استراتيجيتى (الدايفرجنس بطريقتى المعدله) ملكية فكرية

[midooo_119]

بسم الله الرحمن الرحيم

السلام عليكم و رحمه الله و بركاته احبائى و اصدقائى اعضاء منتدانا المحترم بعد دراسه للدايفرجنس ورغم انه طريقه لمعرفه تغيير الاتجاه قبل المؤشرات الا انه لازم ليه ظوابط و شروط انا حاطتها و نسبه النجاح فالصفقات اكيدة بشرط الآلتزام بشروطى و هنشوف ازاى نحقق الربح الى فعلا بندور عليه بعد ماطلع عينيا فى المؤشرات و الاكسيبرتات لكن انا هثبتلكوا أن الدايفرجنس فعلا طريقه فعاله جدا بالشروط الى هنذكرها سوا.

(هذا الموضوع ملكيه فكرية لى انا العضوmidooo_119 و لم أسرق افكار احد بل هى استنتاجات من العمل فى هذا السوق اضع هذا الموضوع بين ايديكوا فقط لوجه الله و ارجوا منكوا الدعاء لى و لوالديا..شكرا)

و أسمحولى انا هشرح الموضوع اكننا مبتدئين و انا عارف ان هنا فيه اساتذه ووحوش فوركس بس عشان المضارب العادى يفهم و يتعلم و يبقى وحش هو كمان

ملحوظه ان شاء الله بعد انزال الموضوع سأقوم بفتح ورشه للعمل عالسوق و تجربه الطريقة للجميع

على بركه الله نبدأ الشرح

أولا تعريف الدايفرجنس: هو عباره عن حدوث قاعين اسفل بعض فى الاتجاه الهابط و حدوث قاعين اعلى من بعض على مؤشر الماكد (دايفرجنس ايجابى) أو حدوث قمتين أعلى من بعض فى الاتجاه الصاعد و حدوث قمتين اقل من بعض على مؤشر الماكد (دايفرجنس سلبى)

مثال :

















اولا يجب معرفه شكل الشموع الانعاكسية و هنا بنستخدم 4 اشكال للشموع معروفين عندنا كلنا بس نقولهم:-

1-شمعه الشوتنج ستار (وجودها يعنى نهاية الاتجاه الصاعد و بداية الهابط)
2-شمعة الهامر (وجودها يعنى نهاية الاتجاه الهابط و بداية الصاعد)
3-شمعة برج القمة tower top (وجودها يعنى نهاية الاتجاه الصاعد و بداية الهابط) هى عبارة عن شمعة كبيرة حمراء تأكل ماقبلها
4-شمعة برج القاع tower bottom (وجودها يعنى نهاية الاتجاه الهابط و بداية الصاعد) هى عبارة عن شمعة كبيرة خضراء تأكل ماقبلها


المؤشرات المستخدمه:
(الماكد فقط)

الفريم الزمنى :
(جميع الفريمات تصلح لكنى افضل الساعه او الاربع ساعات)


دى الفكرة العامه للدايفرجنس و نيجى لشروطنا فطريقتنا لتحقيق الربح بأذن الله

الشروط :-

1-فى حال حدوث دايفرجنس للاتجاه الصاعد اى قمتين للسعر اعلى من بعض و قمتين عالماكد اسفل بعض ننتظر حدوث شكل دابل توب عالسعر(الشارت) لتأكيد الدايفرجنس و عاده بيكون التوب التانى عامل دايفرجنس برضه مع الماكد و يسمى (دايفرجنس سلبى)


2-ننتظر فى التوب التانى حدوث احد شموعنا السابق ذكرها و الدخول بعد تكونها


3-فى حال حدوث دايفرجنس للاتجاه الهابط اى قاعين للسعر اقل من بعض و قاعين عالماكد اعلى بعض ننتظر حدوث شكل دابل بوتوم عالسعر(الشارت) لتأكيد الدايفرجنس و عاده بيكون البوتوم التانى عامل دايفرجنس برضه مع الماكد و يسمى (دايفرجنس ايجابى)

4-ننتظر فى البوتوم التانى حدوث احد شموعنا السابق ذكرها و الدخول بعد تكونها

5-يمكن وضع الستوب لوس بعد هاى شمعه الشوتنج ستار و برج القمه و العكس وضع الستوب لوس تحت الهامر و برج القاع بعدد النقاط الى تعجبك

6-الآهداف أن شاء الله مش أقل من 50 نقطة و برضه زى مايعجبك

أعتقد مافيش اسهل من كده و نبتدى الشرح عالشارتات الى معانا:-





























حاله مهمه تثبت اهمية الألتزام بالشروط السابق ذكرها







اللى عنده اسئله انا تحت امره انا كنت سهران طول الليل لتحضير الموضوع ده عشان يبقى موجود فالمنتدى صباح اليوم و اشوف رد فعل زملائى و أتمنى الافاده للجميع ....


