يوميات متداول .... انا والمنتدى

[ياسر ابو عمر]

ههههههه

[mahmoudh7]

دخلت المنتدى لاشاهد اخر المواضيع كعادتى ادخل على المنتدى العام ففيه احس بانى فى بيتى وبين اخوتى فهذا سمير صيام ينظم حركة المرور مابين شرح ونصح واغلاق وتعديل وهذا الهاجرى يشاكس فى هذا ويسأل هذا مخرجا الجميع عن صمتهم وهذا خالد الفهد يلقى بحكمة فوركسية آدبية وهناك من بعيد يحاول وليد الامور توريطنا فى تحليل عملة ممن نعرفهم ثم الحج عمر الحلاق ماسك الحساب ابو الف دولار مش عارف هيوديه لفين وعم وليد الحلو مخاصم المنتدى مش عارف ليه والمعلم مافيا قاعد فى ايطاليا ولا على باله غير اليورو ومصطفى فارس وميشو مظبطين مع بعض ف المنصور وهات يا تحليل وعاملين ورشة لنفسهم فى الخباثة والكثير الكثير من اخوتى اللذين احبهم ......... القيت نظرة على كل المواضيع فى السريع ولم اجد ما اضيفه فلست احب ان افتى فيما لا اعرفه او اشارك فى تحليل اى عملة او ابداء رأى مالم اكن مقتنع به

المهم قولت ياواد مليكش غير الاستراحة خش شوف ايه الجديد وكالمعتاد لقيت العيادة مفتوحة والدكتور ياسر ابو عمر قاعد لابس البلطو الابيض وامير التمرجى بيسخن الحقن خرجت جرى من العيادة لاحسن اتعدى لقيت قحطانية كول عاملة كام موضوع مميز وعم عزت مزين لنا كام عنوان لمواضيع جميلة والحاج محمد العزب مقديها دعوات دينية ربنا يجعلها فى ميزان حسناته يارب وشكله نسى الفوركس عاوزين ده مع ده

خلصت كل حاجة ومش لاقى حاجة اعملها فى المنتدى فجأة وجدت يدى تنتقل الى قسم التوصيات لاادرى ما الذى ذهب بى هناك فانا قليل الدخول جدا لهذا القسم ولكن الفضول الذى قتل القط ووجدت كالعادة الحاج سمير واقف هناك عامل زى الحكم اللى حسب ضربة جزاء واللعيبة ملمومين عليه هيضربوه خلاص وهو برضه متمسك برايه لأ وأدى لواحد كارت احمر (ربنا يستر عليه من الجمهور)

ووجدت الكثير من الناس ممن يضعون التوصيات والكثير الكثير من من يصفقون ويطبلون (وربنا يعمر بيتك قلنا على الخطوة الجاية – طب اليورو هينزل ولا هيعدى علينا فى المحل يشرب شاى وحاجات كده )

ووجدت الكثير من الاعضاء لم اكن اعرفهم او اعرفهم من القسم العام المهم انا مش عارف القسم ده معمول ليه هو انا لما احب مثلا يعنى ادخل فى توصية افضل فاتح الصفحة بتاعت العضو مقدم التوصية واقوم بعمل رفرش للصفحة كل شوية علشان اشوف التوصية والحق ادخلها ولا اعمل ايه ...؟!!!!

متخالونا مع الناس الحلوين المجتهدين اللى ماسكين فى المثال بتاع عم اديسون وبيقولوا اكتشف المصباح بعد عشر الاف محاولة مش عارف المثل ده بيتكرر كتير قوى خنقنى الصراحة منخليه مثلاً ام على معرفتش سر البقلاوة غير بعد الف محاولة عشان الناس متيئس من الموضوع الف محاولة قريبة شوية .

المهم اتخنقت ومحبتش اشوف سمير وهو بيضرب من الجمهور فخرجت بسرعة البرق قلت اتسنكح فى منتدى المؤشرات ما انا كنت بتسنكح فيه كتير زمان وكالعادة لقيت كم هائل من المؤشرات اشى تذبذب واشى تشبع واشى مقاومات والاكسبيرتات يمين وشمال اشى حول عشرة الاف الى مليون واشى حول مليون الى الف وكده

وطبعاً الحاج وضاح عطار قاعد يساعد فى الخلق ويعملهم مؤشرات والاخ وجدى والغائب الحاضر محمود عامر وناس كتير جديدة كل يوم بتدور على الاكسبيرت الخارق او المؤشر الذرى معجبنيش الحال لانى زهقت من الميتا تريد مش عارف ليه اتخنقت منه بعد اخر حساب حقيقى اتمرجن

