بسم الله توكلت على الله اهم الانظمه التى لدى

[anahesho]

السلام عليكم ورحمه الله وبركاته
الاخ الفاضل اريد مؤشر يقوم بتغيير الشارت من فريم دقيقه الى الفريم الشهرى تقائيا والعكس كل فتره لنقل مثلا كل 5 دقائق على ان احدد انا هذه الفتره اذا كان يوجد لديك
و لك منى جزيل الشكر

وعليكم السلام ورحمه الله وبركاته
هى فكره حلوه بس للاسف معنديش بس عندى مؤشرات تظهر الماكد و الموفنج افريج و الستوساتيك و RSI و PARPOLICSAR و WPR بس مينفعش تغير اعداداته و ADXو CCI برده مينفعش تغير اعداداته على4 فريمات مختلفه اختار اى من هذه المؤشرات تريد وان شاء الله ساحضرها لك

[adeeb]

شكرا لك وجزاك الله خير
صاير اهتمام الواحد منا منصب على جمع المؤشرات والتمبلات وتخزينها بدون ان يستفيد منها

[anahesho]

شكرا لك وجزاك الله خير
صاير اهتمام الواحد منا منصب على جمع المؤشرات والتمبلات وتخزينها بدون ان يستفيد منها

بالفعل اخى العزيز انا اول 3 شهور لى فى الفوركس كانت مهمتى جمع المؤشراتدون حتى النظر اليها وبالفعل اصبح لدى كم هائل جدا من المؤشرات بس معرفش بتعمل ايه
لكنى قررت ان اتوقف عن جمع المؤشرات المنفرده و النظر الى الانظمه و الاستراتيجيات والتى يكون بها شرح وصدقونى انك لو تتعلم اى طريقه من دول لمده اسبوع واحد واللى تناسب ذوقك اختاره كطريقه تداول لك فانا واضع بين ايديكم استراتيجيات تبدا من الخمس الدقايق وتنتهى بالدايلى وعلى فكره فيه نظام جميل اوى لازم انزله لكم وهو بفلوس بس قديم شويه لكنه شغال حلو اوى انا جربته وعمل معايا ربح ممتاز على الدايلى هادور عليه وانزله فى الرد القادم ان شاء الله
وشكرا على مرورك اخى الكريم

[adeeb]

الشكر لك انت بس ياريت لو تدور لنا في الأرشيف
على اي نظام يعتمد على ال اربع ساعات تعبنا من الفريمات الصغيره
مثل نظام Forex Dominion MT4 Open Code انا شايف انو روعه بالتوفيق

[mrkhmath]

ممتاز عمل رائع وفكرة جديدة وممتازة ونشكرك عليها كثيرا

[anahesho]

الشكر لك انت بس ياريت لو تدور لنا في الأرشيف
على اي نظام يعتمد على ال اربع ساعات تعبنا من الفريمات الصغيره
مثل نظام Forex Dominion MT4 Open Code انا شايف انو روعه بالتوفيق

ازيك يا اديب معلش رديت عليك متاخر بس كان فيه عربيه نقل فى شارعنا قطعت سلك التليفون بتاعنا ولسه مصلح التليفون امبارح على فكره انا معجب جدا ب فريم الاربع ساعات وعندى كتاب ليها يعتمد على التحليل الاساسى البحت ان شاء الله هانزله لك

ممتاز عمل رائع وفكرة جديدة وممتازة ونشكرك عليها كثيرا

اشكرك اخى الكريم
الان الى العمل استراتيجيه باكستانيه واللى عاملها اسمه nasir yacob اعتقد يعنى ناصر يعقوب ولما دخلت الموقع اتفاجات انه بفلوس
ب30$ اعتقد ان 30$ مبلغ كبير بالنسبه للباكستان معلش مش هاقدر انزل الشرح عشان الشرح بالباكستانى والكتاب مفهوش كوبى فمقدرتش اترجمه بس اللى فهمته من الصور ان العملات اللى الطريقه كويسه فيها هى eur/usd , usd\chf , usd\jpy دول على تايم فريم الربع ساعه اما
gbp-usd , gbp\jpy على النصف ساعه والنسبه للتارجت زى ما فهمت من الكتاب يكون ضعف الستوب لوز او عمل تريلنج ستوب لوز والستوب لوز ايضا كما لاحظت هو 5 بوينت فوق مؤشر bbands بالتوفيق واعتذر مره اخرى للاخ اديب

