لماذا نخسر في الفوركس

[توفيق12]

السبب الوحيد والاهم هو الطمع وسوء ادارة راس المال
هاذا ما اعرفه

[alshreef2005]

لا حول ولا قوة الا بالله

للاسف مازال هناك من يقتنع بخرافة ضرب الطرق
اخى الكريم
انت ذرة فى هذا السوق حتى وان كنت تربح فانت لاقيمة لك بالنسبة لهم
البنوك المركزية وصناديق الاستثمار لن تقيم لك وزن
من له مصلحة بخسارتك هى شركات الوساطة ان كانت ضدك وهى كفيلة بطرقها لخسارتك ان لم تكن واعى لها ولا تحتاج الى معرفة طريقة عملك
شركات الوساطة لن تغير اتجاه السوق لتعرف ان تخسرك لكنها ممكن تخسرك باساليب اخرى

اللى يتم ضربه فى السوق هى اماكن الاستوبات لانها مكشوفة للجميع ولن يضربها البنوك الا اذا كانت لهم مصلحة فى ذلك لانه هناك طرف اخر سيكون كسبان

وبقولها للمرة المليون من يقولك الطرق يتم ضربها ماهو الا ساعى لادارة حسابك ويضن بعلمه ولايريد ان يبوح به وماهو موجود هنا الا ان يصيد شباكه لاصطياد الفريسة

والحمد الله هنا الكثير من قال طرقه وعلم الناس ولنا فى الوافى اسوة

فلا ياتى احد يقولك من لديه علم لن يقوله وتصدقه

انتم انفسكم سبب الخسارة ولو كل واحد كتب بامانة سبب خسارة كل صفقة لعرف فى النهاية اسباب الخسارة

كلام رائع
مرحب باخونا الكبير ومشرفنا الاخ سمير
والاستفسار عن الجمله باللون الوردى هو فيه طرق بالفعل على الرغم الراح الاكيد شركات الوساطه
وعجبانى اكثر الحمراء

[سمير صيام]

كلام رائع
مرحب باخونا الكبير ومشرفنا الاخ سمير
والاستفسار عن الجمله باللون الوردى هو فيه طرق بالفعل على الرغم الراح الاكيد شركات الوساطه
وعجبانى اكثر الحمراء

بالنسبة لشركات الوساطة والاعيبها مش هقد اقولك الا شوف موضوع اخونا وضاح العطار
https://forum.arabictrader.com/t64991.html

طبعا الاخرى ايضا يكون ايضا فيها ثغرات
المهم الفيصل هو الشركة المحترمة او التى اقلها عيوب
مافهمتش الجزء بتاع الحمراء

[khaled777]

جزاك الله كل خير أخي الكريم أحمد دولار ، معلومات قيمة استفدت منها ،، وتحيااتي

[fatma slah]

بالنسبة لشركات الوساطة والاعيبها مش هقد اقولك الا شوف موضوع اخونا وضاح العطار

https://forum.arabictrader.com/t64991.html

طبعا الاخرى ايضا يكون ايضا فيها ثغرات
المهم الفيصل هو الشركة المحترمة او التى اقلها عيوب
مافهمتش الجزء بتاع الحمراء

يعني حضرتك اهو بتأيد ان الشركات ممكن تعمل اللي هي عايزاه....يبقي الربح هيكون ازاي...اذا كان الميتا تريدر بيعمل كل حاجه....وليه مش هتضرب استراتيجيه ناجحه انتشرت...يبدو لي تناقض في طريقه كلامك...او عدم فهمي...فارجو التوضيح

[محمودحسين]

نخسر لان معظمنا يضع 500 دولار او 1000 دولار معتقد ان بيهم هيجيب 10الف دولار

بحساب ميني النقطه فيه ب1دولار وكل ميخسر 100دولار ويكسب نصهم يقول بكره اعوض

ويلاقي الحساب خلص من كتير الخساره لان 100دولار هتخسر مثلا 5مرات ولا 8مرات تلاقي

حسابك صفر


والحل


حول حسابك الصغير الي ميكرو النقطه فيه ب10سنت وليست 1دولار

لما ينزل او يطلع بيك اي زوج عمله تخسر او تكسب مابين 10دولار الي 30دولار

اه قليلين لكن عشان حسابك بسيط وقليل وهخليكم تتاكدوا من كلامي ده

لما بتفتح حساب ديمو بتفتحه ب5000دولار و10دولار يعني 10 اضعاف حسابك الحقيقي

طيب لما افتح ب500 دولار والنقطه فيه 10 سنت يعني معايا 5000 نقطه مش ممكن هخسرهم كلهم اه ممكن اخسر فيهم 1000 نقطه او 2000 نقطه يعني 100 دولار او 200دولار وارجع اعوضهم لما تعلم اكتر واكتر وفرص النقط تكون معايا كتير