قلت ادخل على ارشيف المواضيع التعليمية والشروحات لقيت ناس جديدة جميل كوتى كوتى سكر لسه مش عارفين الفيوبانشى من كوز الدرة مش تريقة والله انا زى زيكم بس الفرق الوحيد انى عرفت كوز الدرة من الفيوبانشى وبيسألوا ازاى يفتحوا حساب جديد طيب اهدوا شويه خليكوا ديموا كام شهر كده لأ هنفتح يعنى هنفتح زى ما يكون هيفتح مالطه وانا كنت عامل كده من كام شهر ومعرفتش ان مالطة مش هتتفتح غير بالمفتاح او الترباس او العتلة او هنفجر فيها القنبلة اللى ناس كتير عمالة تقول انا لقيت المفتاح وواحد يقول لقيت الترباس والتانى لقى القنبلة وهيفجر نفسه فى الباب المهم ان محدش يقتنع غير لما يتلسع زى حالاتنا علشان عضمه ينشف وهو كاس لازم الكل يشرب منه

مــتــفــكــرنــيــش

قلت ندخل على قسم دورى ابطال التحليل أهو نشوف الناس اللى فى المسابقة عاملين ايه مهو اخوكم متورط فى المسابقة وكنت فاكر نفسى هجيب الديب من ديله كالمعتاد وهكون الاول ولكن خيبة الامل ركبة جمل شهر تداول كامل ويدوب الفين دولار والاقى ناس عاملة 70% و80% وحاجات غريبة طبعاً الواحد يحبط ويخرج جرى

كنت ناوى اكمل فى باقى الاقسام التى لم ازورها من قبل بس جيت ادخل منتدى الشكاوى والاقتراحات معرفتش اخش قلت يمكن نايمين ولا حاجة ولا المفتاح خدوه الناس بتوع المفاتيح والترابيس اياهم فقررت ان انهى جولتى فى المنتدى

تحياتى لهذا المنتدى الرائع ولكل عضو لم استطيع ذكر اسمه واثر فى خبرتى ومعرفتى بعالم الفوركس الرائع تحياتى للوافى رحمه الله ولابو عبدالله زعيم المليون واستاذنا هادى واستراتيجياته الرائعة ورمضان غنيم وتقاريره الجميلة ومحمود 7 ومعادلاته وتقاريره اليومية وديدسول ومؤشراته الرائعة وفريدم فايتر المستخبى من فترة مش عارف ليه ولادارة المنتدى طلال السميرى واسامة عبده ولكل من نظرة عقلانية والنجف وعاشقهامدينة وعياد والفقير الى الله وعبده المصرى وتيكسون وعرابى وأنون ونديم الذكريات ومشروع مليونير وفيصل ونسر 2020 وبوحة وجيتار وعبد الكريم وعاشق الذبذبة وجمال عمر وكل الناس الجميلة الموجودة فى المنتدى واعتذر لكل من لم اذكر اسمه جدا جدا ولكن لن استطيع ان اكتب اسماء كل الاعضاء لو استطعت لفعلت ..........

وسلامى للحاجة ام محمود والست ستيته

ومنتظر يومياتكم فى المنتدى

احترت والله اين اضع هذا الموضوع فى القسم العام بيتى ومطرحى ولا فى الاستراحة
على كل حال ننشره فى القسم العام ونسيبه لعم سمير لما يرجع من الماطش سليم ان شاء الله يقرر

المتداول العربى

تحياتي ليك ياغالي

بس اللفة دي انا بعملها في اليوم 3 او 4 مرات

فلوسي كلها رايحه على التكاسي في المنتدى

[Mohamedasm]

رحلة حلوة

مبدع والله يارميو وحبيب قلبى استمر فى عطائك اخى بارك الله لك

السلام عليكم ورحمة الله وبركاته .....

خواطر جميلة اخي العزيز
رغم اني احس ان الزخم بدا يخف والعطاء لم يعد كما فيي السابق
لا ادري ما السبب هل هو ثقل الخسائر ام ان العديد امتلك مفاتيح واسرار وطار بها
ونسينا

ومش حزيد اكثر عشان ما يلحقني علقة من الجمهور يلي عاوز يضرب الاخ سمير

والسلام عليكم ورحمة الله وبركاته .....

ياعم تيكسون طول ما انت موجود انا مطمن وخلى المفتيح تطير مسيرنا فى يوم هنلاقى واحد او نلاقى حتى طفاشة نمشى حالنا بيها تحياتى لك اخى على مجهودك

بصراحة انتا وفرت علية اقسام كثير خلاص اليوم لفيت الاقسام كلها بموضوعك

حبيب قلبى مستنيك تكتب انت كمان يوم من يومياتك علشان توفر عليا الرحلة

موضوع جميل ومستنيك في المستشفي

لأ ياعم خلينا فى الفوركس احسن ولم نفسك من موضوع دكتور ده لحسن بيقبضوا عليهم اليومين دول
تحياتى لك اخى ياسر

رحلة سعيدة

والف حمدلله علي السلامة يابا الحاج

المهم طمنا علي الكابتن سمير بعد نهاية الماتش

الله يسلمك يا خال انا نزلت الشنط ابعت حد يحاسب التاكسى تحت

الكابتن سمير كان عامل زى الحكم اللى حكم ضربة جزاء للاهلى ضد الزمالك فى مطش نهاية الدورى انا ياعم جريت لما لقيت الخناقة هتبدأ أصل اخوك عيل فى الحاجات دى

والله يا اخي كانك بتحكي عن رحلتي هذا اليوم بالذات
ومشكور على هالحلاوة بسرد الموضوع

تحياتى لك حبيب قلبى ولكل اهل حلب وايه حكاية الحوت دى مش هتحكيلنا عليها

شكرا للخواطر الطيبة دي و السرد الشيق خفيف الظل

أخي تيكسون .. للأسف عندك حق و أتفق معاك ..

