محتاج مساعدة في ارشادي للتعامل مع افضل بنك(للمصريين)
انا ان شاء الله ناوي افتح حساب حقيقي وصراحة ان ابيض لاني عمري ما تعاملت مع بنوك في التحويلات فياريت الاخوة المصريين يدلوني على بنك فاهم معنى الفوركس علشان موجعش راسي والله يخليكم تدلوني step by step من اول ما ادخل البنك وانا معايا الفلوس اعمل ايه بالضبط مع العلم اني اصلا معنديش حسايات مفتوحة في اي بنك
رد: محتاج مساعدة في ارشادي للتعامل مع افضل بنك(للمصريين)
راسل خدمة العملاء بالمتداول العربى على [email protected] وخد بيانات التحويل ونصيحة منى افتح حساب فى البنك العربى الافريقى فرع الميرغنى مصر الجديدة فى شارع النزهة محطة السبع عمارات من الاخر خبراء فى امور التحويل لشركات الفوركس
رد: محتاج مساعدة في ارشادي للتعامل مع افضل بنك(للمصريين)
طيب ممكن الخطوات بالضبط لاني عمري ما تعاملت في امور التحويلات دي مع العلم زي ما ذكرت اني مش فاتح حساب يعني هل فتح الحساب رسومه كام؟ والتحويل رسومه كام؟
رد: محتاج مساعدة في ارشادي للتعامل مع افضل بنك(للمصريين)
اقتباس:
المشاركة الأصلية كتبت بواسطة انسان طموح
طيب ممكن الخطوات بالضبط لاني عمري ما تعاملت في امور التحويلات دي مع العلم زي ما ذكرت اني مش فاتح حساب يعني هل فتح الحساب رسومه كام؟ والتحويل رسومه كام؟
فتح الحساب 500 دولار والتحويل 40دولار يعنى لو هتحول 1000 دولار لازم رصيدك يكون 1540 دولار وفى ايضا بنك hsbc اسال عن حساب الشباب ب50 دولار يعنى لو هتحول 1000 دولار من بنك hsbc هتحتاج حواى 1090 دولار بس انا بتعامل مع البنك العربى الافريقى من حوالى 3 سنين والخدمة ممتازة
رد: محتاج مساعدة في ارشادي للتعامل مع افضل بنك(للمصريين)
كتير اوي 500 دولار ! طيب بيتميز عن ال HSBC في حاجة ؟ دة سؤال
سؤال تاني انا والدي عنده حساب بالدولار ينفع احول عن طريقه وتبقى البيانات باسمه؟
سؤال كمان معلش تعرف بنوك رسوم اقل من كدة ومش مهم يكونوا فاهمين حاجة؟ ههههه بتكلم بجد والله انا لسة مبتدأ وعايز كل مليم
رد: محتاج مساعدة في ارشادي للتعامل مع افضل بنك(للمصريين)
اقتباس:
المشاركة الأصلية كتبت بواسطة انسان طموح
كتير اوي 500 دولار ! طيب بيتميز عن ال HSBC في حاجة ؟ دة سؤال
سؤال تاني انا والدي عنده حساب بالدولار ينفع احول عن طريقه وتبقى البيانات باسمه؟
سؤال كمان معلش تعرف بنوك رسوم اقل من كدة ومش مهم يكونوا فاهمين حاجة؟ ههههه بتكلم بجد والله انا لسة مبتدأ وعايز كل مليم
مافيش فرق كبير فى الجخدمة بين البنكين اما بخصوص حساب والدك لازم يكون الحساب فى شركة الوساطة ايضا باسمه يعنى لو عايز تحول عن طريق حساب والدك لازم يفتح حساب فى شركة وساطة معروفة وحول من حسابه فى البنك وقوم انت بالتداولوبالنسبة للبنوك اللى رسومها اقل من كده اعتقد البنوك الميرى ههههههههه ومعلش انا اسف جدا هنزل اصلى العشاء واى سؤال اكتبه بدون تردد احنا اخوات وايضا جميع الاعضاء هنا شعلة من النشاط فى مساعدة الاخوة الجدد
رد: محتاج مساعدة في ارشادي للتعامل مع افضل بنك(للمصريين)
