سؤال مهم للمبتدأين وتافه للمحترفين. يعنى ايه اكسبيرت؟

[yahia_arch25]

السلام عليكم
ممكن حد يقولى يعنى ايه اكسبيرت وماهى وظيفتها وازاى طريقه عملها انا عارف انه سؤال تافه بس انا مبتدئ ولما دخلت المنتدى مالقتش حد بيشرح يعنى ايه اكسبيرت وطريقه تثبيته على برامج التدوال وازاى استخدمه وايه مميزاته وعيوبه اللى فهمته تقريبا انها استراتيجيه بتتنفذ بشكل الى والله اعلم ممكن حد يفيدنى بشكل اكتر مع العلم انا عندى حساب ديمو

[ahmedsabrybakry]

اكسبيرت يعني خبير :D
بص يا سيدي الخلاصة كده ان كل واحد في الفوركس بيكون ليه طريقة متاجرة معينة (ترند مكسور, فيبونتشي, هارمونيك, بطيخ , اي حاجة) المهم ان هو بيدخل الصفقات بتاعته (بيشتري ويبيع) بناءً على ظروف معينة حدثت على الشارت او اشارات معينة.
الإكسبيرت بقى هو ملف بيتحط في مجلد Experts الموجود في مجلد برنامج المتاجرة بتاعك وبتشغله من الميتاتريدر نفسه بسحبه من الـNavigator--Expert Advisors إلى الشارت الخاص بالعملة المراد العمل عليها, وهو يقوم بنفسه بالكلام المذكور اعلاه ده ...اللي هو بيحلل الشارت ويشوف اشارات الدخول المبرمج عليها (طبعاً مختلقة من اكسبيرت لآخر) ويقوم بالمتاجرة بناءً عليها وانت قاعد مكانك مالكش دعوة بحاجة.

اتمنى اكون افادتك لكن نصيحة: لو لسه مبتدأ خليك بعيد عن الإكسبيرتات دلوقتي واتعلم شوية تحليل فني وكده.

بالتوفيق,,,

[yahia_arch25]

الف شكر على ردك واهتمامك بالموضوع بس لى كام سوال كده لو سمحت
لازم برنامج الميتا تريد ولا يمشى على اى برنامج تداول زى fxcm اللى انا شغال عليه
هل الاكسبيرت بيبقى حاسب نقاط الربح والخساره ولا انا اللى بدخلهم برده
هل وظيفه الاكسبيرت بتشغل بشكل الى حتى لو انا مش متصل بالبرنامج ولا يعنى لازم ادخل على البرنامج الاول وافعل وظيفه الاكسبيرت وانتظر اذا كان هتتحق استراتيجيته ولا لأ
وجزاك الله خيرا

[ahmedsabrybakry]

لازم يكون برنامج ميتاتريدر
حساب نقاط الربح بيحتلف من اكسبيرت لآخر ومعظمهم بيكوم بمتغير خارجي انت اللي بتتحكم فيه.
لازم يكون الإكسبيرت متصل بالبرنامج ولازم يكون البرنامج متصل بالنت لكي يعمل.

[yahia_arch25]

جزاك الله خيرا على اهتمامك