لكن بحسابك الميني 1000 دولار ولا حتي 500 دولار هما 200 نقطه تخسرهم في يومين

وترجع تخسر الباقي بعدها باسبوع وتلاقي حسابك خلص لانك معاك 500نقطه بس

طيب ايه المانع لما يكون معاك 5000 نقطه وتحاول وتشتغل فيهم هتكسب بسيط وهتخسر بسيط

لكن هتتعلم اكتر واكتر وحسابك ممكن يزيد

كمان الميكرو ممكن تستخدم 10 عقود يعني النقطه وقتها تبقي ب1 دولار زي الميني لكن

لما تكون واثق من العمليه والصفقه وده حل للحسابات الصغيره اللي تحت 1000دولار

نخسر لاننا نكون غير ملومين بكل معلومات السوق من اخبار يوميه ووقتيه ومن تحليلات ومؤشرات واستراتيجيات

بنخسر عشان مش بنتعلم الفوركس زيها زي اي شغلانه لازم تتعلمها عشان تشتغلها

انا بتعلم لسه مش بحساب ديمو بالقراءه الكتب والمواضيع الخاصه بيها

حد فيكم يقدر يمسك عربيه ويصلحها او يصلح طياره لا طبعا لازم مهندس ميكانيكا دارس وعارف

الفوركس كده مش اي حد يدخل ويكسب مكنش حد غلب وبقي دكتور ومهندس بدام الشغل سهل


التعليم اهم من الربح لان التعليم هيخليك تجيب الربح وده اللي بدات اعمله واتمني الاخوه تعمله


اهم شيء كمان في الفوركس الاخبار خصوصا يوم الجمعه وتقارير كل يوم جمعه مهمه جدا جدا

لازم قبل متدخل عمليه تفتح الصفحه بتاعت الاخبار وتشوف فيه خبر ولا لاءه


ادخل هنا وشوف موضوع الاخبار وموقع الاخبار العامه ومدي قوتها علي السوق
http://www.**********.com/index.php?id=32

روابط ذات صلة

شرح منصة التداول و التحليل من هنا

التحليل الفني الجزء الأول من هنا

التحليل الفني الجزء الثاني من هنا

التحليل الفني الجزء الثالث من هنا

التحليل الأخباري من هنا

http://www.**********.com/index.php?id=27

[محمودحسين]

ياجماعه خلو بالكم


ان اول جمعه في الشهر بتكون خطر المضاربه فيها عشان تقرير البطاله الامريكيه

والسوق بيكون خطر جدا

وتقارير اخري كل اول يوم جمعه في الشهر وعموما يوم الجمعه بيكون فيه تقارير


ومعلومه اخري اللي يحب يرجع الهيدج يطلب من شركته انه يتداول عبر لندن وليس امريكا

هيه هيه ولكن لندن فيها هيدج سواء كانت الشركه اي كان نوعها fxcm fxsol


اطلب من شركتك ترجعلك الهيدج عن طريق التداول عبر لندن


وحولوا تحولوا حسابتكم لميكروا افضل عشان يكون الحساب تقدر تشتغل بيه اكتر عمليات ممكنه

بدل العمليه بدولار تبقي 10 سنت وبدل متخسر 100دولارو200دولار كل مره ممكن تخسر 10دولار او 20دولار

كلامي للحسابات الصغيره تحت 1000دولار

تحياتي للجميع وجمعه مباركه

[سمير صيام]

يعني حضرتك اهو بتأيد ان الشركات ممكن تعمل اللي هي عايزاه....يبقي الربح هيكون ازاي...اذا كان الميتا تريدر بيعمل كل حاجه....وليه مش هتضرب استراتيجيه ناجحه انتشرت...يبدو لي تناقض في طريقه كلامك...او عدم فهمي...فارجو التوضيح