مش مشكلة لو البيانات باسم والدي عادي المهم المتداول انا ههههههه اما بالنسبة للبنوك الميري تقصد بنك مصر والاسكندرية مثلا؟ يعني حد ادنى محجوز ورسوم كام لو تعرف؟ وبعدين اصلا هو انا محتاج ان يكون الموظف فاهم فوركس؟ هو كل المطلوب منه اني اقول له حول المبلغ دة على بيانا ت التحويل دي صح ولا لأ؟
صلاة مباركة باذن الله ومقبولة وشكرا حبيبي على كلامك الجميل
رد: محتاج مساعدة في ارشادي للتعامل مع افضل بنك(للمصريين)
السلام عليكم ورحمة الله وبركاته
اخى الكريم ممكن تتعامل مع البنك الاهلى المصرى افتح دفتر توفير با الدولار وعن طريق البنك حول من الدفتر الى شركة الوساطه كل المطلوب منك تعطى للموظف البيانات الموجموده فى هذه الشركات فى صفحة التحويلات هتلقلى عنوان البنك الهيتحول عليه الاموالورق الحساب ورقم السويفت وهتكتب طلب تحويل الوظف عارف بيتكتب ازاى وفى خلال يومين الاموال تتحول با النسبة للعموله فى البنك الاهلى حوالى 15$ دولاروشركة الوساطه حوالى 40 $ يعنى لو عايز تحول مثلا 500$ لاازم يكون فى الدفتر على الاقل 600$ اخصم 555$ والاقى موجود فى الدفتر.
ملحوظه:-تعامل مع الفرع الرئيسى للبنك الاهلى اسرع فى التحويل
وشكراااااااااااااااااااااااااااااااااااااااا
رد: محتاج مساعدة في ارشادي للتعامل مع افضل بنك(للمصريين)
اقتباس:
المشاركة الأصلية كتبت بواسطة انسان طموح
انا ان شاء الله ناوي افتح حساب حقيقي وصراحة ان ابيض لاني عمري ما تعاملت مع بنوك في التحويلات فياريت الاخوة المصريين يدلوني على بنك فاهم معنى الفوركس علشان موجعش راسي والله يخليكم تدلوني step by step من اول ما ادخل البنك وانا معايا الفلوس اعمل ايه بالضبط مع العلم اني اصلا معنديش حسايات مفتوحة في اي بنك
بص ياباشا من وجهه نظرى جرب وروح لبنك CIB انا اسمع انه كويس ولكت الحقيقة متعاملتش معاه لان كل تعاملتى كانت مع بنك سوستيه جنرال ولكن كانت اسوء معامله شوفتها فى حياتى غير انهم بيسحبوا فلوس منى كل شهر مش عارف ليه لغايه لما سحب كل رصيدى من الحساب وحاليا شغال فوركس عن طريق البنوك الالكترونية وهيا سهله الى حد ما ولو عاوز اى تفاصيل عنها انا تحت امرك ,,
رد: محتاج مساعدة في ارشادي للتعامل مع افضل بنك(للمصريين)
عايز من الاخر ؟؟:asvc:
روح بنك كريدى اجريكول مصر
افتح حساب جارى ببلاش باى مبلغ معاك وممكن ببلاش كمان
وممكن تبعت نفس المبلغ اللى هتودعة لكن بعد مرور 24 ساعة من الايداع
والحساب لا يغلق لعدم استخدامة
بس خلاص,,,,,, من الاخر !!!:eh_s(7):
رد: محتاج مساعدة في ارشادي للتعامل مع افضل بنك(للمصريين)
كما ذكروا لك الاخوة من قبل البنك العربى الافريقى عن تجربة شخصية وبعد بحث كثير فى كذا بنك وبعد نصيحة اخ خبرة من المنتدى
اقل عمولة 3 فى الالف بحد ادنى 3 دولار ومصاريف السويفت 20 دولار وسرعة التحويل يعنى مش بياخد اكتر من يومين عمل بالكتير
واقل مبلغ لفتح الحساب هو 500 دولار ولكن ممكن تفتح الحساب بيهم وبعد مايتم التحويل تسحبهم تانى بس خلى بالك علشان الحساب لو فضل اقل من الحد الادنى اللى هو400دولار ممكن يتقفل بس اعتقد بيبلغوك قبل ما يقفلوة
