دليل براءه الفوركس

[ehabyahia]

كلام كله مضبوط و عين العقل و الفوركس برئ من كل الاتهامات التي يعلقها عليه الخاسرون في ه

[Alsager00]

كلام جميل ومتفائل وأسلوب فكاهي مميز في السرد ..............

ولكن ....

يبقى الفوركس متهم حتى تثبت براءته .......

ولا تقل لي كيف ؟

فالجميع بلا استثناء ( حتى الرابحون فيه ) قد انصلى بناره وما زال ...

,,,,,,,,,,,, وما تزال محرقه الفلوس تعمل بكل طاقتها ،،،،،،،،،،،،،


تحية ود للجميع

[قول يا باسط]

هههههههههههههههه والله فكرتنا بالايام الجميله والبال الرايق

جزاك الله خيرا

شكلك كنت مدمن الشياطين ال 13

[مصطفى خالد]

شكرا على تعلقاتكم
بس حبيت اوضح حاجه بخصوص الدخول مع التريند
الفتره الى فاتت كان تريند اليورو دولار صاعد لا شك فيه
11 يوم على توالى ارتفاعات بمجمل صعود 775 نقطه من بدايه يوم كسر البولنجر
و يومين بس نزول مجموعهم الاتنين 223 نقطه و التريند عوضهم فى اليوم التالى
و كل الازواج اى الدولار العمله التابعه يترتقع زى الباوند و اليورو معادا الفرنك
المهم كنت اشتريت اليورو يوم الخميس الى فات الى السعر كان بينزل فيه
و محطيتش ستوب و لا بروفيت طمعا فى الارتفاعات المتتابعه لليورو
يعد شويه بفتح البرنامج لقيت 64 نقطه خساره
اعتقد ان اى واحد لو شاف الرقم ده هايتخض و يتهم الفوركس بكل حاجه
صح ؟
الى حصل و لانى واضق ان اليورو فى تريند صاعد قمت شارى تانى و سبت العقدين بدون ستوب او بروفيت
اليوم التالى بفتح المنصه لقيت العقدين واحد كسيان 122 نقطه و التانى كسبان 48 نقطه الحمد لله بمحموع 170 نقطه الحمد لله
رغم الخساير الى كانت موجوده
فقفلت العقدين و بحمد ربنا على اساس انه ممكن بهبط شويه
راح اليورو صح عليا و صعد والى 34 نقطه تانى كانت كفياه بزياده المكسب 68 نقطه للعقدين

كل ده بس عشان مشيت مع التيار
ليه ينحب نمشى عكسه؟؟

[Mo3Ty]

شكرا على تعلقاتكم
بس حبيت اوضح حاجه بخصوص الدخول مع التريند
الفتره الى فاتت كان تريند اليورو دولار صاعد لا شك فيه
11 يوم على توالى ارتفاعات بمجمل صعود 775 نقطه من بدايه يوم كسر البولنجر
و يومين بس نزول مجموعهم الاتنين 223 نقطه و التريند عوضهم فى اليوم التالى
و كل الازواج اى الدولار العمله التابعه يترتقع زى الباوند و اليورو معادا الفرنك
المهم كنت اشتريت اليورو يوم الخميس الى فات الى السعر كان بينزل فيه
و محطيتش ستوب و لا بروفيت طمعا فى الارتفاعات المتتابعه لليورو
يعد شويه بفتح البرنامج لقيت 64 نقطه خساره
اعتقد ان اى واحد لو شاف الرقم ده هايتخض و يتهم الفوركس بكل حاجه
صح ؟
الى حصل و لانى واضق ان اليورو فى تريند صاعد قمت شارى تانى و سبت العقدين بدون ستوب او بروفيت
اليوم التالى بفتح المنصه لقيت العقدين واحد كسيان 122 نقطه و التانى كسبان 48 نقطه الحمد لله بمحموع 170 نقطه الحمد لله
رغم الخساير الى كانت موجوده
فقفلت العقدين و بحمد ربنا على اساس انه ممكن بهبط شويه
راح اليورو صح عليا و صعد والى 34 نقطه تانى كانت كفياه بزياده المكسب 68 نقطه للعقدين

