الأكثر زيارة
رد مع اقتباس
عروض شركات الفوركس
 |  |  |  |  |  |  |
النتائج 1 إلى 10 من 10
- 09-12-2009, 08:20 PM #1
عضو المتداول العربي
- تاريخ التسجيل
- Oct 2007
- الإقامة
- المنصورة
- المشاركات
- 9,983
أرض الخوف Fear Factor Xtreme...هتقدر تكسب التحدي ؟؟؟
أرض الخوف Fear Factor Xtreme
ده برنامج مسابقات معروف و مشهور جداً اليومين دول
و بييجي علي إحدي القنوات الفضائية
و شباب كتيرجداً بيتابعوه
تقوم فكرة البرنامج علي مسابقة
بين مجموعة من الشباب
ولاد و بنات
متجمعين مع بعض في مكان ما
زي مزارع أو جناين
في إحدي دول Latin America
تقريباً الأرجنتين
كل واحد من الشباب دول
حاطيين عينهم علي هدف واحد
لازك كلهم يوصلوا ليه
مهما كانت الصعوبات و المعوقات
و كلهم تركيز عالي جداً
و ذهنهم مش مشغول بأي حاجة تانية غير الهدف ده
و كل واحد فيهم بيخرج أقصي الطاقات الكامنة جواه
عشان ماعندوش غير فرصة أو اتنين
لو فشل فيهم
هيطلع بره و يخسر الجايزه الكبري !
و الهدف ده اللي كلهم عايزين يوصلوا ليه هو
الفوز بجائزة قدرها 25000 $
تقريباً زي ماعرفت
و عشان الهدف غالي أوي و الجايزة قيمة جداً
تلاقي الشباب دول , زي ما قلت لكم في الأول
كلهم تركيز جامد
و عينيهم علي حاجةواحدة (الهدف)
و ماعندهمش وقت يضيعوه في أي حاجة تانية
عشان مايفقدوش الجايزة
و المسابقات اللي بتتعملهم دي بتكون صعبة جداً
و فيها مخاطرة كبيرة جداً
و ممكن يتعرضوا لإصابات و حوادث
و ممكن كمان تكون المسابقات دي وسط حشرات أو فيران أو حيوانات متوحشة
المهم إن كله لازم يعبر المراحل الصعبة دي
مهما كانت المخاطرة
و لذلك إسمها
أرض الخوف
Fear Factor Xtreme
يا جماعة
ربنا سبحانه و تعالي بيقول في كتابه الكريم
"الم , أحسب الناس أن يتركوا أن يقولوا آمنا و هم لا يفتنون"
سورة العنكبوت
هو ده يا جماعة موضوعنا
كلنا مخلوقين في الدنيا دي لغاية معينة
و هي "عبادة الله"
"و ما خلقت الجن و الإنس إلا ليعبدون"
و من خلال حياتنا في الدنيا و أعمالنا
نقدر نحقق الغاية دي
و اللي هتوصلنا في الآخر للجنة إن شاء الله
لكن كتيير منا
مش بيقدر
مش بيكمل
بيتعب
بيزهق
بيضعف
نَفَسُه بيتقطع في نص الطريق
مابيكملش المشوار لحد الآخر
ليه ؟؟؟
كلنا و لله الحمد فينا خير
مهما كانت معاصينا و ذنوبنا
ماتقولش أنا مليان ذنوب و بلاوي
أنا مانفعش أبقي كويس
و ماأقدرش أصلح نفسي
لأ
تقدر إن شاء الله
ربنا سبحانه و تعالي كريم و رحيم و غفور
خلقنا عشان نعبده و نطيعه
و أعطانا الفرصة في الدنيا
مرة و اتنين و تلاتة....إلي قيام الساعة أو موت الإنسان
تغلط و ترجع له تاني
تعصاه و تتوب إليه
بس وضع لك شوية اختبارات و ابتلاءات عشان يشوفك هتعمل إيه
هتنجح و لا لأ ؟
زي إمتحانات الثانوية و الجامعة
لازم تذاكر و تقفل علي نفسك و تمنع نفسك من الفسح و الخروج ووووو....الخ
عشان تنجح
كذلك الأمر في الدنيا
ربنا سبحانه و تعالي حط لك امتحانات و ابتلاءات
عشان تدخل الجنة لازم تعديها
و لسه الفرصة قدامك
مادام قلبك مازال ينبض
لكن احذر
قبل فوات الآوان
و ماتقولش الموضوع صعب و أنا مش قادر
لأ هتقدر إن شاء الله
همه اللي بينجحوا في الدنيا أحسن منك في إيه
عندهم رجل أو إيد أكتر منك ؟؟؟!!!
