(((اضحك سخسخ مع ......هريدي حركات ))))

[amir111]

هريدي رئيس المخابرات المصرية

أتى وفد دبلوماسي من سوريا ومعه تمثال أثري كهدية من الرئيس حافظ الأسد إلى الرئيس حسني مبارك

الوفد السوري : ده يا ريس تمثال عمره 10 آلاف سنة وأقدم من الحضارة الفرعونية

من بعد ما مشي الوفد السوري ، الريس مبارك لعب الفار في عبه ، وقال لنفسه : هو في أقدم من الحضارة الفرعونية في سوريا ؟؟؟

راح الريس نده على هريدي رئيس المخابرات وقله : عايزك تتحقق من التمثال ده ، هو أثري ولا السوريين بضحكوا علي !!!

بعد 3 أيام جه هريدي بجلالة قدره وقال : يا ريس التمثال فعلاً أثري وعمره 10 آلاف سنة

الريس سأله : وإنتا عرفت إزاي ؟؟؟

هريدي : خلينا التمثال يعترف يا ريس

ههه ههه

اهي دي جديدة خالص نوفي
تسلم الايادي


الاحكاية هريدي بقي رئيس مخابرات من وراءنا

[عمر حلاق]

ههه ههه

اهي دي جديدة خالص نوفي
تسلم الايادي


الاحكاية هريدي بقي رئيس مخابرات من وراءنا

الله يسلمك أخي أمير

بصراحة وعشان إنتا أخويا وما بخبيش عنك سر

هريدي بقى رئيس لكل الدول العربية

بس إحنا بنقول رئيس مخابرات عشان التمويه بس

[amir111]

الله يسلمك أخي أمير

بصراحة وعشان إنتا أخويا وما بخبيش عنك سر

هريدي بقى رئيس لكل الدول العربية

بس إحنا بنقول رئيس مخابرات عشان التمويه بس

ههه ههه ههه
بيني وبينك وده سر اخطر ماتقلهوشي لحد برضه استاذ عمر
هريدي مش في كل الدول العربية ممكن تلاقي دولة عربية واحدة ولا اتنين حاكمها





راجل كده














واسمه مش اخبيه عنك














هنداوي
ابن عم هريدي

[amir111]

انى

هريدى جعيدى ولد الحج
صعيدى بن خاله المرحوم
رشيدى ابن اخت العمده
حميده

سالخيـــــــــــــــر
عليكم يا كاباتن

وحشتونى جوى جوى جوى

اه صحيح زغرتولى

انى اشتغلت خوجه
بين قوسين
مدرس

الفراش: اتفضل يا استاذ هريدى دى اسماء الطلاب اللى عندك فى الفصل
1- محمد
2- احمد
3- تامر
4- محمود
5- مهند
6- علاء
7- مريم
8- رنا
9- رندا
10- اشكيناز
11- شاكيناز
12- باكينام
13- عبد الرحمن

وانى داخل دلوجيت داخل القاعه علشان اجول الدرس
عندى شويه عيال زين جوى وبيتكلموا عنجليزى لب لب




هريدى: استانت ابر

الطلاب : جوود مورننج مستر

هريدى:جود مورنج يا عيال

سيت تاون

الطلاب :ثانكس مستر

هريدى فى سره: ايه العيال دى ليكونوا بيشتمونى ولا حاجه

هريدى :هناخد الغياب

الطلاب : اوكيه

هريدى : اللى اللى ميسمعشى اسمه يبقى غايب اوكيه

الطلاب :ههههههههههه

هريدى : محمد واحمد وتامر ومحمود
ومهند وعيلاء وبريم ورنا ولنضدا اشكناس وشاكر وباكينجهام

والواد الوحيد اللى من بلدنا عبد الرحمن
هما دول الموجدين والباقى غايب

شاكيناز : اسمى شاكى يا مستر مش شاكر


هريدى:وانتى ايش دراكى وخلاص طلعت شاكر اترزعى

بصوا يا ولاد على التخته


مكتوب

Sopheaa said yes, mother


هريدى فى سره:
الواد اللى كاتبلى الجمله دى خطه زين جوى جوى


هريدى للطلاب : جولوا ورايا يا عيال

صوبحيا سيد ياسين مظهر

الطلاب : صوبحيا سيد ياسين مظهر

الموجه داخل الفصل : جود مورننج تشلدرن

الطلاب : جود مورننج مستر

هريدى : اتفضل يا بيه اتفضل جوم يا واد يا عبد الرحمن هات واحد شاى للموجه

الموجه : شاى ايه بس يا استاذ
اسمه
tea
t e a

هريدى فى سره : مش وجتك دلوجتى يا عم الامور


الموجه: ها يا مستر هريدى اقدر اسال طلابك

هريدى : اتفضل طبعا اسأل براحتك
انى بيهمنى

الموجه : قوم انت اسمك ايه

هريدى: اختارت احسن طالب عندى

الطالب : عبد الرحمن يا ريس

الموجه
!!!!!!!!!:

