من الذى يختار البنك الوسيط عند السحب

[mostafa400]

السلام عليكم ورحمة الله وبركاته

انا اتعامل مع شركة وعندما كنت اقوم بسحب مبلغ كانت التكلفة الإجماليه للتحويل 36 دولار
28 دولار من البنك الراسل والبنك عندى يخصم 8 دولار
والمبالغ التى اسحبها فى كل مرة حوالى 400 دولار
هذه المرة خصموا 72 دولار وعندما سألت عن ذلك قالوا هناك 3 بنوك
البنك بتاعنا والبنك الوسيط و البنك بتاعك
وارسلوا لى ورقة سويفت والخصم المكتوب فيها 31 دولار والخانة التى المفروض ان يكون فيها اسم البنك بتاعى كتبوا اسم بنك آخر فأكيد هذا هو البنك الوسيط
والمستفيد اللى هو انا والبنك بتاعى بعد 15 او 20 سطر
وهذا التحويل كان من 4 / 2 / 2010 وتأخر فلما استفسرت عن التأخير قالوا كان هناك غلطة والفلوس رجعتلنا وهنبعتهالك تانى ووصلت الفلوس اليوم ناقصة 72 دولار
فطلبت منهم السويفت وارسلوه
فهل ال 31 دولار اللى فى السويفت اللى ارسلوه هى للبنك الراسل والبنك الوسيط ولا للبنك الراسل فقط ؟
ومن الذى يقرر استخدام البنك الوسيط علما انهم كانوا يرسلون قبل ذلك ولم يكن هناك بنك وسيط ؟
- البنك بتاعى الأهلى سوستيه جنرال
وشكرا جزيلا لكم

[محمد العزب]

وعليكم السلام ورحمة الله وبركاته
البنك الوسيط أخي الحبيب اعتقد انه بيكون عندك لانك لو في مصر مثلا في بنوك كثيره تستخدم بنوك وسيطه في التحويلات
لكن الزياده هنا في اخر تحويل ليس من البنك الوسيط ولكن حضرتك بتقول ان الفلوس رجعت مره تانيه
فاما الفلوس رجعت مره تانيه للشركه وأعادة ارسالها تم خصم المصاريف مره أخرى
لانه في التحويل بيتم خصم 36 دولار × 2 = 76
وأعتقد انه مفيش غلط لان البنك هي الي بتاخد العمولات

[mostafa400]

شكرا لك أخى الحبيب محمد على ردك
اولا الفلوس مادخلتش البنك عندى اصلا فى المرة الأولى عشان يخصموا ال 8 دولار فهى ستخصم مرة واحدة فى المرة الثانية
وانا بعت ايميل للشركة ان قيمة التحويل كتير فردوا على بهذا الإيميل
We will check again for this operation with the responsible for that issue , we will try to find out what is the problem with this operation ,and once we figure it out we will inform you ,Sir.
ولما طلبت السويفت كان مختلف عن سويفت سابق كانوا ارسلوه لى كان اسم البنك المفروض
امام خانة Receiver
اسم البنك الخاص بى ولكن هذه المرة مكتوب اسم بنك آخر
وسأذهب إن شاء الله إلى البنك لأريهم السويفت وانتظر ردهم
ودى مش اول مرة يحولوا لى فالغلطة من يتحملها فى المرة الأولى
انا عارف ان مش هاخد حق معاهم بس اهى محاولة وخلاص اصلهم 36 دولار
وانت عارف العملية مش مستحملة
وانا من مصر والبنك NSGB ما بيتعاملش مع وسيط
وشكرا جزيلا لك
بارك الله فيك