كل ده بس عشان مشيت مع التيار
ليه ينحب نمشى عكسه؟؟

والله كلامك عين العقل ومظبوط
بس المشكلة في معظمنا اننا بنقول خلاص ده نهاية ارتفاع اليور وان لازم يهبط عشان يصحح الصعود وان بطرق معظمنا بالتحليل الفني بنلاقى ان ده مستوى هبوط لليورو وبعدها بنتفاجا بالصعود مرة اخري وبنخسر
ولكن الى بيفاجاني الصراحة ان بلاقى اساتذة محترمة بينزلوا مواضيع ويقولوا فعلا ان لسة الصعود ومحدش يبيع وبيبقا عكسنا ولكن بيطلع هو فى الاخر الى صح بعدين تيجي تساله طيب حضرتك استخدمت ايه فى اسلوبك عشان تعرف ان لسة فى صعود تلاقيه ميردش وولا بنستفاد ولا حاجة وبنفضل نخسر برضوا لان محدش راضي يفيدنا
اعتقد اننا كلنا محتاجين شئ يعرفنا الصعود ده نهايته لغاية فين؟
لا ن فكرة اننا ندخل مع الترند ده لواحده غير مقنع وغير كافي لانه احتمال تكون نهاية الترند ويعكس ونخسر برضوا
ولا هي حظ وخلاص
وياريت تقولنا لو انت عندك طريقة بتخليك تدخل مع الترند وتعرف ان لسة حيطلع بالرغم من الاخبار والتحليل الفني العادى ياريت تفيدينا
وده رايى الشخصي
واختلاف الراى لا يفسد فى الود القضية

[مصطفى خالد]

والله كلامك عين العقل ومظبوط
بس المشكلة في معظمنا اننا بنقول خلاص ده نهاية ارتفاع اليور وان لازم يهبط عشان يصحح الصعود وان بطرق معظمنا بالتحليل الفني بنلاقى ان ده مستوى هبوط لليورو وبعدها بنتفاجا بالصعود مرة اخري وبنخسر
ولكن الى بيفاجاني الصراحة ان بلاقى اساتذة محترمة بينزلوا مواضيع ويقولوا فعلا ان لسة الصعود ومحدش يبيع وبيبقا عكسنا ولكن بيطلع هو فى الاخر الى صح بعدين تيجي تساله طيب حضرتك استخدمت ايه فى اسلوبك عشان تعرف ان لسة فى صعود تلاقيه ميردش وولا بنستفاد ولا حاجة وبنفضل نخسر برضوا لان محدش راضي يفيدنا
اعتقد اننا كلنا محتاجين شئ يعرفنا الصعود ده نهايته لغاية فين؟
لا ن فكرة اننا ندخل مع الترند ده لواحده غير مقنع وغير كافي لانه احتمال تكون نهاية الترند ويعكس ونخسر برضوا
ولا هي حظ وخلاص
وياريت تقولنا لو انت عندك طريقة بتخليك تدخل مع الترند وتعرف ان لسة حيطلع بالرغم من الاخبار والتحليل الفني العادى ياريت تفيدينا
وده رايى الشخصي
واختلاف الراى لا يفسد فى الود القضية

مع الاسف تحديد التريند ملهاش مؤشرات
بس هى ماتخدش اكتر من تظره واحده على الشارت باستخدام البولنجر
لو الشموع بتتحرك فى النص العلوى فى البولنجر على فريم الديلى
يبقى الاتجاه صاعد
و من عندى اضافه لحظتها ان لو الشموع دايما بتتحرك تحت خط البولنجر العلوى مباشره يبقى اتجاه صاعد كويس زى اليورو حاليا و الاسترالى
و العكس صحيح زى الفرنك

انما فى لحظه عكس اتجاه التريند فاكيد محدش هايعرف الا لو الاتجاه قلب فعلا مش مجرد تصحيح
و فى الحاله دى الاستوب موجود يوقف الخساير