يبدو انك يا اخت فاطمة قراتى جزء من الكلام وتركتى الجزء الاخر
انا قلت الفيصل فى موضوع شركات الوساطة هى
الشركات المحترمة

كبرت الخط عشان تظهر كويس

[khaled.gad]

اسباب الخساره كتيره
الطمع و الخوف ..... الطمع لما التريده تربح 20 و 30 نقطه نقول اكيد هتحقق اكتر و تعمل 05 و بعده نقول ياسلام لو 100 نقطه احلامى كده هتبدأ احلامى تتحقق و نلاقيها عكست بعد كده و دخلت فى خساره
يبقى لازم بعد 10 ل 20 نقطه نخرج بجزء من التريده و خصوصا لو حسابك صغير و مبتدئ و نحرك الاستوب لنقطه الدخول حتى لو متأكد جدا ان السعر هيكمل فى صالحك القاعده دى لازم لازم لازم تبقى مقدسه و غير قابله للنقاش مع النفس حتى
الخوف بقى .... اول ما السعر يمشى عكس الاتجاه و نخسر نخاف لنخسر اكتر و نقفل التريده و بعد كده نلاقيها رجعت تانى للاتجاه اللى احنا عايزينه و نغنى ظلموه
يبقى لازم نضع استوب محترم و نحترمه جدااااااااا مع الاخذ فى الاعتبار ان لا يزيد الستوب عن 3-5% من اجمالى الحساب بتاعنا و كل ماتقلل نسبه المخاطره يبقى احسن بس ماتجيش على حساب مكان الاستوب .... الاستوب مكانه لازم يبقى محسوب كويس لا قريب اوى و لا بعيد

فى حاجتين انا بشوفهم اهم اسباب الخساره
فى قاعده بتقول
buy low sell high
يعنى اشترى لما يكون بينزل و ابيع و السعر بيطلع بصراحه القاعده دى اول ما سمعت عنها ماكنتش قادر استوعبها ازاى اشوف السعر بينزل و احط امر شراءو ازاى اشوفه بيطلع و احط امر بيع بس لاقيت لما بستنى المؤشرات تقول ان الاتجاه نازل بيبقى السعر تعب و لما بدخل بتبدأ عمليه التصحيح فبخسر
ولما جربت احط امر معلق بيع عند مقاومه قويه و انا شايف السعر بيطلع فعلا كانت النتيجه كويسه بس لسه بشتغل على الموضوع ده بحاول اتقنه اكتر

حاجه تانيه
الوقت اللى بتشتغل فيه
لازم لازم لازم تشتغل فى بدايه الفتره الاوروبيه يعنى بتوقيت مصر تصحى يابطل الساعه 7 و تكون على جهازك بالكتير 7 30 تعمل تحليلاتك و تقرى الاخبار و تشوف التوصيات وتستعد قبل بدايه الفتره الاوروبيه انسب وقت للمتاجره و ده يكون الاساس و اى تريدات تدخلها باقى اليوم هى تكمله

وطبعا ال money managment
risk ratio 3%
reward risk ratio 2 to 1


وطبعا
never chase a trade
يعنى فتحت بيع والسعر طلع يبقى اقفل البيع و افتح شرا و تلاقيه اوبس السعر بينزل خلاص خلاص يبقى تحليلى اللى قالى بيع كان صح فارجع افتح بيع تانى وياسلام لو السعر طلع تانى و حضرتك فتحت شرا تانى يبقى السوق بيلعبك المرجيحه و حضرتك زبون

حلل حط الامر بتاعك بيع او شرا و ستوب كويس و اجنى بعض الارباح بعد 10 - 20 نقطه خصوصا لو الاكونت بتاعك صغير و انسى الدنيا و مزمز اى حاجه
الاستوب اتضرب بالهنا و الشفا ماتفتحش امر معاكس

اخر حاجه فيه ناس بتقولك ماتجارش وقت الاخبار بصراحه انا عاجبانى جدا المتاجره وقت الاخبار احلى شغل و احلى نقط بس دى مش نصيحه لاى حد

واخيرا عيش مع الشارت و تخيل عند كل دعم و مقاومه الناس بتفكر ازاى و حركه الفلوس عامله ازاى هيس مع الشارت قول لنفسك انا السوق و دلوقتى بيحصل كذا وبلاش تتعامل مع ازاوج كتير كفايه زوج واحد او اتنين بالكتير اوى


