دعوة عامة لمناقشة اليورو دولار الي أين ؟ فرص يومية وسوينج

[mohamed hamed]

اهلا يازعيم
لا والله مش سايبه
ودايماً باخد الاذن من استاذنا ابو آدم لكن احياناً ينتهي التحليل وتبقى الامنيات عشان كذا المره دي خليت الصعود ع الاماني يمكن يجبر بخاطري
فلو بقى عندك تحليل ياليت تسدحه لينا خلينا نستفيد وندعيلك

الدار دارك يالغالى ان بضحك معاك
بالنسبة لتحليل اليورو انا سدحت واحد قبل كده لكن عشان خاطرك
نسدح واحد تانى

[أبو تركي الحربي]

ربنا يسدحك بالعافيه ياشيخ
واشكرك على ماتم سدحه وخلينا نتابع ونشوف وربنا يسهل الامور

[ابــ آدم ــو]

^
منورين ياشباب
الوظايف كانت سلبيه ومتحركش يادوب عشرين بيب ونزلهم واكتر رغم انه خبر مهم
ودلوقتى الصناعى ايجابى ماهيصدق وينزل

السوق بقا يتحرك على الخبر الى عايزه ويعمل من بنها مع الى مش عايزه

[أنسان]

^
منورين ياشباب
الوظايف كانت سلبيه ومتحركش يادوب عشرين بيب ونزلهم واكتر رغم انه خبر مهم
ودلوقتى الصناعى ايجابى ماهيصدق وينزل

السوق بقا يتحرك على الخبر الى عايزه ويعمل من بنها مع الى مش عايزه

وبعدين ياابو أدم في قوه الدولار أيه أخرتها ؟؟؟؟؟
انا الياباني عاكس عليه حاليا 800 نقطه ومش قادر اقفله لحسن يغير اتجاهه ويابدأ يطلع امام الدولار من المستويات الحاليه
ايه رائيك ؟؟؟ أنا مش عارف اتصرف .
لا حول ولا قوه الا بالله

[ابــ آدم ــو]

وبعدين ياابو أدم في قوه الدولار أيه أخرتها ؟؟؟؟؟
انا الياباني عاكس عليه حاليا 800 نقطه ومش قادر اقفله لحسن يغير اتجاهه ويابدأ يطلع امام الدولار من المستويات الحاليه
ايه رائيك ؟؟؟ أنا مش عارف اتصرف .
لا حول ولا قوه الا بالله

اهلا ياغالى
للاسف واحد عمال يضعف فى عملته والتانيه بتنفخ فى عملتها
قدمنا دلوقتى الرقم النفسى نشوف هتعمل معاه ايه120
بكره تقريبا حد من الفيدرالى هيكلم
المشكله ان السوق للان ماشى على رفع فايده والمركزى بينيم السوق على رفع الفايده وده مش هيحصل ومحدش فيهم قادر يطلع يقول الكلام ده والدولار طعا شارخ
على العموم لسه بايع تانى اهو من 119.60 لما نشوف ال120 هتوقفو ولا هيعمل نفسه بيبربش عندها

[أنسان]

طيب أيه رأيك ياأبو أدم
في تصريحات كتير حالا من الحكومه اليابانيه بيقولو ضعف الين هيأثر علي الشركات الصغيره والاسر بالاضافه ان وزير الماليه صرح بانه هيراقب سوق الفوركس وانضم ليه وزير شئون الاجتماعيه .
بالاضافه ان رئيس الوزراء خايف من ضعف الين علي نتيجه الانتخابات في 14 ديسمبر . بالاضافه ان عملوا استفتاء في اليابان وكل اليابانين عاوزين مستوي الين من 115 الي 120 وميضعفش عن كده .وفي خبر ان المستثمرين خايفين الفتره القادمه من تعليق الحكومه اليابانيه للحد من ضعف الين ؟
كل ده والين لسه بينزل . بس اللي مخوفني أن في بعض المحللين قالوا دي موجه تستهدف 124 . أستر يارب

ايه رائيك في الكلام ده ؟؟؟؟؟؟ تفتكر ممكن بنك اليابان ممكن يزود برنامج شراء الاصول ؟؟؟ مع العلم ان اربع اعضاء من التسعه اعترضوا علي زياده البرنامج أخر اجتماع وخمسه موافقين ..........