[adeeb]

انت لسا شغال على التلفون
مستنى الكتاب ومشكوررر جدا

[anahesho]

الان اليكم طريقه جميله جدا وبها وؤشر روعه اسمه sgmar اشتغلت عليه فتره كان ممتاز الطريق دى مفهاش شرح فانا هاقولكم على طرق الدخول اما التاك بروفت والستوب لوز فالله اعلم لكن انا مقتنع جدا بترييلنج ستوب 20 نقطه
الدخول بيع
اولا اتجاه مؤشر الاسهم لاسفل
ثانيا تغير لون hma للاحمر
ثالثا ودا اهم حاجه هو مؤشر سجمار لابد من ظهور النقطه الحمراء للمؤشر وايضا الخط الاخضر يكون اسفل خطين السجمار الاخرين والشراء عكس ذلك

وفى الصوره مثال على عدم دخول الصفقات
السهم الاحمر لا ندخل بيع لان hma كان اخضر
السهم الازرق لا تدخل شراء لان السجمار معطى نقطه حمراء
ملحوظه صغيره
هتلاقى داخل مؤشر سجمار خطين ستوشاستك باعدادات كبيره تعبر عن الترند فاذا كان الخط الاحمر فوق الخط الازرق ادخل بيع فقط والعكس لكنى اعتقد انه اختيارى

[anahesho]

يا حلاوه الظاهر انى نسيت احط الطريقه عذرا وبقول للاخ اديب جرب الطريق دى عالاربع ساعات وادعيلى على فكره التايم فريم اختار اللى على كيفك عشان معرفش ايه التايم فريم المناسب ليه لكن الساعه كويس

[anahesho]

انت لسا شغال على التلفون
مستنى الكتاب ومشكوررر جدا

مرحبا اخ اديب تفضل الكتاب انا جايبه على فكره من موقع المتداول اليك صوره منه بس لازم تكون جيد فى رسم الدعم والمقاومه بالتوفيق

[anahesho]

نظام اسمه abid method اللى عاجبنى فى الطريقه دى انه بيستخدم كل المؤشرات اللى بتعطى اوفر بووت و اوفر سولد للدخول فى الصفقه واللى مش عارف اى مؤشر داخل الصوره هتلاقى شرح كامل للمؤشرات اللى فى الصوره فى الكتاب بتاع الطريقه والتمبلت وكل حاجه فى المرفقات

[منى شعير]

شكرا جزيلا أخى على مجهودك وهداياك وأتمنى ليك التوفيق

[متوكل على الله]

مشكور ياأخى الكريم على هذه الانظمة
وياريت تدلنا على أحسن نظام على الفريم اليومى
نظرا لانى غير متفرغ

[brokensoul08]

بارك الله فيك و في رزقك و عافيتك و جعل كل ماتقوم به في ميزان حسناتك ..
ماشاء الله مجهود اكثر من رائع و شعلة نشاط و حب مساعدة للاخرين
كل الود و التقدير لشخصك الكريم

[anahesho]

شكرا جزيلا أخى على مجهودك وهداياك وأتمنى ليك التوفيق

مشكور ياأخى الكريم على هذه الانظمة
وياريت تدلنا على أحسن نظام على الفريم اليومى
نظرا لانى غير متفرغ

بارك الله فيك و في رزقك و عافيتك و جعل كل ماتقوم به في ميزان حسناتك ..
ماشاء الله مجهود اكثر من رائع و شعلة نشاط و حب مساعدة للاخرين
كل الود و التقدير لشخصك الكريم

انا مش مصدق عينيا بروكين سول و المتوكل على الله فى موضوعى
وانا بقول الموضوع منور ليه اشكركم ايها الاخوه على ثقتكم فى
بالنسبه للاخ المتوكل على الله انا جايبلك افضل كتابين للدايلى هو يمكن يكون عندك بس انت مش واخد بالك منه ولو عايز نظام فى المشاركه التانيه هتلاقى النظام ان شاء الله بالتوفيق