هل تدكر كم كان حسابك عندما دخلت بالفوركس وكم أصبح الأن؟؟؟؟؟؟؟؟

[mr pirate]

اولا والله مش من طبعى اعلق على مشاركه حد بس 35 دولار تتحول ل 63 الف

كان حاططهم مع الريان

[midooo_119]

السلام عليكم موضوع جيد و بيفكر الواحد بالذى مضى خصوصا لو ابتدى يكسب فالفوركس انا اول حساب فتحته كان هو اخر حساب برضه حطيت 400 $ وخسرته ف 6 شهور كنت لسه جديد فالمجال و بتعلم تانى حساب فتحته من شهر ب 60 $ و الحمد لله ادبل 4 مرات دلوقتى و ان شاء الله هعمل ورشة توصيات قريب عشان نحقق الارباح براس مال صغير بأذن الله
بالتوفيق للجميع

[احمد 5]

سر الربح من الفوريكس : حساب تخين + ادارة جيدة + طريقة بسيطة جدا + قناعة ( ربح 2% او 3% من الحساب في يوم سهل جدا)

[amressa]

سلام عليكم اخوى
عامل ايه
اولا والله مش من طبعى اعلق على مشاركه حد بس 35 دولار تتحول ل 63 الف
الى اعرفه ان 35 دولار دى على شان ادخل بيها عشر لوت يعنى النقطه بدولار يبقا هشتغل رفعه ماليه 1:400
ياما بتشتغل بقا مينى النقطه بسنتات
فاممكن تقول طريقتك الى وصلت 35 دولارر ل63 الف

انا باتعامل مع شركه ifc marckets ودي التعامل معاها مالهوش علاقه باللوتات خالص . الموضوع بسيط انك بتشتري اي كميه عمله انته عاوزها حتي لو كانت 100 يورو وانا فعلا عمري ما ساتخدمت رافعه اقل من 1 :400

في البدايه كنت باشتري 1000 يورو والنقطه كانت بتكون بسنت وكنت باحقق فوق ال300 نقطه وده كان بيخليني علي اقل تقدير اعمل 30دولار يوميا ولان الطرق اللي كنت باستخدمها واللي هاطرحها قريب هنا كانت شبه مضمونه بنسبه خطأ قليله جدا جدا وكانت الايام اللي مش بتحقق فيها بتدي مؤشرات قويه علي عدم التحقق فانا كنت بادخل كل يوم بربع الحساب يعني 35 +30ربح اول يوم يبقي 65بادخل بربعهم وبالشكل ده الحساب كان تقريبا بيتدبل كل يوم مره
انا دلوقت مقتنع انه في الفوركس لو عندك طرق مظبوطه وشغال صح ممكن تحول دولار واحد لمليار دولار وبالعكس ممكن تحول مليار دولار الي صفر في ايام

[Leonardo]

كان حاططهم مع الريان

هههههههههههههههههههههههه جامدة

بدأت ب 3000 الاف دولار وصل الان الى رقم ذو 5 اصفار مع السحب طبعا على مدار سنتين ونصف

بالتوفيق للجميع ان شاء الله

[ساق الجواء]

هذا الموضوع فرصة لمن يريد حسابات مساكين يصطادها ليمارس هوايته في تصفيرها

[مصطفى خالد]

انا عملت ارباح 20 % فى شهرين
و فى صفقه واحده غير مدروسه طار المكسب كله
و بقالى شهرين بتخبط حبه فوق و حبه تحت )

لكن ان شاء الله الى جاى احسن
لانى لما بكسب بكسب كويس
و لما بخسر بخسر بصعوبه
و دى اول و اهم خطوه فى التجاره الصح

[مستر يورو باوند]

هذا الموضوع فرصة لمن يريد حسابات مساكين يصطادها ليمارس هوايته في تصفيرها

[forex king]

هذا الموضوع فرصة لمن يريد حسابات مساكين يصطادها ليمارس هوايته في تصفيرها

[Ahmad Shawky]

