الطريق الى النجاح

[أبومحمود]

تمام يا ابو محمود الله ينور عليك يا غالى

ومتفق معاك تمام بخصوص العمل على ايجاد عده اسباب لدخول الصفقة .. ومحاولة الربط بين الفريمات

تعدد الاسباب واشارات الدخول بتعمل كفلتر تمام قوى للفرص وبتزيد من نسبة نجاح الفرص اللى بيتم الدخول فيها .. ولكن يلزم طبعا التجانس بين تلك الادوات .. و الربط بين الفريمات بيحددلنا الاتجاه العام للعمله من ناحيه ومن ناحية اخرى بيساعد على اختبار نقطه دخول اكثر صحة ودقة

ومع ذلك ايضا الخبره والحس الفنى على الشارت بالاضافه للتحليل الاعتيادى بيفرق كتير

الف شكر يا غالى على فتح باب الحديث فى الموضوع .. جزاك الله كل خير

أهلاً بأستاذ التحليل ، صحيح تعد الأسباب مهم جداً لنجاح التاجر ، وبالممارسة المستمرة نكتسب الخبرة ، والعبارة باللون الأحمر دي لوحدها درس . تحياتي

[أبومحمود]

السلام عليكم ورحمة الله وبركاته
كلام جميل جدا جدا يا أبو محمود جزاك الله خيرا
ولكن لي تعليق على حاجه صغيرة



احنا مش طعم خالص لصناع السوق
لو جمعنا فلوس كل المتاجرين فى العالم بشركات الوساطه بتاعتهم الى بيشتغلهوا تبعها
مش هنقدر نحرك السوق لمدة 5 دقايق كاملين على بعض

احنا لا نمثل شئ بالنسبه لصناع السوق فى الفوركس
فصناع السوق فى سوق العملات يختلفوا كامل الاختلاف عن صناع السوق فى أسواق الأسهم

مش احنا الى هيشغلو بالهم بينا
فى ناس تقولك انا اخاف اقول طريقتى على المنتديات عشان صناع السوق ميعرفوهاش ويدخلو يضربوهالي
والله بزعل على العقليات دي


المهم
متشغلش بالك بالكلام ده
حلل واعمل الى عليك وتوكل على الله
وفي الأخر دى أرزاق لو ليك نصيب فيها هتاخدها مفيش نصيب أكيد خير برده

دى المشكله ياريت الناس تفهم ان الفوركس مش لعبة بتدخل تلعب وكل أما تتعلم أكتر ان انت تكسب ازاى فى اللعبة دى بتكسب أكتر

ده سوق يعنى تجارة يعنى مكسب وخسارة يعنى أرزاق والأرزاق بيد الله

تمام يامحمد لكن موضوع أن نكون فريسة لصناع السوق يمكن تعبيري فيها كان مش واضح كفاية ، أنا لا أقصد أن صناع السوق ممكن يغيروا الأتجاه لأجل حسابي وحسابك ، الذي أقصده أننا جزء من السوق وهو أشبه بالغابة وأي غلطة المستثمر ممكن يخسر الصفقة الحالية على الأقل ، وقد يكون هذا المستثمر بنك أو شركة أو غيره ولو تلاحظ حتى أن كثير جداً من البنوك تستثمر في مجالات عديدة إلا تجارة الفوركس نظراً لخطورتها عليهم فما بالك بخطورتها علينا . ومتفق معكم أنه علينا أن نكون كالصياد الذي جهز نفسه بكل مايلزم وأما الرزق فهو من عند الله . اسأل الله أن يرزقنا جميعاً خير الدنيا والآخرة . تحياتي

[أبومحمود]

أعجبتني هذه الجملة
فعلا َ لتكون متاجر ناجح
عليك بتمثيل دور الثعلب وهو يصطاد الدجاجة
أصلي وأصبر وأنقض على فريستك

شكرا لك ياغالي والحقيقة تعجبني مواضيعك ومشاركاتك ومؤشراتك

[أبومحمود]

كلام جميل فعلا
شكرا يا اخى على المعلومات والنصايح المفيدة دى

شكراً لمرورك ياغالي الموضوع حوار بيننا جميعاً أكثر من كونها نصائح . تحياتي