وطبعا نصيحه اجدادنا الطمع يقل ما جمع

اخيرا ياشباب انا مبتدئ جدا و اشتغلت قبل كده لايف و خسرت و دلوقتى شغال ديمو يعنى مش اهل نصيحه اوى بس ده اللى انا شايفه بعض اسباب الخساره و النجاح

[fatma slah]

يبدو انك يا اخت فاطمة قراتى جزء من الكلام وتركتى الجزء الاخر
انا قلت الفيصل فى موضوع شركات الوساطة هى
الشركات المحترمة

كبرت الخط عشان تظهر كويس

شكرا فعلا الخط المره ده اوضح.....ممكن حضرتك تقولي علي الشركه اللي مفيش مجال شك في احترامها...يعني تلتزم بالحياديه الكامله...واكون ممنونه جدا لحضرتك...ومعلش انا عارفه اني متعبه....وطبعا ميبقاش فيها عقبات...يعني اعتقد ان الاسكالبينج مش بيضر الشركه في حاجه ولا سرعه تنفيذ الاوامر...يعني برده تفضل علي الحياد بس تقبل اسكالبينج

[Emaam3]

ومن الاسباب ايضا ملاحقة ما لا ينفع مثل هذا الموضوع
كله كلام فاضى لانه قيل مليون مره واعادته ليس لها اى فائدة مجرد اضاعة وقت

[khaled.gad]

ومن الاسباب ايضا ملاحقة ما لا ينفع مثل هذا الموضوع
كله كلام فاضى لانه قيل مليون مره واعادته ليس لها اى فائدة مجرد اضاعة وقت

واضح ان السوق عامل معاك عمايله
الناس بتفضفض مع بعض

بس معاك حق فى اننا ممكن نكون مش واخدين الفوركس اكنه بيزنس بجد و مش بنتعامل على هذا الاساس
we should work on our attitude and be more business oriented , firm and
practical

[Emaam3]

بالعكس السوق اليوم ماشى معاى بشكل ممتاز

[سمير صيام]

شكرا فعلا الخط المره ده اوضح.....ممكن حضرتك تقولي علي الشركه اللي مفيش مجال شك في احترامها...يعني تلتزم بالحياديه الكامله...واكون ممنونه جدا لحضرتك...ومعلش انا عارفه اني متعبه....وطبعا ميبقاش فيها عقبات...يعني اعتقد ان الاسكالبينج مش بيضر الشركه في حاجه ولا سرعه تنفيذ الاوامر...يعني برده تفضل علي الحياد بس تقبل اسكالبينج

عشان اكون صريح معاكى انا منفعش اقول على شركة لانه انا عشان افضل شركة عن اخرى لازم اكون مجرب الاتنين والسوق ملئ بالشركات وانا لم اجرب الا شركتين وهم افكسم قديما وافكسول
وبالتالى عشان احكم على اى شركة اخرى لابد ان اكون مجربها وهذا لم يحدث وبالتالى نصيحتى لن تفيدك فى هذه النقطة
طبعا المنتدى ملئ بالمواضيع عن الشركات وهناك من يشكر وهناك من لايشكر
نصيحتى فكل الشركات فيها عيوب والافضلية لكل شخص هو اختيار شركة تكون الاقل عيوبا

[fatma slah]

عشان اكون صريح معاكى انا منفعش اقول على شركة لانه انا عشان افضل شركة عن اخرى لازم اكون مجرب الاتنين والسوق ملئ بالشركات وانا لم اجرب الا شركتين وهم افكسم قديما وافكسول

وبالتالى عشان احكم على اى شركة اخرى لابد ان اكون مجربها وهذا لم يحدث وبالتالى نصيحتى لن تفيدك فى هذه النقطة
طبعا المنتدى ملئ بالمواضيع عن الشركات وهناك من يشكر وهناك من لايشكر
نصيحتى فكل الشركات فيها عيوب والافضلية لكل شخص هو اختيار شركة تكون الاقل عيوبا

وانا مش عايزه من حضرتك الا انك تجاوبني علي الشركتين دول....ممكن تقولي ايه عيوب الشركتين دول....مش مهم المميزات...انا عايزه اعرف العيوب عشان اعرف اقارن بينها وبين الشركات التانيه....اكيد حضرتك مريت بكل العيوب...ياريت تذكرها بالتفصيل لو امكن