فهمونا با اخوانا ايه الكلام دا

انا جديد فى الفوركس وبحاول اتابع عن طريق المنتدى الجميل دا
لكن بلاقى فى كلام الاخوه مصطلحات جامده عليا زى

"المؤشرات الاوليه"
"الصعود خلال الساعات المقبله"

"طبعا سيكون هناك هبوط كمركز دخول شرائي ولكن لننتظر الاغلاق حتى تتضح الصوره اكثر من اين يكون الدخول"

وببقى على راى المثل المصرى "زى الاطرش فى الزفه"

ايه هى المؤشرات دى
وازلى اعرف السعر هيطلع ولا هينزل ولو حتى بالتقريب

على فكره انا عندى اساسيات الفوركس يعنى بقالى مده حاول اقرأ واتابع بس لما شوف كلام زى دا بحس انى لسه فى نقطه الصفر

ارجو الله عندة توضيحات يفيدنا

معلش وحدة وحدة تتعلم لكن انا بسالك اولا انت تعلمت حاجة عن التحليل الفني؟

قريت كلام كتير عن الترندات والموجات والانعكاسات والشموع السوداء قصدى اليابانيه
بس برده الكلام لسه مش مهضوم جوا دماغى وحاسس انه كله مكلكع

اقتباس:

---

المشاركة الأصلية كتبت بواسطة amrhamdy

ه"



على فكره انا عندى اساسيات الفوركس يعنى بقالى مده حاول اقرأ واتابع بس لما شوف كلام زى دا بحس انى لسه فى نقطه الصفر

ارجو الله عندة توضيحات يفيدنا

---

الاساسيات الى عندك دى عبارة عن ايه
حاول تتعلم التحليل الفنى ده من اهم اساسيات التداول ولما تتعلمه اكيد هتعرف وتفهم حركه السوق بالاستناد للمؤشرات الاخرى
تقبل تحياتى

طب ليا سؤال
ازاى الواحد ممكن يحدد سعر الشراء والبيع

يعنى بلاقى ناس تقول ادخل اشترى عند 12.518
ليه ما قالش 12.520

اقتباس:

---

المشاركة الأصلية كتبت بواسطة fox 2000

الاساسيات الى عندك دى عبارة عن ايه
حاول تتعلم التحليل الفنى ده من اهم اساسيات التداول ولما تتعلمه اكيد هتعرف وتفهم حركه السوق بالاستناد للمؤشرات الاخرى
تقبل تحياتى

---

اتفضل اخى ده شرح وافى وكامل عن المؤشرات والتحليل الفنى

https://forum.arabictrader.com/t128.html
ولا تردد فى اى سؤال
تقبل ودى

اقتباس:

---

المشاركة الأصلية كتبت بواسطة amrhamdy

طب ليا سؤال
ازاى الواحد ممكن يحدد سعر الشراء والبيع

يعنى بلاقى ناس تقول ادخل اشترى عند 12.518
ليه ما قالش 12.520

---

تحديد مناطق البيع والشرا بيختلف من متاجر لاخر وبيختلف حسب طريقتنا اللى بنستخدمها فى المتاجرة
البعض يستخدم الدعوم والمقاومات كمناطق دخول وخروج لصفقته مناطق الدعم والمقاومة مثلا بنحددها عن طريق قمم وقيعان رسمها السعر والقمم هى اللى بتحدد النقطة اذا القاع عند 15 او عند 20 او عند 23
وكمان النقطة ده بيختلف فيها المتاجرين فيه البعض بيحب ياخد مستوى سعرى يعنى مثلا من 210.15 الى 210.35 ده منطقة سعرية يدخل فى اى نقطة بينها

والبعض الاخر يستخدم مثلا مستويات فيبوناتشى التصحيحية وهى اللى بتحدد النقطة للدخول وهكذا

تحديد نقطة الدخول بيعتمد على طريقتك الخاصة فى المتاجرة هى بتحددلك تدخل منين بالظبط...

اقتباس:

---

المشاركة الأصلية كتبت بواسطة Rona

تحديد مناطق البيع والشرا بيختلف من متاجر لاخر وبيختلف حسب طريقتنا اللى بنستخدمها فى المتاجرة

البعض يستخدم الدعوم والمقاومات كمناطق دخول وخروج لصفقته مناطق الدعم والمقاومة مثلا بنحددها عن طريق قمم وقيعان رسمها السعر والقمم هى اللى بتحدد النقطة اذا القاع عند 15 او عند 20 او عند 23
وكمان النقطة ده بيختلف فيها المتاجرين فيه البعض بيحب ياخد مستوى سعرى يعنى مثلا من 210.15 الى 210.35 ده منطقة سعرية يدخل فى اى نقطة بينها

والبعض الاخر يستخدم مثلا مستويات فيبوناتشى التصحيحية وهى اللى بتحدد النقطة للدخول وهكذا

تحديد نقطة الدخول بيعتمد على طريقتك الخاصة فى المتاجرة هى بتحددلك تدخل منين بالظبط...