تقدر يا عبد الرحمن تقرا اللى مكتوب على
Chalkboard


عبد الرحمن: اؤمر يا بيه عاوز ايه

الموجه : يا ابنى بقولك تقدر تقرا اللى على السبوره

عبد الرحمن: السبوره ايوه اجدر ونص كمان

الموجه :طيب ورينى

هريدى: يلا يا عبودى يا رافع راسى

عبد الرحمن: صوبحيا سيد ياسين مظهر

الموجه: ايه بتقول ايه يا استيبود

هريدى : ايه اللى انت بتقوله ده يا عبده حرام عليك انا قلت كدا
انا قلت كدا

فين الاكسووووون يا عبدو فين الاكسوووون

اسمها

صوبهيا سييييد ياسييي مسهر

الموجه:

ايه اللى انت بتقوله ده

هريدى ايه يا عم الكتوت اسبللللهالك

الموجه : ت ايه تسبللللللللللهالى

اسبالها يا مستر

صوبهيا سييييييييد واتك اوى على سيييييييد دى

ياسييييييييييي وحرف N صيلنت مسهر

الموجه : المكتوب

صوفيا سد يس مزر

يعنى
صوفيا بتقول نعم يا ماما

هريدى: بولللليظ متدخلشى فى شغلى



الموجه : بوليز قصدك


Please

يا بنى ادم

p l e a s e


هريدى : لا يا شيخ

الموجه : لا ده مش اسلوب مدرسين

هريدى: امال اسلوب ايه

عبد الرحمن: زباليين يا ريس

هريدى : اخرس
يا boy

b o y

الموجه : برافو عليك يا مستر هريدى

هريدى : يلا ياض انت اطلع بره شويه تزعقلى وشويه تسجفلى

الموجه: ياض انت ازاى تكلمنى بالطريقه دى انا الموجه

هريدى : بلا موجه بلا قطران يلا ياض بدل ما اشرحك
يلا انصرف


الموجه : help

هريدى: بلا هلب بلا زفت برررررررررررررررررررره

الموجه خرج وساب هريدى فى الفصل

هريدى: جومى يا بت يا شاكر ايدى النور

شاكى
: لا يا مستر ارجوك بلاش انا

هريدى: جومى يا بت اتلحلحى

شاكى: حااااااااااضر

الطلاب: الوداع يا شاكى

محمد: والله كانت بنت طيبه حرام اللى هيحصلها


شاكى بتضغط على زرار الكهربا

اتكهربت

شاكى: اااااااااااااااااااااااااااااااااااااااااه

هريدى: جولى بجى انك اتكهربتى

شاكى:

هريدى: فى امتحان مفاجئ

الطلاب : هاااااااااااااااااااااااااااااااا

هريدى : مش دلوجتى بكره

فى امتحان مفاجئ بكره الحصه التانيه

الطلاب: الحمد لله

هريدى جرز الحصه ضرب عليكو ايه الحصه الجايه

الطلاب : عربى يا مستر

هريدى : اوكيه

وخرج هريدى وبعد 10 دقايق

دخل

لابس عمه وافطان وماسك سبحه


هريدى : كيف الحال يا طلابى اليوم

عبد الرحمن: الهواء نظيف يا سيدى ولكن الوليه شاكر
جالت على سعتك انك حمار كبير جوى جوى



شاكى :

هريدى: الله يكرمك يا بت يا شاكر
اخجلتم تواضعنا
يا كسوفى
انى كدا هتغر

الطلاب : هههههههههههههههههههههههههههه

هريدى: يلا جولوا ورايا الشعر ده

انفتح تتح عمركل شبح = واما اقفل لقح معطش

مرتسى كونتسه معصفره =ملبسه نمششهاكلنا

الطلاب: !!!!!!!!!!!!!!!!!!!!! ؟

هريدى : جولوا بجى انكوا مش فاهمين هااااا

عبد الرحمن : يعنى ايه جولوا يا استاذ

هريدى : ارفع ايديك لفوج يا عبد الرحمن

عبد الرحمن : ليه يا ريس هتضربنى

هريدى: لا هجلبك

عبد الرحمن:

