خواطر إليوتية

[hassan massoud]

يا مرحبا ... استاذنا الفاضل ...
الروابط اللى حضرتك واضعها لاتفتح على شارت
لا أعرف المشكله دى عندى أنا أو عند الكل ...............؟؟؟؟؟؟؟؟؟؟؟؟؟؟

فعلا فى حاجة مش مضبوطة و الاغرب انى حاولت اعدل المشاركة مش لاقى الامكانية دى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟

[محمد العربي]

السلام عليكم اخواني..
انا صارلي تقريبا سنه كاملة في عالم الفوركس و لكنني لم افكر في ان اتعلم موجات اليوت و ليست لدي ادنى فكره عنها..شكرا اخي حسن و بارك الله فيك و هذا اول موضوع اقراه لموجات اليوت..
متابع معك اخي..

[fxesary]

فعلا فى حاجة مش مضبوطة و الاغرب انى حاولت اعدل المشاركة مش لاقى الامكانية دى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟

التعديل متاح لوقت معين .......
ممكن تاخد كوبى من الشرح فى المشاركه السابقه وتضع الشاراتات مره أخرى

[hassan massoud]

السلام عليكم
حنمسك مع بعض المجنون و حنفصصه على كل الفريمات و ان شاء الله من خلاله حنحاول نبسط التعامل مع الموجات التصحيحية و خاصة المركبة و المثلثات

نبدأ بالفريم الاسبوعى نشوف الشكل العام للشارت و احنا فين دلوقتى و هى اول خطوة لازم اعملها كمحلل اليوتى

و لكن هل هذا الترقيم سليم
تعال ننزل على الديلى و نشوف اهم الخدع اللى بتساعدنى فى الترقيم
نبدأ بالقمة و نشوف الترقيمين دول و حنعرف مع بعض مين فيهم الصح





الشارت الاول هو الصح طيب ليه ؟

فى الشارت التانى بدأنا الترقيم بفلاتة abc و لازم تصحح نسبة لا تقل عن 0% فيبو عشان اعتمدها ويفة كاملة و لكن عندنا صححت 38% فقط و هنا لازم اعتبر فورا ان هذا التصحيح يخص الويفة الخماسية فقط و ان الويفة الخماسية هى بداية ويفة جديدة و ليست جزء من الفلاتة و دى من اهم النقط اللى بتخلينا نعرف ان الترند ممتد بقوة سواء كنت حتكمل ويفة خماسية او زجزاج

و صبرا معايا الموضوع لسة طويل و جميل جدا احنا لسة بنسخن
و الى اللقاء

[hassan massoud]

السلام عليكم اخواني..
انا صارلي تقريبا سنه كاملة في عالم الفوركس و لكنني لم افكر في ان اتعلم موجات اليوت و ليست لدي ادنى فكره عنها..شكرا اخي حسن و بارك الله فيك و هذا اول موضوع اقراه لموجات اليوت..
متابع معك اخي..

اهلا بحضرتك و بارك الله فيك

التعديل متاح لوقت معين .......
ممكن تاخد كوبى من الشرح فى المشاركه السابقه وتضع الشاراتات مره أخرى

شكرا جزيلا لحضرتك و قمت فعلا باعادة المشاركة

[hassan massoud]

السلام عليكم
نكمل ترقيم المجنون على الويكلى
فى اخر مشاركة وصلنا من خلال نسب فيبو اننا المفروض نكمل لتحت ويفة دافعة كاملة 5-3-5-3-5 عشان نكمل الويفة (C) من الفلاتة اللى بدأناها من القمة و وصلنا لهذا الترقيم

و لكن تعال نشوف المفاجأة اللى حصلت و حتخلينا نغير هذا الترقيم

فى قاعدة بتقول فى الفلاتة الويفة (C) لا تتعدى 300% من (A)
و فى الدبل ثرى الويفة (Y) لا تتعدى 400% من (W)

طيب شوف الشارت و لما شدينا فيبو من (A) وصلنا الى 400% و بالتالى غيرنا الترقيم الى
(W) (X) (Y) (XX) (Z)
و يبقى احنا المفروض بنكون حاليا فى الويفة (Z)

و لكن هل الويفة (XX) اكتملت و دخلنا فى الويفة (Z) بالفعل
دة اللى حنعرفه فى المشاركة القادمة ان شاء الله

[hassan massoud]

السلام عليكم
قبل منكمل المجنون حتى نصل الى الترقيم النهائى حتى يومنا هذا تعال نقول نقطة مهمة جدا

الويفة A اللى داخل الدايرة الصفراء دى تعال نشوف ازاى نعرف انها بمجرد تكونها ويفة A من ABC و ليست الويفة الاولى من ويفة خماسية دافعة