كل الموضوع إنهم عايشين لهدف معين عايزين يوصلوا ليه
و مركزين مع الهدف ده
و بيبذلوا كل جهدهم عشان يفوزوا
عندك الممثلين و المغنيين
بيتعبوا و يجتهدوا بالأيام و الليالي و الساعات
عشان ينجحوا
و تلاقي الممثل فيهم ممكن ينط في بحر من مكان مرتفع أو يرمي نفسه من عربية عشان الدور يبقي حقيقي و يوصل للجمهور , مع إنه ممكن يستعين بدوبلير
لكن مابيرضاش و بيعمل المشهد بنفسه عشان يبقي في مصداقية و بالتالي ينجح
و المغني كمان بيتدرب علي الأغنية بالشهور و الأيام و الساعات و بيسافر هنا و هناك يغني في الحفلات و المهرجانات في مختلف دول العالم
و حنجرته بتتعب أوي
كل ده في سبيل إيه
إنه ينجح
لكن كل ده نجاح ( مُحرّم ) في دنيا زائلة
دنيا لا تساوي عند الله جناح بعوضة (ذبابة)
إنما إنت و إنتِ
النجاح ده يكون بإذن الله دخول الجنة
(ذلك الفوز العظيم)
نعيم لا ينفد
ما لا عين رأت و لا أذن سمعت و لا خطر علي قلب بشر
فالمطلوب مننا إننا نستحمل شوية بعض الصعوبات و الإبتلاءات
و نقفز من فوق الحواجز دي
عشان نوصل لهدفنا في الآخر
ربنا سبحانه و تعالي طلب مننا حاجات و نهانا عن حاجات
كل واحد يسأل نفسه
هل أنا فعلاً
بقوم كل يوم من النوم أصلي الفجر ؟!
بصلي الصلاة في أوقاتها و لا لأ ؟!
مابسمعش أغاني ؟!
بغض بصري ؟!
مابعاكسش بنات ؟!
مابصاحبش بنات؟!
مابكدبش ؟!
مابغتبش الناس ؟!
ما بشربش سجاير أو غيرها؟!
ما بشتمش أو بقول كلام بذيء ؟!
ما بتفرجش علي المواقع الإباحية ؟!
بسمع كلام والدي و والدتي ؟!
........الخ
و كل واحدة تسأل نفسها
اتحجبت و لا لسه ؟!
بصلي الفجر و لا لأ ؟!
بحافظ علي الصلاة في أوقاتها؟!
مابسمعش أغاني؟!
مابصاحبش شباب؟!
مابغتابش حد؟!
ما بتفرجش علي أفلام و مسلسلات ؟!
............الخ
لازم نحاول و نحاول و نحاول
و مانيأسش خالص
و نجاهد نفسنا و الشيطان
و يكون هدفنا دايما أدام عينينا
الجنة
يا تري هنقدر نكسب التحدي و نفوز ؟؟؟!!!
