دعوة عامة لمناقشة اليورو دولار الي أين ؟ فرص يومية وسوينج

[نور السماء]

بالتوفيق يا بشمهندس
الحكاية مش 1390 ولا 1050 زى ما اغلب الناس متوقعة
لأنك هتشوف حركة وارقام مخالفة للتوقعات الفترة اللى جاية
عارف لعبة دوخينى يا لمونة اليورو بيلعبها بقاله فترة وشكلها كده عجبته ومش
ناوى يخلى حد يكسب دولار واحد منه فى الويفة دى وكله هيشد شعره وهتشوف ناس قرعة كتير
واحتمال يكون اليورو سبب فتح قسم جديد فى المنتدى اسمه ضحايا اليورو بين الامس واليوم
والمراقب اللى هيمسك القسم ده هيكون دكتور نفسانى
اللى شغال فى الباوند ياخد باله من هدومه برضوا والله اعلم

ما فهمتش حاجه من المشاركه دي والحمد لله
حاول توضح وجهه نظرك اكتر علشان اللي فهمهم على قدهم زيي
انا ناويه ان شاء الله بكره قبل الفيدرالي ابقى بره السوق
ربنا يسهل ويستر

[ابــ آدم ــو]

انا بصراحه ما قدرتش امسك نفسي ودخلت بلوت صغير من 1220
بصراحه بردو واضح انه مش عاوز يكسر ال1200 تحت ....وبقت نقطه دعم قويه
انا هخلي استوبي 1180

^
حبيبي يابامهندس انا صراحه شايف هبوط فنيا
والاهم الست يلين والفيدرالى مع رفع الدولار فى كل الاوقات الى كانت تعبانه فما بالك وكل االخبار ايجابيه
زى داجى موجود علشان يخسف باليورو
والله اعلى واعلم


تمام زى ماكلمنا ان اخره ال 1330 تقريبا صلها ومات دلوقتى ادعم المهم 1220-1180 لو اكسر هيودينا على 1060

هههههههه

[mohamed hamed]

ما فهمتش حاجه من المشاركه دي والحمد لله
حاول توضح وجهه نظرك اكتر علشان اللي فهمهم على قدهم زيي
انا ناويه ان شاء الله بكره قبل الفيدرالي ابقى بره السوق
ربنا يسهل ويستر

بالعكس ابسلوتلى ده اللى هيبقا جوه السوق الايام اللى جاية هياكل بسبوسة باللوز
كل الحكاية ان اليورو مصمم انه حركته تكون مبهمة عشان مفيش حد يفهم هو رايح
فين + مسمار جحا ( اليونان ) اللى بقالها كام سنة بتفلس الصبح والمفاوضات بتبقا
عال العال بالليل + الفايدة الامريكية اللى هيرفعوها مش هيرفعوها هيرفعوها مش هيرفعوها
= متداول مدروخ مش عارف مين رايح فين
والنتيجة هروب من السوق قبل الغارة وهو المطلوب ماعدا فئة قليلة هى اللى هتجمد قلبها
وهتاكل البسبوسة

[نور السماء]

بالعكس ابسلوتلى ده اللى هيبقا جوه السوق الايام اللى جاية هياكل بسبوسة باللوز
كل الحكاية ان اليورو مصمم انه حركته تكون مبهمة عشان مفيش حد يفهم هو رايح
فين + مسمار جحا ( اليونان ) اللى بقالها كام سنة بتفلس الصبح والمفاوضات بتبقا
عال العال بالليل + الفايدة الامريكية اللى هيرفعوها مش هيرفعوها هيرفعوها مش هيرفعوها
= متداول مدروخ مش عارف مين رايح فين
والنتيجة هروب من السوق قبل الغارة وهو المطلوب ماعدا فئة قليلة هى اللى هتجمد قلبها
وهتاكل البسبوسة

يبقى نجمد قلبنا وندخل بكره الفيدرالي ولو السعر انهار يبقى عليك انت البسبوسه
واحنا داخلين على رمضان موسم بقى انت عارف

[mohamed hamed]

يبقى نجمد قلبنا وندخل بكره الفيدرالي ولو السعر انهار يبقى عليك انت البسبوسه
واحنا داخلين على رمضان موسم بقى انت عارف

هههههههه ما انتى كنتى داخلة بـ 10 صوانى بسبوسة من 1100 ايه اللى خلاكى
تخرجى شكلك مش بتحبى البسبوسة

[himaalex84]

ان شاء الله ناكل احلى بسبوسة و كنافة بالقشطة كمان مع الفيدرالى بكرة يا حامد

[mohamed hamed]

ان شاء الله ناكل احلى بسبوسة و كنافة بالقشطة كمان مع الفيدرالى بكرة يا حامد

هههههههههه انت متفائل كده ليه يا هيما ده كل المنتدى مع بيع اليورو واهدافهم تحت فى الضياع
وباقى الناس قفزت من المركب فى انتظار انتهاء العاصفة وكل توصيات البنوك بتقول بيع
يعنى تقريبا مفيش حد موجود ع المركب غيرك انت

[himaalex84]

ما انت معايا فى نفس المركب و مستنين السمك فى الصنارة

[ابــ آدم ــو]

كـل سنــه والجمـيع بخيـر

[mohamed hamed]

ما انت معايا فى نفس المركب و مستنين السمك فى الصنارة

ههههه طيب خلى بالك عشان ابو ادم بايع اليورو والباوند وتقريبا كده
باع القضية كمان وخرم المركب اللى انت قاعد فيها

[himaalex84]

بس ابو ادم صفقاتو معظمها شراء و اعتقد بيع تصحيحى بس اللى هو فية ربنا يجيب اللى فية الخير الليلة

[نور السماء]

هههههههههه انت متفائل كده ليه يا هيما ده كل المنتدى مع بيع اليورو واهدافهم تحت فى الضياع
وباقى الناس قفزت من المركب فى انتظار انتهاء العاصفة وكل توصيات البنوك بتقول بيع
يعنى تقريبا مفيش حد موجود ع المركب غيرك انت

ههههههههه

[mohamed hamed]

ههههههههه

امسك عندك شكلك كده مشتركة فى المؤامرة على المركب مع ابو ادم
عموما لو المركب غرقت النهاردة الساعة 8 مساء هيما مش هيسكت
اه دى تايتنك 2 مش اى حاجة يعنى
رمضان كريم عليكم جميعا وكل اللى يجيبه ربنا كويس

[eng.m7md_magdy]

حتى الآن مستمر في الشراء
صباح الورد ( أبو آدم - محمد حامد - نور )

[mohamed hamed]

حتى الآن مستمر في الشراء
صباح الورد ( أبو آدم - محمد حامد - نور )

صباح الفل والتفاؤل يا هندسة ايوه كده اظهر ونور المركب
ربنا كريم ان شاء الله خير وبالتوفيق للجميع بمختلف توجهاتهم