اقتباس المشاركة الأصلية كتبت بواسطة حكيم سلماني مشاهدة المشاركة
حياكم الله اخوتي لاعزاء



يؤسفني ان كثير من الاحبه المصريين والعرب عند حديثهم عن القوانين بشكل عام او تعاطيهم من قانونيه الفوركس بشكل خاص يتحدثون كما لو كانوا يحملون جوازات سفر سوسريه وكانهم لا ينتمون الي انظمه شموليه ، حيث القوانين الاقتصاديه التي تفصل عندي ترزي مشهور اسمه
( مصلحه الكبار ) وحيث انه وحتي الان لا يوجد كبار لهم مصلحه في صياغه الفوركس قانونيا
بالاضافه الي الجهل والانغلاق الحكومي وسيطره بعض العقول الاقتصاديه التي اتخذتها العنكبوت بيتا ، فتظل العلاقه بين الفوركسين وبين تلك الانظمه هي حاله لا سلم ولا حرب
وهنا يببرز السؤال

متي سيقنن الفوركس ؟

سواء اكنت مصريا او سعوديا او مورتانيا سواء اكنت تلبس بدله او تضع خنجرا في جلبابك او تلبس خضره وعقال او خضره without عقال

فسيقنن الفوركس في بلدك في احدي هذه الحالات

1- انتشار الفوركس بشكل كبير يهدد الاستثمارات المحليه او بهدد بحدوث عمليات run of the bank او هروب كميه كبيره من الودائع البنكيه المحليه الي شركات الفوركس

2- افلاس او فضيحه ماليه او عمليه نصب واسعه النطاق علي قطاع عريض من المتداولين في البلد باسم الفوركس او باسم شركه فوركس او مكتب فوركس بحيث الحكومه يجلها صداع من الشكاوي

3- احد زعماء الحزب الحاكم او سمو الامير فلان او فخامه نجل الرئيس علان بقتنع فجاه ان الفوركس ده شيء حلو وجميل ومربح ( مصلحه الكبير )


طبعا الحله القانونيه التي سيتم تفصيلها في البدايه ستكون ضيقه جدا جدا علي مقاس الكبير فقط
وقبلها سيتم عمل مذبحه ماركه ( القلعه ) لكل الشركات والوكلاء العاملين فعليا الا ما رحم ربي
ساعتها حيطلعوهم يا حراميه او نصابين

بحجه حمايه المستثمرين وطبعا عشان يوسعوا السوق للكبار ، وطبعا حتبقي خدمات هذه الكبير ضعيفه جدا ، لانه غشيم اولا ولان مفيش غيره في السوق علي لاقل في الوقت الراهن ومحدش حيقوله انتا بتعمل ايه

فتضر الناس الي فاهمه تسيبه وتشتغل مع شركات بره في الخباثه ، يكون الكبير فهم واستوعب ان مينفعش يبقي في السوق لوحده ويكون السوق علمه الادب كمان ساعتها
( مهو السوق بيعمل البروكر المبتديء الادب زي بالظبط المتاجر المبتديء)

وتبتدي الحكومه تفهم ان مينفعش تتعامل مع الفوركس زي ما تعاملت مع شبكات المحمول مثلا
وان الموضوع اعقد من كده بكتير

ساعتها حتبتدي القوانين تتوسع وتكبر وتنضج ويبقي الوضع طبيعي جدا زي امريكا كده
وتكون في هيئات رقابيه محترفه زي nfa


ودمتم بخير
مع إحترامى للأخ حكيم سلمانى مصر ليست أنظمة شمولية , مصر دولة مؤسسات والقانون
مابيتفصلش على قد حد ولك حرية الرأى على أى حال وابقى إحذفها بقى ياسمير