دراسه : موجات اليوت و الشارت الزمني

[MasterN]

لك الحريه المطلقه في الشرح يا معلم يا كبير

اظن مفيش طلب على الشرح .. بس اللي انا قلته يكفي ان الواحد يبدأ به .. اذا كان على سوق العملات او اسواق البورصه العربية ... ارجع بالشارت فتره للخلف و شوف الانماط دى محققه ربح او خسارة .. ان شاء الله هنزل نسب ربحية الانماط دي من كتب التحليل الفني اللي اعرفها . و لو عندك اي اسئلة انا موجود .. و شكرا بجد على الكلام الجميل ده .

قرأت الموضوع وكان نفسي اني استفيد منه
لأني ناوية اتعلم الموجات
لكن ما فهمت كثير الصراحة لأني بالاساس ما اشتغل على العملات انا فقط اشتغل بالسوق السعودي

الف شكر

اولا لاحظت ان دي من المشاركات الاولى ليكي في المنتدى .. فأهلا و سهلا بيكي .. ثانيا .. انا اسف ان الموضوع صعب بس النقطة اللي كنت بتكلم فيها في المشاركة الاولى في الموضوع متقدمة شوية في نظرية اليوت .. و نصيحة .. اليوت كان بيطبق النظرية على الاسواق ذات الكثافة التداولية العالية .. و اللي فيها حرية تداول .. عشان توصلي لأوضح الموجات و افضلها .. طبقي على المؤشر العام للبورصة Index .. تحليل المؤشر هيضعك على الخط الصحيح لتحليل الاسهم القيادية .. اما الاسهم الصغيرة . فتحليلها اليوتيا هيبقى محتاج خبرة اكتر هتيجي مع الوقت .

المشاركة التانية اللي عن شارت ال Point&Figure دي لكل الاسواق سواء عملات او اسهم ..و يا رب متكونش صعبة .. و لو صعبة ارجو توضيح الجزء الصعب و هاشرحه بأسلوب تاني .

[الرسمي1]

يعطيك العافية ياغالي
شدني الموضوع ونزلت المؤشر
لكن عندي سؤال وهو المدة التي ياخذها المؤشر حتى تظهر علامة جديدة xأوo فتره طويله تستمر لساعات
هل هذه آلية عمل المؤشر أم المشكلة من الإعدادات عندي
بالإضافة إلى استفسار حول الأرقام التي تظهر مافائدتها
وشكرأ

[MasterN]

يعطيك العافية ياغالي
شدني الموضوع ونزلت المؤشر
لكن عندي سؤال وهو المدة التي ياخذها المؤشر حتى تظهر علامة جديدة xأوo فتره طويله تستمر لساعات
هل هذه آلية عمل المؤشر أم المشكلة من الإعدادات عندي
بالإضافة إلى استفسار حول الأرقام التي تظهر مافائدتها
وشكرأ

شكرا على زيارتك ... معلش احب أوضح نقطة ان ال Point & Figure .. مش مؤشر .. هو شارت قائم بذاته .. هو مكتوب بصيغة مؤشر عشان يتحدث من تلقاء نفسه بدلا من رسمه يدويا ... نفس اللي هتعمله لو حبيت تعمل شارت 12 ساعة .. بدل شارت الساعة و الاربع ساعات .

ثانيا زي ما قلت قبل كده .. شارت النقطه و الرمز .. ملوش علاقة بالزمن .. ممكن يعمل × كل 5 دقائق لو السوق بيتحرك بسرعة .. او كل ساعة لو السوق نايم .. و دي نقطة قوته اللي وضحتها قبل كده .. شوف الاعدادات الموجوده هل هي × = 10 نقط ... ولا × = 5 ؟! ... عن تجربة .. × = 5 نقط ممتازة لليورو و ال × = 10 ممتازه للباوند ين ... طبعا كل ما تكبر النقط اللى محتاجها لرسم × ... كل ما هتاخد وقت اكتر عشان تترسم ... و هيظهر انماط اقل .. اما بالنسبة للارقام اللى بتظهر .. ده عدد ال × او o في العامود الواحد ... بتحتاجها لحساب الهدف و وقف الخسارة ...

و لو في اي اسئلة تاني اتفضل اسئل ,, و اسف على التأخر في الرد

[الرسمي1]

اما بالنسبة للارقام اللى بتظهر .. ده عدد ال × او o في العامود الواحد ... بتحتاجها لحساب الهدف و وقف الخسارة ...

بارك الله فيك وضحت الصورة
لكن ممكن اثقل عليك واطلب منك شرح باستفاضة عن طريقة حساب الهدف و وقف الخسارة ...
والشكر لك مقدماً