- 10-12-2009, 11:02 PM #2
عضو المتداول العربي
- تاريخ التسجيل
- Jan 2008
- الإقامة
- إسرائيل
- المشاركات
- 327
رد: أرض الخوف Fear Factor Xtreme...هتقدر تكسب التحدي ؟؟؟
السلام عليكم
جزالك الله خير أخي محمد على هذا الموضوع الهادف و القيم
و إن شاء الله ربنا يهدي شبابنا بناتنا و يصحو من الغفلة اللي سيطرت عليهم
- 10-12-2009, 11:41 PM #3
عضو نشيط
- تاريخ التسجيل
- Dec 2005
- الإقامة
- مصر
- العمر
- 50
- المشاركات
- 2,679
رد: أرض الخوف Fear Factor Xtreme...هتقدر تكسب التحدي ؟؟؟
من قبل ما أقرا الموضوع عرفت قصدك
إى و أيم الله لو كنا نعمل للهدف الأسمى ما كان هذا حالنا
.gif "Eh S(7)")
- 15-01-2010, 06:16 PM #4
عضو المتداول العربي
- تاريخ التسجيل
- Jan 2010
- المشاركات
- 2
رد: أرض الخوف Fear Factor Xtreme...هتقدر تكسب التحدي ؟؟؟
موضوع جميل جدا يا أستاذ محمد
جزاك الله خيرا والي الامام دائما
- 16-01-2010, 05:07 AM #5
عضو المتداول العربي
- تاريخ التسجيل
- Sep 2007
- الإقامة
- الاردن
- المشاركات
- 870
رد: أرض الخوف Fear Factor Xtreme...هتقدر تكسب التحدي ؟؟؟
جزاك الله خيرا موضوع جميل
- 16-01-2010, 07:13 AM #6
عضو المتداول العربي
- تاريخ التسجيل
- Jan 2008
- الإقامة
- فلسطين
- المشاركات
- 726
رد: أرض الخوف Fear Factor Xtreme...هتقدر تكسب التحدي ؟؟؟
السلام عليكم
شكرااااااااااا يا باشا
- 16-01-2010, 10:47 PM #7
عضو المتداول العربي
- تاريخ التسجيل
- Sep 2009
- المشاركات
- 350
رد: أرض الخوف Fear Factor Xtreme...هتقدر تكسب التحدي ؟؟؟
جزاك الله خير
- 16-01-2010, 11:43 PM #8
موقوف
- تاريخ التسجيل
- Jan 2010
- المشاركات
- 654
رد: أرض الخوف Fear Factor Xtreme...هتقدر تكسب التحدي ؟؟؟
بارك الله فيك أخي محمد
- 18-01-2010, 03:01 PM #9
موقوف
- تاريخ التسجيل
- Dec 2008
- الإقامة
- منشأ أريوس(الاسكندرية)
- العمر
- 40
- المشاركات
- 1,394
رد: أرض الخوف Fear Factor Xtreme...هتقدر تكسب التحدي ؟؟؟
جميل ان يتمنى الشخص ان يكون صالحا
ولكن الكثير من الناس يتمنى ان يكون صالحا ويقول
اه لو كنا نعمل للهدف الاسمى
ولكنه فقط يقول ولا يفعل وهذه مصيبة
لأننا جميعا نتمنى ولا نتحرك
كلنا يتمنى المال والثراء ونحن نحلم ولم يفكر احد ان يتحرك لفعل شيئ معين ويبدأ
بالخطوة الاولى
فكيف بالاخرة والتي يجب علينا جميعا ان نكون متفرغين لها
ولا ننشغل عنها بتوافه الدنيا
اللهم يا مقلب القلوب والابصار ثبت قلوبنا على دينك
- 19-01-2010, 10:23 AM #10
عضو المتداول العربي
- تاريخ التسجيل
- Jan 2010
- المشاركات
- 70
رد: أرض الخوف Fear Factor Xtreme...هتقدر تكسب التحدي ؟؟؟
بارك الله فيك اخي محمدماشاء الله على مواضيعك
المواضيع المتشابهه
-
eur/chf هتقدر تغمض عينيك
By X_MM_X in forum سوق تداول العملات الأجنبية والسلع والنفط والمعادنمشاركات: 12آخر مشاركة: 08-05-2010, 11:48 PM -
مش هتقدر تغمض عنيك
By محمد العزب in forum استراحة اعضاء المتداول العربيمشاركات: 10آخر مشاركة: 21-08-2009, 08:49 PM -
قناة الافلام .. مش هتقدر تسيبنا و تصلي !!
By EL3reef in forum استراحة اعضاء المتداول العربيمشاركات: 5آخر مشاركة: 21-08-2009, 05:09 AM -
يا شباب الخوف ماهو من سوء التحليل الخوف من الاتفاق
By أبو فهد in forum سوق تداول العملات الأجنبية والسلع والنفط والمعادنمشاركات: 7آخر مشاركة: 18-08-2006, 11:59 AM -
يا شباب الخوف ماهو من سوء التحليل الخوف من الاتفاق
By أبو فهد in forum سوق تداول العملات الأجنبية والسلع والنفط والمعادنمشاركات: 7آخر مشاركة: 18-08-2006, 11:59 AM
