حد معايا اليورو دولار فريم الاربع ساعات؟؟

[عِماد نُعمان]

انا معاك لكن بشرط تخطي النقطه 2641 والاقفال فوقها على الاربع ساعات ايضا لا تنسى المقاومه المهمه عند النقطة 2674 اوؤيدك بقوة

جزاك الله الف خير

الشارت يتكلم

وجهة نظر في محلها ... اشكرك يا غالي على المرور

اولا حمد لله على السلامة يا كبير ليه منقطع عنا؟
يا ريت متحرمناش منك كتير عشان الكل فى حاجة اليك.,

معاك ان شاء الله و يدعم وجهة النظر الدولار فرنك كسر قناة صاعدة و اعاد اختبارها بنجاح و فى الطريق الهابط.,
خبر الفايدة ممكن يفرق كتير.,
الله كريم.,

كلامك الطيب اخجلني ولله

اسف على التقصير

اسلام عليكم ورحة الله وبركاتة من فضلك قلى هدفك لانى شايف من وجهة نظرى حاجة تانية

اسف لعدم ذكري لهدف او ستوب لكن دا قرار اخدته من زمان عشان بعض الاعضاء بتاخد المشاركة على انها توصية.. و انا بصراحة خبرتي البسيطة لا تؤهلني ان اكتب توصيات

أنظر فى هذا الاتشارت وقلى رايك أذا سمحت
شكرا لك

طيب اقولك رأيي في ايه؟؟

انا حاطت شارت اربع ساعات هدفه لا يقل عن 100 نقطة و المفروض ان ستوبه اي اغلاق تحت الترند .

حضرتك مرفق شارت ربع ساعة يعني لا يزيد هدفه عن 20 او 30 نقطة ..

و زي ما انت شايف تحقق هدفك فعلا و الصفقة عكست عليا حوالي 100 نقطة لكن لم يحدث اي اغلاق تحت الترند ليعطي اشارة خروج .. و الحمدلله واصل السعر في الصعود بعد ظهور شمعة انعكاس اغلقت فوق خط الترند



و مبروك علينا و عليك

[عِماد نُعمان]

السلام عليكم ورحمة الله
هو بالفعل أمامه صعود حسب شارت 4 سا
وهذا لأنه قد تم كسر الترند النازل وهو عند نقطة اختباره
ولا أظنه بسبب الديفارجنس
فالديفارجنس هنا قد استهلك خلاص



لكن لا زال داخل القناة اليومية



أظن هو ذاهب لسقفها العلوي
ومنها يعود للهبوط مجددا
لا زال امام اليورو دولار هبوط
والله أعلم

شاكر مرورك الحلو و شارتك الاحلى

WELCOME BACK

THANK YOU

[عِماد نُعمان]

تصدق والله يا عماد أنا زعلان منك

مفيش يا راجل سؤال واحد على اصحابك القدام

بس حقك يا عم

من لقي أمريكا نسي أصحابه

انا عارف يا محمد انك زعلان

و اكيد طارق و وليد و نور كمان زعلانين

بس اقسم لك بالله مفيش وقت ادخل نت خالص

صفقة اليورو دي اول صفقة ادخلها من 3 شهور

الظاهر يا معلم بعد ما كنا بنشتغل 5 دقايق و ربع ساعة هنقلب سوينجات

الظروف تحكم

سامحني على التقصير

أهلاً بعودتك أخي جيتار والحمد لله على السلامة

الله يسلمك يا غالي ليك وحشة

[عِماد نُعمان]

حمدلله على سلامتك
ياترا لسة فى امريكا لو لسة مقيم فيها ياريت تقلانى اخبار اقتصادها من وجهة نظر المواطن الامريكى فى الشارع هل فى تاثير واضح ام الامور عدية لانى سمعت ان المواطن غير متاثر اطلاقا بما يحدث من ازمات اقتصادي
وعودااااااااااا احمد

انا هرد على سؤالك بس مش دلوقتي... لأن الرد عايز كتابة كتير و انا معنديش عربي على اللابتوب .. و عمال ادور على الحروف

و للاسف وقت البريك خلص و لازم ارجع الشغل .. ان شاء الله كلها كام ساعة و ارد عليك انت و باقي الاعضاء اللي شاركوا بالمو1ضوع



يا جميع اعضاء و مشرفين المتداول العربي ...

سامحوني على التقصير

[عِماد نُعمان]

حمدلله على سلامتك
ياترا لسة فى امريكا لو لسة مقيم فيها ياريت تقلانى اخبار اقتصادها من وجهة نظر المواطن الامريكى فى الشارع هل فى تاثير واضح ام الامور عدية لانى سمعت ان المواطن غير متاثر اطلاقا بما يحدث من ازمات اقتصادي
وعودااااااااااا احمد

شوف يا غالي .. انا طبعا مش خبير اقتصادي عشان اقدر احللك الوضع بطريقة علمية ..

لكن مين قال ان المواطن الامريكي غير متأثر بما يحدث من ازمات اقتصادية؟؟ بالعكس.. المواطن الامريكي هو اكبر متضرر من الوضع الحالي..

