/// لقاء أعضاء المتداول العربى المصريين رقم ...///

[نور المصرى]

ياااااااه ياطاهر

أخيرا
هانعيد لقائات زمان

لقائات قهوة المصريين

لمن فاتته لقائات الماضى وتجمع الأحبة
فيزور هذه المواضيع

حيث أتى للقاء الدانى والقاصى من كل صوب
من كل المحافظات كنا نجتمع دوما

https://forum.arabictrader.com/t40051.html

https://forum.arabictrader.com/t35756.html

https://forum.arabictrader.com/t38175.html

حيث كانت فكرة القهوة موضوع لمد يد المساعدة وطرح الأفكار
ثم تطور للقائات جميله ومثمرة فيها الدفئ الأسرى ولقاء الأخوان

******************************8


شروط ترتيب الميعاد إن شاء الله
الإتفاق على يوم يكون ميسر فيه الحضور للجميع يفضل أن يكون يوم أجازه رسمية

التنويه قبلها بموعد كاف ( أسبوع على الأقل )


أقترح للمكان أن يكون بوسط البلد أو شبرا مصر ( مليانه قهاوى )
حتى يكون بجوار رمسيس حتى يتيسر الوصول لمن جائوا من محافظات أخرى

يكون الميعاد بحد أقصى بعد صلاة المغرب حتى نستطيع أن نقضى أكثر وقت ممكن
لأن الوقت شتاء وحتى يستطيع الجميع أن يعود مسافرا


ننتظركوا على أحر من الجمر

[golden2000]

مينفعش اسكندرية معاكم

و المشاريب على حسابى

.

يا سلام
حدد المعياد وانا اول واحد جي

[dr_helz]

معاكوا يا رجالة إن شاء الله
بس قولوا قبلها بمدة كفاية علشان مشواري بعيد شويتين

[a77med]

ليا الشرف انى اقابل اساتذه كبار واتعرف عليهم مثل الاستاذ طاهر بارك الله فيه
وبالنسبة للمكان فا انا ارشح المنصـــــــورة ( مدينة السحر والجمال )

[WhiTe TiGer]

فكرتنا بأيام زمان اخى الحبيب / طاهر

ايام قهوة المصريين وكل الاحباب الذين كنا نود ان نراهم ولكن الله لم يكتب لنا فى تلك المقابلات نصيب

يمكن نصيبها جة دلوقتى وآن الاوان لنرى الاصدقاء القدامى والاعضاء الجدد ولتكون أمسية جميله كأيام زمان

سجل عندك واحد قاهرى وأى وقت وأى زمان أنا حاضر بأذن المولى عز وجل

جميل اقتراح الاخ الحبيب / نور المصرى فهو سيكون فى استطاعه اغلب الاعضاء

بس المعاملة يونانى كل واحد يحاسب للى جنبة

[esam 123]

السلام عليكم اخوانى الاعزاء فكرة رائعة ومميزة وان عبرت فهى تعبر عن الحب والوئام فى هذا المنتدى وارجو ان تقبلونى معكم فى هذا اللقاء واقترح لقاء بسيط على احدى الكافيتريات المحترمة فى القاهرة علشان اخوكم كيف شيشة

[نور المصرى]

بس المعاملة يونانى كل واحد يحاسب للى جنبة

يبقى انا هاقعد بين اتنين عشان الاتنين يدفعولى

علشان اخوكم كيف شيشة

طيب تعالى على الموضوع ده هايعدل مزاجك

https://forum.arabictrader.com/t40051.html

[نور المصرى]

أبو عاصم فى لقاء قهوة المصريين


https://forum.arabictrader.com/t35756-34.html

[أبو رأفت]

ياريت الواحد يحظى بلقاء مع إخوة من المصريين الإعضاء فى المتداول لأن الثلاث سنوات إللى فاتو كنت أسبح
وحيداً فى بحر الفوركس وطبعاً طيرت كذا حساب لحد ما قابلت من أسبوعين تقريباً واحد فى القهوة اللى متعود
أروحها فى مدينة نصر وكان بالصدفة يتحدث عن الفوركس , قلت فرجت لقيت أخيراً رفيق فى مجال الفوركس
نظبط مع بعض ولكن خاب أملى بعد ماأكتشفت انه بلاطة وفاكر إن الدعم فى أعلى الشارت والمقاومة فى الأسفل
وطبعاً بذلت معاه جهد كبير لكى أقنعه بخطأ إعتقاده ورغم إصراره على الخطأ نجحت أخيراً فى تصحيحه بأن أمسكت له اللاب توب بالمقلوب عشان يعرف يشتغل, ومشيت العملية

يا عمر افندى
يا راجل انت من مصر و كمان من القاهره و كمان من مدينة نصر و متعرفتش عليك
حراااام

[golden2000]

فاكر استراتيجية الدخان يا نور

[نور المصرى]

فاكر استراتيجية الدخان يا نور

والتنين الذى ينفث النار

[ابوعافيه المصري]

السلام عليكم
نرجو من الله ان تدوم المحبه وانشاء الله معاكم
بس ياريت يتم تحديد المعاد قبلها بفترة علشان كلو يرتب نفسو
وياريت تختارو قهوة يكون عندهم دخان قص كويس

[amirsamir]

السلام عليكم ورحمة الله وبركاته

والله فكرة عظيمه انا شغال فى الفوركس بقالى 3 سنوات ولم اجد احد اعرفه يعمل فى هذا المجال جميل جدا انك تتعرف على اخوه جدد والاجمل انهم مشتركين فى نفس الاهتمامات - انا معكم لو تقبلتمونى

[forex99]

جالى احساس ان كل الفوركسيين اللى فى مصر يعشوا فى الظلام او يعيشوا حياه سريه بعيد عن الجميع لا احد يعرف احد فى الفوركس وننتظر الفرصه للتلاقى ...هههه

عموما ارجو ان تقبلونى اخا معكم فى لم هذا الشمل الجميل علما انى لسه مبتدىء يعنى سوف استفيد اكتر من ان افيد ولو فى مانع فى ذلك مش هازعل واتمنى التوفيق للجميع ان شاء الله

[falcon_1]

يبقى هتنتظرنى شويه بقى عند المحطه الدوليه لأن الناقه بتاعتى

هتقوم من آخر الدقهليه وبالتحديد من المنزله بس ياريت تحضر

لنا 2 طبق بليله من الفيومي أو أرز بلبن يعطونا شوية طاقه

في الطريق وخصوصا البرد اليومين دول وأنا عليا أكل الناقتان

مع خالص ودي وتقديري ،،،،،،،،،،،،،

خلى بالك يا عزب .....الباشا شكله هايخليك ترجع ماشى

ولا هو عامل حسابنا فى عزومة على الناقتين
لو كده ان شاء الله نكون موجودين مع الاخوة