الاول كان 40 دولار واتصفر
القاني كان 65 دولار واتصفر
الثالث كان 25 دولار واتصفر
الرابع كان 80 دولار واتصفر
بعد دراسه جيده واعتماد استراتيجيات قويه
الخامس 35 دولار ووصل معايه الان الي 63 الف دولار غير حوالي 40 الف دولار سحبتهم
مع العلم ان الاربع حسابات الاولي كانت في مده حوالي سنه وواحد منهم وصل ل8000 دولار واتصفر والتاني 3500 واتصفر والاخير الرابح بدأته من 3شهور وكنت استخدم معه ادراه رأس مال سيئه جدا لكن كنت استخدم استراتيجيات قويه موجوده هنا في المنتدي والتزم بها حرفيا بعد تطويرها واهمها الوافي وخبرتي والان الحساب يزيد 2000 دولار يوميا ولا يأخذ مني الكثير من الوقت ولو حبيت ادبل الحساب ممكن ادبله في يوم واحد لكن انا قانع بكده حاليا وماعدتش باحب المغامره زي زمان وقريب قوي هاحط خلاصه تجربتي مع عدد من الاستراتيجيات فائقه الدقه

إنته منين يا بشمهندس ؟

اعتدقممكن نطلب من الإداره تعملك تمثال
او غسيل أموال
ارقامك غير منطقيه بالمره
ولكن مبروك عليك مكاسب الريان

[Ahmad Shawky]

كان حاططهم مع الريان

او يمكن تابع للفلول النظام

[smasem66]

يا خبر ابيض....هو انتم كمان عندكم فلول هنا

انا اول حساب فتحته من سنه تقريبا ب 1000 دولار وصل معايا ل 1800 دولار في اسبوعين وبعد كدا اتصفر في يوم واحد طبعا كنت لسا مش فاهم حاجه وداخل على غشوميه
اتبقالي من الحساب الاول 300 دولار حطيت عليهم 700 بقا معايا تاني حساب ب 1000 دولار وصل معايا ل 4000 دولار في 6 شهور سحبت منهم 2000 وكملت بالباقي وصل معايا ل 4500 ولما اندلعت الثورة في ليبيا خسرت كتير من الحساب في صفقه بترول كانت مفتوحه عندي من غير ستوب لووز مكنتش اتوقع ان سعر البترول هيزيد 10 دولار في يوم واحد وصل حسابي 1500 دولار ودلوقتي حسابي 2000 دولار تقريبا
الوضع العام هو لسا انا غير مستقر ومفيش مكسب محدد رغم اني ملتزم بادراه راس مال ودخول بكميات قليله لكن لسا ماستقرتش على انسب طريقه تناسبني وتريحني في المتاجره بدون خساير كتير

[abuelbanat]

انا بدات في 2005 ب 20.000 واديتهم money manager
يظهر كان سكران خدتهم 1800 دولار

2010 قولت اعوض واتاجر بنفسي دخلت بعشرين الف
وصلتهم 39000 والحمد لله في 3 شهور كنت مركز اوي في اادارة راس المال
بعدين سحبت 20000
واقنعت والدي وعمي يزودوا معايا وصلناهم 60000
طمعت وفتحت صفقات كبييييييرة ولما وصل اليورو في شهر 11 اللي فات 1.4280 كنت انا بايع من 1.3600
خدتهم 5000 دولار بس

دلوقتي دخلت 20000 وربنا يستر

انها مقامرة وادمان

[midooo_119]

انها مقامرة وادمان

لو شايفها كده يبقى بلاش تتضارب احسن المقامرة حرام شرعا

[محمد2011]

الخامس 35 دولار ووصل معايه الان الي 63 الف دولار غير حوالي 40 الف دولار سحبتهم

سلام عليكم اخوى
عامل ايه
اولا والله مش من طبعى اعلق على مشاركه حد بس 35 دولار تتحول ل 63 الف

للتوضيح

35 دولار حولها الى 103000 دولار (سحب منهم 40000 الرصيد المتبقي 63000)وفي اقل من ثلاث شهور حسب مشاركته .
يعني تقريبا 2940 ضعف في اقل من 3 شهور .
يعني بعد شهرين تقريبا يكون الرصيد 63000*2940ضعف = 18522000 دولار
يعني بعد سنة تقريبا ممكن يشتري نصف الكرة الارضية .
وده كله من 35 دولار