واضح جدا ان الويفة ينطبق عليها كل شروط الويفة الدافعة و لكن يأتى هنا دور بعض الارشادات الهامة
لاحظ ان مفيش اى فرق بين الويفات التانية و الرابعة من حيث الشكل او القيمة او المدة الزمنية و هنا انعدمت ظاهرة التبادل بينهم
لاحظ ايضا ان الويفات 1 و 3 و 5 لها نفس القيمة تقريبا و لا يوجد اى ويفة ممتدة و هنا انعدمت ظاهرة التبادل ايضا
فى الحالة دى الويفة تظل دافعة و لازم و لا بد و حتما يتحقق بعدها ويفة خماسية و لكنها لا تكون الاولى من ويفة خماسية اكبر و بنعرف على طول انها A داخل ABC

و الى اللقاء

[hassan massoud]

السلام عليكم
فى المشاركة قبل الاخيرة سألنا يا ترى الويفة (xx) انتهت و لا لسة و لكن من الاولى ان نسأل هل الويفة (Y) و بالتالى الويفة C انتهت و لا لسة

طيب نجيب ال C فى الشارت دة و نشوف قصتها ايه
حنرجع بالزمن لورا و نعتبر نفسنا لسة فى المنطقة دى و هى بتتكون و لو انت كنت رقمت بالشكل اللى جاى دة كانت كل الناس حتصقف لك لأن الويفة التاتة ليست الاقصر و بكدة يبقى مستهدفنا حوالى 180 ين عند النقطة رقم 4


و لكن خد بالك من الحتة دى
دايما اقوى عزم على الشارت هو الويفة التالتة الداخلية من التالتة الرئيسية و ليس نهايتها
و يبقى على طول اعيد الترقيم بالشكل دة

و كدة يبقى لسة حطلع اعمل الرابعة من ال (C) و مستهدفى الخط الاحمر الافقى عند 4 الداخلية من (3)

طيب تعال نشوف ايه اللى حصل بعد كدة

بالفعل ارتديت من المستهدف اللى حددناه و عملنا الرابعة و يبقى حاليا بنعمل الخامسة من ال (C) و كمان ال (Y)

نستريح شوية و نرجع نكمل تفصيص فى المجنون

[tamer371]

ما شاء الله ، بارك الله فيك

[fxesary]

بارك الله فيك أخى حسين ... وزادك من علمه

[hassan massoud]

ما شاء الله ، بارك الله فيك

بارك الله فيك أخى حسين ... وزادك من علمه

جزاكم الله كل خير و وفقكم دائما ان شاء الله

[hassan massoud]

السلام عليكم
نكمل مع بعض تفصيص المجنون و بالرغم من انه ارتد الى المستهدف اللى حددناه عند ال 163 و هى النقطة رقم 4 فى اخر ويفة هابطة و هو دليل على صحة ترقيم الويفات الداخلية الا انه غالبا بيفوتنا حاجات صغيرة و مهمة قد تغير من ترقيم الويفات الاكبر بالرعم من احتفاظنا بنفس ترقيم الويفات الداخلية و دة حيفرق معنا كتير قوى فى تحديد نهاية الويفة الكبيرة و مستهدفات الارتداد
و تعال نشوف ازاى

حنركز شوية فى المنطقة المحددة باللون الازرق و اللى كنا رقمناها على انها ويفة دافعة بتمثل الويفة A

هنا قبل تكون ال 5 ويفات كان عندنا 2 ويفة ثلاثية فى القمة لا يمكن نهملهم و بالتالى الويفة الخماسية تحولت الى الويفة (c) و اصبحت النقطة A عبارة عن ويفة ثلاثية 3-3-5
هنا بقى حنقول حاجتين مهمين جدا
اولا
بص على فيبوناتشى حتلاقى ان الويفة (c) وصلت اكتر من 400% من الويفة (a) فى الفلاتة و كبعا حتقولى انت قلت انها لا تتعدى 300%
بص يا سيدى
اذا تعدت الويفة (b) من الفلاتة حدود الويفة (a) من الممكن ان تصل الويفة (c) الى نسبة 685% فيبو
اما اذا كانت الويفة (b) داخل حدود الويفة (a) فى هذه الحالة لا تتعدى الويفة (c) 300% من (a)
ثانيا
فاكر القواعد الارشادية اللى فرقنا بيها بين الويفة A و الويفة الاولى
ايضا نفس الموضوع فى الويفة C فلا يشترط ان يتحقق فيها التبادل بين الويفات 2 و 4 و التبادل بين اطوال الويفات 1 و 3 و 5

