اخواني في مصر اريد مشورتكم

[pipsniper]

اريد تحويل مبلغ 1000$ واريد افضل بنك في التسهيلات حيث (لا يوجد حد ادنى محجوز(هام جدا)-رسوم فتح حساب بسيطة جدا-رسوم تحويل السويفت بسيطة ايضا)

[انسان طموح]

ايه يا جدعان محدش فتح حساب في بنك قبل كدة ولا ايه؟ امال شغالين فوركس ازاي؟

[gabour76]

متدورش بعد البنك التجاري الدولي واطلب ان المصاريف تتخصم منك كلها
اي بنك تاني هيوصلك الفلوس هناك ناقصه وهيضحك عليك انه عمولتو اقل منه شويه
البنوك الاخري المجربه من قبلي:بنك مصر hsbc بريوس بنك القاهره هو الافضل من كل دول والارخص

[محمد العزب]

وعليكم السلام ورحمة الله وبركاته
انا بتعامل مع بلوم بنك لكن بستخدم الكارت في الايداع والسحب عشان المصاريف

[Mr_X]

بنك بيريوس مصر .. البنك بنكك

لا يوجد حد أدنى محجوز
لا يوجد رسوم فتح حساب ( 2 جنيه دمغة بس )

المشكلة في رسوم تحويل السويفت لإنه تقريباً بيعتمد على بنك وسيط
هما هايقولوا مصاريف تحويل 33 دولار ، بس لما توصل حسابك هتلاقيها ناقصة كمان حوالي 30دولار

يعني عايز يوصل حسابك 1000 دولار أو أكتر ، روح البنك ومعاك 1100 دولار احتياطي و 2 جنية فكة ده غير مواصلاتك

قولهم عايز افتح حساب بالدولار هايجيبلك استمارة و و و الخ المهم اكتب المبلغ الي هتفتح بيه الحساب = 1100 دولار وبعد ماتحطهم في الخزنة إسألهم لو عايز تحول فلوس تروح لمين ، وقول للموظف عايز أحول 1100 دولار ورسوم التحويل تخصم من المبلغ .. هوا هايقولك رسوم التحويل كام وغالباً هايقول 33 دولار

بس في الغالب هيتخصم أكتر زي ماقلتلك بس انت لو باعت 1100 إن شاء الله هيوصل 1000 وفوقهم حبه حلوين ..

أما لو معاك فيزا يبقى تمام إفتح الحساب عشان تحول عليه ولما تحب تبعت ابعت بالفيزا


شارحلك بالتفصيل أهو يا عم عشان تروح البنك وقلبك أسد

والقرار قرارك قارن المزايا والعيوب بينه وبين باقي البنوك

تمنياتي بالتوفيق

[الواثق فى الله]

اخى الفاضل اعتقد ان كل البنوك لها نظام متشابه الى حد كبير والاختلاف فى مصاريف اتحويلحوالى30 دولار كحد اقصى بين كل البنوك توكل على الله وافتح خساب فى اى بنك اجنبى وريح نفسك من السؤال

[Mr_X]

متدورش بعد البنك التجاري الدولي واطلب ان المصاريف تتخصم منك كلها
اي بنك تاني هيوصلك الفلوس هناك ناقصه وهيضحك عليك انه عمولتو اقل منه شويه
البنوك الاخري المجربه من قبلي:بنك مصر hsbc بريوس بنك القاهره هو الافضل من كل دول والارخص

ياريت لو تكتب تفاصيل شوية عشان تفيد أخونا وكل اللي هاييجي بعده
إنت عارف مش كل يوم الواحد بيفتح حساب

ولك الشكر مقدماً

[رانيا وجدي]

اخى الفاضل اعتقد ان كل البنوك لها نظام متشابه الى حد كبير والاختلاف فى مصاريف اتحويلحوالى30 دولار كحد اقصى بين كل البنوك توكل على الله وافتح خساب فى اى بنك اجنبى وريح نفسك من السؤال

بالظبط هذا هو الوضع جميع البنوك على اختلافها واحد , ومصاريف التحويل تتراوح بين 25-30 دولار بالعادي ,.

تجربتي مع بنك أسكندرية مصاريف التحويل 25 او 35 دولار فقط مش متذكرة ولا يشترط الحساب يكون فيه حد أدني لو الحساب فيه دولار واحد مفيش مشاكل بيستمر

[طه]

وعليكم السلام ورحمة الله وبركاته
انا بتعامل مع بلوم بنك لكن بستخدم الكارت في الايداع والسحب عشان المصاريف

ايه يا ابو حميد

بنك بيريوس مصر .. البنك بنكك



المشكلة في رسوم تحويل السويفت لإنه تقريباً بيعتمد على بنك وسيط
هما هايقولوا مصاريف تحويل 33 دولار ، بس لما توصل حسابك هتلاقيها ناقصة كمان حوالي 30دولار

مظبوط كده حتى انا حصلت معاي مع البنك الاهلي وقالو 35 دولار ولما وصلت لقيتها ناقصه 67 دولار وقالو بنك وسيط اخذ 32

[عم بطوط]

بنك مصر

30 جنيه للسويفت

و 13 في الالف من قيمة المبلغ المحول

[Dr.mohamed el sayed]

انا لو عاوز اسحب من الشركه 1000 دولار يوصلوةا كام

علما انه ليس لدى حساب بلدولار

[:: EslaM IbraheM ::]

والله تعبنا من كل حاجه عمولات في البلد دي

صراحه انا شغال اليكترونيك بنك ومريح دماغي من اي حاجه

وفقكم الله وانا متابع اما نشوف اخرة البنوك ايه بالظبط

[pipsniper]

وعليكم السلام ورحمة الله وبركاته

انا بتعامل مع بلوم بنك لكن بستخدم الكارت في الايداع والسحب عشان المصاريف

تمام اوي هو دة الي كان في دماغي تقصد الفيزا كارت DEBT ؟
قولي حضرتك بقى الله يخليك نظامها ايه؟ وهل مفيش مصاريف وعمولات ووجع راس؟

[pipsniper]

بالظبط هذا هو الوضع جميع البنوك على اختلافها واحد , ومصاريف التحويل تتراوح بين 25-30 دولار بالعادي ,.

تجربتي مع بنك أسكندرية مصاريف التحويل 25 او 35 دولار فقط مش متذكرة ولا يشترط الحساب يكون فيه حد أدني لو الحساب فيه دولار واحد مفيش مشاكل بيستمر

يعني فتح الحساب مجاني؟ ولو الحساب مصفر مستمر؟

[pipsniper]

متدورش بعد البنك التجاري الدولي واطلب ان المصاريف تتخصم منك كلها
اي بنك تاني هيوصلك الفلوس هناك ناقصه وهيضحك عليك انه عمولتو اقل منه شويه
البنوك الاخري المجربه من قبلي:بنك مصر hsbc بريوس بنك القاهره هو الافضل من كل دول والارخص

طيب يعني فيه رسوم فتح حساب ولا مجاني؟
بيشترط فلوس محجوزة في الحساب؟
عمولة تحويل كام؟