استاذ زكى جدااااااااااا

[Ahmed H ©]

استاذ محمود القللى استاذ لغه عربيه من محافظه الدقهليه بيحب ياكل ملوخيه بالارانب المحشيه وشغال فى مدرسه الحوريه زكى جدا تعالو نشوف حصل معاه ايه
الاستاذ محمود بيدى دروس خصوصيه للثانويه العامه وعنده مجموعه فيها طلبه شقيين جدا جدا ,واحد اسمه دعدور والتانى اسمه شمشوم والتالت اسمه سحلول ,الطلبه دى قررت انها تطلع رحله 3 ايام ورا بعض قبل الامتحان ال استاذ محمود عامله فى الدرس ,عشان لما يرجعوا من الرحله مخهم يبقى رايق ومنعنش و يجاوبوا كويس

وفعلا حصل وطلعوا الرحله بس ال مش حلو انهم استحلوا الاعده فى الرحله وخلوها اربعه ايام وللاسف مرحوش الامتحان ال كان فى الدرس
ولما راحوا الدرس الحصه ال بعد كده الاستاذ القللى سألهم مجيتوش ليه الامتحان ,ام جى سحلول رادد عليه وقاله (واللهى يا أستاذ كنا جايين احنا التلاته فى العربيه وانت عارف اننا ساكنين بعيد بس للأسف الكاوتش فرقع فاضطرينا اننا نستنى لتانى يوم الصبح عشان نغير الكاوتش أو نلاقى توصيله فنمنى احنا التلاته فى العربيه)
وفعلا كان ردهم على الاستاذ القللى مقنع جدا وكده هما ثبتوا الاستاذ وظبطوا الحوار واتفق الاستاذ معاهم انهم يمتحنوا الحصه ال جايه وفعلا الطلبه زاكرت كويس وجاءت لحظه الامتحان ووزع الاستاذ القللى عليهم الاسئله كل واحد ورقه وكل واحد فى ركن لواحده عشان محدش يغش من حد والطلبه طبعا بتقول (بسم الله الرجمن الرحيم نبدأ بحل سؤال النصوص الاول لانه سهل )وفعلا لقوا 3أسأله فى سؤال النصوص ال مكنش فيه غيره فى الامتحان
السؤال الاول كم كانت الساعه لما كاوتش العربيه فرقع منكوا وانتوا جايين الدرس ال حصه ال فاتت
السؤال التانى مين كان بيقود السياره وانتوا جايين الدرس ال حصه ال فاتت
السؤال الثالث أى كاوتش فرقع وانتوا جايين الحصه ال فاتت

التوقيع .... استاذ صايع
مع تمنياتنا بالنجاح والتوفيق

[brokensoul08]

ههههههههههههههههههه

واضح الملوخية الي بالارانب المحشية بتخلي الواحد فايق و مصحصح للي حواليه كويس حيث كدا الواحد ياكل منها كل يوم قبل مايبتدي الشغل

تسلم ايديك يا باشا و الله قصة جامدة جدااا

[ahmed taha]

طبقا للمثل المصري الشهير
مبروم علي ما مبروم ما يرولش