فايبو الأهرامات

[manawi]

بسم الله الرحمن الرحيم

618 = 1.618

سبحان الله و بحمدة سبحان الله العظيم

فايبو الأهرامات

قال تعالى: {فلا أقسم بمواقع النجوم وإنه لقسم لو تعلمون عظيم}، صدق الله العظيم،
75-76 سورة الواقعة

---------

السلام عليكم و رحمة الله و بركاته

قبل أي شئ تدبرو في خلق الله جل جلاله و

سبحوا الله الخالقُ ، البارئُ ، المُصوَّرُ

--------- الكلام فوق الخط يحتوي على لينكات توضيحية ---------

سبحان الله ، التدبر في خلق الله اعظم و اجمل من اي حاجه تانيه

المهم اديكو نبذة عن الموضوع عشان اللي مش عارف يعرف و نشرح حاجتين في وقت واحد فايبو الاهرامات او فايبو النجوم اللي يعتبر اقوى منظومة فايبو متلاصقه ومبنيه فوق بعضها بالأعجاز الرهيب ده و حلزونة فايبو بتشرح الموضوع زي في الصور المرفقه و انشاء الله يكون بينا تعاون في طريقة استخدامه على شارت العملات او الاسهم او السلع او اي حاجه تيجي في بالكم

اللي بنوا الاهرامات بنوها بتوازي متقن الدقه مع مجموعة نجميه اسمها المنطقة في مجموعة اوريون سواء في الحجم اللي هو = ( حجم الضوء الصادر من النجم) و في الموقع كمان زي ما في الصورة المرفقه

-------------

انا ترجمتلكو النسب الهرميه على فايبو الميتا تريدر في الصوره بس تحط الارقام و تكون جاهز مع اني بفضل استعمل الفوتوشوب بعض الاحيان

ال B بقصد بيراميد

الواي بقصد خطوط المقاومه الاوليه للشمعه المحسوب منها

SKRED هرم الملكه المجاور خفرع

B1S معناها Pyramid one start هرم خفرع

B1Eمعناها Pyramid 1 End

B2Sمعناها بدايه هرم خوفو وهكذا

القياس بيكون بأحتواء شمعة داخل الهرم الصغير منقرع من الهاي الى اللو ، تركيب الفايبو ابتداءً من فوق او تحت مش هاتفرق لان نسب الفايبو متوازيه بتانسب زي فوق زي تحت

اقوى قياسات تكون من شمعة القاع و شمعة القمة و الشمعات الليموزين و في شمعه بركز عليها يوميا زي ما هاشرحلكم لاحقا و الشمعات اللي بتكون متوازيه و متسايوه في الطول يعني احنا هنا بنعمل فايبو على شمعه مش المعتاد اللي هو فايبو الويف مع انو بردو بيمشي

الموضوع مش سهل و لا هيه استراتيجيه على طبق من فضة و ده اللي خلاني احبسها عندي على امل اني الاقيلها حل و متكونش مضيعة لوقت حد، بس الصراحة اللي هايركز فيها هايفهم و يعرف يتعامل معاها ويشوف الشارت بمفهوم تاني خالص، انا بقالي خمس شهور تقريبا في الموضوع ده عشان احاول اعملو قواعد ناجحه بس للأسف موصلتش و مقدرتش لاني علطول مشغول جدا وظروف حصلت شغلتني عنه ، بس الحمد لله معظم توقعاتي اللي بدونها على النظام ده ناجحه جدا و اللي عايز يتأكد اوريه بعض الامثلة
انشاء الله يوجد المزيد من الشرح و نقاط مهمة مستنتجه سوف اقوم بشرحها في وقت لاحق
برجاء اي واحد يعمل مثال على الفوتوشوب يرفقو في الموضوع للأستفاده و شكراً

------------
تنويه : منطلق الفكره و صميم الموضوع جهد و فكر شخصي و دي اول مرة اقوم فيها بطرح الموضوع ده و انشاء الله هاترجمو بالانجليزيه لغرض ديني

و اتمنى لكم التوفيق

-----------
Alaa Maanawi
علاء المعناوي

[SENZO85]

BARAK ALLAH FEK

[samer2010]

السلام عليكم
بارك الله فيك اخي
لو سمحت كيف يمكن الاستفادة من هذه الاشكال او الدراسات ؟

[batttot]

متابع ولكن ارجو التوضيح قليلا فمازالت الامور غامضه امامي

[وسام النوباني]

تسجيل متابعه والرجاء في البداية بيان ما هي الخطوات الاولى لهذة الطريقة بصورة مفهومة قدر المستاطع

[dr.ahmed.samir]

جزاك الله خيرا
ورجاء تصحيح كلمة " انشاء الله " الى الكتابة الصحيحة ان شاء الله .. فالمعنى يختلف كليا

[VaNaDess]

ماشاء الله تبارك الله ، أحييك علي هذا الطرح المميز اخي الكريم والذى يدل علي ان هناك عقول عربية مازالت تفكر وتعمل بجد