---

يعنى المهم هو دراسه المؤشرات جيدا وكل واحد وحظه فى المؤشر بتاعه

اقتباس:

---

المشاركة الأصلية كتبت بواسطة amrhamdy

يعنى المهم هو دراسه المؤشرات جيدا وكل واحد وحظه فى المؤشر بتاعه

---

لا طبعا محدش قال كده :no3:

التحليل الفني مش كله مؤشرات ومش كل واحد وحظه كل واحد وعلمه وخبرته بيعرف يدخل امتى وفين

اهم شىء تستقر على طريقة مناسبة ليك كمتاجر وتقدر تحقق بيها ربح كويس والطريقة ده ممكن تكون استراتيجية ممكن تكون تحليل كلاسيكى بالترندات والدعوم والمقاومات وهكذا
طريقتك هى اللى بتحدد امتى هتاخد قرار الشرا وامتى هتاخد قرار البيع وفين هتحط الاوامر بالظبط
ده ملخص كلامى السابق ومذكرتش فيه أى حظ :asvc:

أولا : أدرس كويس ادوات التحليل الأساسية اللى هى لا غنى عنها ابدا مهما كانت طريقتك اللى هتشتغل بيها ان شاء الله وهى الترندات-الدعم والمقاومة-الشموع-الدايفرجنس -النماذج السعرية

ثانيا: حاول تختار استراتيجية او اسلوب عمل ناجح وحاول تتقنه كويس وتدرب عليه وتبدأ تطبقه وتشتغل بيه

وجودك فى السوق حتى لو بدون متاجرة بحساب حقيقى هيخليك تتعلم ويوم ورا يوم هتكتسب خبرات جديدة وهتتعرف على حاجات جديدة ...

ربنا يوفقك ان شاء الله

اقتباس:

---

المشاركة الأصلية كتبت بواسطة Rona

لا طبعا محدش قال كده :no3:

التحليل الفني مش كله مؤشرات ومش كل واحد وحظه كل واحد وعلمه وخبرته بيعرف يدخل امتى وفين

اهم شىء تستقر على طريقة مناسبة ليك كمتاجر وتقدر تحقق بيها ربح كويس والطريقة ده ممكن تكون استراتيجية ممكن تكون تحليل كلاسيكى بالترندات والدعوم والمقاومات وهكذا
طريقتك هى اللى بتحدد امتى هتاخد قرار الشرا وامتى هتاخد قرار البيع وفين هتحط الاوامر بالظبط
ده ملخص كلامى السابق ومذكرتش فيه أى حظ :asvc:

أولا : أدرس كويس ادوات التحليل الأساسية اللى هى لا غنى عنها ابدا مهما كانت طريقتك اللى هتشتغل بيها ان شاء الله وهى الترندات-الدعم والمقاومة-الشموع-الدايفرجنس -النماذج السعرية

ثانيا: حاول تختار استراتيجية او اسلوب عمل ناجح وحاول تتقنه كويس وتدرب عليه وتبدأ تطبقه وتشتغل بيه

وجودك فى السوق حتى لو بدون متاجرة بحساب حقيقى هيخليك تتعلم ويوم ورا يوم هتكتسب خبرات جديدة وهتتعرف على حاجات جديدة ...

ربنا يوفقك ان شاء الله

---

انا عارف انك مقولتش حظ وانا بس التعبير متظبطش معايا وقصدى متفهمش

انا قصدى ان المؤشر ممكن يكون مظبوط وممكن لا

وكمان انا لاحظت حاجه ارجو تصحيحها

لاحظت ان كل المؤشرات بتدينا حاله العمله ايه دلوقت
لكن مش بتدينا هتبقى ايه بعد نص ساعه مثلا وهو دا المهم

اقتباس:

---

المشاركة الأصلية كتبت بواسطة amrhamdy

انا عارف انك مقولتش حظ وانا بس التعبير متظبطش معايا وقصدى متفهمش

انا قصدى ان المؤشر ممكن يكون مظبوط وممكن لا

وكمان انا لاحظت حاجه ارجو تصحيحها

لاحظت ان كل المؤشرات بتدينا حاله العمله ايه دلوقت
لكن مش بتدينا هتبقى ايه بعد نص ساعه مثلا وهو دا المهم

---

يعني انت فاهم التحليل كويس

عايز تقول المؤشر هو اداة يستخدم للتنبية فقط

الموضوع اننا ساعات بنتابع المؤشر وبيكون مدينا اتجاه طالع وييجى الواحد يشترى يلاقى السعر نزل والعكس

المؤشرات نوعين

نوع يشتغل كويس اذا كان الترند قوي والنوع الثاني يشتغل كويس اذا كان الترند ضعيف

حدد نوع المؤشر الذي تستخدمة وقوة الترند قبل ما تدخل في صفقة

لن تبلغ المجد حتى تلعق الصبرا

لا تستعجل ,,,,,, أمامك مشوار من التعلم

بالتوفيق أخي

اقتباس:

---

المشاركة الأصلية كتبت بواسطة المغيري

المؤشرات نوعين

نوع يشتغل كويس اذا كان الترند قوي والنوع الثاني يشتغل كويس اذا كان الترند ضعيف

حدد نوع المؤشر الذي تستخدمة وقوة الترند قبل ما تدخل في صفقة

---

ممكن تقولى ايه المؤشرات بتاعه الترند القوى ومؤشرات الترند الضعيف