و انا بدرس التحليل الفنى سامح ابو عرايس ( الى عملنا التحليل الفنى و اول مصرى و عربى و افريقى ياخد ال cmt بكل ليفلتها )
قالنا و هو بيضحك فى ناس كتير بتتريق على التحليل الفنى عشان بيقول لو التريند صاعد يبقى بيصعد
لو التريند بيهبط يبقى بيهبط
و اناعن نفسى اشتغلت على البورصه المصريه قبل كده كنت يعمل حاجه لذيذه اوى
كنت بجيب الشارتات قدامى و ادور على الكام شركه الى تريندهم صاعد
و انقى اكتر شركه فيهم فيها تداول كتير و محترمه و اتوكل على الله و ادخل فيها ماهما كان سعر سهمها
و اصبر شهر او 2 او لحد ما الاقى فرصه محترمه اكتر
و اتوكل على الله و اخرج من دى و اروح دى

و بعدين بالنسبه للناس الى بتسكالبنج و بيدخلو عكس التريند و مع التريند
هانفرض ان فى واحد اشترى اليورو من اسبوع
و لسه فاتح العقد هتلاقيه كسبان كام؟؟
430 نقطه
هل فى اسكالبير بيقدر يعمل الرقم ده اسبوعيا ؟؟ صعب اوى
و لو عملها بيبقه دمه محروق و اتجنن خلاص

انما صاحبنا الى اشترى ده قاعد باشا مفتحش الشارت بقاله اسبوع و لو فتح كل الى بيعمله بيرفع الاستوب عشان يضمن مكاسبه

بص مثلا على اليورو او الاسترالى او الباوند كل واحد محقق كام نقطه ف اسبوع؟؟
و نفرض اننا دخلنا مع التريند الواضح جدا من قبلها
شوف كان زمانك محقق كام نقطه؟؟

[محـمد شلبى]

كلامك رائع بحق
ومعاك حق فى كل اللى قلتو

[مصطفى خالد]

اهو مع الاسف ناس كتييييييييييييير بايعين اليورو
رغم الارتفاعات المتواصله
ليه بقه؟؟
عشان عمل يوم وحش كله قال اليورو الى الهاويه
رغم ان لتريند صااااااااعد

[3ashekforex]

ازيكو يا فوركساويه
رافعين راسنا وسط الفوركساويه التانيين و لا؟؟

ملاحظ من ناس كتير اوى انها شايفه ان الفوركس ده مجرد لعبه الكبار عاملينها عشان يضحكو على الصغيرين و ياخدو فلوسهم و بس
و ناس كتييييييير عندها اقتناع تام ان الفوركس بلاعه فلوس بس تخير و عمر ما حد كسب

اولا انا عندى قناعه ان الى بيكسبو من الفوركس مش فاضى عشان يقعد على منتدى و يشرح للناس طريقته
او كمان بيشرح طريقته و يلاقى الف واحد بيتهموه بالفشل لمجرد صفقه او 2 او 10 ضربو استوب
و ناس بتدخل تحبط الباقى و خلاص لانهم خسرو
و الى ممكن يدى توصيات كتير و مع اول توصيه غلط تلاقى كل الناس اتحولو لوحوش و هاجموه بعنف و ده بيخليه يقول ببساطه لنفسه
طب انا عامل صداع لنفسى و فى الاخر اتشتم و اتهاجم
طب و الله ما ما منزل حاجه

بس مع القرايه لقيت ان اكتر الاعتقادات الغلط فى رايى للفوركس هى

1 ده لعبه للكبار بس
ليه يعنى؟؟ ما فى ناس كتير فى مسابقات بتلاقيها عامله ارقام خياليه و بشر زيى و زيك
و بعدين الصناديق و البنوك العملاقه مين بيديرها
ماهو بشر زيك درسو تحليل اساسى و فنى و خبره
معنى كده ان لو عندك الكلام ده هاتبقه زيهم و لا ايه؟؟
مفيش حاجه اسمها انا كده فهمت الفوركس و اتعلمت خلاص انا عن نفسى كل يوم اكتشف مؤشر جديد و بيدى نتايج كويسه
و بعدين ماهو الكبار نفسهم بيخسرو احيانا
زى كل البنوك الى فلست فى التاريخ
و حتى لو ده صح ليه ما نمشيش مع الكبار و نكسب؟؟

