توصيات طفل اسمه حنظله

[بوحسوون]

هااااااااااااااااااااااا بدينا قلنا على العام

[ZainbFX]

بدون ستوبات ، بدون ادره لراس المال ، بدون عقلانيه في المخاطره ، علشان تربحوا في شهرين

الأخ أبو ملك ، شرح طريقته المبتكرة
وبها ادارة رأس مال ، وبها تعزيزات من بعد نقاط محددة

هل ستعزز أم انك ستفتح صفقة وبتروح تنام وإما ربحا أخضر أو خسارة حمراء ؟؟

[malek salem]

اسمع ياحنظله .......بدنا نتعلم ..لا وتقعد اتقلي الطريقه صعب اشرحهاو تعملي زي الباقي ......وهو مش فاهم اشي واستوباته انضربت اكثر من ما انضربنا بالصف الرابع....وبعجبك يوم ما يعكس السوق ...ملح وذاب ...وبرجع بعد يومين .....شو وينك والله مريض ....والناس بقعدو يهنوه بالسلامه...طيب والستوبات الي انضربت ...والحسابات الي صفرت ...الله بعوض.اتمنى انكو تكونوا عارفين مين بقصد

[حنظله]

الأخ أبو ملك ، شرح طريقته المبتكرة
وبها ادارة رأس مال ، وبها تعزيزات من بعد نقاط محددة

هل ستعزز أم انك ستفتح صفقة وبتروح تنام وإما ربحا أخضر أو خسارة حمراء ؟؟

بدنا نعزز اكيد ها ولا شو ؟؟ بنفس طريقتوا

ابو ملك كان يشتغل قليل و حريص جدا و بدهوش اي خساره ، قال خايف على برستيجه ، واسمه في السوق مع انه بيعرفوش احد مين هو الا انا و كلهم بيعرفوه باسم ابو ملك ، والله لو انك جيمس بوند يا رجال .
انا مش فارقه معي ، جايلكو حافي و مبهدل

انا باشتغل كل يوم وحتى الجمعه والافتتاح ـ ابو ملك بيحبش يشتغل فيهم و بيحب يكون مريح اعصابه ، قال يوم الجمعه بيقعد في العائله و بياكل رز ولحمه ، علشان هيك طلعله كرش زي البلون ، لسه صغير ولكن بيكبر ، اصله العز بهدله ، و انا صرت شبه الهيكل العظمي و بدي يصير معي مصاري علشان اسمن زيه .


جسدتك يا غلبان ، يلا نصيبك ، مين قالك تصاحب واعد كحيان

طريقته ما بتخسر ، و مع ذلك بيشتغل كل يوم ، قال السوق ما بيخلص ، والله شكلك شبعان يا مدلل.

ابو ملك عنده كنز وهو مش راضي يستغله كله ، بيقوللي المهم عدم الخساره ربح ، طيب انت بتخسرش اساسا ، ليش بتشتغلش ,,, والله خايف يكون بيشتغل و ما بيقول علشان يحوش مصاري اكتر من ورايا .

انا ناوي استغل الكنز ، الطريقه معنا و الشروط معنا و السوق فاتحلنا بابه ، ليش اسيبه؟؟
اي بدي اعصره عصر .

ابو ملك بيشتغلش على شمعة ال 16 الا لو اتفقت مع نظريه معينه في باله
انا باشتغل عليها ، و الصبح على الاربع ساعات واليومي و اشوف مين بده يمنعني اجيب المليون

اي البنك الدولي بدي اخليه يتصل عليي ويقوللي بيكفي مليون كل شهرين يا (حنظول) هذا حنظول اسم الدلع تبعي ، اصلهم دلعوني وانا صغير قبل النكبه ، هالوقت محدش بيدلعني ،المهم بدي اقوله لتبع البنك بدي مليون لكل مواطن ، خليهم يسكروا الفوركس ويشتغلوا بطاله
بيكفي الي طول عمري شغال بطاله و في الشوارع ، اي زهقت .
نفسي البس مره في رجلي لو زنوبه مقطوعه ، شو هالفقر اللي انا فيه

[حنظله]

اسمع ياحنظله .......بدنا نتعلم ..لا وتقعد اتقلي الطريقه صعب اشرحهاو تعملي زي الباقي ......وهو مش فاهم اشي واستوباته انضربت اكثر من ما انضربنا بالصف الرابع....وبعجبك يوم ما يعكس السوق ...ملح وذاب ...وبرجع بعد يومين .....شو وينك والله مريض ....والناس بقعدو يهنوه بالسلامه...طيب والستوبات الي انضربت ...والحسابات الي صفرت ...الله بعوض.اتمنى انكو تكونوا عارفين مين بقصد

بتكلمني انا ؟؟!!! مين قصدك يا مدلل ، وا لله ابو ملك حبيبي ما ضرب معه اي ستوب وانا كنت قاعدله على النقره ، باستناه يخسر وما خسر ، لكن بطل لما زعلتوه .

لو قصدك واحد تاني بيكون مش مشكله ، لكن ابو ملوكه حبيبي محدش يتكلم عنه والله باولع الكوشوك و باجيب الشديده و باطبش الحجار على الكل كله .

