الإجراءات الجنائية والحقيقة الغائبة

[faisal]

بارك الله فيك يا غااالي

اخى فيصل شكلك ضابط تحرى صح !!

الاخ /خالد
بارك الله فيك وأأمل ان تستفيدوا من هذه المعلومات

أنا عبد فقير الي الله

[التائب اليك]

والله يا باشا اجابتك شافيه ووافيه كل شىء كان بيدور فى دماغى

هوه اللى مخوفنى انى كنت رايح الضرايب اعمل ايقاف دائم للنشاط بدل الايقاف الؤقت
يعنى معنى كده ان الايقاف الدائم للنشاط هو هجر للمكان

مع العلم انى ملتزم بدفع الايجار شهريا

اشكرك من اعماق قلبى استاذ فيصل

[faisal]

بسم الله الرحمن الرحيم

الاخوة الافاضل

حديثنا اليوم عن

التفتيش
التفتيش هو من اخطر الاجراءات التى تتخذ ضد الفرد وابلغها اثرا علية فقد حرص القانون على تقييد حرية سلطة التحقيق عند اصدارها هذا الإذن بالتفتيش فلا يصح اصدارة الا لضبط جريمة _ جناية او جنحة _ واقعة بالفعل وترجحت نسبتها الى متهم معين . وان هناك من الدلائل مايكفى للتعرض لحرمة مسكنة او لحريتة الشخصية لكشف مدي اتصالة بالجريمة

وهنا علشان نفهم الموضوع اكتر لازم نعرف الفرق بين جمع الاستدلات وبين التحقيق وسوف نتناول لاحقا البحث في هذا الموضوع لكن ما يهمنا الان ان ناخذ من هذا الموضوع مايهمنا علشان نقدر نفهم بعض الجزئيات في موضوع التفتيش
محضر جمع الاستدلات
هو الاعمال التي يقوم بها مأمورا الضبط القضائي اللي قولنا عليهم في الدرس السابق زي ضباط الشرطة وغيرهم وهي متعتبرشي من اعمال التحقيق وقد تكون سابقة علي ارتكاب الجريمة زي اعمال التحري اللي بيقوم بها ضابط المباحث وزي سؤال المتهم عن الجريمة بدون ان يواجهة بالادلة تفصيليا
وان جميع ما يكتبة الضابط في محضر جمع الاستدلات عرضة للطعن علية لان الضابط بيكون شاهد علي الجريمة فقط مثلا لو كتب الضابط في محضرة (محضر جمع الاستدلات ) ان المتهم اعترف بالجريمة في الحالة دي لا يكون الاعتراف امام الضابط مهم لانة ممكن يكون ناتج عن اكراة بدني او تحت ضغط والضابط ما هو الا شاهد فقط علي الجريمة ومن حق المتهم ان يطلب من المحكمة استدعاء الضابط اللي كتب فية المحضرلمناقشة شهادتة
وعلي فكرة ناس كتير بتخلط بين محضر جمع الاستدلات اللي بيعملة الضابط وبين محضر التحقيقات اما النيابة فالناس بتقول علي المحضر اللي بيعملة الضابط محضر تحقيق ودة كلام غلط لان المحضر اللي بيعملة الضابط هو محضر استدلالي فقط وملهوش قيمة كبيرة امام المحكمة

