذ
أستااااااااااااذ
أستااااااااااااذ
أستااااااااااااذ
أستااااااااااااذ
أستااااااااااااذ
أستااااااااااااذ

[s+s]

عندى مؤشر spudfiboيرسم بنفس الفكرة تقريبا لكن لو امس هو خط 0 و الهاى هو خط 100 و المؤشر موجود فى صفحه 113 مشاركه1686 هل ممكن اعتمادة للرسم الاتوماتيك؟او عمل مؤشر بنفس الفكرة ؟

[kingooo]

طيب سؤال بقى خفيف

إيه لازمة الخطوط 23, 76؟

مانمسحهم لو مالهمش لازمة.....

[kingooo]

تطبيق عملي (لاختبار هل فهمت ولا لأ؟)

العملة: USDCAD شارت: الساعة
اتجاه امس: صاعد

نزل حتى الحد السفلي من القناة الزرقاء ولم يستطيع اختراقها + خبط في خط فيبو 38 وارتد + اتجاه امس كان صاعد = شراء



صح كده؟