دليل براءه الفوركس

[مصطفى خالد]

ازيكو يا فوركساويه
رافعين راسنا وسط الفوركساويه التانيين و لا؟؟

ملاحظ من ناس كتير اوى انها شايفه ان الفوركس ده مجرد لعبه الكبار عاملينها عشان يضحكو على الصغيرين و ياخدو فلوسهم و بس
و ناس كتييييييير عندها اقتناع تام ان الفوركس بلاعه فلوس بس تخير و عمر ما حد كسب

اولا انا عندى قناعه ان الى بيكسبو من الفوركس مش فاضى عشان يقعد على منتدى و يشرح للناس طريقته
او كمان بيشرح طريقته و يلاقى الف واحد بيتهموه بالفشل لمجرد صفقه او 2 او 10 ضربو استوب
و ناس بتدخل تحبط الباقى و خلاص لانهم خسرو
و الى ممكن يدى توصيات كتير و مع اول توصيه غلط تلاقى كل الناس اتحولو لوحوش و هاجموه بعنف و ده بيخليه يقول ببساطه لنفسه
طب انا عامل صداع لنفسى و فى الاخر اتشتم و اتهاجم
طب و الله ما ما منزل حاجه

بس مع القرايه لقيت ان اكتر الاعتقادات الغلط فى رايى للفوركس هى

1 ده لعبه للكبار بس
ليه يعنى؟؟ ما فى ناس كتير فى مسابقات بتلاقيها عامله ارقام خياليه و بشر زيى و زيك
و بعدين الصناديق و البنوك العملاقه مين بيديرها
ماهو بشر زيك درسو تحليل اساسى و فنى و خبره
معنى كده ان لو عندك الكلام ده هاتبقه زيهم و لا ايه؟؟
مفيش حاجه اسمها انا كده فهمت الفوركس و اتعلمت خلاص انا عن نفسى كل يوم اكتشف مؤشر جديد و بيدى نتايج كويسه
و بعدين ماهو الكبار نفسهم بيخسرو احيانا
زى كل البنوك الى فلست فى التاريخ
و حتى لو ده صح ليه ما نمشيش مع الكبار و نكسب؟؟

2 ضرب الاستوبات
كل الناس مصره ان الكبار ( الى محدش عارف مين هما تقريبا الرقم صفر فى الشياطين ال 13 ) عندهم الارقام الى بتحدد كل الناس حاطه استوباتها فين و بيرفعو السعر عشان يضربوها
طب سؤال صغير بيجيبو الارقام دى منين؟؟ من البروكرات؟
طب اذا كان البروكارات نفسهم حتى الكبار و المحترمين فيهم سيستمهم بيحصل فى غلطات
يبقه هايجيبو منين السيستم الى بيحدد كل الاستوبات لكل المضاربين فى الفوركس بالدقه دى؟؟
سؤال للعاقلين فقط

3 الفوركس مش خاضع للعرض و الطلب ده عشؤائى
طب ليه مدام عشؤائى ناس كتير بتقدر تحدد التريند؟؟
ازاى بيدخلو بيع و شراء و السعر بيمشى معاه؟؟

4 الكبار مسيطرين
لو الكبار مسيطرين على السوق كانت امريكا انقذت عملتها من الانهيار بعد برجين التجاره
كانت اوروبا انقذت عملتها بعد ازمات اليونان
هانستعين بمثالين فى النقطه دى
اولا جورج سورس عمل ايه
ضرب الاسترلينى فى مقتل و رغم كده الانجليز مقدروش بكل قوتهم يوقفو انهيار الاسترلينى و لا البنك المركزى قدر يعمل حاجه رغم شرائه لكميات رهيبه من الاسترلينى
هل انجلترا بكل اقتصادها اضعف من جورج سوزس الى كل ثروته ساعتها 3 مليار دولار و باع على المكشوف ب 10 مليار بس؟؟
طب لو جورج سوزس جامد اوى كده ازاى اتعرض لخساير بعد كده قدرت ب نص مليار؟؟
طب اليابان فى الاسبوع الى فات
البنك المركزى اليابانى نزل بكل تقله و عنفوانه عشان يخفض الين و يحمى اقتصاد اليابان كله و مئات الشركات المصدره و باع فوق ال 100 مليار ين و ده مبلغ رهييييب جدا و اشترى عملات تانيه قصاده
ايه الى حصل
ارتفاع قوى لازواج الين يبقى خاضع للعرض و الطلب و لا لا؟؟
طب كل ازواج الين ابتدت تدى اشارات هبوط و كتير منها هبط فعلا و لا لا؟؟
يبقى عرض و طلب لا لا؟؟
ثم عندم مثلا الدخل القومى السنوى لانجلترا بيساوى ترليون و نص يورو
المانيا اقوى قوه اقتصاديا فى الاتحاد الاوروبى دخلها 2.4 ترليون يورو
يعنى مجموع الاتنين اقل بكتير من الفلوس الى بيتم تداولها فى الفوركس فى يوم واحد
امريكا اقوى قوه اقتصاديه عالميا 14 تريلون
حوالى ما يتم تداوله فى الفوركس فى اسبوع
يبقى ازاى هايقدرو ياثرو فيه لفتره طويله؟؟

