(((ورشة استراتيجية (طريقة الوافي) -رحمه الله- في المتاجرة)))

**falcon_1** · 07-03-2009, 03:38 PM

المشاركة الأصلية كتبت بواسطة golden2000

يا خوفي
بعد ما فرحنا بالورشة والفكرة ووجدنا بعض المنتسبين اليها
اصبح الحالها كباقي المواضيع في المنتدي
خبر كان
ياريت تعود الورشة مرة تاني وميكونش مصيرها الارشيف

وانا اضم صوتى لصوتك
لانى مقتنع تماما ان هذه الطريقة تناولت اكثر ادوات التحليل الفنى فعالية
ومتأكد تماما ان هناك الكثير من المتاجرين الناجحين يعملون بمثل هذا الاسلوب او ماشابه ويحققون ما شاء الله نتائج رائعة

بس المشكلة معايا انا شخصيا انى مابلحقش الفترة الاوروبية وده هاتلاقيه مع الكثير من الاخوة
لكن معاكم ان شاء الله على قد ماقدر
والله ولى التوفيق

**falcon_1** · 07-03-2009, 04:06 PM

المشاركة الأصلية كتبت بواسطة hala2244

أخواني الأحباب .
أريد أن أقترح اقتراح أتمنى أن ينال رضاكم واستحسانكم .
ما رأيكم لو تقموا بتطبيق هذه الاستراتيجيه بواسطة شرح بالفديو . والله يمكن يكون الأمر أسهل وأوضح على السائل والمسؤول . لأني والله الى الأن لم أستطيع تطبيقها جيدا وأجد صعوبه في دمج الشارتات ببعضها وعمل التشطيب النهائي عليها . قرأتها مرارا وتكرارا .. وحاولت تطبيقها نقطه نقطه على الشارت لكني لم أتمكن منها بعد . فأنا أتصور لو أنها شرحت عن طريق درس بالفديو وتطبيق عملي على الشارت قد يكون الأمر أوضح وأسهل . تماما مثل استراتيجية الترند المكسور . والله انها في البدايه كانت غير واضحه الى أن قام أحد الاخوه بعمل درس عملي عليها بالفديو ووضعها في المنتدى ... وبعدها ماشاء الله تبارك الله كم لاقت هذه الاستراتيجية من نجاح باهر .
هذا مجرد اقتراح . وأتمنى أن توافقوا عليه .
الشكر الجزيل لكم .

اذا سمح اساتذتنا اعلق تعليق بسيط
طبعا اقتراح الفيديو كبداية اقتراح زى الفل وزى احد الاخوة ماقال محتاجين متطوعين

انا عيز اقول بس انا كنت باعمل ايه لما اجى احلل بنفس الاسلوب يمكن يزيل الغموض ويسهل شوية فى عملية تشطيب الشارت
يفترض ان من ينوى التعامل على هذه الطريقة انه يجيد اساسياتها او على الاقل يعرف كيفية استخدامها ( ترندات _ دعوم ومقاومات _ فابيو _ قنوات _ ......الخ )
ولنفترض مثلا اننا سنعمل على زوج اليورو دولار

هانتفتح اربع شارتات لنفس الزوج
الاول على فريم الشهرى ونبدأ باستخراج ادواتنا عليه ترند , دعوم ومقاومات وفابيو .......الخ ثم نقوم بتدوين ماتم استخراجه فى ورقة
الثانى على فريم الاسبوعى ونتبع معه مثل ماسبق ونقوم بتدوين فى ورجة كما ندون على الشارت
الثالث على فريم اليومى وايضا كما سبق فى الاخرين
الرابع فريم الاربع ساعات وايضا كما سبق ونقوم بالتدوين

ثم نقوم بفتح شارت جديد خالص ونبدا بالاتى نفتحة على شارت الشهرى ونضع مااستخرجناه فى الشارت الاول الشهرى طبعا مع مراعاة ان النقاط البعيدة جدا عن السعر الحالى هى مش فى حساباتنا حاليا ..............وبعدين نفس الشارت نفتحه على فريم الاسبوعى ونضع عليه ماستخرجناه على الشارت الثانى الاسبوعى مع مراعاة ان النقطة التى تم تكرارها على االفريمين هانعتد بالفريم الاكبر اذا كانوا متقاربين ونركز عليها ....................وبعدين نفس الشارت نفتحه على فريم اليومى ونضع عليه ما استخرجناه على الفريم اليومى سابقا وايضا مع مراعاة نفس الملحوظة سابقا .........................وبعدين نفس الشارت نفتحه على فريم اربع ساعات ونتبع نفس الاسلوب

ده اذا كنا هانشتغل على فريم الاربع ساعات
اما اذا كنا هانشتغل على فريم الساعة يبقى هانعمل نفس الموضوع على فريم الساعة

مع الوضع فى الاعتبار طبعا جميع ملاحظات الوافى فى اختيار النقاط وان النقطة على الفريم الاكبر افضل من الفريم الاقل اذا تقاربوا من بعض
وكده هاتلاقى نفسك بتفلتر اكتر من فريم بنفس الاسلوب

لو بتاخد من 3 الى 5 دقايق فى الفريم الواحد النهاردة يعنى هاتحلل الزوج تحليل ماحصلش فى مدة لا تتجاوز 20 دقيقة ومع الوقت زى ماقال الوافى هاتلاقى نفسك بمجرد نظرة للشارت هاتعرف فين مستوياته

بعدين انصح بالعمل على زوجين او ثلاثة على الاكثر بمرور الايام هاتلاقى نفسك حافظ الارقام تمام زى ماانت حافظ رقم تليفونك مثلا

بعدين الاهم ايها الاخوة ان نضع فى الاعتبار اننا نعمل , بنشتغل يعنى فماتستخصرش شوية وقت صغيرين يريحوك فى الشغل بعد كده

فى النهاية ارجو انى ماكنش طولت عليكم بدون فايدة او صدعتكم على الفاضى

تحياتى للجميع

**hala2244** · 08-03-2009, 10:42 PM

المشاركة الأصلية كتبت بواسطة falcon_1

اذا سمح اساتذتنا اعلق تعليق بسيط

طبعا اقتراح الفيديو كبداية اقتراح زى الفل وزى احد الاخوة ماقال محتاجين متطوعين