كل يوم نكتة عالماشي

**amir111** · 25-05-2009, 01:39 AM

بعد اذن الاستاذ فيصل

1

-مرة واحد بلدينا عايز يشرب لبن سخن ولع
فى الجاموسة

2

ــ مرة واحد دخل فى رجلة مسمار معرفش يطلعة راح تناة

3

-دي طريقة جديدة و فريدة من نوعها علشان حماك يجوزك بنتو من غير شورط

الراجل راح لاهل البنت وطلب ايد بنتهم

المهم قالو اهل البنت نشاور البنت الاول بعدين نديلك خبر

مرت الايام اتصلو بيه وقالو تعالى

ابوها قاله: هى عاوزة تقعد معاك الاول

فراح الشاب وقالوه: فين؟؟

ابوها قاله: زى ماتحب

المهم اتفقوا على الحديقة وكان معاهم اخوها راحو الحديقة اتكلمو وانبسطوا

رجعت البنت البيت ابوها سألها: ايه عجبك؟ ولا اية النظام؟!!!

البت قالت هو عجبنى بس فيه حاجة مش عجبانى فيه

ابوها: ايه دى؟؟؟؟؟

البنت: طول ماهو قاعد معايا فى الحديقة قاعد ياكل لبان طول الوقت

ابوها:خلاص خلاص انا هكلمه

جاء الشاب الى ابوها فقاله ابوها: هى فيه حاجة واحدة مش عجباها فيك

الشاب :ايه هى؟؟؟؟؟؟

ابوها :انك بتاكل لبان 24 ساعة فى اليوم

الشاب رد بصراحة: ( انا مكلتش لبان الا لما دخنت ) ياعينى على الصراحة

ابوها :انت بتدخن؟

الشاب: اهو انا معرفش ادخن الا لما اكون شارب

ابوها :انت بتشرب ؟

الشاب: اهو انا معرفش اشرب الا لما اكون محشش

ابوها :وبتحشش؟

الشاب: ماهو انا محشششتش الا لما اتعرفت على (حمادة طريها )

ابوها: حمادة طريها دا شوفته فين؟

الشاب: شوفته فى السجن

ابوها: ودخلت السجن ليه؟

الشاب: قتلت واحد

ابوها: قتلت مين؟

الشاب :ابدا اصل واحد خطبت بنته وقالى ان انا معجبتهوش

ابوها رجع للبنت وقالها ( فكرى تانى انا شايف ان اكل اللبان مفهوش حاجة) وانا من رأيى تفكرى تانى علشان
ميزعلش

**faissal** · 25-05-2009, 12:48 PM

وحده جوزها من اسبوعين مرجعش البيت
فأخذت ابنها الصغير وراحت قسم البوليس علشان تبلغ
فقال لها الضابط اعطيني مواصفات جوزك
فقالت: أبيض ..طويل ..عيونه خضر ..أشقر ..أمور !!!
قام ابنها قطع عليها الكلام ( يا ماما ده مش بابا )
فقالته اسكت..ممكن يجيبو واحد أحلى منه

**محمد طه** · 25-05-2009, 12:51 PM

حلوهههههههههههههههههههه

**amir111** · 25-05-2009, 01:22 PM

إثنين محششين .. الأول وقع فى خزان الميه ،الثانى راح يستناه عند الحنفية.
------------------------------
صعيدى اشترى لإبنه آلة حاسبة شال منها الزيرو علشان إبنه مايتصلشى دولى.
-----------------------------------
محشش بيتصل بالمطافى: إيه يا جماعة؟ إذا ماكانش فى حريقة ماحدش يشوفكوا !!
---------------------------------------
مسطول بيقول سبحان الله الانسان زي البنى ادم لما بيتوفى بيموت

بيقولك فيه واحد بلدياتنا اشترك بمسابقة من سيربح المليون وكان السؤال الثاني:

عصفور باليد ولا عشرة على

أ) الشجرة ------------ ------- ب) البقرة

ج) الصفراء ------------ ---- د) الحمراء

فقال لجورج قرداحي من أولها صعبة . ما نسأل الجمهور،
فكان جواب الجمهور 100% الجواب الأول الشجرة،

فقال لجورج مش دايماً الجمهور على حق،نحذف إجابتين. حذفله إجابتين فبقي الجواب الأول الشجرة

والجواب الثاني البقرة.

فقال لجورج يااااادي المصيبة بقى الجوابين الشاكك فيهم .

طب نتصل بصديقي ( هريدي ) فأتصل بهريدي ( إزيك يا أبو صميده كيف أخبارك ، أم صميده إزيها والعيال --)

راحت الثلاثين ثانية وملحق يسأله السؤال.

فسأله جورج قرداحي وهلا شو بدك تسوي

فجاوب راح أنسحب ياعم و آخد ال 200 ريال بتاعت السؤال الأول والمثل بيقول:

عصفور باليد ولا عشرة على الشجرة

____________ _

الرجل يتلقى برقيه: زوجته قد توفيت،أتريدها أن تدفن أو أن تحرق؟

الرجل : لا تدعوا اي فرصة للخطأ. احرقوا الجثة وادفنوا الرماد.