ولكنى اعتقد ان الفكرة كلها بحلزون الفايبوناتشي وليس رسم الاهرامات علي الشارتات المرفقة ، عموما ارجو ان كان هناك فكرة اخرى ، توضيحها لنا والله يوفقك ان شاء الله

تحياتي لك

[egyptnile]

تسلم يا غالى على الافكار الجديدة
الطريقة كما فهمتها هى مستويات فيبو جديدة غير المتعارف عليها
لو ممكن شرح اكثر للأساس النظرى
وجزاك الله خيرا

[sea_star_1987]

اكتب فى اليو تيوب gold section وشوف النسب دى بتعمل ايه

[manawi]

شكرا على الردود و المتابعه
وشكرا ليك يا ابراهيم على ملاحظاتك الجميله
انا اول لما صحيت من النوم انهارده جاتلي فكره جديده بس اجربها الاول وهيه عن الرسمه اللي فيها 3 حلزونات فوق بعض لو خلينا القياس من مستطيل في اول حلزونه ممكن يدي نتايج احسن على العموم هاجرب و اوريكو امثله لأني اول مره اعمل اعداد الفيبو ده انهارده 3 فوق بعض
يا ريت اي حد له فكر في حاجه او ملاحظه يقولها

انا متابع مستويات الفايبو دي على عمله واحده و هيه المجنون من كذا شهر و هيه بصراحه احسن عمله لانه بيخلي الشارت واضح جدا و في احترام كبير للمستويات

لو بقدم توصية بتكون على اساس اختراق ليفل معين و الاغلاق فوقه و من هنا بيكمل في اتجاهه سواء صاعد او هابط
مثلا الكندي دولار كان على 4 ساعات كان وصل يوم الخميس انهايه بB2 ومن هنا حصل اندفاع قوي للاعلى مرفق هنا في الصور

مثلا اليورو دولار في الشهري زي ما في الصوره مشروح انا عامل قياس الليفل من شمعه شهر 9 2007 ارتد منB1 و نزل لحد Skred دلوقتي في احتمالين يا ((( زي فوق زي تحت))) زي ما ارتد من B1S فوق يرد من B1S تحت
بس لو كسر و قفل تحت B1S احتمال 80% انه يدب تحت لحد B1E

بردو كان في توصيه كنت مدونها قبل افتتاح الاسبوع اللي فات على المجنون و هاشرحلكوا ليه اديتها مع ان ناس كتير كانت متوقعه له هبوط
بعد ما السعر كسر الخطين واي واحد و واي 2 صعودا يبقى كده احتمال كبير 80% صعود بس لازم يبتدي من نقطه قويه يعني يدخل على واي وان و يشد منها لفوق زي ما في الصوره بالظبط زي كسر اي رنج بوكس
بردو هاوريكو مثال على اليورو دولار يوضح الكلام اكتر لا watch price bouncing between Y1 and Y2 range

[manawi]

[batttot]

اسف علي قلة خبرتي ولكن كيف ترسم الدواءر والخطوط علي شارت له مقاييس رسم متغيره فكيف عرفت ان هذه هي المقاييس السليمه ولماذا لم تكبره قليلا او تصغره مثلا ......ولك مني جزيل الشكر

[manawi]

اسف علي قلة خبرتي ولكن كيف ترسم الدواءر والخطوط علي شارت له مقاييس رسم متغيره فكيف عرفت ان هذه هي المقاييس السليمه ولماذا لم تكبره قليلا او تصغره مثلا ......ولك مني جزيل الشكر

هلا بطوط

الرسم مظبوط و الحمدلله بالظبط و النسب كمان
بالنسبه للدواير ليها اهميه و انا شايف ان ده احسن رسم ليها لتتماشا مع الحلزونه لو بصيت على الصور تاني هاتعرف

في دوائر و في ترندات 45 درجه

مرفق هنا صورتين بخلفيه شفافه عشان اللي عايز يجرب على الفوتوشوب

[manawi]

السلام عليكم

في عندي ملاحظة او مرة اخد بالي منها و بصراحه قويه جدا
افتح مثلا شارت اليورو دولار الاسبوعي او الشهري و اعمل فايبو زي ما هو موضح في الصوره المرفقه هنا ( اعملو مثلا على اعلا شمعه او على شمعه ليموزين طويله) و بعدين انقل على شارت الاربع ساعات و شوف قوة الفايبو و انقل بعدين على الساعه و على الربع و شوف قوة الارتداد من الليفلز دي عامله ازاي و قد ايه السعر بيحترمها!!

لازم تكون دقه وضع الفايبو على الشعره و احسن حاجه انك تعملها زي في الصوره لما تحط اداة الفايبو على الشمعه بالطريقه دي بتركب اتوماتيك على الهاي و اللو بتاع الشمعه بعدين تحط يدوي خطوط افقيه على Y1 Y2 SKRED ... etc
يا ريت حد يجرب و يقولي ايه رايو لان على الشارت الكبير المعمول عليه القياس مش هاتشوف الموضوع ده الا لما تنزل على فتره زمنيه اصغر

[أبو مازن]

!!!!
لماذا توقفت