[malek salem]

لا ياسيدي مش هو لاني مابعرفه غير من جديد......لاني كنت مشغول بمتابعه ابو التوصيات التعبانه

[أبو جوان]

يا حنظلة بارك الله بك
ترى أخونا أبو ملك ما قصر أبدا
بس مدري ليش أحسك إنت وهو واحد
صفات مشتركة بيناتكم كثير

[حنظله]

يا حنظلة بارك الله بك
ترى أخونا أبو ملك ما قصر أبدا
بس مدري ليش أحسك إنت وهو واحد
صفات مشتركة بيناتكم كثير

ابو ملك صاحبي و جاري طول عمره و في مدرسه وحده ، اصلا ملهوش صاحب غيري ، بس هو اشطر مني ، سافر يكمل و انا طلعوني من ابتدائي الله يطلع روحهم اللي بيكرهوني

والله انقهرت لما سافر ، مش ملاقي حدا يقعد يخطط و يرسم و يخترع طرق غريبه، والحلو فيه انه بيعطيني اياها و بيشرحلي اياها جاهزه ، لكن ما بعرف ليش بخل عليي في هت ذا بروفت .

على فكره اسم جوان جميل و برضو مش فاهم معناته

هي تاني واحد اسمه غريب و مش فاهمه

ماله اسم حنظله حلو مبعبر و دمه خفيف و موديرن

[نيلز]

صارت الصفحات تسع ولساتك مربحتش ايشي..
لو ربحت دولار من بدو يحسب عدد الصفحات..

[بوحسوون]

حنظووووووووووووووووووووووووووووووووووووووول

منتظرينك

على فكره في واااحد يتحداني على توصيااااتك بدي اياك تحرقه حرق

[حنظله]

ما تقلق يا نيلز ، الحساب على الديمو حيكون باين كل شيء

و بيني بينك راقبلي المجنون و شوف كيف ناوي ينزل يكزدر شويه شويه

و بعدين ما تقلق صفحات كترت و لكن الصفقات قليله و هدفها يا دوب مليون واحد بس

و العوض على الله

[البدوي]

احم .. حنطلة شلون وانا اكتشف العلاقة بينك وبين ابو ملك

رغم عدم معرفتي في اي احد فيكم .. لكن بارك الله فيكم وان شاء الله يرجع ابو ملك لغزة ومعه مش بس الماستر لا والدكترة بعد .. ويسير دك كبير ..

انا تابعته في توصياته وشرحه لكن ما كمل شرح وفهمت منه طريقتين وصححني اذا كنت غلطان
- شمعة 16 ( على اربع ساعات ) اذا كانت هابطه فالاتجاه لليله ولليوم التالي هبوط.
- شمعة الافتتاح (طبعا ع فريم 4 ساعات ) والي بعدها اذا كانوا هبوط الثالثه تكون ارتفاع , او الي بعدها.

[حنظله]

حنظووووووووووووووووووووووووووووووووووووووول

منتظرينك

على فكره في واااحد يتحداني على توصيااااتك بدي اياك تحرقه حرق

اوعى يكون واحد من فلاسفة المنتدى اللي بحبهمش .

لو تحدي علشان انه باتكلم كتير مش مشكله ، انا طول عمري بلسانين

لكن لو تحدي علشان اللي بيتكلم كتير بيعمل قليل مش مشكله ، بيني و بينه كشف حساب ،
و حتى لو فشلت برضو مش مشكله ، ياما فشلوا قبلي ، الميزه الوحيده اني داير وجهي ومحدش عرفني ، يعني مش حانفضح في المنتدى

و شعارنا في المرحله القادمه
يا المليون يا البللون

[حنظله]

البدوي يا بدوي
مليش دخل في موضوع ابو ملك
انا تبع توصيات ، و خليت الاستذه لابو ملك

قلتلكوا بس على الطريقه علشان اللي حيستغربوا الشبه ، ابو ملك صاحب عمري و استاذي في الفوركس ، وعلمني كل الطرق اللي كان حيعلمكوا اياها ، بديش نفتح موضوع الرجال سكره و انتهى منه
بدك اشي منه اساله انا مالي دعوه يابا .

في ناس بتقول عدد الصفحات كتير

طيب انا شو دخلي ، ناس بتسال ارد ولا ماردش ؟؟؟ لازم ارد ، هيك علموني في المدرسه اني ارد على كل سؤال بجواب

تصبحوا على خير علشان الصغار بينامو بدري ، باشوفكوا بكره الصبح لو النا عمر وما قصفولنا البيت واحنا نايمين

سلامات

[ابو _ تراب]

البدوي يا بدوي
مليش دخل في موضوع ابو ملك
انا تبع توصيات ، و خليت الاستذه لابو ملك

قلتلكوا بس على الطريقه علشان اللي حيستغربوا الشبه ، ابو ملك صاحب عمري و استاذي في الفوركس ، وعلمني كل الطرق اللي كان حيعلمكوا اياها ، بديش نفتح موضوع الرجال سكره و انتهى منه
بدك اشي منه اساله انا مالي دعوه يابا .

في ناس بتقول عدد الصفحات كتير

طيب انا شو دخلي ، ناس بتسال ارد ولا ماردش ؟؟؟ لازم ارد ، هيك علموني في المدرسه اني ارد على كل سؤال بجواب

تصبحوا على خير علشان الصغار بينامو بدري ، باشوفكوا بكره الصبح لو النا عمر وما قصفولنا البيت واحنا نايمين

سلامات

السلام عليكم ورحمة الله وبركاته اخي حنظلة والله البسمة لا تفارقني عندما اقراء صفحات موضوعك ان شاء الله توصل الى 100 مليون وبس توصلوا الى هدفك اتمنى ان تعلمنا على طريقتك

اخوك ابو تراب