ملحوظه ان شاء الله بعد انزال الموضوع سأقوم بفتح ورشه للعمل عالسوق و تجربه الطريقة للجميع



أسألكوا صالح الدعاء لى و لوالديا

[ashrafsm]

هل هناك مؤشر خاص او تمبليت لاستراتيجية حضرتك والا كل واحد هو وشطارته في الرسم

[midooo_119]

الموضوع مش محتاج يا قمتين يا قاعين و كذلك عالماكد و عالعموم فيه اعضاء عاملين تمبلت للدايفرجنس لكنى افضل انك انت ترسمه

[عمران حسن]

جزاك الله الف خير

و غفر الله لك ولي ولوالدينا و جميع المسلمين

حقيقة انا ليس لي في التحليل و لكن لو ترفق تمبلت بيكون افضل حيث اتابعك ان شاء الله في الورشه

وفقك الله وسدد خطاك

[midooo_119]

فى الحقيقه يا اخى انا مش عامل تمبلت انا بستخدم الماكد فقط و ده لسهوله استخدام الاستراتيجيه لجميع المضاربين و خاصه المبتدئين لكن فيه اخوه اعضاء عاملين تمبلت للدايفرجنس حضرتك ممكن تدور عليه و هتلاقيه لكن انا افضل انا احنا الى نرسمه و ان شاء الله من بكره هبتدى احط امثله لاستراتيجيتى من السوق و نشوف عالطبيعه التطبيق و شكرا على مرورك

[ابو تالين]

بارك الله فيك وجزاك كل خير

وغفر الله لك ولوالديك ولجميع المسلمين والمسلمات
والمؤمنين والمؤمنات الأحياء منهم والأموات

جهد كبير تشكر عليه

مودة وتقديري

[midooo_119]

بارك الله فيك وجزاك كل خير

وغفر الله لك ولوالديك ولجميع المسلمين والمسلمات
والمؤمنين والمؤمنات الأحياء منهم والأموات

جهد كبير تشكر عليه

مودة وتقديري

دعاء افضل من اى فلوس شكرا على مرورك ياأخى و اتمنى موضوعى يفيدك

[forexmen]

بارك الله في علم وعطائك لاخوانك وجزاك الله خيرا

اخي العزيز بالنسبة للمثال الاخير الي ذكرت فيه التذبذب - مش ممكن نعتبر او قمة جديدة ظهرت ابل منعرف انه تذبذب تبقي تمثل دبل توب مع اخر قمة للدايفرجنس؟

[midooo_119]

بارك الله في علم وعطائك لاخوانك وجزاك الله خيرا

اخي العزيز بالنسبة للمثال الاخير الي ذكرت فيه التذبذب - مش ممكن نعتبر او قمة جديدة ظهرت ابل منعرف انه تذبذب تبقي تمثل دبل توب مع اخر قمة للدايفرجنس؟

أستأذنك يا أخى تفهمنى اكتر عشان اقدر اجاوبك

[صدام ارزيق]

تسجيل حضور ومتابعة

جزاك الله كل خير يا طيب

[forexmen]

مشكور اخي الكريم لسعة صدرك

مرفق الرسمه موضح بها ما اقصد في اعتباره دبل توب بعد الدايفرجنس والمرجوا التصحيح

والله الموفق

[midooo_119]

تسجيل حضور ومتابعة

جزاك الله كل خير يا طيب

مشكور ياأخى و منور فموضوعى المتواضع

[midooo_119]

مشكور اخي الكريم لسعة صدرك

مرفق الرسمه موضح بها ما اقصد في اعتباره دبل توب بعد الدايفرجنس والمرجوا التصحيح

والله الموفق

شكرا على اهتمامك و سؤالك فى الحقيقه القمه الى حضرتك اشرت اليها مانعتبرهاش قمه تانيه لسببين اولا هى مش قمه واضحه زى كل الامثال السابقه ثانيا مافيهاش الشمعه الى تعكس الاتجاه الى قلنا عليها فى شروط الاستراتيجيه (شوتنج ستار-برج القمه) بما أن الاتجاه صاعد فالمفروض نلاقى واحده من الاتنين و الشمعتين مش متوافرين فى القمه التانيه

اتمنى اكون قدرت اجاوب على سؤالك وتحت امرك و اتمنى لحضرتك التوفيق معنا

[heem550]

السلام عليكم ورحمة الله


ان شاء الله طريقه موفقه


ومتابعين معاك


ممكن نرفع معاك هنا فرص من اجل التعليم ؟؟



وتقبل ودي

[midooo_119]

السلام عليكم ورحمة الله


ان شاء الله طريقه موفقه


ومتابعين معاك


ممكن نرفع معاك هنا فرص من اجل التعليم ؟؟



وتقبل ودي

ده انا الى ارجوك ترفع فرص عشان يطمئن قلبك و نتعلم كلنا و شكرا على ذوقك