وبعدية ال cib ولكن هتلاقية هيفرق فى كام دولار زيادة يعنى هناك الحد الادنى 5دولار ومصاريف السويفت 25 دولار
وفقك الله
رد: محتاج مساعدة في ارشادي للتعامل مع افضل بنك(للمصريين)
شكرا لكم جميعا على المساعدة ولكن بصراحة انا محتاج بنك يقلل نسبة المحجوز اقل قدر ممكن ومصاريف تحويل كمان باقل قدر ممكن والسؤال الاهم والي نسيت اسئله : هل فتح الحساب مجاني؟ ولا لازم كمان دة بفلوس؟ يعني لو قلت لهم عايز افتح حساب يقولي ادفع مصاريف فتح حساب؟
انا بجد يا جماعة لسة مبتدا ومحلتيش غير 1000 $ عايزهم يوصولوا زي ما هما مش يقعدوا يقصقصوا في المبلغ ويشترط اني اسيب جزء في الحساب على الاقل تكون حاجات رمزية
رد: محتاج مساعدة في ارشادي للتعامل مع افضل بنك(للمصريين)
اقتباس:
المشاركة الأصلية كتبت بواسطة وليد الامور
عايز من الاخر ؟؟:asvc:
روح بنك كريدى اجريكول مصر
افتح حساب جارى ببلاش باى مبلغ معاك وممكن ببلاش كمان
وممكن تبعت نفس المبلغ اللى هتودعة لكن بعد مرور 24 ساعة من الايداع
والحساب لا يغلق لعدم استخدامة
بس خلاص,,,,,, من الاخر !!!:eh_s(7):
انت حضرتك بتتكلم جد؟ مش شرط اسيب حاجة في الحساب؟ وفتح الحساب بدون مبالغ كمان؟ طيب وعمولات التحويل كام؟ واهم حاجة المعاملة والاجراءات ازاي؟
ياريت حضرتك تديني اي ميلك
رد: محتاج مساعدة في ارشادي للتعامل مع افضل بنك(للمصريين)
اقتباس:
المشاركة الأصلية كتبت بواسطة princ71
السلام عليكم ورحمة الله وبركاته
اخى الكريم ممكن تتعامل مع البنك الاهلى المصرى افتح دفتر توفير با الدولار وعن طريق البنك حول من الدفتر الى شركة الوساطه كل المطلوب منك تعطى للموظف البيانات الموجموده فى هذه الشركات فى صفحة التحويلات هتلقلى عنوان البنك الهيتحول عليه الاموالورق الحساب ورقم السويفت وهتكتب طلب تحويل الوظف عارف بيتكتب ازاى وفى خلال يومين الاموال تتحول با النسبة للعموله فى البنك الاهلى حوالى 15$ دولاروشركة الوساطه حوالى 40 $ يعنى لو عايز تحول مثلا 500$ لاازم يكون فى الدفتر على الاقل 600$ اخصم 555$ والاقى موجود فى الدفتر.
ملحوظه:-تعامل مع الفرع الرئيسى للبنك الاهلى اسرع فى التحويل
وشكراااااااااااااااااااااااااااااااااااااااا
هي شركة الوساطة بتاخد فلوس تحويل !!!!!!!! دة انا باعت ليهم فلوس ولا قصدك لما احول من هناك؟
رد: محتاج مساعدة في ارشادي للتعامل مع افضل بنك(للمصريين)
اقتباس:
المشاركة الأصلية كتبت بواسطة a77med
بص ياباشا من وجهه نظرى جرب وروح لبنك CIB انا اسمع انه كويس ولكت الحقيقة متعاملتش معاه لان كل تعاملتى كانت مع بنك سوستيه جنرال ولكن كانت اسوء معامله شوفتها فى حياتى غير انهم بيسحبوا فلوس منى كل شهر مش عارف ليه لغايه لما سحب كل رصيدى من الحساب وحاليا شغال فوركس عن طريق البنوك الالكترونية وهيا سهله الى حد ما ولو عاوز اى تفاصيل عنها انا تحت امرك ,,
ياريت حضرتك تكلمني عن نظام البنوك الالكترونية دة . تسلم يا ابن بلدي