[ابــ آدم ــو]

في تصريحات كتير حالا من الحكومه اليابانيه بيقولو ضعف الين هيأثر علي الشركات الصغيره والاسر بالاضافه ان وزير الماليه صرح بانه هيراقب سوق الفوركس وانضم ليه وزير شئون الاجتماعيه . بالاضافه ان رئيس الوزراء خايف من ضعف الين علي نتيجه الانتخابات في 14 ديسمبر . بالاضافه ان عملوا استفتاء في اليابان وكل اليابانين عاوزين مستوي الين من 115 الي 120 وميضعفش عن كده .وفي خبر ان المستثمرين خايفين الفتره القادمه من تعليق الحكومه اليابانيه للحد من ضعف الين ؟
كل ده والين لسه بينزل . بس اللي مخوفني أن في بعض المحللين قالوا دي موجه تستهدف 124 . أستر يارب

ايه رائيك في الكلام ده ؟؟؟؟؟؟ تفتكر ممكن بنك اليابان ممكن يزود برنامج شراء الاصول ؟؟؟ مع العلم ان اربع اعضاء من التسعه اعترضوا علي زياده البرنامج أخر اجتماع وخمسه موافقين ..........

تمام
ومن اسبوع تقريبا طلعو علينا انهم قلقنين من سرعه ضعف الين
لكن مفيش قررات
ده بالاضافه ان الجان التانى الدولار ماشاء الله
مهم جدا بكره وبعده عندنا بينات هامه وناس هتكلم يامسهل ويقوله كلام يهدى من الدولار
خلينا نشوف مستوى النفسى 120

[أنسان]

صح هو الانتظار والمراقبه أن شاء الله
تمام بس انهارده اخبار الدولار وحشه هو خبر التصنيع بس اللي كويس ياعني في ضعف واضح في سوق العماله
بس ربنا يستر من اخبار الجمعه لان التوقعات بتعتها احسن من السابق . ربنا يستر وبكره متوقع انخفاض معدلات الشكاوي من البطاله

بقلك ايه سبها علي الله وهتفرج ان شاء الله . أن بعد العسر يسرا
خلينا نشوف مستوى النفسى 120

[أنسان]

أبو أدم خالي بالك في واحد هيتكلم من الفيدرالي بعد نصف ساعه أن شاء الله

[ابــ آدم ــو]

أبو أدم خالي بالك في واحد هيتكلم من الفيدرالي بعد نصف ساعه أن شاء الله

الله يسلمك ياغالى
لا اعتقد الاهم البيج بوك والى هيتقال فيه
ربنا يعمل الى فيه الخير ان شاء الله

[أنسان]

الله يسلمنا جميعا ويعوض علنا أن شاء الله
ان شاء الله خير البيج بوك بعد ساعتين
نتابع سوا أن شاء الله

[أنسان]

الراجل ده بلوسر . بتاع الفيدرالي
يحذر في أداره السياسه كما لو كان في أزمه
ويطلب من مجلس الاحتياطي الاتحادي أن لا ينتظر طويلا للتطبيع
ولا يعطي تفضيله للتوقيت معين لرفع الفائده ..........
تاني بيجيبوا سيره رفع الفايده
أيه رأيك ياأبو أدم في الكلام ده ؟؟؟؟

[ابــ آدم ــو]

الراجل ده بلوسر . بتاع الفيدرالي
يحذر في أداره السياسه كما لو كان في أزمه
ويطلب من مجلس الاحتياطي الاتحادي أن لا ينتظر طويلا للتطبيع
ولا يعطي تفضيله للتوقيت معين لرفع الفائده ..........
تاني بيجيبوا سيره رفع الفايده
أيه رأيك ياأبو أدم في الكلام ده ؟؟؟؟

مش هيحصل رفع فايده دلوقتى وهيفضلو يمطلو كدا
ايه التحسن الى عندهم
هى سياسه مركزى مش اكتر اللعب بالكلام لكن فعل مفيش
برنانكى سياسته اضعاف الدولار وجابه الارض الست دى العكس
ازاى ترفعه تفضل تلمح تلمح وتلعب على وتر ان الاقتصاد فى تحسن بس منتظرين المزيد
نشوف بكره هيقوله ايه واخبار الجمعه هتعمل ايه

[maxmoon]

في خبير بالفركس واضع توصية شراء يورو دولار من مستوى 12250
ايه رأيكم

[Sherif Fares]

أنا عن نفسي هكون حيادي لحد مانشوف أجتماع الفدرالي بكرة