محضر التحقيق
هو المحضر اللي بتعملة النيابة العامة او القاضي بخصوص جريمة وقعت بالفعل فلا يجوز للنيابة او القاضي ان يباشر محضر تحقيق بدون وجود جريمة او علي جريمة لسة هتقع في المستقبل والتحقيق هنا لية خطر كبير ولازم المتهم يكون مركز اوي في اسئلة وكيل النيابة لان اي كلام هيصدر عنة في هذا المحضر سوف يعتبر دليل علية فمثلا لو اعترف المتهم امام وكيل النيابة بانة اركتب الجريمة يكون اعترافة صحيح بعكس الاعتراف اللي بيكون امام ضابط الشرطة
لكن ممكن الطعن علي تحقيقات النيابة اذا مارس وكيل النيابة اكراة بدني او معنوي علي المتهم
نيجي لموضوع التفتيش
اية يعني تفتيش؟
هو عمل من اعمال التحقيق الي بتقوم بة النيابة العامة او القاضي ولكن القانون ادي الحق لوكيل النيابة ان يصدر امر (إذن التفتيش) لضابط المباحث بالقيام بعملية التفتيش نيابة عنهم والتفتيش لايكون الا في حالة وجود جريمة وقعت بالفعل او في حالة التلبس بالجريمة وتكون هناك دلائل قوية علي ان المتهم ارتكب هذة الجريمة والتفتيش ممكن يكون عن طريق تفتيش المتهم بشخصة او تفتيش مسكنة او تفتيش سيارتة او محلة او مكتبة

وعلي كدة التفتيش يبقي في حالتين :

1- حالة التلبس بالجريمة
واتكلمنا عن التلبس ولكن يهمنا ان نعرف ان التلبس بيجيز للضابط انة يفتش المتهم

2-حالة الاذن بالتفتيش
وقولنا ان اذن التفتيش بيصدر من النيابة او قاضي التحقيق لانة عمل من اعمال التحقيق ولا يكون الا بناء علي جريمة وقعت بالفعل

اعمل اية لو قال لك ضابط انا معاي امر بتفتيشك؟

* من حقك الاطلاع علي كارنية الضابط طبعا دا اولا

*من حقك الاطلاع علي اذن التفتيش
*لو الضابط قال لك انا معاي اذن تفتيش شفوي قول لة روح هات اذن تفتيش مكتوب وتعالي فتشني لان مفيش حاجة اسمها اذن تفتيش شفوي لازم اذن التفتيش يكون مكتوب علي ورقة و بخط اليد

*لازم تتأكد ان اذن التفتيش صادر من النيابة المختصة اللي وقعت في دايرتها الجريمة

*لازم تتاكد ان اذن التفتيش موقع من وكيل النيابة او القاضي وبخط يدة وكمان لازم يذكر فية اسم وصفة مصدر اذن التفتيش ولو لقيت الاذن معاهوش توقيع دا يعتبر اذن باطل ومتخليش اي حد يفتشك بناء علي ذلك

*لو كان اذن التفتيش صادر لتفتيش منزل لابد انن تتاكد ان الاذن مسبب يعني مذكور فية اسباب التفتيش
*لازم تتاكد من مدة اذن التفتيش ومينفعشي خالص ان الضابط يفتشك بناء علي اذن منتهي المدة والمدة لازم تبقي متحددة في اذن التفتيش

*لازم تتاكد من ان اسمك مكتوب باذن التفتيش بصورة صحيحة

*لازم تتأكد ان الضابط اللي معاة اذن التفتيش يعمل في دايرة اختصاصة

*لا يجوز اجراء التفتيش بناء علي الاذن الواحد اكتر من مرة يعني الضابط اللي فتشك قبل كدة باذن تفتيش ميكونشن لة حق في تفتيشك مرة تانية بناء علي الاذن السابق نفسة

*مش شرط اللي يفتشك الضابط ممكن يكون اللي بيفتشك وكيل النيابة او القاضي لانهم هم اصحاب الحق دة وفي الحالة دي لازم تتاكد من شخصيتة

*متخليش اي مخبر او عسكري او خفير يفتشك انما ممكن يفتشوك في حضور الضابط فقط اللي معاة اذن صحيح

ونظرا لان موضوع التفتيش طويل سوف نكمل الحديث لاحقا
وسوف نتناول
التفتيش الذاتي
تفتيش الانثي
تفتيش المسكن
تفتيش السيارات
التفتيش في الاكمنة
انتظرونا

[pajiramgr]

معنا لكى نلغى قانون الكوسة