التحويل من بنك CIB

[Leonardo]

من اسبوع وانا ماشى فى اجراءات فتح الحساب و التحويل والذى منه ..

من كام يوم رحت سحبت الفلوس المصرى من حسابى فى بنك مصر ..

بعدها رحت شركة صرافة و حولتهم الى دولارات ..

خرجت من شركة الصرافة لقيت ادامى بنك ال CIB طبعا سمعته كويسة دخلت فيه و فتحت حساب ..

جيت احول الفلوس قالولى لا مينفعش لازم الفلوس تقعد يومين عمل فى البنك مدام دولارات و كان لسوء حظى يوم خميس فا اضطريت انتظر ل يوم الاثنين عشان احول ..

روحت انهاردة الصبح و دخلت على واحد شيك كدا و محترم قاعد على مكتب قولتله لو سمحت عاوز احول فلوس من رصيدى بالدولار لحساب برا .. قالى اتفضل حضرتك املى الابلكيشن دا و البيانات

بعد ما مليت و كل حاجة قولتله عاوز اكتب ملاحظة رقم حسابى فى الشركة الى هحول ليها بصلى باستغراب كدا كأنه مش فاهم انا بقول ايه او كأنى بتكلم هندى .. المهم قالى خلص بس البيانات كلها و نشوف الموضوع دا .. خلصت و كل حاجة و بعدين قولتله عاوز اكتب ملاحظة اكتبها فين قالى فى المكان الفاضى دا روحت كاتب (( ملحوظة : هذا هو رقم حسابى بالشركة المحول اليها )) و رحت كاتب رقم الحساب لقيته استغرب و نده ل واحدة تانية شيك برضو كدا و محترمة و برضو مكنتش فاهمة حاجة .. قالتلى يا فندم هو الغرض من التحويل ايه قولتلها استثمارات مالية راحت كاتبة فى الروقة كدا .. قالتلى و الرقم دا ايه قولتلها هو انا لسه هشرح تانى انا دا رقم حسابى فى الشركة الى هحول ليها الفلوس دى و مطلوب منى انى اكتبه فىى بيان التحويل

قالتلى خلاص يا فندم كدا تمام .. سألتها التحويل هيوصل هناك امتى قالتلى بكرة


انا حاسس ان فيه حاجة غلط ...... يا ترى حد بعد ما قرا القصة دى يفهمنى انا غلطان ولا كدا ماشى صح ؟؟؟؟؟؟؟؟؟؟

[FX.LOSER]

من خلال تجربتي الشخصية مع CIB أسيوط

لم أقم بكتابة رقم حسابي في شركة التداول بالرغم من انهم كانو طالبين كده !!

ومليت الابلكيشن والموضوع مشى تمام التمام

والتحويل وصل في خلال 40 دقيقة

انت شركتك ايه ؟؟

اذا كانت انتربانك متخفش مفيش مشاكل خالص

[Leonardo]

شركتى FxSolution يا باشا و شكرا اوى على ردك .. انت كدا طمنتنى بنسبة قول 50 %

[echorex]

اخى العزيز
انت المفروض بتاخد كل البيانات من الشركه اللى انت هاتتعامل معاها ,
حاول تتصل بخدمه العملاء بتاعتهم و هما اكيد هايطمنوك

[Raafat]

ده طبيعي عشان دي معاملات فوركس وهنا في مصر بيخافوا من التحويلات دي عشان مراقبة من البنك المركزي

[Leonardo]

اخى العزيز
انت المفروض بتاخد كل البيانات من الشركه اللى انت هاتتعامل معاها ,
حاول تتصل بخدمه العملاء بتاعتهم و هما اكيد هايطمنوك

لو حضرتك تقصد بيانات التحويل الى هى اسم المستفيد و العنوان و الحاجات دى فا هى معايا و كتبتها فى ابلكشن التحويل انا بس قلقان من الى حصل معايا فى البنك انهاردة اثناء التحويل حسيت انهم مش فاهمين اوى الموضوع و قلقت شوية .. شكرا على اهتمامك

[Leonardo]

ده طبيعي عشان دي معاملات فوركس وهنا في مصر بيخافوا من التحويلات دي عشان مراقبة من البنك المركزي

انا كتبت فى سبب التحويل : استثمارات مالية ,, كان استاذ سمير صيام قال ل عضو كدا مرة فا افتكرت كلامه و كتبت كدا

[MoaidFX]

من اسبوع وانا ماشى فى اجراءات فتح الحساب و التحويل والذى منه ..

من كام يوم رحت سحبت الفلوس المصرى من حسابى فى بنك مصر ..

بعدها رحت شركة صرافة و حولتهم الى دولارات ..