الطلاب : يعنى ايه هجلبك يا استاذ

هريدى: مش هوصفلكوا كلكوا ارفعوا ايدكوا لفوج

الطلاب : اهووووووو

هريدى : محفظه يا عبد الرحمن فيها 10 جنيه ونص

سرجتهم منين دول يا ولد

عبد الرحمن: منك يا معلم

هريدى : بتسرجنى يا جحش

هريدى : ايه ده يا عبدو شندوتش كشرى

عبد الرحمن: ايوه فى حاجه يا اخ

هريدى : اترمى انت لما نشوف زمايلك

هريدى : ايه ده يا واد يا تامر

معاك 2 دولار

تامر: ده مصروفى يا مستر

هريدى : يا اختى كميله

وايه ده شندوتش ايه ده يا ولا

تامر : روزبيف يا مستر

هريدى: رز رز ايه يا واد انت هضحك عليا اياك

تامر : روزبيف

هريدى : يعنى ايه

تامر : ده سندوتش اااااااااا

هريدى : اخرس لسه هتشرحلى

افتحى شنطك يا بت يا شاكر

شاكى : نوووووووو امبوسيبل

هريدى: بتشتمينى يا دزمه والله لاعلجك

هات الشنطه بدل ما اللسوعك

شاكى : اوكيه اوكيه تيك ايت

هريدى : مجله روتانا وهل يخفى البشر

جصدى الخبر

وفرشه سنان

شاكى : سنان ايه يا مستر دى فرشه شعرى

هريدى : انا حدايا وحده زيها بس بغسل بيها سنانى

شاكى:

هريدى : قلم وورج كراسات وكشاكيل كتب
الله الله الله

ايه ده يا بت انتى صباع روج

وكحل واى ليننن
وايشتوووووو

فاضل تجيبلى فى الشنطه امينه شلبايه فى المجلمه

شاكى :

هريدى : عيال اديته يعنى اغبيه

هريدى خلاص الحصه خلصت وجرس المرواح هيضرب



اسرج مين انا دلوجتى




الجرس: ترررررررررررررررررررررررررررن

الطلاب : هيييييييييييييييييييييييه يس ياهوووووووو


هريدى: استنوا يا جزم هتروحوا وتسبونى لوحدى

الطلاب: ااااااااااااااااااااااااااااااااااه

هريدى:

ok

باى باى بجى

[amir111]

بعد ما شوفنا هريدي وحركاته مع شغله الخوجة


تعالوا نشوفه حركاته ........


مع




والنسوان

[amir111]

هريدى والنسوان

هريدى بلديتنا – ساذج من أهل القرى , قرأ اعلان فى الجرنان عن معرض للزوجات فى الشيراتون , فقرر أنه يأخذ القطر ويسافر على هناك – يمكن يخطفله واحدة من بنات المصر ولاد الايه دول ... وركب القطر, ونزل من القطر خد تاكسى وقاله ( على السيراتون يا أسطه ؟

- على فين يا بنى ؟
- السيراتون , جرى ايه هنعلمك بلدك كمان
- تقصد فندق الشيراتون ؟
- ايوة , ما انت عارف اهو ...ما بلاش خبث السوقين ده !

ووصل المعلم هناك , وبعد معركة مع الامن فى الفندق – سمح له يطلع لانه ببساطة رفض يمشى ووقف بجلبياته قدام الفندق وقعد يقول ( ياخونة.. الواد خضير دفعلكم كام ؟ , دفعلكم كام يا مرتشيين يا حرامية ؟ )

ولان الاجانب كانوا واقفين يصوروا وادراة الفندق خافت الموضوع يتقلب فضيحة – سمحتله بالمرور وانه يطلع المعرض , وعلى بابا المعرض كان مكتوب الاتى :

الحب :
* ماما قالتك عنه : (تيجى معاى السوق وتشيل الخضار)
**و بابا قالك (ولم ابعتك تجيلى سجائر متتأخرش وتقعد تلعب فى الشارع )
*** أما شيخ الجامع قالك (متعملش حاجة تزعل ربنا منك أبداً )
**** أما أستاذى فى المدرسة قالى ( تكون مؤدب مع الناس كلها ) ..