5 الكبار هم الى ادونا اساليب التحليل الفنى عشان يحددو اتجاهاتنا
من اغرب الانتقادات بصراحه
التحليل الفنى بدايته تاريخيا من 1932
قبل الفوركس ده ما يظهر اصلا
و لو بصيت فى تواريخ معظم المؤشرات هتلاقيها قبل ما الفوركس يظهر
و ده طبعا غير الشموع الى عمرها فوق ال 1000 سنه
قبل انت اصلا ما تظهر

6 العشؤائيه
كتير بيقولو السوق بيمشى عكس التوقع
طب هل فى مره معرفتش التفسير يعدها سؤاء كان خبر او كارثه طبيعيه او خطاب او حتى تدخل من البنك المركزى
كل ما هنالك ان السوق اتحرك لسبب
انت معرفتش السبب
يبقى تقصير منك انت مش من السوق
صح و لا كلامى غلط

7 البروكرات بيكسبو من خساره العميل
البروكر ما هو الا سمسار تقوله اشتريلى الباوند يشتريه و ياخد عمولته
بيعلى الدولار يبيعه و ياخد عمولته
مثال صغير
لو انت اشتريت شقه عشان تتجوز ( مبروك عقبالنا ) و السمسار خد عمولته خلاص
اليوم الى وراه العماره وقعت و فلوسك راحت فى الوبا السمسار هايكسب او هايستفيد حاجه؟؟
طب لو انت بعت الشقه ب ضعف تمنها و كسبت
السمسار هايكسب او هايخسر برضه؟؟
خلاص عمليه و تمت بالنسباله و خد عرقه و مشى
الى بيستفيد من خسارتك ده شركات بيحطك على الديمو و بتضحك على حضرتك و دى طبعا شركات بير السلم
انما افكسول و لا افكسيم هاتضحك عليك و تعرض نفسها لغرامات بالعبيط من الرقابات؟؟


و فى الاخر ملاحظه بسيطه احنا ليه بنمشى عكس التريند على طول؟؟
الباوند طالع طالع طالع و الناس بتبيع بتبيع بتبيع و الى كان بيقول اشترو الباوند كان الناس بتهاجمه ؟؟ مع ان مافيش اى حاجه بتقول ان التريند اتكسر
الاسترالى حاليا زى الباوند ناس كتير بتقول بيعو مع انه بيصعد كل يوم عن الى قبله و نظره سريعه على الشارت ديلى هتلاقيه صاعد
الفرنك نازل نازل نازل و كل التوصيات عليه شراء شراء شراء
و فى الاخر الناس بتلوم الفوركس
هو الى بيقف قدام عربيه و بتخبطه يبقى مين الغلطان؟؟

و التزمو باداره راس المال
مفيش عماره بتطلع مره واحده من الارض لا بتتبنى دور دور و طوبه طوبه
و مفيش حساب بيتدابو مره واحده
بيتدبل واحده واحده و صفقه صفقه
و مفيش لعيب كوره بيجيب كل الفرص الى بتجيله اجوان
و مفيش مضارب بيكسب من كل الصفقات

فى النهايه اتمنى ان الموضوع يغير وجه نظركم و ربنا يسهل و يوسع رزقتنا كلنا

[عملات 2010]