زوج مرتقب: هل لديكم كتاب بعنوان "الرجل سيد المرأة"؟
البائعه: كتب الخرافة والخيال العلمي في هذا الرف،سيدي.

واحد معدى لقى ناس بتهيص قوى قالولهم فية ايه
قالوله فى واحد بلدياتنا عايز ينط من سطح العمارة
قالهم خلاص انا طالعلة...
طلعلة وقاله عايز تنتحر لية...
بلدياتنا قاله اصل انا غبى وكل الناس بتقول علي غبى
راح الراجل قايله هاقولك فزوره لو حلتها ماتبقاش غبى
حاجة اسمها زى شكلها
بلدياتنا : ماخبرش
الراجل: البيضة يا جدع
طيب اقولك واحدة تانية
حاجتين اسمهم زى شكلهم
بلدياتنا :ماخبرش
الراجل: بيضتين. ( ايه الحمار ده)
طيب اقولك واحدة تانية بسيطه و سهله
حاجة كبيرة وسودة وبتجيب لبن واسمها جموسة
بلدياتنا :
اه عرفتها
3 بيضات

راح الراجل ماسكه وراميه

**محمد طه** · 25-05-2009, 01:31 PM

ههههههههههههههههههههه

**amir111** · 25-05-2009, 04:32 PM

مش عارف النهارده نفسي مفتوحة علي بلدياتي
واحلي تحية ليهم
(انا صعيدي ومن مصر ) لاحسن حد يفتكر اني باطجن (بانكت) عليهن ولا حاجة

واحلي سلام ليهم مرة تانية

بطاقه شخصيه بلدياتي

اسم : عوض عوضين معوضيين نوفل
تاريخ الميلاد : 33-5- 1622
الموقف من التجنيد : دافع البدلية
الموهل الدراسي :بكالريوس كونسرفتوار قسم بيانولا
الهدف من العمل

خلج روح جديدة في مجال العمل والاستيفادة من اخطاء الاخرين ومحاولة اكتساب اكسبيرينس وتعليم الاخرين الاعتماد علي الذات في مهام جديدة

التعليم
اميريكان سكول ثانوية (سخا)الخبرات السابجة
العمل مدير اقليمي في شركة اسنسيرات تيل 14 سنة متوالية
العمل كموديل وعارض ازياء في عدة قنوات فضائية
العمل بشركة عوضين للسياحة كهيومان ريسورز
المهارات
تطفيش الموظفين على مختلف الدرجات
الهوايات
زراعة القطن وسماع الموسيجي والنوم معظم الاحيان
المرتب المتوقع
دي ارزاج مالناش ندخل فيها عشر الاف يبقوا رضا

ذكاء فطري

قرأ بلدينا في إحدى الصحف أن مجرما أمريكيا قتل زوجته ودفنها تحت السرير
ولم يتمكن البوليس من اكتشاف الجريمة إلا بعد مرور 25 عاما
فكر بلدينا في الجريمة وهو يتخيل زوجته التي تنغص عليه حياته وقال لنفسه يبقى لو أن قتلت مرآتي وعملت زي الراجل الأمريكاني ده محدش
حيكتشف حاجة إلا بعد ما أكون مت

وبالفعل عاد بلدينا إلى شقته فاستقبلته زوجته بوصلة من الشتائم فذهب فورا
واحضر سكينا من المطبخ وذبحها بها وحفر تحت السرير ودفنها هناك
ويا دوب بعد نصف ساعة كبست الشرطة على الشقة واعتقلت الزوج الذى تعجب
من السرعة الكبيرة في اكتشاف الجريمة وقال للضابط:-
أنا عملت كده لأني اعتقدت أن البوليس عندنا مش حيكتشف الجريمة ابدا زي
الراجل الأمريكاني اللي في الجريدة ذي ,, دول في أمريكا ماكتشفوش
الجريمة إلا بعد 25 سنة
أجاب الضابط بعد أن تصفح الجريدة

أصل الراجل الأمريكاني كان ساكن
في الدور الأرضي ,, وأنت ساكن في الدور الخامس
والجثة لما دفنتها نزلت ع الجيران يا فالح

بلديات فتح محل انابيب غاز .. فجّر اسطوانتين فى وسط البلد ....دعاية.