2 ضرب الاستوبات
كل الناس مصره ان الكبار ( الى محدش عارف مين هما تقريبا الرقم صفر فى الشياطين ال 13 ) عندهم الارقام الى بتحدد كل الناس حاطه استوباتها فين و بيرفعو السعر عشان يضربوها
طب سؤال صغير بيجيبو الارقام دى منين؟؟ من البروكرات؟
طب اذا كان البروكارات نفسهم حتى الكبار و المحترمين فيهم سيستمهم بيحصل فى غلطات
يبقه هايجيبو منين السيستم الى بيحدد كل الاستوبات لكل المضاربين فى الفوركس بالدقه دى؟؟
سؤال للعاقلين فقط

3 الفوركس مش خاضع للعرض و الطلب ده عشؤائى
طب ليه مدام عشؤائى ناس كتير بتقدر تحدد التريند؟؟
ازاى بيدخلو بيع و شراء و السعر بيمشى معاه؟؟

4 الكبار مسيطرين
لو الكبار مسيطرين على السوق كانت امريكا انقذت عملتها من الانهيار بعد برجين التجاره
كانت اوروبا انقذت عملتها بعد ازمات اليونان
هانستعين بمثالين فى النقطه دى
اولا جورج سورس عمل ايه
ضرب الاسترلينى فى مقتل و رغم كده الانجليز مقدروش بكل قوتهم يوقفو انهيار الاسترلينى و لا البنك المركزى قدر يعمل حاجه رغم شرائه لكميات رهيبه من الاسترلينى
هل انجلترا بكل اقتصادها اضعف من جورج سوزس الى كل ثروته ساعتها 3 مليار دولار و باع على المكشوف ب 10 مليار بس؟؟
طب لو جورج سوزس جامد اوى كده ازاى اتعرض لخساير بعد كده قدرت ب نص مليار؟؟
طب اليابان فى الاسبوع الى فات
البنك المركزى اليابانى نزل بكل تقله و عنفوانه عشان يخفض الين و يحمى اقتصاد اليابان كله و مئات الشركات المصدره و باع فوق ال 100 مليار ين و ده مبلغ رهييييب جدا و اشترى عملات تانيه قصاده
ايه الى حصل
ارتفاع قوى لازواج الين يبقى خاضع للعرض و الطلب و لا لا؟؟
طب كل ازواج الين ابتدت تدى اشارات هبوط و كتير منها هبط فعلا و لا لا؟؟
يبقى عرض و طلب لا لا؟؟
ثم عندم مثلا الدخل القومى السنوى لانجلترا بيساوى ترليون و نص يورو
المانيا اقوى قوه اقتصاديا فى الاتحاد الاوروبى دخلها 2.4 ترليون يورو
يعنى مجموع الاتنين اقل بكتير من الفلوس الى بيتم تداولها فى الفوركس فى يوم واحد
امريكا اقوى قوه اقتصاديه عالميا 14 تريلون
حوالى ما يتم تداوله فى الفوركس فى اسبوع
يبقى ازاى هايقدرو ياثرو فيه لفتره طويله؟؟

5 الكبار هم الى ادونا اساليب التحليل الفنى عشان يحددو اتجاهاتنا
من اغرب الانتقادات بصراحه
التحليل الفنى بدايته تاريخيا من 1932
قبل الفوركس ده ما يظهر اصلا
و لو بصيت فى تواريخ معظم المؤشرات هتلاقيها قبل ما الفوركس يظهر
و ده طبعا غير الشموع الى عمرها فوق ال 1000 سنه
قبل انت اصلا ما تظهر

6 العشؤائيه
كتير بيقولو السوق بيمشى عكس التوقع
طب هل فى مره معرفتش التفسير يعدها سؤاء كان خبر او كارثه طبيعيه او خطاب او حتى تدخل من البنك المركزى
كل ما هنالك ان السوق اتحرك لسبب
انت معرفتش السبب
يبقى تقصير منك انت مش من السوق
صح و لا كلامى غلط

