بسم الله الرحمن الرحيم
وبه نستعين
السلام عليكم ورحمة الله وبركاتة
ولانى مقصر فى حق المنتدى اوى الصراحة
ولكنى اروح واجى واغيب وانشغل
ولكنى فالنهاية باشتاق لاحلى اعضاء
وطبعا حبيت اعمل موضوع جميل جدا
وهوة يعتبر للمبتدئين اكتر ماهوة للمحترفين
طبعا اغلب اللى بيدخلو الفوركس بيكونو داخلين لعدة شهوات تحولت لغرائز وبكدة ضغطت على الجسم لاشباعها
من امثلتها الطمع
جنى ثورات
حل مشاكل شخصية
شهوة النقود
عمل راتب شهرى
والى اخرة
فاللى بيدخل اول مرة ويخسر
ودة حصلنا كلنا
طب المفروض عندئذ انة يعرف اية اخطائة ويدونها ويشوف ازاى يتغلب عليها
وبعدين يبدئ من جديد بعد تصليح اخطاءة
طب فى ناس عملو كدة بالفعل
لكن اغلب الناس ماعملتش كدة
بدئو يدورو على استراتيجية تعوض لهم خسائرهم
هنة وهناك ويدور بالعربى والمنتديات الاجنبية
والاكسبرتات والمؤشرات والطرق والتحاليل
سواء مجانية او مدفوعة والخ الخ الى اخرة
والمصيبة انة لما بيلاقى استراتيجية او ترادينج سيستم عمتا
بجميع انواعها ويجى يبدئ يشتغل بيها
يقول لالا الاستراتيجية دى احلى هجربها
فالاستراتيجية دى احلى هجربها
الخ الخ الى ان يفقد الثقة بنفسة وفقد الثقة بالفوركس ذات نفسة
ومنها يبدئ يدور على استراتيجية تكسبة بنسبة 100% على الاقل يعوض خسائرة ويخرج من السوق
فملحوظة : هل تعتقد ان لو واحد معاة استراتيجية نجاحها بنسبة 100% هل هيكون بيدخل منتديات اصلا
دة كان بقة معاة كنوز الارض
يدخل ياخد فلوس من الاب توب عبر الشبكة العنكبوتية ويمشى
طب هل تعتقد ان واحد معاة استراتيجية نسبة نجاحها 100% هل هتكفية مليون دولار لبيعها ؟!
طب نعتبر ان فية كدة فعلا
هل هتعتقد ان هيبقة فية شئ اسمة فوركس
بعد ما فى استراتيجيات 100%
ماكنش بقة اسمة سوق والناس فية عمالة تشتكتى من خسارتها
هل تعتقد ان دول زى امريكا او اتحدا زى اتحاد اوروبا اللى بيضعم عشرات الدول ممكن مؤسسة تلعب بيهم ؟
مش هقولك شخص ههه لا
طيب امال لية 80% تقريبا من المضاربين الافراد خسرانين
مدام فى استراتيجيات 100%
ونسبة ال 80% دى من عندى مع ان اللى منتشر انهم 90%
ولكن دة مش موضوعنا
طب فين اللى هيخسرو اصلا
طب هقولك حاجة
لية البنوك , مؤسسات , وكالات , شركات استثمارية
بتنهار
هل تعتقد انهم ماعندهومش خبراء فى كل النواحى
هل ماتعرفش ان اغلب شركات الاستثمار بالنقد الاجنبى اى المسمى بالفوركس بتحاول تعوض خسائر الشهور السابقة
ماتعرفش ان اهم مايشغل بال الخبراء هوة مبدئ تغطية مخاطرة استثماراتهم المفتوحة
ماتعرفش ان الخبراء بيحاولو يوصلو لنسب ارباح شهرية تتراوح كمتوسط 10%
فاذن الغى شئ اسمة استراتيجية ناجحة 100%
واعرف انك بتتعامل باقتصاد دول
نعم فعملة الدولة هى المسرح اللى بيتعرض علية او بيظهر علية حالة اقتصاد الدولة بل وحالتها السياسية والاجتماعية الخ
تتعامل مع منظومة وشبكة شاسعة
كبحر يضخ فية يوميا 3.2 تريليون دولار
منهم حضرتك ومحفظتك فشوف انت فين من ال 3.2 تريليون دولار فاليوم
بل وان المضاربين الافراد يعنى زيى وزيك يمثلو 7.5% من حجم السوق
يعنى لا تستهان بالفوركس
ولا تضيع وقتك فى اشياء لا مكان لها بالوجود واعرف انك تتعامل مع شئ لا يوجد لة رحمة ودة شئ طبيعى لانة ليس ببشر او مخلوق بل اساسا الفوركس سوق لا مركزى
واعلم ايضا ان لكل شارى
يوجد امامة بائع
فلكل خاسر يوجد امامة رابح
واقل شئ فانا شوفت موضوع اخ من اخوانا هنة لة موضوع قريب انة ومع نزلة الباوند ين 300 نقطة رجع كل خسائرة السابقة
المهم من الموضوع انى كنت شارى
فعلا انا بالفعل كنت شارى
ولكن اللى حمانى هوة الاستوب لوز ودة طبقا لاستراتيجياتى او التحليلات اللى بعتمد عليها
فتخيلو لو ماكنتش عامل استوب لوز والصفقة نزلت فى كام ساعة 300 نقطة كان هيبقة اية موقفى
طب عدت المرادى لكن مين يضمنلى انها هتعدى فكل مرة ؟!
وتزكرو مثل ( عصفور باليد خير من 10 على الشجرة )
ففلوسك فى بنوك ومنها متسجلة بحسابك بشركة الوساطة اللى بتتعامل معها
فلا تغامر او تلعب لعبة حظ قد تعرضك خسارة اموالك
وتزكر ال80% الخسرانيين
وخلى هدفك انك تكون من ال 20% الرابحين
فاذن اول حاجة لازم الالتزام باستراتيجية محدددة
وتقوم بتجربتها مدة على الديمو
وتلتزم بكل مافيها
فمش مهم انك تخسر صفقة او اتنين
المهم انك فى الجرد الاسبوعى او الشهرى ماتكنش خسران ومحقق ارباح
ودة النجاح بعينة
واعتقد استراتيجية نسبة نجاحها 65-85% على فترات طويلة
اعتقد انها النجاح بحد زاتة
ودعو شئ اسمة استراتيجية , اكسبرت , مؤشر , الى اخرة نسبة نجاحة 100%
وملحوظة اخيرة
اى مهنة بتكون زى المطحنة
ماحدش بيقدر يكمل الا واحد عظمة ناشف
يقع ويقوم ويكمل ولا يستسلم لشئ هوة يغضب ربنا الا وهوة الفشل
لذلك اساسا ال80% الخسرانيين دول ببساطة اخدو النسبة دى لان اكثرهم لم يستمر بالفوركس اكثر من شهور
اى يدخل ويخسر ويستسلم او لظروف خاصة يقرر الخروج
لكن ال 20% هم من استمرو بال ( مطحنة ) ...
واسف لعدم الاستفاضة فى هذا الموضوع
ولكن اعدكم بمواضيع اخرى واخرى
وساحدد موضوع بعنوان (( الاستراتيجية ))
وهحط فية خلاصة خبرتى وخلاصة ماتعلمتة
حول الاستراتيجيات ومفهوم المتاجرة لعام 2010
والى اللقاء ان شاء الله ....