هو الى بيقف قدام عربيه و بتخبطه يبقى مين الغلطان؟؟

و التزمو باداره راس المال
مفيش عماره بتطلع مره واحده من الارض لا بتتبنى دور دور و طوبه طوبه
و مفيش حساب بيتدابو مره واحده
بيتدبل واحده واحده و صفقه صفقه
و مفيش لعيب كوره بيجيب كل الفرص الى بتجيله اجوان
و مفيش مضارب بيكسب من كل الصفقات

فى النهايه اتمنى ان الموضوع يغير وجه نظركم و ربنا يسهل و يوسع رزقتنا كلنا

الغلط من العربية لوزاحت كانت سليمة=الغلط من الترند لو تغير كنا في سليم هههه

كلامك عين الصواب اخي الكريم

اعجبني كثيييييييييييييييييييييييييييييييييرا ماكتبت

وبالحقيقة متشوق اكثر لارا المعارضين ماذا يقولون

جزيت خيرا

[خيال]

احسنت على الطرح الجميل

[Mo3Ty]

ممتاز كلامك ورايك
احيييك

[kingooo]

اكثر من رائع
بجد مش عارف اشكرك ازاي......

[عبدالله2010]

انا معك أن الي ينفذ عمليات ويتداول وجالس على مؤشرات ويتابع الأخبار الاقتصادية والأحداث العالمية ويتحين الفرص ما عنده وقت أنه يدخل منتدى أو يناقش أستراتيجية, (ولا يعني هذا أن الفوركس مربح ..فربما كما ذكر الأخوان محرقة فلوس ) وتبقى الأجابة على هذا السؤال من أكبر أسرار الفوركس.

وألف شكر على الطرح المميز وفقك الله

[مصطفى خالد]

انا معك أن الي ينفذ عمليات ويتداول وجالس على مؤشرات ويتابع الأخبار الاقتصادية والأحداث العالمية ويتحين الفرص ما عنده وقت أنه يدخل منتدى أو يناقش أستراتيجية, (ولا يعني هذا أن الفوركس مربح ..فربما كما ذكر الأخوان محرقة فلوس ) وتبقى الأجابة على هذا السؤال من أكبر أسرار الفوركس.

وألف شكر على الطرح المميز وفقك الله

لو الفوركس خساير بس مكنتش تلاقى مواضيع توصيات زى توصيات يوميه على الباوند دولار
و لا لؤلؤه التاج فى جميع العملات على سبيل المثال لا الحصر
الحمد لله محققه مكاسب كويسه جدا الاهم لا حسد

مع ان الى عاملينها بشر زينا
محدش فيهم بيطير و لا بيطلع ليزر من عينيه

بس المهم الناس تعرف ان الدنيا واحده واحده
مفيش حد بيدبل حسابه مره واحده الا الى بيعمل عمليات انتحاريه
و ده زى الى سايق عربيه سريعه جدااااااااااااااااا
ممكن يعدى من مطب
و التانى
و يمكن ال 100 كمان
بس اكيد فى واحد منهم هايتخبط و العربيه تتكسر منه و يمكن يموت
و الحساب يتمرجن
انما لو سايق عجله هايقع مره و 2 و 3
بس كل مره هتاخد خربوش صغير و تكمل تانى

[karim yahia]

شكرا جدا على الكلام المتفائل ده

[Leonardo]

طريقة سرد جميلة و مشوقة .. شكرا استمتعت كثيرا بقراءة موضوعك و كلامك عين العقل

[ismat]

بارك الله فيك على الكلام الرائع اخي الكريم

[مصطفى البنان]

بارك الله فيك يا الغالى على هذا الطرح الجميل

[mohamed6069]

rocky_misr
اؤيدك واحييك بشدة علي كلامك المظبوط

[Wigan]

كل الناس مصره ان الكبار ( الى محدش عارف مين هما تقريبا الرقم صفر فى الشياطين ال 13 )

هههههههههههههههه والله فكرتنا بالايام الجميله والبال الرايق

جزاك الله خيرا

[Wigan]

فعلا من اكبر الاخطاء فى الفوركس الاعتقاد الخاطىء ان العملة اكتفت من الصعود او النزول ولابد هتعكس الاتجاه وبالتالى تتفتح الصفقة فى توقيت خاطىء وتحصل اعزكم الله الخسارة ،معاكسة الترند اكبر خطأ


اللهم اكفنا شر الخساير

[ابو الصلاح]

ما شاء الله

روح ايجابيه

اهنيك عليها

إن شاء الله تكون من الرابحين