(( لكن احنا بنقولك ,أنت كبرت والحب هو : أنك تختار شريكة حياتك – اللى هتعيش معاها العمر كله ))


• هريدى قبل المعرض ده استخدم الكلمة دى وهو صغير , لما شاف ندى جارتهم , ودى بنت باردة وكلحة وعاملة زى العجل – نادى عليها من الشباك ( ندى انا بحبك يا ندى ... يا ندى , يا ندى انا بحبك ياندى ... انتى يا بت , ايوه انتى يا متخلفة ... بحبك يا بت ..ايوه انتى يا متخلفة )

راحت البنت قالت لأمها , وامها قالت لأبوها , وابوها جرى يجيب البندقية , وحلف ليطخه . بس أبو هريدى اقنعه ان دول شوية عيال وبيلعبوا , واستطاع ابو هريدى لم المسألة فى قاعدة عرب وجابوا هريدى شايل كفنه وحلف قدام مجلس العيلة ما يقول الكلمة البذيئة دى تانى .

دخل المعرض برجله اليمين وسمى بسم الله وقلع الشبب وسابه بره , لقى ستات فى فتارين أزاز , معروضين للبيع وكل واحدة مكتوب عليها الوصف والشروط :


نموذج ( 1 ) - ( ثقافة واشعار ) , أسمى ( سارة المعرى ) , السن 23 سنة , الهوايات : قراءة الاشعار وقصائد الحب ؟ .. معنديش اى شرط فى عريس الاحلام غير انه يكون مقتدر ويعيشنا حياة كريمة , ويكمل بيت الشعر التالى : ( حبك يا حبيبى زى ... وأنا ...................)
فقالها عرفتها عرفتها , فبصتله وضحكت وارتسمت على وشها سعادة مع بعدها سعادة وقالته :
- قول , قول يا رب يكون انت
- حبك يا حبيبى زى الحنفية , وانا قاعدة بنضف الملوخية
- أمشى يا ابن العبيطة قدام
- انا ابن عبيطة , والله ما حد عبيط الا انتى ...يا ساذجة ... يا نحوى !

ودخل على نموذج ( 2 ) – ( صمت وسكون ) , اسمى ( نشوى ) السن 22 سنة , الهوايات : أنت هوايتى , واللى تحبه انا احبه كمان .. الشروط : ولا حاجة , شروطك انت أوامر – هقعد فى البيت خدامة تحت رجلك وأهنيك وأسعدك , وربنا يخليك لينا يا رب . لو بتأكل اكل معين , اعرف اعملهولك - ده انا لهلوبة وامى ولدتنى فى المطبخ ..

سألها : بتعرفى تعملى مروان جلسيه ؟
ردت : وده مين ده يا أخوى ... تكونش استغفر الله العظيم خمرة
سبها ومشي , ودخل على اللى بعده .

نموذج ( 3 ) – ( جراثيم وبكتريا ) , اسمها ( فتحية ) السن 22 سنة , الهوايات : قبل اى شئ تعمل فحوص طبية وجلدية وباطنية على جسمك وكل شئ فيه . لا تلمسنى ولا تحط ايدك على, الا لما يكون معاك التحاليل والنتيجة سالب كمان . وعندها شرط قبل ما تخرجوا مع بعض , تستحمى بصابون ديتول , وتشمك عشان تتأكد..

خبطت على الأزاز وسألها : يا اخت فتحية .. يا اخت فتحية ... طيب الحاجات التانية هتقوللى برضه بكتيريا وجراثيم , ولا هنجيبهم بالمراسلة ... جراثيم , جراثيم يا بنت العبيطة !

وسبها وكمل

نموذج ( 4 ) – ( أيمان وألتزام ) , اسمها ( فاطمة ) السن 18 سنة , الهوايات : الاخوان المسلمين
الشروط : هتخلف خمس عيال , وهيدخلوا مدارس خاصة اسلامية – ممنوع التليفزيون و البحر , ولو حصلت حرب هضحى بالعيال شهداء فى الحرب . والكلام ده كله هيكون فى العقد , ولو خالفت او بمبقت – هطلق نفسها .

