الحمدلله !!!!

[Shenouda]

السلام عليكم ورحمه الله وبركاته

يا جماعة أنا مش مصدق بعد ما كنت خلاص زهقت من الإجراءات البنكية عشان التحويل لدرجة أنى خلالالالالالالالالالالالالاص كنت هرفع الراية البيضة ....
لكن قولت احاول تانى فى بنك أخر غير بنك الأسكندرية اللى طلع عينى
فتحت فى بنك بلوم مصر طلع بنك ميه ميه حتى موظف التحويل قلى أن البنك عنده حساب فى بنك Jp Morgan فرحت قلت كويس يبقى التعاملات بنهم هتكون ميسرة وكمان قلى الفوركس دى ناس كتيرة حولت ليها
والحمدلله اليوم تم التحويل وهيوصل يوم الجمعة القادم
ادعولى ربنا يوفئنى ويوفق اللى دخلو هذا السوق المرعب
أشكر كل المساعدين فى هذا المنتدى الرائع وشكر خاص إلى الأستاذ سمير والأستاذ عمر وكل ما قام بمساعدة أى شخص يحتاج مساعدة
أسف على الاطاله
شكرا

[سمير صيام]

الحمد الله
وربنا يوفقك ان شاء الله
وعلى اقل من مهلك فى حسابك والاهم الادارة المالية

[femtogold4]

مبروك يا سيدى وعقبلنا

ولية خليت السوق مرعب يا عم دة افضل سوق فى العالم حجم السيولة والمرونة فرص على مدار اليوم وكمان تحدد خسارتك العملية انا شايفها نسبية حسب الشخص اما يسهلها اويصعبها على نفسة طب انا عندى حكاية هتشجعك .

انا ليا صاحبى ربنا يكرمة هو سبب معرفتى بالفوركس اشتغل وهو فى الجامعة مجرد سنتين والالتزام الكامل الممل كمان كان بيحكلى انة فى الاول لما فتح حساب حقيقى كان يحقق مابين خمسن الى ستين بيب تقريبا فى اليوم ودية كان نسبة كافية لمضاعفة حسابة فى الشهر وكان لما يحقق التارجت اليومى بتاعة كان بيقفل الكمبيوتر بتاعة وكمان يطلع برة البيت عشان الشيطان بيخلى الواحد يطمع ولما تحقق الهدف بدرى بتبقى عايز تخش تانى وضاعف المكسب هو ابتدى بالف دولار رافعة 1:100 والحمد لله بعد سنتين عمل مبلغ خرافى يكاد يقارب النصف مليون او اقل تقريبا لكن مش فاكر بالظبط المهم زى ما ابو سمرة قالك الالتزام هيرفع الضغط العصبى عنك و هتشتغل بكامل تركيزك.

مش عارف اذا كنت راغيت كتير او معرفتش اوصلك المعلومة لكن يارب يوفق الكل وكمان يعوض على الخاسرين.

[Misho Elmasri]

اخيرا يا راجل

الف مبروك

وربنا يكرمك ويوفقك ويوفقنا جميعا

[Q8_FOREX]

الف مبروك يالتوفيق ان شاء الله

[محمد 2001]

ألف مبروك وبالتوفيق إن شاء اللة

[RED1]

ألف مبروك و عقبالنا تنحل مشكلة التحويل عندنا بالمغرب...

[عمرو خضر]

الحمد لله يازعيم بس على فكره انا بعمل دعايه جامده جدا لبنك بلوم على المنتدى والمفروض اخذ منهم عموله ولا انت ايه رايك يا استاذ سمير

[mr mon3em]

الحمد الله

وربنا يوفقك ان شاء الله
وعلى اقل من مهلك فى حسابك والاهم الادارة المالية

جزاك الله خير استاذ سمير قلت المختصر المفيد

فعلا اخى اهم شىء فى المرحلة الاولى الصبر وعدم التسرع و التمرين على التحكم بالنفس و الصبر على الدخول فى اى صفقة حتى ولو اتضطر الامر الى الانتظار يومين او ثلاثة

بالتوفيق ان شاء الله

[Shenouda]

أشكركم جدا وعلى النصائح الغالية دى وأنشاء الله ربنا يبعد عننا شيطان الطمع
ربنا يوفق الجميع وربنا يسهل للكل الناس
التركيز والتركيز والصبر والصبر ومحافظة رأس المال هما اهم حاجة فى البورصة
بالتوفيق

[احمد شبانة]

الف مبروك يا باشا وعقبال يارب لما تسحب الارباح نتمنى لك التوفيق

[elecom1981]

ان شاء الله يجي اليوم اللي نسمع فيه انك تريد تسحب ارباحك

[Gamal Awad]

السلام عليكم ورحمه الله وبركاته

يا جماعة أنا مش مصدق بعد ما كنت خلاص زهقت من الإجراءات البنكية عشان التحويل لدرجة أنى خلالالالالالالالالالالالالاص كنت هرفع الراية البيضة ....
لكن قولت احاول تانى فى بنك أخر غير بنك الأسكندرية اللى طلع عينى
فتحت فى بنك بلوم مصر طلع بنك ميه ميه حتى موظف التحويل قلى أن البنك عنده حساب فى بنك Jp Morgan فرحت قلت كويس يبقى التعاملات بنهم هتكون ميسرة وكمان قلى الفوركس دى ناس كتيرة حولت ليها
والحمدلله اليوم تم التحويل وهيوصل يوم الجمعة القادم
ادعولى ربنا يوفئنى ويوفق اللى دخلو هذا السوق المرعب
أشكر كل المساعدين فى هذا المنتدى الرائع وشكر خاص إلى الأستاذ سمير والأستاذ عمر وكل ما قام بمساعدة أى شخص يحتاج مساعدة
أسف على الاطاله
شكرا

الف مبروك يا سيدي انا حولت من البنك التجاري الدولي والفلوس وصلت قبل ما اوصل انا للبيت مش عارف ايه كانت المشكله معاك

[داي ترايدر]

الله يبارك لك أخي الكريم

[Shenouda]

مجدبش عليكم أنا بصراحة خايف وقلقان كمان
ربنا يستر