الأكثر زيارة
رد مع اقتباس
عروض شركات الفوركس
 |  |  |  |  |  |  |
النتائج 1 إلى 13 من 13
الموضوع: معجزة – عودة صلاح الدين
- 30-01-2009, 12:03 AM #1
عضو نشيط
- تاريخ التسجيل
- May 2008
- الإقامة
- الأردن
- المشاركات
- 1,372
معجزة – عودة صلاح الدين
معجزة – عودة صلاح الدين
مصطفى الجزار
ملتقى رابطة الواحة الثقافية
في القرآن ربّك قال للناس: "ادعوني"
علشان هوا كريم وبيِدّي
وف رمضان الناس بتصلّي
تملا الجامع في التراويح
وإْمامهم يدعي ويعيّط
واللي وراه بيقولوا: "آمين"
عارفين كانوا بيدعوا بإيه؟
كانوا كل صلاه بيقولوا:
يا الله
رجّع لينا صلاح الدين...
يا الله
دا احنا بشوق مستنيّين
يا الله
لو جالنا هنقوم واقفين
يا الله
نمشى وراه ونكون طايعين
يا الله
و نحرّر أرض فلسطين
يا الله
بس ييجيلْنا صلاح الدين
يا الله...
*******
ربك دايماً..
ربّ قلوب
بيحبّ العبد اللي بيطلب
وامّا لقى الملايين بيقولوا
رجّع لينا صلاح الدين
سبحانُه.. حقّق رغبتهم
ولقينا الأرض بتنشقّ...!!!
قُدرة ربّك
مين هيكدّب ويقول: "لأ"؟!
ولقينا فارس من نور
وحصانه بيجري ويْدُور
وف إيده السيف المتعافي
استعجِبنا...!!!
وسألناه: "انت اسمك إيه؟!"
قال بالفُصحى:
أنا يا قومِ صلاحُ الدينْ
قد أحياني اللهُ القادرُ
حين دعوتم
أنْ يبعثَني اللهُ إليكم
ها أنا ذا
قد جئتُ إليكم
لكنْ نُبّئتُ بأخبارٍ عنكم سيّئةٍ للغاية
كيف رضيتم أن يُنتهَك الأقصى فيكم؟!
كيف سمحتم للأعداءِ بهذا الأمر؟!
كيف تركتم بيتَ المقدس؟!
كيف قَبِلْتُم عَيْشَ الذلّةِ بينَ الناسْ؟!
إنى مِتُّ وأرضُ القدسِ مُطهّرةٌ من كل خبيث
وتركتُ الأقصى من زمنٍ.. منصوراً.. مرفوعَ الراسْ
فتنازلتم أنتم عنه... للأنجاسْ!!
لكن... لا بأسَ... فقد عُدْتُ
وسنُرجِعُ جيشَ الإسلام
جيشٌ سوف يقودُ العالَم
أنتم.. جُنده..
هيا قوموا...
سوف نحاربُ.. حتى الموتْ
هل مِن أحدٍ يُبدي رأياً فيما قُلت؟"
*******
كل الناس كانت ف ذهول
م اللي بيحصل
واحد فيهم
اتقدّم لصلاح الدين
قال: "اسمحلي
إنت صلاح الدين وانا عارف
لكن آسف...
ما اقدرش أحارب ويّاك
أحسن أنا على وِشّ جواز
عايز اشوفلي يومين ف الدنيا
أبقى عريس..
أفرح واتمتّع و أهِيص
لكن حرب؟!!!
سلامُو عليكم... أنا مش فاضي"
*******
واحد تاني
قال: "اسمحلي يا عَمّ صلاح
إني ما اروحش الحرب معاك
عندي عيال عايز اربّيهُم
وانا غلبان
باقْطَع من جسمي وبادّيهُم
لو رُحت معاك -افرض يعنى-
مين هيأكّلهم مِن بَعدي؟
مين -لو رُحت معاك- يراعيهُم؟
أنا عارف.. ربنا موجود
هوا اللي بيرزُق... مش إحنا
بس انا خايف
والبَرَكه ف باقي الرجاله
هُمّا يسدّوا بدالي هناك
وانا هادعيلكُم كل صلاه"
*******
واحد تالت
قال: "انا تاجِر
عندي المصنع والدكّان
ومشاغِل أشكال والوان
أبقى عبيط لو سِبت مصالحي وْجيت ويّاك
لكن هابقى معاكو بقلبي
*******
واحد رابع...
واحد خامس...
سادس...
سابع...
عاشر...
ألف...
كل الناس قالوا: "آسْفين
رُوح وحدك يا صلاح الدين
أحسن إحنا مش فاضيين
لا لجيشك ولا لفلسطين
إيه يعنى أقصانا سجين؟
ما هو في السجن بَقَالُه سْنين
لو بالحرب هنُنصُر دِين...