7 البروكرات بيكسبو من خساره العميل
البروكر ما هو الا سمسار تقوله اشتريلى الباوند يشتريه و ياخد عمولته
بيعلى الدولار يبيعه و ياخد عمولته
مثال صغير
لو انت اشتريت شقه عشان تتجوز ( مبروك عقبالنا ) و السمسار خد عمولته خلاص
اليوم الى وراه العماره وقعت و فلوسك راحت فى الوبا السمسار هايكسب او هايستفيد حاجه؟؟
طب لو انت بعت الشقه ب ضعف تمنها و كسبت
السمسار هايكسب او هايخسر برضه؟؟
خلاص عمليه و تمت بالنسباله و خد عرقه و مشى
الى بيستفيد من خسارتك ده شركات بيحطك على الديمو و بتضحك على حضرتك و دى طبعا شركات بير السلم
انما افكسول و لا افكسيم هاتضحك عليك و تعرض نفسها لغرامات بالعبيط من الرقابات؟؟


و فى الاخر ملاحظه بسيطه احنا ليه بنمشى عكس التريند على طول؟؟
الباوند طالع طالع طالع و الناس بتبيع بتبيع بتبيع و الى كان بيقول اشترو الباوند كان الناس بتهاجمه ؟؟ مع ان مافيش اى حاجه بتقول ان التريند اتكسر
الاسترالى حاليا زى الباوند ناس كتير بتقول بيعو مع انه بيصعد كل يوم عن الى قبله و نظره سريعه على الشارت ديلى هتلاقيه صاعد
الفرنك نازل نازل نازل و كل التوصيات عليه شراء شراء شراء
و فى الاخر الناس بتلوم الفوركس
هو الى بيقف قدام عربيه و بتخبطه يبقى مين الغلطان؟؟

و التزمو باداره راس المال
مفيش عماره بتطلع مره واحده من الارض لا بتتبنى دور دور و طوبه طوبه
و مفيش حساب بيتدابو مره واحده
بيتدبل واحده واحده و صفقه صفقه
و مفيش لعيب كوره بيجيب كل الفرص الى بتجيله اجوان
و مفيش مضارب بيكسب من كل الصفقات

فى النهايه اتمنى ان الموضوع يغير وجه نظركم و ربنا يسهل و يوسع رزقتنا كلنا

والله قولت كلام كتير اوى كان نفسى اقولو
بس >> اوجع دماغى ليه واجيب لنفسى صداع انا اركز فحسابى احلى :D

[Wigan]

شكلك كنت مدمن الشياطين ال 13

ههههههههه

لا كنت مركز مع رجل المستحيل والمستقبل وبقيت المجموعه انما مقراتش كتير فى الشياطين 13

[نور الدين محمد]

نظرة موضوعية للفوركس.....لست ممن يريدون تعميم نظرية المؤامرة على الفوركس.......و لكن بالفعل هناك تلاعبات عديدة تحدث فى هذا السوق

[ult@n$]

كلامك سليم جدا أخي ،،،، الفوركس بريء بريء بريء ،،،، والكثير من الناس تعلق فشلها على أحد الاسباب التي ذكرتها ،،، والمشكلة الجديدة حاليا أو التي نقدر نسميها موضة الموسم وهي موضوع الأسرار ،،، كل يوم واحد يطلعلك يقول انا معي سر الفوركس وان الفوركس اسرار ولن تربح إلا إذا عرفت هذه الأسرار هههههه شيء مضحك بالفعل ،،،، تحياتي والرب يباركك

[مصطفى خالد]

نظرة موضوعية للفوركس.....لست ممن يريدون تعميم نظرية المؤامرة على الفوركس.......و لكن بالفعل هناك تلاعبات عديدة تحدث فى هذا السوق

ااااااااااااااى حاجه فى الدنيا ممكن يكون فيها تلاعب و مصالح معادا الجنه ان شاء الله
بس المشكله ان اااااااااااى تلاعب ماهما كان قوى و عنيف
مش بيقدر يستحمل يكمل وسط الفوركس
زى مثلا نهر ممكن تحدف فيها حجر كبييييييييييييير
ايه الى بيحصل؟؟
موج و بيقل و خلاص لراحت لحالها و النهر بيكمل طريقه عادى جدااااااااااااااا
خلينا مع النهر

[محمد دحروج]

خلينا مع النهر كلام جميل وبينفع للترند كمان يعني خلينا مع الترند