استراتيجية متاجرة خاصة بـ TrendWave

[أحمد فؤاد]

سلام عليكم اولا!

بالنسبة لمؤشر TrendWave فهو تقريبا تعديل على Stochastic بس مش مهم. المهم انى عاوز اعرض طريقة الشغل بالمؤشر ده. هوا ممكن يصطادلك القمم و القيعان و ممكن فى الترند يوديك فى داهية بس ان شاء الله فى طريقة سهلة تشتغل بيه هعرضها هنا و الطريقة ديه انا براقبها بقالى شهوووووووور

اول هام حمل المرفق. فيه تمبلات و مؤشر الترندويف اللى هوا القصة بتاعتنا .. ومتنساش تحط التمبلات و المؤشر فى فولدراتهم فى الميتاتريدر..و افتح التمبلات.

تابعوا معايا بقى

[أحمد فؤاد]

صلى على النبى...

هيظهرلك الشكل ده اكيد... بعد ما تختار التمبلات..

ماشى ده عبارة عن ايه؟

1. الخط الاصفر الفاتح هو متوسط 21
2. الخط الاصفر هو متوسط 55
3. المؤشر اللى بيدي اشارات دخول فى الويندو تحت

تمام كده؟

يبقى معانا 2 متوسطات حركة 21 و 55 و مؤشر ترندويف.. تمام لحد كده. بالنسبة بقى للدخول و الخروج من السوق...

[أحمد فؤاد]

التايم فريم المستخدم... انا بفضل شارت ساعة بس ممكن تستخدم اى تايم فريم..طبعا الاهداف بتقل و تعلى حسب التايم فريم و كمان الدروداون يعنى العبها صح
ممكن كمان تستخدمه على شارت 15 دقيقة تعمل سكالبنج حلو فى اسيا او الوقت الهادى...

شروط الدخول بيع:

1. دايرة لونها اصفر من مؤشر TrendWave بتثبت مع اغلاق الشمعة. يعنى استنى الاشارة تبقى صفراء و الشمعة مقفولة
2. السعر فوق الخط الاصفر و الاصفر الفاتح بمسافة مناسبة. ضرورى اوى!!!!
3. يفضل الدخول بصفقة مقسمة يعنى مثلا 3 صفقات صغيرة بدل صفقة واحدة عشان الاهداف.. ليه بقى؟

طريقة اخد الربح:
1. العقد الاول .. اخد ربح لما السعر يلامس الخط الاصفر الفاتح اللى هو متوسط 21..
2. العقد التانى .. اخد ربح لما السعر يلامس الخط الاصفر متوسط 55
3. العقد التالت .. استخدم اسلوب ملاحقة الارباح ... لحد ما يعجبك الربح اللى اتحقق او تشوف اشارة معاكسة

و دايما حرك الستوب لنقطة الدخول بعد ما السعر يمشى فى اتجاهك بالنسبة لاى عقد لانه ممكن يعكس عليك فى ترند قوى .. على الاقل متخسرش حاجة
يعنى ممكن السعر يوصل الهدف الاول بس.. و يرتد و ممكن يوصل التانى بس..و ممكن يوصل لحد اشارة معاكسة و يكون قمة او قاع حقيقى ... اوك؟

طيب نشوف مثال عملى على البيع ..

[أحمد فؤاد]

لو التزمت بالشروط و السعر عكس عليا اكتر ممكن استخدم اسلوب المضاعفات لحد ما اقفل كلو بربح .. و خلى بالك دايما انو ممكن يكون الهدف الخط الاصفر الفاتح بس مش شرط يوصل للاصفر الغامق .. و انا هحط شارتات فيها اشارات صعبة شوية .. اللى تودى فى داهية

[أحمد فؤاد]

ده شارت GBPCHF و فيه 10 اشارات نحللهم واحدة واحدة.. و طبعا عمال يقولى بيع فى الترند طالع طالع طالع..بس خلينا ناخدها واحدة واحدة

رقم 1. اشارة بيع.. السعر عكس شوية وعمل اشارة بيع تانية رقم 2 و المسافة تسمح بين المتوسط و السعر..وصل هدف 1 و هدف 2 و ارتد و نزل تانى..مش مهم حتى لو خدنا الهدف 1 و 2 فانتا كسبان...

اشارة 3 شرا و ديه حققت هدف 1 و2 و باسلوب ملاحقة ارباح حلو ممكن تقفل ربح كويس او تقفل مع اشارة معاكسة.