يِبقى خلاص ما احناش عايزين
إحنا هنقعد منتظرين
وهندعيلَك بالملايين:
يا الله
إِبْعِد عنا صلاح الدين
يا الله
إحنا بحالنا كده راضيين..
يا الله...
*******
بعد ما قالوا كل كلامهم
بَصّ صلاح الدين بعينيه
مالقاش ولا واحد حواليه
يعمل إيه؟
الأرض انشقّت من تاني
علشان تاخدُه
مارضيش ينزل تحت الأرض
عايز يعمل حاجه ف بالُه
فوق "الأرض"
غَيَّر لِبْسُه
ولِبِس زيّ شباب القُدس
نفْس الشكل ونفْس اللون
كان متغاظ
من كل الناس اللي سابوه
جَمّع غِيظُه.. تحت هْدُومُه
ودخل وسط كلاب الأرض.. وفجَّر نفْسُه...
علشان يفضل
زي ما هوا... صلاح الدين
لكن ساب في القدس رساله
بيقول فيها
إنه حزين
علشان جيشُه ما كانش معاه
"جيش حِطّين"
و بيطلُب من كل الناس
اللي بيدْعُوا كل صلاه
لو طلبوه تاني ينصرهُم
لما يقولوا: "يا الله..
رجَّع لينا صلاح الدين"
لازم يدعوا كمان و يقولوا:
يا الله
عايزين جيشُه يكون ويّاه
علشان إحنا مش فاضيين
مش هَنْسِيب المال والجاه
مش هنسيب الدنيا الحلوه وْنِمشي وراه
يا الله...
مش عايزينُه ييجي لوحْدُه
لازم جِيشُه يكون ويّاه
لازم جِيشُه...
يكون...
ويّاه...
- 30-01-2009, 12:15 AM #2
عضو نشيط
- تاريخ التسجيل
- Feb 2008
- الإقامة
- بلاد الله الواسعة
- العمر
- 38
- المشاركات
- 2,862
رد: معجزة – عودة صلاح الدين
كلامك رائع
المشاركة الأصلية كتبت بواسطة وسيم العتيبي
- 30-01-2009, 03:18 AM #3
عضو نشيط
- تاريخ التسجيل
- May 2008
- الإقامة
- الأردن
- المشاركات
- 1,372
رد: معجزة – عودة صلاح الدين
حيا الله اخوي قدوري هذا ليس كلامي هذا كلام مصطفى الجزار المشاركة الأصلية كتبت بواسطة قدوري محمد
كلامك رائع
وشكرا لمرورك العطر.gif "Eh S(7)")
- 31-01-2009, 11:44 PM #4
عضو المتداول العربي
- تاريخ التسجيل
- Feb 2008
- المشاركات
- 340
رد: معجزة – عودة صلاح الدين
فعلا لازم الجيش
قائد من غير جيش يعمل ايه
لازم كلنا نكون حواليه
فدا الأرض
فدا العرض
فدا الدين
لازم كلنا نكون حواليه رجالة
فاهمة و واعية مش ناسيين
إن الأرض دى ارضنا
أرض جدودنا من سنين
أرض حارب عشانها عمر
و أبو عبيدة و خالد فى اليرموك
و عمرو معاهم مش ناسيين
دى ارضنا كلنا أرض كل المسلمين
مش وحدكم يا إخوانا فى فلسطينين
دى قضيتنا كلنا
دى مهمتنا كلنا
نحرر القدس من الملاعين
أنا جندى فى جيشك يا صلاح الدين
أنا معاك من يوم حطين
أنا وياك فى فلسطين
أنا حر و راسى مرفوعة
عمرى ما وطيت للخاينين
يا ريتك ترجع يا صلاح الدين
احنا هنا مستنيينآخر تعديل بواسطة محمدالمصرى ، 31-01-2009 الساعة 11:46 PM
- 01-02-2009, 01:48 AM #5
عضو نشيط
- تاريخ التسجيل
- May 2008
- الإقامة
- الأردن
- المشاركات
- 1,372
رد: معجزة – عودة صلاح الدين
الله يا محمد كلام رائع المشاركة الأصلية كتبت بواسطة محمدالمصرى
جزاك الله خيرا
- 01-02-2009, 03:42 PM #6
عضو المتداول العربي
- تاريخ التسجيل
- Nov 2008
- المشاركات
- 783
رد: معجزة – عودة صلاح الدين
شكرا لك
- 02-02-2009, 12:48 AM #7
عضو نشيط
- تاريخ التسجيل
- May 2008
- الإقامة
- الأردن
- المشاركات
- 1,372
رد: معجزة – عودة صلاح الدين
المشاركة الأصلية كتبت بواسطة Q8_FOREX
شكرا لكحياكم الله يا خوان وشكرا لمروركم العطر المشاركة الأصلية كتبت بواسطة rahhal
- 02-04-2009, 10:41 PM #8
عضو المتداول العربي
- تاريخ التسجيل
