شوية نكت على الماشي ..

[اياد]

السلام عليكم و رحمة الله و بركاته ,,
كل ما اجمع 1000 نقطه ( ما شاء الله ) راح احطلكم كمشة نكت .
فادعولي اجيبهم بسرعه عشان احطلكم كمان ..
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ


زوجة صحيت من النوم في نص الليل، مالقيتش جوزها في الأوضة
خرجت تدور عليه لقيته في الصالة واقف قدام النتيجة الي ع الحيطة ببص في التاريخ وبيعيط
بتقول له مالك يا حبيبي فيه ايه ؟
قال لها فاكرة من خمسة وعشرين سنة لما باباكي اكتشف اللي بينا وقال لي لو ما اتجوزتهاش دلوقتي انا حادخلك السجن تاخد تأبيدة ؟؟
قالت له طبعا فاكرة ودي حاجة تتنسي ؟
قا لها وهو بيعيط أهو لو كنت اتسجنت، كان زماني اخدت افراج النهاردة

--------------------------
بيقولك مرة فار ماشى مع خطيبته فى الغابة وفجاة لاقى الاسد
فحب يعمل راجل قدام خطيبته فراح للاسد قاله: انت يا حيوان
الاسد رد قاله: انت بتشتمنى انا ؟؟
رد الفار وقاله: ايوة بقلك انت
و مشى الفار وراح وصل خطيبته لبيتها
وهو راجع قابله الاسد قالوا : انت كنت بتشتمنى انا يا فار؟؟
قالوا: لا والله دا انت ملك الغابة هو حد يقدر يشتمك؟؟
أنا بس كنت بعمل شويتين كدا قدام البت .. انا اسف وهات راسك ابوسها
طلع الفار على راسوا عشان يبوسها فلقى خطيبتوا معديه
فقال للاسد: ادوس على دماغك دلوقتى؟؟؟

--------------------------
فصل كله حولان بعيد عنكم
و كل واحد بيكتب في كشكول اللي جنبه
المدرسة قالتلهم اللي هايكتب في كشكوله هاديه شكولاتاية
واحد كتب في كشكوله فرحت بيه واديته الشكولاته قام حطها في بؤ اللي جنبه

--------------------------
واحدة زعلانة قوي من جوزها علشان شباك الحمام مكسور ومش راضي يصلحه
فبتقوله: يرضيك حد يشوفني وانا باستحمى؟؟
قالها ياستي اللي هايشوفك هايصلح الشباك بنفسه

--------------------------
في واحد قاعد في القطار سأل اللي جنبوا أنت بتشتغل إيه
قاله فناااان
قاله فنان يعني بتغني؟ قاله لأ
قاله بترسم؟ قاله لأ
قاله فنان إيه؟ قاله فناااااان .. بحط االعيش في الفنن
(( فن يا معنم ))
--------------------------
مره واحد بيحلف بالطلاق كتير
ابوه ضربه وقاله هاتحلف بالطلاق تاني ؟
!! قال له: عليا الطلاق منا حالف بالطلاق تاني

--------------------------
بيقولك مره واحد بخيل
ابنه: بابا انا عايز 50 قرش
أبوه: انت عايز 40 قرش هاتعمل ايه بال 30 ممعاييش غير ريال تاخد بريزه

--------------------------
مرة واحدة كل ماتشوف جوزها تقولوة ياعم روح هات
هات لنا مروحة هات لنا تلاجة هاتلنا غسالة هاتلناااا هاتلنااا هاتلناااااا
المهم قالها انتى ايه ياشيخة انتى مافيش مرة تقولى خد ؟
قالتلوة طيب خد التلفزيون صلحه

--------------------------
ابو العربى فى حرب اكتوبر راكب فلوكه فى القنال وبيحكى ويقول
لقيت فوقى واد طيار اسرائيلى اول ما شفنى حدف عليا صاروخ قمت زقيته
راح حادف واحد تانى وطيت راسى راح جاى فى الفلوكه
وقعت فى المية واتشعلقت فى خشبة وقعدت اجدف بيدى
حدف عليا صاروخ تانى قمت غاطس فى القنال
برده لقيته نازل بالطيارة عليا وقرب منى خالص وحدفلى سيجارة مارلبورو وقال لي .. جدع يلاااا

--------------------------
مره اتنين داخلين محل جزم هو ومراته
فقال لصاحب المحل هتلها جزمه زحافي قالتله لا بكعب
قالها لا زحافي قالتله لا بكعب
فصاحب المحل زهق منهم قال للراجل ياعم هاتلها بكعب هو انت اللي بتلبس
قالوا ياعم انت مالك هو انت اللي بتضّرب

--------------------------
مرة واحد اشترى غسالة فول أوتوماتيك
مراته عزمت الجيران علشان يشوفوها حطت في الغسالة 20 كيلو غسيل
والغسالة يا عيني بتاخد بس 7 كيلو بس
وشغلتها والجيران باركولها وعزمتهم على كباية شاي
وبعد شوية الغسالة بدأت تنشف الغسيل ومن كتر الحمل عليها قعدت تتحرك ناحية البلكونة
شفتها مرات صاحبنا قامت جريت عليها وقالت لها والله ماانت نشره الغسيل أنا اللي حنشره

ـــــــــــــــــــــــــــــــــــــــــــــــ
يا رب يكونوا عجبوكم و دعيتولي

[اياد]

الله اكبر يا جماعه 21 مشاهده و ولا واحد دعا دعوه !!!!!!!!!!!!!!!!!!!!!!!!!!!

صدقوني غير ابطل احطلكم نكت و غير اصير احمللكم افـــــــلام رعــــــــــــــب من اليوم و طالع ......

[بريق النور]

هههههههههههههههههههههه

لا حبيبنا أبداً ، يعطيك ألف عاافية

وإن شاء الله 1000 نقطة تكسبها اليوم ، وأنا كمان

بس مافي مانع لو حطيت أفلام رعب

تحيااتي

[عمر حلاق]

الله اكبر يا جماعه 21 مشاهده و ولا واحد دعا دعوه !!!!!!!!!!!!!!!!!!!!!!!!!!!

صدقوني غير ابطل احطلكم نكت و غير اصير احمللكم افـــــــلام رعــــــــــــــب من اليوم و طالع ......

الفوركس لحاله بكفي ، وتحط لنا رعب كماااااااااااااااااااان

[عثمان نشأت]

جدع يلا

[ابو رغدا]

ياسلام

ان شاء الله الف نقطه يوميا

وعليك النكت الف نكته يوميا

[العبد الفقير الى الله]

ايه الحلاوة ديه..... كل عام وانت بخير