طيب كدة بقى عندى 2 ويفة ثلاثية (a)(b)(c) باللون الاحمر بالشكل دة بعد ما عملنا (w),(x) الكبيرة مع احتفاظنا بالترقيم الداخلى للويفات الصغيرة

طب يا ترى ترقيم الويفات الكبيرة حيبقى ازاى حنشوف فى المشاركة القادمة ان شاء الله

[hassan massoud]

السلام عليكم
حتى الأن انا ماشى بالتسلسل المنطقى لتفكير اى واحد منا خلال فترة تكون الويفات و بنحاول نوضح الاخطاء اللى ممكن نقع فيها و المفاجأت اللى ممكن تقابلنا و تخلينا تعدل من ترقيم الويفات الكبيرة

اخر ويفة هابطة اللى فى المنطقة الزرقاء دى احنا كنا فى الاصل رقمناها من 1 الى 3 و اعتبرنا الارتداد لاعلى هو الويفة 4
لكن ايه يا ترى اللى خلانا نعدلها الى (a)(b)(c)

بعد ما رقمنا 4 ويفات زى ما شفنا فى المشاركات السابقة لما بدأنا فى الخامسة بدأت الموجات تتحرك فى ويفات ثلاثية متداخلة و طبعا فى البداية فكرنا ان الويفة الخامسة على شكل اندنج دياجونال الا انه بعد اكتمالها لقينا ان التالتة من الخامسة هى اقصر ويفة و هو لا يجوز
و بالتالى اعدنا الترقيم بالشكل اللى انت شايفه دة و اصبحت الويفة (c) كلها على شكل اندنج دياخونال

طبعا و الشارت لسة بيتكون ممكن مش ناخد بالنا من الكلام دة عشان كدة انا حاطط لك دايرة صفراء حول اخر ويفة اللى المفروض تكون خماسية و لكن واضح انها ثلاثية و لو اخدت بالك منها فى الفترة دى ممكن تلحق نفسك بسرعة و تعيد الترقيم

طيب نشوف بقى الترقيم النهائى بدون التفاصيل الصغيرة حتى الأن




كدة واضح اننا بنكون الويفة z و لا ننسى ان الويفة wyz هى المكونة للويفة (Y) التى بدأنا بها من قمة الشارت

حنرجع تانى ان شاء الله و نشوف ازاى الويفة xx اتكونت و هى مثال و لا اروع للويفات المركبة
و نشوف كمان الويفة z ايه اللى بيحصل فيها

و الى اللقاء

[hassan massoud]

السلام عليكم
الويفة xx تكونت من 3 ويفات ثلاثية T3 و لذلك رقمناها wyz


هنا فى حاجتين مهمين جدا عشان نتأكد من الترقيم بتاعنا
الاولى ان x لا قل عن 50% من w
و xx لا تقل عن 50% y

التانية ان اى ويفة اكتب عليها c داخل abc لازم تكون خماسية لانها لو ثلاثية يتحول ترقيم الويفة الى wxy و هنا ممكن الترقيم كله يختلف معانا

طبعا بمجرد انك عديت 3 ويفات ثلاثية و كسرت خط الترند يبقى الويفة انتهت تماما لأن التصحيح لا يتكرر اكتر من 3 مرات

[hassan massoud]

السلام عليكم
حنبدأ دلوقتى فى اهم جزء فى المجنون و هو الجزء الاخير من الشارت الذى نتحرك فيه حاليا
بعد ما وصلنا للنقطة xx ننتظر تكوين الويفة z اللى حنقفل بيها الباترن wyz اللى بيمثل الويفة (Y) للويفة الاكبر الهابطة من القمة

طبعا اهنا z اما انها حتكون اى ويفة ثلاثية و فى الحالة دى لازم انزل على الاقل لنفس القاع القديم او اعمل قاع جديد لأن z لا تقل عن xx او انها تتكون على شكل مثلث و فى الحالة دى لا يشترط الوصول للقاع السابق



طبقا للشارت السابق فإنه من المتوقع الارتداد لمستوى 140 تقريبا لتحقيق نسبة ال 50% من الويفة y البنفسجى و غالبا ما ستكون فى حدود القناه السعرية التى نتحرك فيها

و طبعا واضح جدا ان الويفة Z لم تأتى على شكل مثلث حتى الأن و بالتالى من المتوقع ان نعود لنفس قاع ال 119 على الاقل الا اذا كانت الويفة الحالية كلها هى الويفة الاولى من مثلث كبير

لاحظ ان الويفة y اللون البنفسجى تكونى من 5 ويفات ثلاثية متداخلة عبارة عن نموذج wz

حتى الأن دة الشكل الواضح من خلال النموذج المتكون اما باقى الاحتمالات ان شاء الله حنقولها تباعا حتى نأخذها فى الاعتبار

و الله اعلى و اعلم