السلام عليكم ورحمة الله و بركاته
اولا لازم اشكر القائمين على هذا المنتدى و طبعا كل المشاركين اللى فادونى انا شخصيا وباذن الله يكون فى ميزان حسنات الجميع
فكرة هذا الموضوع هو محاوله منى لاخذ المشوره و التوجيه من اصحاب الخبره و ليس الهدف تقديم توصيات او ارشادات لانى مازلت مبتدئ فى مجال الفوركس
وباختصار تجربتى مع الفوركس بدأت من قبل رمضان الماضى بشهرين تقريبا والانترنت كان مصدرى الوحيد للتعلم و المنتدى هنا كان اشبه بالجامعه بالنسبه لى , و للاسف بعد ما قريت شويه و اشتغلت ديمو مش كتير و لاقيت نفسى بكسب فتحت حساب حقيقى و كسبت شويه و بعد كده خسرت
يعنى بالظبط زى ما الكتب بتقول فى اخطاء الفوركس
بس لميت نفسى تانى و كملت مذاكره و حاليا حاسس انى فاهم اكتر بس مش ناوى استعجل
علشان كده فاتح الموضوع ده علشان احط فيه تحليلاتى و اسمع منكم ارائكم و ارشادتكم قبل ما ابدأ تانى فى الحساب الحقيقى
باذن الله دلوقتى هنزل اول التحليلات و فى انتظار ارائكم