استشارة فنية لمبتدئ جديد

[Mr_X]

في الحقيقة أنا جديد في المنتدى ومن الله عليا بالوصول لاستراتيجية القاهرة الرائعة والحمد لله

السادة الخبراء ينصحوني بتعلم إيه بعد كده عشان أوصل لاحتراف التحليل الفني

يمكن توصياتكم ليا تجيب نتيجة زي ما جابت مع أخونا أستاذ سمير صيام في الموضوع التالي : https://forum.arabictrader.com/t2920.html

أنا عملت زيه يمكن أبقى زيه قلت أمشي مع الترند ده الترند صاحبك وحبيبك

ويوم من الأيام نلاقي حد بيعمل زيي ويبقى عنوان الموضوع سر النجاح

تحياتي

[سمير صيام]

ان شاء الله تكون افضل من افضل المحللين وكما نصحتك فى موضوعى عليك بالتحليل الفنى وافضل كتاب لذلك هو كتاب جون ميرفى سواء الانجليزى لو اللغة عندك كويسة او النسخة العربية

وده رد ليا فى الموضوع هناك هيفيدك ان شاء الله

اقتناعى الشخصى الاتى
1. التحليل الكلاسيكى او الفنى اللى بيعتمد على الدعم والمقاومة والفايبوناتشى والترندات والنماذج والشموع لاغنى عنه مطلقا حتى لو اتبعت اى طريقة بالمؤشرات
2. التحليل الموجى مهم ليعطيك انت فين فى حاليا وممكن تروح فين وبصراحة طبعا انا فى ايليوت على قد حالى
3. الالمام بالتحليل الاساسى ليس للمتاجرة على اساسه لكن لفهم علاقة الاسواق وتاثيرها على العملات
4. العين والحس الشخصى من اهم الادوات للشخص كثيرا لا ادخل صفقات مقتنع بالشارت وحسى الشخصى غير مقتنع وفعلا الحس الشخصى يصدق

ده اللى فى بالى حاليا يمكن لما اكل السمك افتكر حاجات تانية

[Mr_X]

ان شاء الله تكون افضل من افضل المحللين وكما نصحتك فى موضوعى عليك بالتحليل الفنى وافضل كتاب لذلك هو كتاب جون ميرفى سواء الانجليزى لو اللغة عندك كويسة او النسخة العربية

وده رد ليا فى الموضوع هناك هيفيدك ان شاء الله

ربنا يخليك يا باشا

انا فعلاً هبتدي في الخطوة رقم 2 بالنسبالي وهيا التحليل الفني وهدور على الكتاب اللي حضرتك قلت عليه وهبدأ بيه بإذن الله

تحياتي

[Mr_X]

سؤال هام جداً واتمنى رد من كل اللي عنده معلومة

ما هو أقوى موفنج لكل تايم فريم خاصة للباوند دولار ؟

من الديلي لغاية الدقيقة

يعني الديلي والأربع ساعات والساعة والنص والربع والخمس دقايق والدقيقة .. كل واحد يرد على حسب خبرته

ومش شرط يكون نفس الموفنج فيهم كلهم يعني ممكن حد يكون من تجربته وخبرته شايف ان الأقوى على الديلي هو الموفنج 50 وعلى الساعة الموفنج 100 والأربع ساعات 250 ... مثلاً

ولو بتتعامل على عملة تانية قولنا برده نحطه تحت الاختبار

ياريت اللي عنده خبره يقولنا عشان دي مهمه أوي وفي دماغي استراتيجية جامدة جداً بس مهم أعرف أقوى موفنج

تحياتي