نيجي بقى لاشارات البيع اللى اداها وهو طالع كل ده.

بالنسبة لاشارة 4. هنا السعر الفرق بينو وبين المتوسط 20 نقطة..يعنى ممكن انتا لما تبصلها تعرف انها هتكون غلط

بالنسبة لاشارة 5 السعر نزل بعد ما عكس عليك شوية (و طبعا لما يعكس بفتح صفقة كمان عشان اقفل الاتنين فى ربح ) و وصل هدف 1 اللى هو متوسط 21 و بعدها كمل طلوع..

اشارة 6 و 7 و 8 جابوا هدف اول بس و نقط الدخول كلها تخطاها بعد ما عكس عليك بشوية.

و اخيرا اشارة 9 و 10 برضه ..و ديه الوحيدة اللى جابت الهدف التانى اللى هو متوسط 55.

و ده مثال صعب.. يعنى مش كل يوم هتلاقيه يعنى عادة يوصل هدفه التانى مستريح انما لما يوصل الخط الاصفر الفاتح و يرد ده ترند قوى جدا.. وانتا بتفتح عكسه بس فى الاخر برضه مفيش ضرر لو الستوب عند نقط الدخول و بتاخد ربح فى اول نقطة و بتستخدم اسلوب المضاعفات زى ما شرحت.

[أحمد فؤاد]

اتمنى تكون الفكرة وضحت واى سؤال انا فى الخدمة

[code 606]

بالتوفيق أخى
مجهود طيب

[نور4141]

السلام عليكم لوممكن هل يوجد تمبلت او فقط المؤشر لانه بعد فك الضغط لا يوجد تمبلت ارجو المساعده ولكم جزيل الشكر

[MBR]

بارك الله فيك وجزاك خيرا استاذ احمد الفكرة واضحة الله ينور عليك

[أبو عمران]

جزاك الله خيرا

جاري التجربة

[أحمد فؤاد]

السلام عليكم لوممكن هل يوجد تمبلت او فقط المؤشر لانه بعد فك الضغط لا يوجد تمبلت ارجو المساعده ولكم جزيل الشكر

اتفضل

[نور4141]

السلام عليكم اخي احمد مشكور على الرد ولكن انا اقصد خطوط المتوسطات التي فوق وتحت السعر ( الشموع) حيث انها لاتظهر عندي بعد تحميل المؤشر اعتقد انها تحتاج الى تمبلت مع المؤشر ارجو ان لا اكون اثقلت عليك ولكم جزيل الشكر

[heem550]

شكرا على الطريقه ومجهود رائع


وتقبل ودي

[نور4141]

[QUOTE=أحمد فؤاد;1649250]اتفضل [/QUO مشكور اخي على سرعة ردك هل نضيف خطوط المتوسطات لانها لا تظهر معي على الشموع فقط الترند ويف السفلي اما الحطوط الموضحه عندك على الشارت لاتظهر عندي هل هناك خطاء ولكم جزيل الشكر

[brokensoul08]

السلام عليكم اخي احمد مشكور على الرد ولكن انا اقصد خطوط المتوسطات التي فوق وتحت السعر ( الشموع) حيث انها لاتظهر عندي بعد تحميل المؤشر اعتقد انها تحتاج الى تمبلت مع المؤشر ارجو ان لا اكون اثقلت عليك ولكم جزيل الشكر

يمكنك اضافتها اخي بنفسك فلا علاقة بين المؤشر بالاسفل و رسم الموفنجات و بالتالي فلن يتم رسمهم تلقائيا باضافة المؤشر فقط
الموفنجات هما كما ذكر الاخ الكريم صاحب الاستراتيجية
EMA 21 باللون الاصفر الفاتح
EMA 55 باللون الأصفر الغامق

يتم اضافة الموفنجات عن طريق ..
Insert
ثم
Indicators
ثم
Trend
ثم اختار
Moving Average
ثم ستظهر لك النافذه الخاصة بالموفنج افريج ستختار التالي :
Period : (مرة ستكتب 55 و من ثم ستعيد نفس الخطوات السابقة و تختار 21)
Shift:0
MA Method : Exponential
Apply to : Close
و تختار اللون و بذلك تكون قد اضفت الموفنجين و تقوم ايضا باضافة المؤشر الذي ارفقه صاحب الموضوع و بذلك تكون لديك التمبليت

بارك الله فيك اخي صاحب الموضوع على مشاركتك لنا جهدك وفقك الله الى مايحبه ويرضاه و بارك لك في رزقك و عافيتك

تقبل مروري