الوضع الآن لا يسر عدو ولا حبيب .. الشركات و المكاتب بتخسر .. و تلجأ الى تقليل التكاليف فبالتالي تقلل عدد العمالة و هذا ما يسمى LAY OFF

و هذا ما حدث فعلا لزوجتي في يوم و ليلة بعد ما كان المكتب اللي بتشتغل فيه به 8 عاملين .. اكتفت الشركة بأقدم اتنين .. و استغنوا عن 6 عاملين..

هذا حال المواطن الامريكي فهو دائما في حالة خوف و رعب من فقدان وظيفته بسبب سوء احوال البيزنيس... و فقدان الوظيفة هنا مصيبة كبيرة لأن معظم الناس ساكنين بالايجار زي حالاتي .. و هنا بقى مفيش صاحب البيت يصبر عليك كام يوم .. لو مدفعتش الايجار يوم 1 في الشهر .. يوم 2 هتكون فالشارع.. دا غير الفواتير..

دا بقى غير زيادة الاسعار المستمرة بلا توقف .. و غير ضريبة المبيعات اللي هتزيد يوم الاتنين القادم على السجائر و الخمور في ولاية كاليفورنيا تحديدا.

و كمان في قرار بيناقشوه و هو الغاء المعاشات .. المواطن الامريكي لما بيوصل لسن التقاعد الحكومة بتوفر له مرتب اسبوعي يضمن له حياه كريمة .. طبعا الحكومة مش بتدفع من جيبها .. و لكن من ضريبة السوشيال سيكيوريتي اللي بتخادها من مرتبات العاملين .. فالوضع اصبح ان الناس اللي شغالة حاليا بتدفع هذه الضريبة و لن تلقى أي مقابل بعد التقاعد لأن المعاشات هتكون اتلغت..

باختصار حال المواطن الامريكي الآن هو الخوف من المستقبل ... و يا رب اكون افدتك

[عِماد نُعمان]

الحمد لله على السلامة كلنا منحبك وحبايبك كثير وانا اولهم

ربنا يخليك يا اخي .. اشكرك على كلامك الطيب

thx

حمد الله على سلامتك اخي عماد يارب تكون باحسن حال وكله تمام

الله يسلمك يا عمرو
الحمدلله على كل حال

منور يا عماد باشا

والله وحشتنا واتمنى تكون بخير

ونتمنى عودتك مره اخرى والا تنقطع

النور نورك يا معلم انت واحشني اكتر

[emeerateb2]

شوف يا غالي .. انا طبعا مش خبير اقتصادي عشان اقدر احللك الوضع بطريقة علمية ..

لكن مين قال ان المواطن الامريكي غير متأثر بما يحدث من ازمات اقتصادية؟؟ بالعكس.. المواطن الامريكي هو اكبر متضرر من الوضع الحالي..

الوضع الآن لا يسر عدو ولا حبيب .. الشركات و المكاتب بتخسر .. و تلجأ الى تقليل التكاليف فبالتالي تقلل عدد العمالة و هذا ما يسمى LAY OFF

و هذا ما حدث فعلا لزوجتي في يوم و ليلة بعد ما كان المكتب اللي بتشتغل فيه به 8 عاملين .. اكتفت الشركة بأقدم اتنين .. و استغنوا عن 6 عاملين..

هذا حال المواطن الامريكي فهو دائما في حالة خوف و رعب من فقدان وظيفته بسبب سوء احوال البيزنيس... و فقدان الوظيفة هنا مصيبة كبيرة لأن معظم الناس ساكنين بالايجار زي حالاتي .. و هنا بقى مفيش صاحب البيت يصبر عليك كام يوم .. لو مدفعتش الايجار يوم 1 في الشهر .. يوم 2 هتكون فالشارع.. دا غير الفواتير..

دا بقى غير زيادة الاسعار المستمرة بلا توقف .. و غير ضريبة المبيعات اللي هتزيد يوم الاتنين القادم على السجائر و الخمور في ولاية كاليفورنيا تحديدا.

و كمان في قرار بيناقشوه و هو الغاء المعاشات .. المواطن الامريكي لما بيوصل لسن التقاعد الحكومة بتوفر له مرتب اسبوعي يضمن له حياه كريمة .. طبعا الحكومة مش بتدفع من جيبها .. و لكن من ضريبة السوشيال سيكيوريتي اللي بتخادها من مرتبات العاملين .. فالوضع اصبح ان الناس اللي شغالة حاليا بتدفع هذه الضريبة و لن تلقى أي مقابل بعد التقاعد لأن المعاشات هتكون اتلغت..

باختصار حال المواطن الامريكي الآن هو الخوف من المستقبل ... و يا رب اكون افدتك

افادتنى يا باشاء بارك الله فيك وجزاك عنا خيرااااااااا
يعنى الموضوع كبير ويخوف وليسة ازمة عابرة وهتعدى ربنا يستر على العرب المغتربيين ويحفظكم من كل سؤ ان شاء الله