- Apr 2008
- الإقامة
- ليبيا
- المشاركات
- 58
رد: معجزة – عودة صلاح الدين
تسلم ياغالي
- 02-04-2009, 10:43 PM #9
عضو المتداول العربي
- تاريخ التسجيل
- Mar 2005
- المشاركات
- 34
رد: معجزة – عودة صلاح الدين
رائع يامحمد
- 02-04-2009, 11:08 PM #10
عضو المتداول العربي
- تاريخ التسجيل
- Mar 2008
- الإقامة
- الرياض
- المشاركات
- 387
رد: معجزة – عودة صلاح الدين
رحمة الله عليك يا صلاح الدين
يعطيك العافية اخ وسيم على النقل الجميل
و فعلا هذا واقعنا ندور على الدنيا
- 03-04-2009, 02:04 AM #11
عضو المتداول العربي
- تاريخ التسجيل
- Mar 2009
- الإقامة
- مصر
- المشاركات
- 906
رد: معجزة – عودة صلاح الدين
الله ينور بصيرتك
- 03-04-2009, 11:24 PM #12
عضو المتداول العربي
- تاريخ التسجيل
- Mar 2008
- الإقامة
- مصر
- المشاركات
- 271
رد: معجزة – عودة صلاح الدين
كما تكونوا يولى عليكم
لقد قتل فينا حكامنا ثقافة الجهاد والمقاومة
حسبنا الله ونعم الوكيل
ارتضينا الذل والقهر من حكامنا
وعذرنا اقبح من ذنبنا
وقد قال الله فى كتابه الكريم عن فرعون وقومه وحالهم مثل حال الكثير منا
( .. فاستخف قومه فأطاعوه إنهم كانوا قومآ فاسقين )
صدق الله العظبم
فرعون رمز الكفر والجبروت الذى أذل قومه واستعبدهم
لم يقل الله تعالى إنه كان فاسقآ
وإنما عاد باللائمة كلها على الشعوب المستذلة الصاغرة الراضية بحياة القهر
وهنا يحضرنى فيلم شئ من الخوف ..
عندما هبّ المستضعفون وخرجوا فى ثورة الكرامة يدآ واحدة
انهار امامهم عرش الطغيان
وأول من خذل الطاغية هم من كانوا حماته
إذا اردتم الحياة الآدمية الكريمة وليست حياة الأنعام
فعليكم ان تتغيروا وان تغيروا بأيديكم وليس بالدعاء فقط تتغير الأحوال
كم مليونآ من المسلمين يرفعون ايديهم ويبتهلون الى الله ان ينصرهم على عدوهم
الا توجد دعوة واحدة من بينهم مستجابة !! ؟
لكن الله يعلم مالا نعلم .. فنحن بأحوالنا لا نستحق نصرآ
ولن يغير الله مابنا حتى نغير ما بأنفسنا
ولو بحثتم فى تاريخ الشعوب شرقآ وغربآ لن تجدوا شعبآ حصل على حريته وكرامته وحقوقه دون جهاد وشهداء وتضحيات
فماذا نحن فاعلون ؟؟؟
هل سنورث لأولادنا حياة الذل والهزيمة التى نعيشها ؟؟؟
فلنبدأ بأنفسنا ..
ولنزرع فى نفوس ابنائنا ثقافة المقاومة والجهاد فى سبيل الله
وتأكدوا أنه سيخرج من بيننا الف صلاح الدين
وسيكون الجميع جندآ لايقلون عن صلاح الدين حبآ للموت فى سبيل الله
وقتها .. ووقتها فقط سنحرر أقصانا الحبيب
وسنحرر انفسنا من عبودية الدنيا ومن استخفاف حكامنا ومن بطش جندهم
وسيحكمنا من هم خيارنا وسيرحل من هم شرارنا
وقتها فقط نقول اننا احياء احرار
وقتها نقول اننا جند لا اله الا الله
- 04-04-2009, 04:13 AM #13
عضو المتداول العربي
- تاريخ التسجيل
- Aug 2008
- الإقامة
- مصر
- المشاركات
- 232
رد: معجزة – عودة صلاح الدين
السلام عليكم ورحمة الله وبركاته
قصيدة رائعة
مشكور
المواضيع المتشابهه
-
أسعار أف أكس سول مثل السلحفات (سلاح ذو حدين )
By EXPERTLIVE in forum سوق تداول العملات الأجنبية والسلع والنفط والمعادنمشاركات: 6آخر مشاركة: 31-03-2010, 03:10 AM -
ألوية الناصر صلاح الدين الأيوبي تشكّل جيش الاستشهاديّات
By asmaa2006 in forum استراحة اعضاء المتداول العربيمشاركات: 9آخر مشاركة: 22-07-2006, 12:03 AM