خبط على الزجاج وقالها : بس انا عايز التليفزيون يا فاطمة , يا فاطمة انا عايز أتفرج على عالم البحار وماما كريمة .. مش عايزة تروحى البحر ليه يا فاطمة ؟ ليه يا فاطمة كده , دى النظافة من الايمان ..... وكمان عايزة نضحى بالعيل يا فاطمة , هو احنا شارينهم من السوبر ماركت. – ده انا تعبان فيهم طول الليل .

وسابها وكمل , ودخل على نموذج ( 5 ) ( نفس حلوة ) أسمها ( عزيزة ) السن 21 سنة , الهوايات : الضحك وقراءة النكت , وقراءة الكتب الساخرة ! الشروط : يكون نفسه حلوة ومبتسم , هيكشر ويركب الوش المالح – يبقى خليه عند امه . ضحكتى كلها سعادة وهناء , وعايزة رجل يكون بيعرف يضحك .. مش فين الأكل يا عزيزة ؟

وخبطت على الزجاج : لو سمحتى أخر نكتة ايه ؟ ... لو سمحتى – واخبط على الزجاج – ايوه حضرتك , ايوه انتى .. أخر نكتة لو سمحتى ؟ .... وصرخت فى وشه من وراء الأزاز أمشى من هنا ... دى النكتة الجديدة دى امشى من هنا . وجه حارس الامن ويمسك ايده , وهو يخبط على الأزاز ولا همه . يا مدام , اخر نكتة ؟ يا مدام اخر نكتة ... طيب عشان خاطر العيال أخر نكتة .. طيب عشان خاطر أمك ...

وبعد صراع مع رجل الامن شالوه من على الفاترينة,و سابها ومشي –ودخل على اللى بعده :

نموذج ( 6 ) ( دلع وانثوثة ) اسمها ( شاجى ) 28 سنة : الهوايات : تكون ملكة جمال العالم العربى ومصر
الشروط : أهم حاجة فى فارس احلامى انه يقف ورائى , ويساندنى على طول المشوار كموديل محترفة وملكة جمال ! مش عايزه عقد وكلاكيع ويقولى انا حريمى ما تلبس مايوه ولا قصير , عايزه أوبن على الاخر ...

وهنا بقى لح على سؤال , وقولت هعرف اجابته يعنى هعرفه – وخبطت على الأزاز ولا همنى :

- يا مدام شادى , يا مدام شادى ... يعنى ايه أوبن ؟ يا مدام شادى .. هيقف ورائكى وفهمناها , بس يعنى ابوبن أزاى لمواخذة ؟ .. أنت يا ولية , يا ولية يلى اسمك شادى : يعنى ايه اوبن ؟

لكن هريدى كان نبيه وبيفهمها وهى طايرة – اه اصله متعلم ومخلص الأبتدائية , لتكونش مفكره جاهل ولا حاجة .. لقى رجال الامن داخلين عليه , فبعد عن الفتارين ومشى يكمل فرجة


نموذج ( 7 ) ( عزم شديد وقوة حديد ) اسمها ( اسامة ) 25 سنة , الهوايات : رفع الاثقال والركض لمسافات طويلة , وبطلة مصر فى كمال الاجسام نساء . الشروط : يكون جسمه زى الحصان , كله عضلات فى عضلات ! رياضى ووزنه ميقلش عن 200 كيلو جرام عشان يكون فى نسبة وتناسب مع بعضينا البعض , ممكن نخلف ممكن لا مش مشكلة .. احنا نسيبها على الله !

وما كان من هريدى الا انه قلع الشبشب وقعد يتف على الأزاز , ويقول : استغفر الله العظيم , استغفر الله العظيم ... شاذ !

فجاه واحد من الزوار وراءه , وزعق : ايه يا متخلف انت ... ده مثلى

وهريدى تف عليه وقاله : مثلك ؟ مثلك ؟ كترتوا فى البلد , اه يا جبانة كتروا فى البلد .. ربنا هيسخطكوا قردة واسرح بيكم يا كلاب ..