**faissal** · 25-05-2009, 06:49 PM

هههههههههههه يا رجل شهيتك مفتوحه على الاخر

**أحـمـد عـزام** · 25-05-2009, 07:34 PM

المشاركة الأصلية كتبت بواسطة amir111

أصل الراجل الأمريكاني كان ساكن
في الدور الأرضي ,, وأنت ساكن في الدور الخامس
والجثة لما دفنتها نزلت ع الجيران يا فالح

يسلمو ايديك

**أحـمـد عـزام** · 25-05-2009, 07:36 PM

واحد يحلق لحيته رن الموبايل ......
جرح نفسه ليش ؟؟؟! علشان لمل يرجع يعرف وين وصل

**amir111** · 25-05-2009, 07:48 PM

مجموعة بلديات عملوا عصابه و قرروا يسرقوا بنك
زعيم العصابه : محمدين يدخل البنك و يستخبى فى دورة المياه لحد ما البنك يقفل .. و بعدين يشيل الجريليه بتاعت التكييف
بعد كده نخش كلنا من فتحة التكييف و نكسر الخزنه و ناخد الفلوس
لما نطلع من البنك حنلاقى الحارس نروح جتلينه و نهرب بالفلوس .. فاهمين يا رجاله
العصابه : فاهمين يا رييس
المهم جت ساعة الصفر و فعلا راح محمدين البنك و استخبى فى دورة المياه
و فتح لهم .. و دخلوا .. و فتحوا الخزنه .. و لما خرجوا من البنك ملاقوش الحارس .. فضلوا يستنوه ساعة .. ساعتين لكن الحارس ماجاش
رئيس العصابه : مافيش فايدة يا رجالة يلا نرجع الفلوس الخزنه الخطة فشلت

غضب بلدياتي من النكت التي تقال عليهم و لإثبات مدى ذكائهم تقرر عمل اختبار ذكاء لهم فتم اختيار 3 منهم و كانوا من أذكيائهم
وكان السؤال الأول هو : ما هو الشئ الذى نلبسه في القدم و لونه أسود
فأجاب الأول الجذمة
السؤال الثانى ما هو الشئ الذى نلبسه في القدم و لونه بني
فأجاب الثاني الجذمة
السؤال الثالث ماهو الشئ الأبيض المستدير الذي نأخذه من الدجاج
فأجاب الثالث هل هو برباط
فقيل له: لا
فقال يبقي طبعا الشبشب

ثلاثة حكموا عليهم بالإعدام معاهم واحد بلدينا ، قالوا للأول عايز المنشار الكهربائي أو شنق ، قال: المنشار الكهربائي ، جابوه عند المنشار الكهربائي مشتغلش ، قالوا : حظك روح وأطلقوا سراحه ، جابوا الثاني قالوا : المنشار الكهربائي أو الشنق ، قال : المنشار الكهربائي ، جابوه عند المنشار الكهربائي برضو مشتغلش ، قالوا : حظلك روح وأطلقوا سراحه جابوا بلدينا ، قالوا : المنشار الكهربائي أو الشنق، قال : شنق
والناس وأقربائه يذعقو : المنشار ، المنشار ، المنشار
قالهم :بايظ بايظ مايشتغلش

**هشام الدمرداش** · 25-05-2009, 07:58 PM

3 بخلاء

اتراهنوا على أطول نفس فى الميه واللى حيطلع الأول يبقى خسران ويعذم الباقى على العشا

راحوا الترعه وحطوا دماغهم فى الميه

والتلاته ماااتوا

**amir111** · 25-05-2009, 09:50 PM

المشاركة الأصلية كتبت بواسطة faissal

هههههههههههه يا رجل شهيتك مفتوحه على الاخر

انا قلت السوق مقفول يبقي نفتح نفسيتنا بحاجة تانية

**amir111** · 25-05-2009, 09:51 PM

المشاركة الأصلية كتبت بواسطة Ahmed2A

يسلمو ايديك

الله يكرمك يارب

**HAMED - FOREX** · 25-05-2009, 10:26 PM

بمناسبة عيد الزواج ... الزوجه تقول لزوجها خلنا نحتفل بعيد زواجنا واشتري لنا خروفين عشان نذبحهم للحفله , فقال الزوج ماذنب الخروفين بغلطه ارتكبها تيس

**faissal** · 26-05-2009, 01:01 AM

المشاركة الأصلية كتبت بواسطة HAMED - FOREX

بمناسبة عيد الزواج ... الزوجه تقول لزوجها خلنا نحتفل بعيد زواجنا واشتري لنا خروفين عشان نذبحهم للحفله , فقال الزوج ماذنب الخروفين بغلطه ارتكبها تيس

قويه جدا هههههههههههههههههههههههه

الموضوع: كل يوم نكتة عالماشي

أدوات الموضوع

رد: كل يوم نكتة عالماشي

رد: كل يوم نكتة عالماشي

رد: كل يوم نكتة عالماشي

رد: كل يوم نكتة عالماشي

رد: كل يوم نكتة عالماشي

رد: كل يوم نكتة عالماشي

رد: كل يوم نكتة عالماشي

رد: كل يوم نكتة عالماشي

رد: كل يوم نكتة عالماشي

رد: كل يوم نكتة عالماشي

رد: كل يوم نكتة عالماشي

رد: كل يوم نكتة عالماشي

رد: كل يوم نكتة عالماشي

رد: كل يوم نكتة عالماشي

رد: كل يوم نكتة عالماشي

المواضيع المتشابهه

سؤال عالماشي ...

نكتة عالماشي يا رب تعجبكم

الاوسمة لهذا الموضوع

عروض شركات الفوركس