خرجت من شركة الصرافة لقيت ادامى بنك ال CIB طبعا سمعته كويسة دخلت فيه و فتحت حساب ..

جيت احول الفلوس قالولى لا مينفعش لازم الفلوس تقعد يومين عمل فى البنك مدام دولارات و كان لسوء حظى يوم خميس فا اضطريت انتظر ل يوم الاثنين عشان احول ..

روحت انهاردة الصبح و دخلت على واحد شيك كدا و محترم قاعد على مكتب قولتله لو سمحت عاوز احول فلوس من رصيدى بالدولار لحساب برا .. قالى اتفضل حضرتك املى الابلكيشن دا و البيانات

بعد ما مليت و كل حاجة قولتله عاوز اكتب ملاحظة رقم حسابى فى الشركة الى هحول ليها بصلى باستغراب كدا كأنه مش فاهم انا بقول ايه او كأنى بتكلم هندى .. المهم قالى خلص بس البيانات كلها و نشوف الموضوع دا .. خلصت و كل حاجة و بعدين قولتله عاوز اكتب ملاحظة اكتبها فين قالى فى المكان الفاضى دا روحت كاتب (( ملحوظة : هذا هو رقم حسابى بالشركة المحول اليها )) و رحت كاتب رقم الحساب لقيته استغرب و نده ل واحدة تانية شيك برضو كدا و محترمة و برضو مكنتش فاهمة حاجة .. قالتلى يا فندم هو الغرض من التحويل ايه قولتلها استثمارات مالية راحت كاتبة فى الروقة كدا .. قالتلى و الرقم دا ايه قولتلها هو انا لسه هشرح تانى انا دا رقم حسابى فى الشركة الى هحول ليها الفلوس دى و مطلوب منى انى اكتبه فىى بيان التحويل

قالتلى خلاص يا فندم كدا تمام .. سألتها التحويل هيوصل هناك امتى قالتلى بكرة


انا حاسس ان فيه حاجة غلط ...... يا ترى حد بعد ما قرا القصة دى يفهمنى انا غلطان ولا كدا ماشى صح ؟؟؟؟؟؟؟؟؟؟

ولا تخاف خالص هما فعلا الجماعة موظفين ال CIB بيرفضوا موضوع الريفررنس د خاصة اذا كان ارقام علشان لا يحدث خلط فى بيانات التحويل لكن اطمئن خالص ان شاء الله تحويلك بيصل فى خلال 24 ساعة ويمكن أقل
بالتوفيق

[omar123]

ده طبيعي عشان دي معاملات فوركس وهنا في مصر بيخافوا من التحويلات دي عشان مراقبة من البنك المركزي

أى تحويلات بمبالغ ضخمة مراقبة من البنك المركزى , فوركس أو غير فوركس وأى بنك مركزى
فى دولة محترمة فى العالم بيعمل كدة. وبلاش والنبى المخابرات فوبيا إللى حاسين بيها دى عشان
مانحسش إن إحنا بنعمل حاجة غلط وللمعلومية لم يصدر من مجلس الشعب المصرى أى قانون إلى
الآن بخصوص التجارة عبر الإنترنت كل ما فى الأمر كتابات بعض الصحفيين النص كم
تحياتى

[Leonardo]

متشكر خالص يا جماعة .. طمنطونى الله يطمنكم

[سمير صيام]

فى حل بسيط اعمله خد كوبى من التحويل وبيسموه سويفت التحويل واعمله سكان وابعته للشركة وقلهم انا حولت اليوم وده سويفت التحويل

وربنا يوفقك فى الحساب

[Leonardo]

كنت مستنى رأيك والله يا استاذ سمير بس انا كدا بقى محتاج ارجع البنك بكرة تانى عشان اجيب السويفت دا

[سمير صيام]

كنت مستنى رأيك والله يا استاذ سمير بس انا كدا بقى محتاج ارجع البنك بكرة تانى عشان اجيب السويفت دا

خلاص لو حصل تاخير فى وصول الحساب وان شاء الله مش هيحصل ابقى روح البنك وهات السويفت وابعته

[Love For Ever]

لاتقلق اخي
وممكن يكون موظف جديد ولايعرف الفوركس

[Leonardo]

خلاص لو حصل تاخير فى وصول الحساب وان شاء الله مش هيحصل ابقى روح البنك وهات السويفت وابعته

متشكر جدا يا استاذ سمير انا هنتظر يومين ان شاء الله اشوف ايه الاخبار بعد كدا هبقى اروح البنك لو لا قدر الله التحويل موصلش هبقى اعمل الى حضرتك قولت عليه

لاتقلق اخي
وممكن يكون موظف جديد ولايعرف الفوركس

هو شكله فعلا كدا و ربنا يخليك طمنتنى