لكن ..
القادم أحسن بإذن الله

فعلاً القادم احسن ان شاء الله تفائلوا بالخير تجدوه تحياتى لك اخى

دعواتك يا أخ محمد

ان شاء الله توصل للخمسين مليون على الحقيقى مش الديمو

كل انسان باخلاقك الكريمة والمعطاءه سيجد كل الخير ان شاء الله

احيك اخى على عطاءك المستمر

اعتقد ان هناك العديد ممن يأسوا من هذا السوق ومن خسائره

وايضا هناك قلة ممن وجدوا المفتاح ورحلوا

يعم طارق سيبك من المفتاح

سرقوا الصندوق يا محمد لكن مفتاحه معايا

وبعدين احنا اتفقنا طول ما معانا طفاشة نوارب بيها الباب هتعدى

[Mohamedasm]

تحياتي ليك ياغالي

بس اللفة دي انا بعملها في اليوم 3 او 4 مرات

فلوسي كلها رايحه على التكاسي في المنتدى

تحياتى ليك ياحوده وعلى مجهودك
والله المنتدى ده خلى الواحد يحب ناس من غير مايشفهم من مجرد مواضيعهم

خواطر للاسف لا توجد خطة


مع انى مكتبتش فيه رد بس موضوع تحفة فنية والله

وبالنسبة للتاكسى فى موقف تكتك على ناصية المنتدى وانا داخل الصبح بأجر واحد أهريه لف وبياخد كلام فاضى فى الاخر

تحياتى ياحودة واستمر فى مجهودك

[femtogold4]

بارك الله فيك وفرت علينا المشوار

[سمير صيام]

ايه اللى بيحصل هنا

انام ساعتين اجى الاقيك بتلف من ورايا فى جميع الاقسام
المرة الجاية اعمل حسابى معاك لانى زهقت من التاكسيات والعربية بتاعتك حلوة اهو على الاقل اوفر شوية فى التاكسيات وانا عمال اتنقل بين الاقسام عشان اشوف اراقب الشغب الموجود

[islamleefa]

موضوع حلو و الاحلي اللي كتبه

[شقرديه]

وين الموضوع؟؟ اى موضوع تتكلمون عنه؟؟ والله اللى اشوفه جات

[tarek7oot]

تحياتى لك حبيب قلبى ولكل اهل حلب وايه حكاية الحوت دى مش هتحكيلنا عليها

يعم طارق سيبك من المفتاح

سرقوا الصندوق يا محمد لكن مفتاحه معايا

وبعدين احنا اتفقنا طول ما معانا طفاشة نوارب بيها الباب هتعدى

والله ياحودة انت عسل
وحكاية الحوت بحكيلك ياها لما بجيب المفتاح وبقلك تفضل بالدخول
اما الان معي طفاشة صغيرة يعني بتكفي سمكة صغننة
اوي
بس اطمن ان شاء الله حيكبر مع الوقت
وسلامي لك ولكل اهل مصر الحلوين زيك

[Mohamedasm]

بارك الله فيك وفرت علينا المشوار

حبيب قلبى فيمتو منتظر يومياتك وتحياتى لك على مجهودك

موضوع حلو و الاحلي اللي كتبه

انت اللى احلى واحلى والصورة بتاعت المعرف جميلة

وين الموضوع؟؟ اى موضوع تتكلمون عنه؟؟ والله اللى اشوفه جات

عروستى

(يعنى مش فاهم)

[Mohamedasm]

ايه اللى بيحصل هنا

انام ساعتين اجى الاقيك بتلف من ورايا فى جميع الاقسام
المرة الجاية اعمل حسابى معاك لانى زهقت من التاكسيات والعربية بتاعتك حلوة اهو على الاقل اوفر شوية فى التاكسيات وانا عمال اتنقل بين الاقسام عشان اشوف اراقب الشغب الموجود

ياباشا انا مستنيك والتكتك اللى انا مأجره جاهز للمشوار

نعدى عليك فى البيت؟

تحياتى لك استاذى على مجهودك ووربى يكرمك

[Mohamedasm]

والله ياحودة انت عسل
وحكاية الحوت بحكيلك ياها لما بجيب المفتاح وبقلك تفضل بالدخول
اما الان معي طفاشة صغيرة يعني بتكفي سمكة صغننة
اوي
بس اطمن ان شاء الله حيكبر مع الوقت
وسلامي لك ولكل اهل مصر الحلوين زيك

انت اللى عسل يا معلم

ومستنى الحكاية