وجاه حراس الامن ورموا بره الفندق , وخد تاكسى وقاله : رمسيس يا اوبن , رمسيس ... أتاريكم طلعتوا اوبن وانا مش عارف ؟

ومات هريدى وكتب على شاهد قبره ( هريدى مات من غير ما يعرف مين اللى سرق شبشبه يوم المعرض )

[amir111]

كابتن هريدي يحييكم

بلدياتنا الكابتن طيار هريدي كان فى رحلة اعتياديه بالطايرة .. فجأة المحرك اليمين بتاع الطيارة عطل..فنبه على الركاب و قاللهم كابتن هريدى يحييكم و يبلغكم ان المحرك الأيمن توقف و لا داعى للقلق...
بعد شويه الركاب سمعوا كابتن هريدى بيقول:
كابتن هريدى يحييكم و يبلغكم أن المحرك الأيسر للطائرة قد توقف هو الآخر ولا داعى للقلق..
بعد شويه الركاب سمعوا صوت الكابتن هريدى من بعيد بيقول:
كابتن هريدى يحييكم من المظله و يتمنى لكم رحلة سعيده... للآخره

[amir111]

الموساد الإسرائيلي وهريدي







هريدي بعد تغيير شكله





استطاع الموساد الإسرائيلي أخيراً تجنيد هريدي ليعمل جاسوس لهم , دربوه وظبطوه وقالوا له أقعد في بيتكم وسنرسل لك راجل تبعنا بعد شهرين ثلاثة يقولك تعمل آيه .


o حايسألك : أنت هريدي؟.. تقوله أيوه ..


o حايسألك تاني : أمك إزيها ؟ تقوله : في الباي باي.





بعد شهرين راح الراجل بتاع الموساد للعمارة اللي ساكن فيها هريدي .. وسأل بواب العمارة .. فين شقة هريدي .. قاله البواب : فيه ثلاثه هريدي .. واحد في الدور الأول , وواحد في الثاني , وواحد في الثالث .





o طلع الراجل وخبط على شقة الدور الأول , وسأل الساكن : أنت هريدي ؟


o قاله : أيوه


o قاله : أمك إزيها ؟


o ضحك الساكن وقاله : آيييييييييييييييييييييييييه .. أنت عايز هريدي الجاسوس .. ساكن في الدور الثالث ..

[عمر حلاق]

انى

هريدى جعيدى ولد الحج
صعيدى بن خاله المرحوم
رشيدى ابن اخت العمده
حميده

سالخيـــــــــــــــر
عليكم يا كاباتن

وحشتونى جوى جوى جوى

اه صحيح زغرتولى

انى اشتغلت خوجه
بين قوسين
مدرس

أني أخلي أولادي أميين ويشتغلوا طول عمرهم في الغيض ويضحكوا عليهم الناس ، ولا أحطهم في مدرسة العبقري هريدي

[عمر حلاق]

هريدى والنسوان

ومات هريدى وكتب على شاهد قبره ( هريدى مات من غير ما يعرف مين اللى سرق شبشبه يوم المعرض )

الله يسامحك يا أمير

خليتنا نضيع وقتنا في القراءة عشان شبشب هريدي

أنا حوزع على روحه الطاهرة دستة شباشب من نوع أبوحبلة

[amir111]

أني أخلي أولادي أميين ويشتغلوا طول عمرهم في الغيض ويضحكوا عليهم الناس ، ولا أحطهم في مدرسة العبقري هريدي

ههه ههه هه
ايوه ياريت نبعد عن مدرسة هريدي سكول للبنين والبنات دي

[amir111]

الله يسامحك يا أمير

خليتنا نضيع وقتنا في القراءة عشان شبشب هريدي

أنا حوزع على روحه الطاهرة دستة شباشب من نوع أبوحبلة

ايوه
تاخد ثواب يا استاذ عمر
وكمان ده تلاقيه بيضحك علينا وكان نازل حافي من الكفر وعايز يشتري شبشب من مصر
ومعرفش

وبيتلكك في اعلان النسوان

[عمر حلاق]

ايوه
تاخد ثواب يا استاذ عمر
وكمان ده تلاقيه بيضحك علينا وكان نازل حافي من الكفر وعايز يشتري شبشب من مصر
ومعرفش

وبيتلكك في اعلان النسوان

عن جد حلوة

[عمر حلاق]

هريدي عند الدكتور

هريدي نازل من سلم بيته ، وقع وإنقلب على السلم وتعورت رجله

راح الدكتور وعطاه مرهم مسكن وقله : إدهن مكان ما تعورت

راح هريدي داهن السلم

[amir111]

هريدي عند الدكتور

هريدي نازل من سلم بيته ، وقع وإنقلب على السلم وتعورت رجله

راح الدكتور وعطاه مرهم مسكن وقله : إدهن مكان ما تعورت

راح هريدي داهن السلم

بجد عسل